ALBION 好用推薦產品
ALBION 推薦產品一覽 208 件
ying好用推薦：✨ ALBION 健康化妝水 SKIN CONDITIONER ESSENTIAL 日本國民化妝水・每10秒賣出一支 濕敷之神・皮膚穩定神器 ✅ 濕敷之神 呢個係ALBION健康水最出名嘅用法！ 用化妝棉濕敷3-5分鐘， 皮膚即刻： ▸ 退紅、鎮靜 ▸ 保濕水潤 ▸ 毛孔變細 ▸ 暗瘡/暗粒會「謝」咗 好多用家分享： 「用完之後暗瘡明顯退紅，連續用兩三日仲可以令到暗瘡消退」 ✅ 皮膚穩定神器 健康水最大嘅價值係「穩定」。 皮膚狀態唔好嘅時候， 泛紅、敏感、出油、暗粒… 濕敷幾日， 皮膚會慢慢穩定返。 有啲用家描述得好貼切： 「係我肌膚嘅『情緒安定劑』」 ✅ 透明感增加 長期用嘅話， 皮膚會： ▸ 冇咁暗沉 ▸ 有自然光澤 ▸ 由內而外透亮 ▸ 毛孔都變得更清透 呢個就係六大功效入面嘅「澄淨透亮」。 ✅ 質地清爽 乳白色水狀質地（係獨家乳化技術做成）， 清爽唔笠， 用完冰冰涼涼， 夏天用好舒服。 ✅ 可配合「先乳後水」 ALBION獨家嘅護膚順序： 先搽滲透乳 → 再拍健康水 咁樣用效果更好， 皮膚更保濕、更透亮。 🌟 我嘅總結 ALBION 健康化妝水（健水）
<看全文>Sarah好用推薦：ALBION 健康水係我用過的Albion第一個產品 質地：完全唔係果種黏笠笠嘅化妝水，係清爽嘅水狀，倒落化妝棉上一推就吸收，唔會留低一層油光，夏天用都零負擔。 氣味：有種獨特嘅「藥草味」，帶點薏仁同薄荷嘅清涼感，一敷落面，涼涼地嘅，晒後或皮膚泛紅時用，即刻有種被鎮靜咗嘅感覺，好療癒 但有人會覺得係酒精味？我個人就還好 親身實測先乳後水真的好用 尤其冬天 先用滲透乳擠在化妝棉輕輕擦面，再用健康水浸濕化妝棉輕拍全臉。 用咗一排，最明顯係出油量減少，T位唔會一到晏就油光滿面，毛孔睇落都收斂咗，而且冬天乾紋都隱身！！！ 如果生痘痘我會選急救濕敷法 生理期前爆暗瘡、熬夜後泛紅、或者晒完面火辣辣，用浸滿健康水嘅棉片敷3-5分鐘， 暗瘡位第二日腫脹感會退好多，收口快咗唔會留印 呢個真係急救神器！ 膚質穩定度：以前生理期必爆嘅閉口同暗瘡，而家明顯少咗好多，皮膚唔再話時時鬧脾氣 出油與毛孔：毛孔睇落都唔再咁粗，皮膚變得滑溜咗。 膚色提亮：暗沉嘅膚色有改善，皮膚睇落更通透，唔再係死氣沉沉嘅蠟黃感。 會一直回購！
<看全文>
royu3好用推薦：入秋後皮膚太乾，兩邊面頰有點輕微泛紅，於是趁sogo減價購入了這set 乳液和化妝水，效果很理想💯 這系列Albion 的其中一個特色是先乳後水，於潔面後先以棉花沾取乳液（按壓三次），再均勻塗抹於臉上。 有非常清淡的果香。質感較像乳霜，很軟滑，沒有流動性。滋潤但一點也不油，而且很易被吸收！配合同系列化妝水，使用後隔天皮膚即時變得柔軟！ 而且加入各種美容及高效抗老性份如蜂王漿萃取精華及高機能胜肽，可促進膠原蛋白及玻尿酸的生成。滋潤肌膚之餘，亦有效令肌膚更緊緻👍🏻 用了兩星期左右，感覺肌膚沒有之前繃緊，而且看上去多了一份健康的潤澤感🌟非常出色，會再回購！
<看全文>Ning好用推薦：以前覺得質地比較笠，但後來櫃檯小姐告訴我必須配合化妝綿按摩使用，我試了這方法發現用後感舒服很多，吸收得很快也沒有笠的感覺了。滋潤、緊致、回復彈性的功能都有，而且用完皮膚即時白了一點，挺好用的。
<看全文>
Sarah好用推薦：本來以為滲透乳只係健康水嘅「配套」，諗住隨便用下就算，點知用落真係有驚喜，而家已經變成我護膚步驟入面冇佢唔得嘅一part！！ 質地&使用感 個泵頭設計好方便，一泵就夠成面用量，唔會倒到周圍都係。 我每次用兩到三泵 質地係輕柔嘅乳白色乳液，推開係水潤潤嘅感覺，完全唔笠唔油，油皮夏天用都零負擔，乾皮冬天用都唔會覺得唔夠潤。 我係跟住官方「先乳後水」用法，潔面後用化妝棉搽，搽完個面即刻軟晒，摸落滑溜溜，之後用健康水吸收得快好多！！ 以前生理期前必爆閉口同暗瘡，而家明顯少咗好多，皮膚唔再話時時泛紅、敏感，就算熬夜都唔會成面油光兼暗沉。 而且膚色真係有提亮！ 本來冇對美白效果抱太大期望，點知堅持用落，面黃氣真係淡咗，成個人睇落精神好多，而且係果種由底層透出嚟嘅光澤，唔係假白。 就真系好似水光肌！ 冬天我早晚都會用，夏天我只係夜晚用！
