調色底霜 推薦好用產品

mandy好用推薦：SOFINA Ange Long Keep Base UV 控油持妝隔離底霜 SPF16 PA++ #Pink $99 from Watsons (購於再打88折之時) 控油持妝隔離底霜改版後共推出3色供選擇， 粉色可以均勻膚色，橙色可以提亮，綠色可以遮蓋面上泛紅，跟舊版一樣，3色皆具控油效果及少許防曬功效。本文使用的控油持妝隔離底霜是粉紅色，成分方面以保濕成分、防曬成分及控油成分為主。由於防曬功效只有SPF16 PA++，大家最好在上控油持妝隔離底霜前使用足夠的防曬產品。 控油持妝隔離底霜的質地是很流動的乳液狀，延展性極佳，可以輕易在全面均勻推開，並有效均勻膚色及帶少許提亮功效。使用控油持妝隔離底霜後，底妝的持久度提昇不少，午後也沒有溶妝，省卻不少補妝的時間及工夫。 以$99的happy price開架價位來說，控油持妝隔離底霜仲有3色供選擇，算是品質不錯，性價比高的隔離底霜，還有助持妝，實在很值得入手。 含保濕成分：矽靈, 硬脂酸, 氫氧化鋁 及 玻尿酸鈉 防曬成分：氧化鋅, 二氧化鈦 及 桂皮酸鹽 控油成分：矽石, 氫氧化鋁 及 滑石粉 鎮靜消炎成分：氯化鋅 及

Hellobeauty 好用推薦：好興奮試新產品,見到近期全新升級 SOFINA Ange 控油持妝隔離底霜有推廣優惠,加上@cosme 温馨推介,所以忍唔住買嚟試下 此產品出強調水感 X 控油 X 調色 水感方面-輕薄易推,沒有黏淋感,用力推都唔會起粒粒嘅狀態； 控油方面-夏天用控油產品係非常重要,但係好擔心會好乾,對比Primavista LONG-LASTING PRIMER UV, 今次用SOFINA Ange 控油持妝隔離底霜相對出色, 絕對冇呢個問題,完全唔乾,上面舒服,唔會太乾顯現皮膚紋路 調色方面-我用粉紅色色調,輕薄塗上已經有即時膚質提亮效果,提升氣息；另外呢隻粉紅色調跟其他粉紅色調primer不同,我覺得有一種粉紅珍珠色嘅感覺,效果靚 溫馨提示： 戶外使用時必須,額外加上防曬產品上妝,因為它防曬系數相對低,所以即使我當日唔上粉底液,只用它調色控油,我都會額外添加防曬產品; 因為質地相對水質重,感覺上要唧好多用,所以每次使用時,留意控制份量 最後,心思思嘅你可以值得一試

Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！

糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Chloeincosme好用推薦：呢排買左Sofina Primavista 持久控油調色底霜，唔知係咪因為買完用嘅時候皮膚狀況好差，用咗呢支底霜反而令皮膚睇落去更加差😂 我本身係乾皮膚，可能要等皮膚狀況好啲嘅時候再試真啲～ 🤍 調色效果：4/5 修正膚色能力唔錯，能均勻提亮 🤍質地： 2/5（對乾肌黎講） 偏流質既base，冇咩保濕力 🤍 控油力：4/5 明顯感受到控油效果，T位出油減少，但代價係雙頰更乾，甚至出現緊繃感～乾肌一定要做好保濕先用佢🥹 🤍 貼服度：2.5/5 （皮膚狀況差） 皮膚狀態差時使用，會卡皮屑同浮粉，妝感唔細緻，可能真係要皮膚穩定時先用得到～ 總結： Sofina呢支底霜似乎真係比較適合油肌或混合肌～乾肌同皮膚唔穩定時使用，反而會暴露更多問題～會等皮膚狀態好返再試，暫時唔會回購！建議乾肌朋友要一定要做足保濕打底先好用～ #火熱新品

Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦

Poyobb好用推薦：佢係三合一防曬隔離霜，有防曬SPF50/PA++++ 、base、調色效果。我係混合性皮膚，我唔鍾意分開用乳液、防曬、底霜疊加喺底妝，因為咁樣疊加多層一定爆粒粒，淨係買一支過嘅底霜。 如果買膚色嘅話，直接日常當底妝使用都OK。佢隻紫色好靚，可以做強嘅去黃效果。比其他開架牌子嘅紫色base，效果更自然。 我用佢再加Shu uemura既foundation，妝感貼服有光澤。持妝度好好👍🏻唔知點解佢用依支base係唔會令皮膚起暗粒，但佢嘅保濕度又幾好。即使粉底液用碎粉定妝後，都唔會令個皮膚底層乾燥💕

