奶油肌 推薦好用產品

Miranda好用推薦：【質感】 呢款粉底霜嘅質地好特別，望落係厚身嘅乳霜狀，但推開嗰下竟然輕盈到好似精華液咁順滑。佢嘅粉體極度幼細，延展性非常好，一粒黃豆大小已經夠搽全面。上面之後唔會覺得焗促或者厚重，反而有一種好舒適嘅絲滑感。最加分嘅係佢加入咗鑽光技術同保濕成分，上面之後會散發出好自然嘅光澤，唔係油光，而係好似皮膚由內而外透出嚟嘅健康光采。就算乾肌用，都唔會卡粉或者顯乾紋。 【使用感】 使用感方面，呢款粉底霜真係懶人恩物。我會先做好基本保濕，然後用手指或者粉底掃薄薄上一層。佢好易推勻，完全唔需要技巧，就算係化妝新手都搞掂。遮瑕度屬於中度偏高，基本嘅泛紅、暗瘡印同毛孔都可以遮到七八成，但又唔會厚粉。最驚喜嘅係佢嘅「鑽光」效果，望落塊面好飽滿、好有立體感，但又唔會誇張到反光。佢嘅色號選擇都幾多，容易揀到貼近自己膚色嘅色號。全日用落皮膚都覺得好舒服，冇繃緊或者焗住嘅感覺，仲有少少護膚嘅滋潤感。 【持久度】 持久度係呢款粉底霜嘅強項之一。朝早八點化好妝，到晏晝三四點，T字位只有輕微光澤，完全唔會溶妝或者浮粉。到夜晚八九點收工，整體妝容依然完整，鼻翼兩邊冇卡粉，眼紋亦冇現形。最加分嘅係佢唔會氧化變暗，全日都保持到

Lydia好用推薦：Product: Cle de Peau Radiant Cream Foundation 色號: 10 呢支粉底已經回購兩次, 係我每次去日本旅行嘅時候都會喺專櫃買嘅日本版。 顏色同質地：10色號好貼我本身膚色，上面之後個質地冇得輸 感覺好似絲緞咁幼滑，好容易就推得勻，完全唔會有厚重或者黐立立嘅感覺。偏向滋潤質地，搽完上面有水潤感，對油肌人嚟講冬天會更好用。 妝感效果：佢最吸引我嘅地方 就係嗰種高級嘅「奶油肌」光澤感。唔係油光滿面嗰種，而係好似皮膚自己透出嚟嘅自然光澤，睇落個人嘅膚質好似好好咁，有貴氣感。 持妝情況：我自己係油性皮膚，坦白講如果喺夏天或者天氣熱嘅時候用，佢嘅控油能力對我嚟講唔算好夠。大約帶妝5-6個鐘之後就會開始有啲溶油，需要補妝。不過天氣涼啲好似而家秋冬天咁，呢個問題就會冇咁明顯，可以保持得好好。 總結心得：雖然控油表現對我嚟講唔算完美，但因為實在太鍾意佢嗰種高級、自然奶油肌嘅妝感，我依然keep住用佢。我通常會喺天氣冇咁熱、或者需要出席重要場合、想皮膚睇落有貴價質感嘅時候揀佢。對我嚟講，呢支係一支可以提升整體妝容質感嘅粉底，每次用佢都覺得自己嘅妝特

Poyobb好用推薦：鑽光粉底液樽身好有貴婦品牌嘅設計design。金色配深藍色，質地好grand。 質地好薄，延展性高，用粉底掃容易拖開。 我落一泵半粉底液用M.A.C平頭掃，拖出黎超薄，保濕度依然足夠。只用Cpb 啞光base打底，皮膚都唔會乾燥。 同網上流傳嘅一樣，妝感就如媽生皮膚，好似第二層皮膚一樣😍非常透薄，散發住底層自身光澤 冇乜遮瑕度，持久度一般。我（混合皮，少少痘印）用@cosme買既Chacott Matt 有顏色loose powder定妝先keep到4-5hrs。 如想keep返咁底妝透過質感，唔建議用有色loose powder，會令到個妝粗糙咗，曬咗咁靚既底妝。建議用返類似muf 較為輕身/透明loose powder，或者淨係噴setting spray😊 天生冇瑕疵既膚質，乾肌至中性肌啱用鑽光版。 夏天我會試埋啞光版。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

Sanna Cher好用推薦：使用產品240色號，左面是用手簡單抹塗的效果，右面是未使用的妝效。質地方面是有流動性但不至於超輕薄，未抹塗前，會覺得是中規中矩的粉底液。使用一字掃延伸，見整個皮膚色調有被提亮，有透明感和均勻膚色，是真的非常適合日系的妝容。完妝的照片

Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Noel好用推薦：乾性肌膚的偽素顏好拍檔：YSL All in one 粉底❗由於不少歐美 YouTuber 都有推介過這一款粉底，而且大部份都屬於乾肌，加上YSL 亦大力宣傳粉底有多水潤 (MADE WITH 70% WATER AND HYDRATING AGENTS.)令我不自覺被燒到了🔥 個人入手的色號係 #B30 Almond，淺膚色帶 yellow undertone ，這個系列的色號名稱都較深色啊！B50 已經是 Honey 😂 產品包裝比較簡約，膠管泵裝，方便衞生；不過快要用完，剪開這個管，用手指取出 foundation 較麻煩。 產品係 cream狀，沒有流動性，就像 BB Cream 的質地。不過，這枝 All in one 推開很容易，具有超高的延展性👍塗到面上，感覺好滋潤同時又 lightweight，算係個人用過最舒服➕0負擔的粉底❣這枝帶有優雅的花香，好喜歡💕 使用時，不用特別留意防曬 / 妝前產品的配搭，方便❗乾肌而言，全年可用，冬天會尤其感到讚嘆！ 妝效方面，妝容非常自然，清透底妝 No.1❗光澤感亦高，對於喜歡奶油肌既朋友，可以一試。不過，產品只有很低遮瑕力，約3

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購

wintonggg好用推薦：還可以，粉質都幾滋潤，好帖服，不過個設計唔太好，要用手/刮刀整粉底液出來有D唔衛生，同埋都有D浮粉

Kura好用推薦：我好鍾意呢一款粉底液，之前去專櫃試色同埋試上臉真係超水潤超貼服，就算我戴口罩好熱都冇脫妝，值得回購嘅粉底液 ，我用嘅顏色係1N00 #火熱新品 #火熱新品 @cosme

zetalhc好用推薦：妝感做到柔霧嘅效果，上妝都好貼服，遮瑕力都唔錯，但係油性皮膚大概半日之後就會開始脫妝

Poyobb好用推薦：佢係好厚身嘅粉底膏，好耐之前嘅Canmake粉底膏差唔多，再乾身少少🤏🏻 01色號，自然偏白。質地貼服，好似cream咁，啱啱搽上面嘅時候會有啲偏白，之後會同皮膚融合變返自然。用嘅時候要拎氣墊粉撲拍上面逐少逐少拍上面。唔可以拖，拖會拖甩個底妝，遮瑕力超級好，大部份痘印、瑕疵都遮得晒。 粉底膏入邊有閃粉，可以提亮效果，用完敷感都舒服，唔會覺得好焗皮膚。但香港用嘅話要做好定妝，控油。另外香港夏天室外唔建議使用，一定會溶晒，可能上台or去晚宴嘅妝容用佢比較好。