CC好用推薦：La Roche-Posay 作為敏感肌研究的專家，絕對是敏感肌救星之一！身為超級敏感混合油肌的我，當然要試試佢旗下的防曬啦～ 🛡️ 這支粉色 Tone Up 比綠色清爽版更好用！帶少少粉色調，可以即時提亮氣色，讓膚色更有光澤珠光感✨ 雖然網友常說清爽版比較適合油性肌，但實際用落我覺得 Tone Up 反而冇咁油，質地偏向水潤杰～ 質地方面，手上試塗左邊是 La Roche-Posay Tone Up，右邊是另一隻超出名防曬，可以明顯睇到 Tone Up 流動性較弱，呈現較濃稠的乳霜感。塗開後不算很油，但油性肌還是建議之後用碎粉定妝控油💨 兩支 La Roche-Posay 比較之下，這支 Tone Up 我會打 4分，同線的清爽型就 3.5分。 不過… 油性肌膚的朋友我絕對不建議購買這一支，用完一次已經決定不會回購了😕

楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶

Fng好用推薦：Bobbi Brown 蟲草抗氧修護精華底霜 ✨ 🌟 第一印象：養妝合一嘅貴婦級隔離 作為Bobbi Brown嘅皇牌產品，呢支「蟲草隔離」喺美妝界嘅口碑一直好高！🔥 磨砂玻璃瓶身配金屬按壓頭，拎上手已經覺得好高級～💎 官方定價約 HK$490-680 / 40ml（視乎版本），雖然唔算平，但網上唔少用家都話「貴買平用」，因為一支可以用好耐！ ✨ 質地與觸感：絲絨奶油，秒速吸收 一泵出嚟，係柔滑嘅乳液質地，帶有淡淡嘅象牙白色，仲有微微嘅珠光感～推開嘅瞬間，真係好似絲絨奶油咁融化喺皮膚上，延展性極高，一粒黃豆大小就夠搽勻全臉！🤍 最驚喜係佢嘅吸收速度超快，輕輕拍幾下就ok，表面完全唔黏笠，只留下一種水潤飽滿、柔嫩順滑嘅觸感。對於我哋呢啲怕油怕黏嘅混合肌，呢個質地真係一試愛上！ 🔬 成分核心：蟲草精華 x 三重水潤機制 呢支隔離嘅成分配置真係好有誠意！💪 佢嘅核心優勢在於「三重水潤機制」： 1. 即時補水：透明質酸鈉喺接觸肌膚時迅速吸水，令角質層快速飲飽水 2. 長效鎖水：神經酰胺NP構建脂質屏障，防止水分蒸發，實測4小時後兩頰仍保持濕潤感 3. 活性修護：凍乾蟲草提取物可促進表皮細

iliya 好用推薦：#火熱新品 Bobbi Brown新版蟲華抗氧修護精華底霜真係不得了❤️ 一支有齊multiple functions，集提亮、潤色、保濕仲有防曬於一身，SPF25 PA++足夠平日出街日常使用，而全新嘅玫瑰粉色色調修正膚色，有效去黃提亮，改善暗啞倦肌膚色，帶有微微粉嫩珠光嘅光澤感，提升紅潤感，肌膚即時煥然一新，充滿活力，而且兼顧化妝同時抗氧護膚，蘊含冬蟲夏草、植萃醣、紅海藻、甘草根及維他命E成份，扮靚靚都可以錫住啲皮膚，帶有微微嘅玫瑰香味，就keep住成日都有好心情啦，真係唔可以唔推介俾大家！！！💕🙌🏻 #火熱新品

Izeliv好用推薦：尚未流行調色就擁有的老員工, 質地較厚, 需要時間推開，調色效果好，有遮蓋毛孔的效果, 令後續粉底可以選相對輕薄的。唯獨防曬係數不夠高。

Kitty 好用推薦：Laneige紫色隔離霜，從舊包裝用到新包裝，差唔多用咗近十年啦～舊版質地比較厚身，新版就係乳液質地，對於乾性皮膚來講，滋潤度已經夠晒。我本身皮膚係混合偏乾，秋冬好多產品上妝會乾燥起皮屑，呢支真係一生極力推薦！👍 呢款隔離自帶防曬值，紫外線唔強嘅時候，搽完直接出街完全冇問題。夏天就要加多層防曬。我算係黃二白，平日出街防曬加Laneige紫隔離，再撲層碎粉，已經好足夠。唔知揀邊款調色隔離霜嘅姐妹們，可以試吓呢支～

Minnie Tse好用推薦：Primer 有淡淡花香🌸 已經有SPF50 ，質地較杰，但懶人又可以慳返一步 能令膚色有血色一點 配合YSL foundation / cushion 都可以

🌸好用推薦：我本身嘅皮膚都係偏乾嘅，呢隻調色底霜嘅保濕使得好好，用咗完全唔會有乾紋，淺紫色可以掩蓋偏黃嘅肌膚，妝感透薄自然。超級好用。

Ah223好用推薦：我最喜愛的Lightful C粉漾光透防曬底霜，混合偏乾性皮膚。由舊版用到新版，本身皮膚偏白，有時唔想化全妝既日子，齋用呢支底霜當防曬用，顏色揀左百搭既PEACH色 - 既可做底霜又可做防曬，LAVENDER色提亮暗黃更顯白。質地流動性高，容易推，能均勻塗上面，不會厚重。新版比舊版薄，新版比舊版更控油，之前用舊版超過六至八小時T字位開始出油，新版控油力能持續至卸妝，相當出色。 去旅行用呢支底霜，返香港都沒有一點點變黑，防曬系數SPF50+/PA+++很足夠。 唯一缺點，呢支底霜同某啲精華/妝前乳會打交有搓擦子膠碎情況！ 前後對比🆚圖： 1️⃣近排爆左三粒暗瘡，有暗瘡印，沒有使用任何濾鏡下，暗瘡印淡左 2️⃣面頰毛孔撫平左，皮膚滑左 3️⃣鼻翼位同虎紋位都提亮左 4️⃣色素亦可見淡左 5️⃣整塊面膚色明顯均勻 ————新版 🆚 舊版———— 質地 ⭐️⭐️⭐️ 🆚⭐️⭐️🌟 控油 ⭐️⭐️⭐️ 🆚⭐️⭐️ 遮瑕 ⭐️⭐️🌟 🆚⭐️⭐️⭐️ 氧化 ⭐️⭐️⭐️ 🆚⭐️⭐️🌟 (⭐️⭐️⭐️滿分，⭐️為1分，🌟為0.5分)

Kelly Wong好用推薦：《底妝篇》 今次介紹另一款MAC Lightful C 系列的妝前乳，全靠消委會報告，我留意到呢款妝前乳，主打「Tone-Up」效果，結合提亮、保濕與防護防曬功能。但最重要都係因為安全成份而吸引我入手！ 雖然見到以往評價一般，但係今次我買既係水漾蜜桃色，用後真係粉嫩粉嫩🌸完全無泛白問題，仲有香噴噴嘅花香味，讚👍🏻 妝效偏清透，不是強遮瑕，可配合遮瑕膏使用。保濕度足夠，能避免底妝卡粉。妝效都係持久不脫，回購項目之一，今個夏天靠你對抗紫外線喇！☀️

LenaC好用推薦：Visee 呢款肌底乳深得我心 在肌膚一抹 由白轉變粉紅色 皮膚瞬間充滿自然紅潤感 輕鬆打造透明感美肌 潤澤度：🌈🌈🌈🌈🌈 （添加 91%美容液成分 上粧同時滋潤肌膚） 延展度： 🌈🌈🌈🌈 （輕抹可塗勻全面） 透明感：🌈🌈🌈🌈🌈 （瞬間提亮肌膚 打造瑩亮美肌） 遮瑕度：🌈🌈🌈🌈🌈 （ 有效修飾毛孔） 持久度：🌈🌈🌈🌈🌈 (能夠吸附多餘油脂 維持長時間不易泛油光） 防曬度：🌈🌈🌈 （SPF30 保護肌膚不受紫外線傷害 冬天夠晒數） 重點：無添加香料 敏感肌適用❤️❤️ #派對完美底妝 #火熱新品