Yty好用推薦：粉底霜我用00色，適合皮膚比較白的，遮瑕到中等可以疊加上去，秋冬天持久度朝早到傍晚可以不用補妝，適合冬天天氣用，夏天要配搭控油底霜，整體效果不錯，可以配搭海綿或者粉底掃上，通常建議用海綿長比較方便快捷

wcm好用推薦： 自己冬天乾性夏天中至油性，但這支粉底液意外地好用！質地流動性高，延展性佳，手指亦能輕鬆推勻。妝感是自然微光的水潤肌，遮瑕度中等（泛紅可蓋7成，深痘印需疊加），但勝在完全不厚重，多次疊擦也不卡粉！ 搭配技巧上，單用對油肌持妝力稍弱，但「碎粉（我用Innisfree無油薄荷）+定妝噴霧（推薦NYX霧面款）」後，持妝度超級好！整體不斑駁，且出油後轉為奶油肌，暗沉不明顯（約半個色階）。 缺點是控油力普通，大油肌夏天可能需每3-4小時補壓碎粉，冬天就100 分！但以開架價位來說，性價比超高，適合追求自然妝感、不愛厚重粉底的混合肌～

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Sanna Cher好用推薦：所用的產品是濾鏡大師柔光美肌粉底液的3K2色號，明亮度跟原生膚色相若，但顏色較為中性。粉色液為乳霜質地，利用化妝掃塗擦後，見粉底液跟肌膚完全融合，幾乎看不見痕跡。使用妝前乳後，上粉底的妝前效果。塗上粉底液後膚色均勻，明顯提亮膚色，粉底液非常貼服，亦有修飾毛孔的效果，上妝感強。完妝照片，見粉底液適合搭配自然和強烈的妝容。

Kura好用推薦：呢款粉底液嘅遮瑕度好高，我用嘅顏色係110，我覺得用完妝感好好，顏色非常適合我，顯白，皮膚有光澤，妝感貼服 #火熱新品 #火熱新品

Fng好用推薦：Armani Crema Nera 極致再生雙效精華粉底液 ✨ 核心特色 · 頂級護膚成分：蘊含黑曜石再生精萃，帶護膚功效 · 光澤妝效：呈現絲緞光澤，非油亮感 ✨ 混合肌實測體驗 ✅保濕度：精華端極度潤澤，兩頰乾燥處完美貼妝 ✅持妝力：T字部位約4小時後需補妝，但不會斑駁 ✅妝感：天生好皮光澤，遮瑕度中上，可疊加 ✅養膚效果：卸妝後膚況確實明亮，不暗沉 ✨ 香港天氣適應度 🌤濕熱天：需搭配定妝噴霧及蜜粉 ❄冷氣房：保濕力足夠，不緊繃 💧持妝度：出汗時會輕微溶妝，但不會滿臉油光 ✨ 上妝技巧 1. 混合肌分區處理：T字位單用粉底，兩頰混合精華 2. 工具選擇：粉底刷妝感較薄透，美妝蛋更服貼 3. 定妝關鍵：蜜粉局部定妝即可，保留光澤度 ✨ 同級對手比較 VSLa Mer 粉底液：La Mer較厚重，Armani更輕透 VSCPB 精質粉霜：CPB遮瑕較高，Armani光澤更美 VSChanel 奢華粉底：Chanel較霧面，Armani保濕勝 ✨ 優缺點分析 👍優點：養膚效果明顯、光澤高級、不暗沉 👎缺點：價格高、控油力普通、防曬系數低 ✨ 適合sis · 乾肌至混合

Chloeincosme好用推薦：Rmk係乾肌愛牌（佢用佢一罐罐果款😍），只係以前唔識野以為易溶妝買油肌粉底實冇死😂所以就買左呢支唔太岩我呢種極乾肌既rmk gel cream 粉底霜🥲 質地呈gel cream狀，容易推開，上面後帶清爽感，即刻保濕做好，都一定要快手推開，否則會乾到一撻撻🥶😥～ 🤍 遮瑕力：4/ 5 臉上色斑用後遮到7-8 成，毛孔修飾得幾好！～ 🤍 貼服度：4.5/5 做好保濕的話上妝會貼服，同皮膚融合得好！ 🤍 控油持妝：4.5/5 控油力唔錯！清爽質地，我乾肌用好快有種皮膚拉扯感… 相信比較適合油性同混合肌😂 Tips: 建議分區上妝，逐少推開拍勻！～ 總結： 呢支粉底最尾比左油肌既細妹，佢大讚🤣相信呢支粉底係油肌同混合肌嘅好拍檔？ 記得乾肌要慎選！