Verna好用推薦：這款妝前乳是白色的，很容易推開，推開後感覺都幾清爽，完全沒有黏笠感 戴了口罩後，我已經很少用粉底，但我仍然會用有修飾功效的primer打底。這款妝前乳搽上面後，皮膚明顯變得有光澤，而且有點紅潤感，毛孔也變得不明顯，所以我通常搽完它，再薄薄上一層碎粉，就出門口了 而且它有SPF30 PA++，如果不是有戶外活動，只是平日返工行街的話，我有時也會貪方便，只是搽它而不另外搽防曬乳 #火熱新品

Fng好用推薦：入手咗Visee TONE UP primer，佢有25 SPF ++防曬糸數，我用來作妝前打底。它控油功能幾好， 質感輕薄，適合混合性偏油肌使用，同埋 有效潤色肌膚，因為我膚色偏暗黃，以💜紫色底霜塗喺暗黃位置，用補色原理打造亮白， 增加肌膚剔透感， 但不會死白，可以同底妝容為一體，使後續妝容更完美貼合肌膚， 一take過有防曬控油 潤色功能，啱曬朝頭早 趕時間出門時使用😆，以開㗎品牌嚟講，各方面表現卓越，推薦👍🏻。

Mssi好用推薦：質地水潤清爽 唔會起擦膠碎 有提亮既功能 觸感不厚重 舒適 係提亮好物 #提亮

Emma W好用推薦：Visée底霜含有保濕成分，讓肌膚保持水潤，不容易形成卡粉狀，係一款不錯的妝前打底霜。搽後能夠均勻膚色，提供自然的妝感，讓肌膚看起來光滑無瑕。產品質地輕盈，不會感覺厚重，可以化個偽素顏妝容都可以。另外，搽後妝容持久，不易脫妝，能夠維持整天的清新感。

natanatalie好用推薦：年末又到了，又要忙於出席不同聖誕派對同聚會，一個持久嘅底妝真係好重要‼️ 最近試左呢支Visee底霜，值得推介俾大家。首先佢價錢唔貴，開架品牌有專櫃品質。😝 最中意佢可以調整膚色，可以解決到肌膚暗沉同泛紅肌膚煩惱，提升透明感同塑造比零毛孔光滑肌膚！🙆🏻‍♀️ 質地易推唔黐立立，亦唔會同之前嘅護膚品打架！用左佢再上粉底會更持久。有時唔化妝，就咁用佢都可以令氣色更好！❤️ 絕對係小資女歲末必備嘅化妝單品！🎈

natanatalie好用推薦： #火熱新品 營造日系乾淨俐落底妝的高性價比之選❣️ 本身屬於油性肌膚，外油內乾，一直好難揾到一支夠保濕又持妝嘅底霜。呢支RMK新出嘅自選水感透光潤色霜真係好驚喜，相信會成為大愛之物！❤️‍🔥 首先，佢價錢唔貴，只係$330就有25g，好多時仲會有唔少贈品。支裝唧出嚟可以用到最後，唔會好似pump裝咁嘥左啲。😍 質地好保濕，一啲都唔厚重，推開有幾好嘅調色效果，而且有一種好自然嘅光澤感。但睇落唔會令人覺得誇張出油，嗰種光澤感好靚好自然。☺️ 佢有SPF15，平時出街用都得。我通常就咁用佢，普通黑眼圈痘印都遮到七七八八，持妝力都算耐，9個鐘都不會甩不會溶。有時會叠加粉底，呢支調色霜嘅抓粉能力都不錯，而且佢唔會令膚色變暗，呢一點我好喜歡！😘

lingbb好用推薦：- 一直都想試cica降紅嘅調色霜，呢款算係medicube新品，就入手試試 - 外型四四方方細枝，好方便旅行同收納 - 長期泛紅嘅我有時遇到比較低遮瑕嘅粉底會遮唔到，會想配搭調色嘅綠色底霜睇吓會唔會遮到同埋更持久 - 質地係淡綠色，易推，上面就好似一層厚點嘅乳霜，有小小黏笠，但果種黏唔會有不適感，上面成塊面膚色已經均勻咗 ，有明顯提亮效果，暗瘡疤都淡左色，個泛紅位置明顯提亮同白咗 - 唯一美中不足係佢冇防曬，純粹幫你調色， - 使用後暫時未見泛紅位置有明顯改善，但用完皮膚冇咁易敏感不適 - 係皮膚敏感時趕出門嘅一枝急救調色霜，起碼唔會紅到嚇親人 - 推薦俾有降紅需要膚質

WENDY_0911好用推薦：易推開唔會起白痕、新起舊有痘印對於調色效果都遮到50%、控油能力唔錯唔會搞到d陰變barcode，美中不足係冇SPF防曬😥😥

msthea好用推薦：Laneige 防曬調色底霜 (綠色） 我平日喜歡薄薄一浸底妝就返工 唔鍾意太厚，或者嘥太多時間化妝 而且我塊面好容易生粒粒同泛紅 我覺呢個調色底霜就好啱我了我會集中搽係兩塊面，下巴同個鼻 咁樣成塊面就膚色均勻好多，又唔使太重太厚 都幾推薦俾喜歡輕妝的朋友

綺羅香好用推薦：一轉季皮膚泛紅得好緊要，上咗粉底都唔係太遮得住，千挑萬選呢支綠色調色隔離霜，價錢唔算貴易入手，有防曬系數，但所含嘅化學防曬成分唔係會污染海洋嗰種 乳霜質地無流動性，易推開同帶有濕潤感，綠色色調都幾飽和，用量唔駛多，係唔泛紅嘅皮膚上面推到最薄會睇到淡淡綠色，不過係泛紅肌膚上面就啱啱好，對毛孔有填充柔焦作用，毛孔唔粗大的話唔駛額外搽遮毛孔嘅底霜，上完隔離再上粉底無再透出紅色，持妝（搭Covermark 漢方粉底液）半日無爆痘，泛紅嚴重嘅可以考慮呢支隔離霜

TsuenMa好用推薦：Step 1 #妝前第一步 #提亮加防曬 Make up forever Step one Primer：UV protecter 可以好好咁幫你嘅肌膚打好底，做好妝前嘅功夫，為你後續上妝更加貼服，減少其他棘手嘅問題。 1️⃣產品質地：係乳白色偏流質嘅乳液，不過好易推開，同時亦都好容易被吸收，形成一個保護膜。 1️⃣主要功效：能夠提亮、做防曬，防曬係素有SP F50/PA+++，輕微嘅遮瑕度，可以稍稍覆蓋到面上的瑕疵，隱藏毛孔，一步做到焦柔嘅效果。 1️⃣產品設計：好簡潔易明，會將佢主要嘅功用寫喺產品嘅中間，如配搭唔同功用，唔同嘅色調，佢嘅樽身顏色都會有所不同，因其改變。 1️⃣用後感：好欣賞佢清爽嘅質地，一推開就可以好容易被皮膚吸收，同時間亦都可以修飾到毛孔，仲做埋防曬，可以話係懶人嘅福音。

wintonggg好用推薦：保濕度唔錯，唔會同粉底液打交，好帖服，同埋tune色都tune得好好

Clovercc好用推薦：帶有粉紅提亮調色功效的妝前底霜，質地輕薄水潤，很容易就能推開，可以提亮均勻膚色之餘，還會帶有點光澤感，令皮膚看上去有水光感。試過接住上妝都可以很貼，不會與粉底液打架。因為它防曬很高，有SPF50+ PA+++ ，有時不化妝，也會當防曬單用，有提亮效果，面色都會精神點！唯一壞處，是我眼睛比較敏感，如果塗得太接近眼周，我眼睛會覺得澀澀的，要避開使用。其餘都超好的～🍀