JuneL好用推薦：這支粉底質地呈gel cream 狀,容易推開，而且塗上面後會帶清爽感，不會帶有油潤情況，所以上面後需快手推開後用粉撲拍勻，不然會乾掉，遮瑕效果不錯，我臉上色斑用後也遮掉了9成，效果不錯，粉戌貼服度不錯。 另外由於質地屬清爽方面，油性或混合肌會較合使用，用後不易出油，令妝容整天不易脫妝。

Tobimak好用推薦：我呢支Prada粉底液的色號是LC5，是比較白的冷色號。我認為呢支粉底液適合一啲皮膚好，而且只是有點膚色不均勻的女生用，如果你係皮膚本身好嘅話佢會令你望落變成完美！！！因為佢真係好貼薄，化左好似冇化咁，能告別油漉厚重的面具感。不過遮瑕度唔高，瑕疵皮的女生就未必適合了。 而且用呢啲粉底液嘅時候係可以唔使做定妝，即係又可以搽少樣嘢上塊面度，好適合夏天使用😗。另外佢有防曬SPF 17/PA+++，有需要的話可以自己用防曬打左底先。同埋佢有護膚功效㗎，皮膚會越用越靚🤭 PS:佢樽身真係勁靚！連個蓋都刻有PRADA logo，用起上嚟儀式感滿滿的❤️

Amyloid Li好用推薦：我認為質地方面比較偏乾，裝前要做好保濕先唔會卡粉，顏色方面係比較偏粉色

kylie好用推薦： Decorté 粉底液可以做到成膜既效果，令佢十分乾爽，持妝效果都十分良好！夏天時使用都完全可以維持到晚上，會變奶油肌既狀態，冬天使用都唔會乾，持妝效果更好。而且質地很透薄，遮瑕力都足夠，但有暗瘡時不太能夠遮蓋。 #我的最愛粉底液

choichoi好用推薦：我在拿到試用後發現ok才再購入😝出來是透亮透薄的妝感，暫時打進完美底妝榜中的粉底，穿帶口罩也不會脫妝或斑駁，而它對於毛孔及瑕疵的遮蓋效果也很卓越❤️ #火熱新品

choichoi好用推薦：開架品牌來說，質素不錯，或許始終是KOSE副線的原因吧～適合瑕疵較少的朋友使用，因其遮瑕度屬普通

Tsyyy好用推薦：套裝幾抵買 送左枝primer 裝感一般 係性價比ok

Noel好用推薦：IPSA這款粉底，質感似霜狀，偏硬，上妝有點困難... 個人是大乾肌，用它之前要很注重補濕，不然會容易甩皮＋出紋。只要使用這款粉底前，先用水份底霜，或補水形防曬，上妝效果會很不錯。毛孔變得不易見，同時有自然光澤感❣沒有很推薦的原因係價格偏高，同時使用上有很多地方要注意，不適合我的皮膚及 life style ... *只用了試用品三天，寫寫淺層的體驗。

LorraineTsung好用推薦：不太推薦呢款粉霜🙅🏻‍♀️ 一出既時候已經買左黎用 Keep住用左2個星期多啲 但每次用都會起皮/卡粉/浮粉/唔貼面 試過用唔同既妝前/蜜粉，但效果都係差唔多 而且價錢亦都唔平🙊(性價比唔算太高） 不過套裝入面既掃都真係好用👍🏻 同埋用呢款粉底只需要小小就已經夠搽晒全面 遮瑕度亦都算高既一款

missp好用推薦：用落幾有光澤感，都夠保濕同滋潤，唔會起乾紋，都夠持久👍🏻 但略嫌厚左少少，搽完會feel 到塊面有啲野，我覺得唔夠貼🙈 可能用beauty blender上會好啲🤔