格仔餅公主好用推薦：質地好薄唔會笠，好有韓國水光肌嘅感覺，上面之後有滋潤感覺，之後嘅粉底容易上咗仲唔會咁易浮，呢排夏天用落感覺非常好，用完之後絕對會回購

Emily Leung好用推薦：IPSA藍色妝前乳測評 💙 今次要同大家分享嘅係IPSA調光底霜嘅藍色版本！用咗一排真心覺得係黃皮救星，特別係容易泛紅嘅肌膚～✨ ✨ 主要功效： · 專為中和泛紅同紅血絲設計 · 自帶SPF20 PA+++防曬 · 提亮膚色同時隱形毛孔 · 增強底妝貼服度同持久度 🧴 質地同使用感： 質地水潤輕薄，推開好順滑，唔會黏立立或者厚重。上臉之後有種自然嘅「補光」效果，特別係針對鼻翼同面頰嘅泛紅位置，真係可以即時睇到膚色均勻咗好多！ ✅ 適合邊類人用： · 黃皮但容易局部泛紅 · 有紅血絲或暗瘡印問題 · 想要自然提亮、唔想厚搽粉底 · 轉季皮膚唔穩定、易敏感泛紅 💄 我嘅用法心得： 1. 護膚後薄薄塗一層全臉，特別係泛紅位置可以少量疊加 2. 靜待30秒左右等佢貼合皮膚，再上粉底 3. 如果趕時間，可以直接當輕度CC霜用，加少少碎粉就已經有好氣色 🌟 整體評價： IPSA呢支藍調隔離真係做到「調色」嘅精髓，唔會死白亦唔會灰面，係一種好自然嘅透亮感。尤其適合日常想快速出門，但又想膚色睇落乾淨均勻嘅時候用！雖然防曬度數唔算好高，但做日常通勤都足夠，再加上後續粉底都唔會搓泥，真心推

mandy好用推薦：IPSA CONTROL BASE YELLOW 透光調色底霜（黃色） SPF25 PA++ $260/ 20g 功效：改善黑眼圈、雀斑、色斑 透光調色底霜（黃色）添加了一些美肌成分，包括: 保濕成分、防曬成分、抗衰老成分、控油成分及抗氧化等成分。 我本身面部膚色不均，面頰泛紅，其他部位暗啞及有黑眼圈， 而黃色的調色底霜確實可以幫助我的肌膚自然提亮。 IPSA的透光調色底霜質地水潤，延展性很好， 完妝效果也很貼服自然。 BA建議我用黃色隔離霜修飾黑眼圈， 輕輕點開在眼下肌膚，再均勻印開便可。 (圖3)效果是非常自然及明顯地中和眼下的黑色素， 使我後續也不太需要用遮瑕膏來遮蓋黑眼圈。 黃色隔離霜還可以均勻全面膚色， 很自然的提亮及修飾法令紋或細紋。 圖4則是配合全面使用不同色系的隔離霜： 黑眼圈--＞黃色 面頰--＞綠色 額頭、鼻、下巴--＞紫色 注：每款顏色的隔離霜都只需用少少便足夠。 調整好全面膚色後，面部就像變成一張空白的畫布， 之後再上底妝、眼妝、唇妝及胭脂等都可以更加得心應手 (例如：上胭脂時不會受到面上泛紅影響而令胭脂太濃烈或是 暗啞膚色經過教正提亮後肌膚完

Tszki好用推薦：質地水潤好推，能自然修正膚色而不顯厚重或泛白。質地水潤、好推勻且不黏膩，能讓後續上妝更服貼。 紫色款能有效去除黃氣提亮，綠色款則對修飾泛紅很有感。遮瑕度較一般，且部分膚質反應綠色款質地略微黏稠，建議局部點塗。

lucrezianoin好用推薦：一向對kate呢個牌子好有好感, 呢次都冇令我失望 :-) 價錢平不特止, 仲非常好用! 雖然質地比較傑, 但係都好容易推開, 同埋用好少份量已經可以搽勻全塊面! 遮瑕力都ok, 不過會偏乾少少.

chewyfruit好用推薦：呢個新出嘅蟲草隔離真係離譜過粉底液萬倍！！！ #火熱新品 Bobbi Brown呢次係咩黑科技嚟㗎？個冷白粉調色啱啱好，塊面啲血色不知不覺升咗幾級，暗沉同黃氣直接消失晒，連鼻翼泛紅都壓到實一實！對住塊鏡睇，成個感覺就係：『我啲皮膚本身係咁靚㗎～』 搽上臉嗰下仲癲，滑到好似絲綢咁，一撻落去就同塊面融合，完全冇嗰啲撻唔勻嘅斑駁尷尬！我塊面乾到似沙漠，轉季仲要脫皮，點知一搽佢即刻滋潤到飛起，之後再上粉底零卡粉！果然加咗蟲草精華，敏感肌都安心用。 最正係朝早趕返工，搽完連防曬都慳返——SPF20 PA++，日常返工出街夠晒用，唔使再疊防曬搞到搓泥！早啲出呢隻色嘛！今次真係比佢嗰種自然透光感食到應一應！！