<看全文>Yin_sharing好用推薦：我用咗旅行試用套裝，第一步用滲透乳會感覺油份有啲重，但按摩係皮膚嘅感覺十分舒服，有軟化到皮膚死皮，滋潤效果唔錯👍🏻 不過之後真係最好跟佢建議用返化妝水印按，帶走多餘油份，個水油平衡效果會好好多，如果單用佢對我皮膚會太油。
<看全文>
Kitty 好用推薦：我係混合偏乾，T字位成日出油但面頰成日覺得繃緊，下巴仲不時生啲摸得到睇唔到嘅暗粒，膚色好易暗沉，一唔夠瞓直頭灰灰黃黃咁。 呢款白神水嘅質地係界乎水同精華之間，有少少濃稠但流動性好高。我通常洗完面之後，倒大概一個五蚊銀大小喺掌心，輕手拍上全面。佢嘅滲透力真係勁到有啲嚇親，幾乎一拍就嗖一聲食晒落皮膚度，完全唔會黐笠笠。 即時效果已經令我哇一聲，塊面摸落超柔軟，好似飲飽水咁漲卜卜。連續早晚用咗大約十日到，有一朝起身照鏡，突然覺得點解塊面冇平時嗰種灰灰暗暗嘅感覺？終於明咩叫瞓飽覺嘅樣！最令我驚喜嘅係，佢真係幫我搵返傳說中嘅透明感——唔係死白，而係皮膚好似自帶光環咁，由底層滲透出嚟嘅光澤通透感，成塊面望落乾淨咗、均勻咗好多，連面頰啲毛孔都好似視覺上細咗。 化妝感受最明顯，而家就算只係上薄薄一層有色防曬，啲朋友都以為我搽咗粉底，問我做咩皮膚咁好、咁有透明感。下巴啲暗粒都平復咗好多，冇再一撻撻紅紅地嘅不穩定。 用法上，如果你本身有跟開 Albion先乳後水嘅習慣，我問過 BA，佢話用滲透乳之後唔使等直接用白神水都得，我自己就鍾意洗完面乜都唔上用佢做打底，感覺後續嘅精華同面霜都更加吸收。濕敷都好
<看全文>Sarah好用推薦：講下質感先，佢唔系一般清水質地，系帶少少 creamy 嘅奶潤感，有d黏但拍兩下就吸收曬，吸收完皮膚摸落系軟fufu嘅，唔會有普通化妝水用完乾巴巴嘅感覺。 我系中性皮，夏天用會覺得油膩，適合我冬天用夠潤，換季皮膚敏感泛紅嘅時候用佢，鎮定效果都幾明顯，第二日起身塊面冇咁紅，而且毛孔睇落都細緻咗少少。 最鐘意佢嘅提亮效果！！！堅持用咗一排，塊面嘅暗沈黃氣淡咗好多，皮膚透出嚟系自然嘅光澤感，唔系死白，素顏都被人問系咪有做facial。而且佢主打的抗老緊致，用耐咗會覺得下頜線位置冇咁松垮，狀態好穩定，連出油都少咗。
<看全文>
Kammy1209好用推薦：去counter本身只係想買健康水，但sale話有set，加上第一次接觸先乳後水的概念，於是腦波很弱的我便入手了🫣 這個滲透乳配合同牌的化妝綿使用會有一種莫名的療癒感，但效果來說個人用完一整枝後也感覺不太出來，所以用完之後暫時沒有回購，如果將來有優惠的話會再考慮回購 🌟總結: 用來提升生活中的儀式感🧡
<看全文>Jan好用推薦：第一次接觸到乳液先行概念嘅就係呢隻albion 嘅乳液，因為去買健康水ba 建議一齊用所以買咗支試吓。之後買過淺藍色樽美白乳液，但感覺效果分別唔大。 乳液無色無味，質地唔算杰身，滋潤但吸收唔算快。呢款乳液同以前用過嘅分別就係先後次序，先搽乳液後搽化妝水，初初開始會唔習慣，而且因為按建議份量用，搽完塊面會有啲濕笠笠，鐘意清爽感嘅可能會唔太鍾意或習慣。 試過跟健康水一齊用，亦試過跟其他牌子化妝水一齊用，個人覺得同健康水用嘅效果更加好，膚況穩定，少咗出暗瘡同滑啲。不過始終都唔慣乳液先行，用完就無再回購了。 題外話，買過ipsa metabolizer保濕/美白，使用感同效果差唔多，同樣價錢亦都差唔遠，個人會揀albion ，因為更加抵用🤑
<看全文>
mandy好用推薦：Albion Exage Clearly Wash 清新瑩亮泡沫潔面乳 $240/ 120g ✓可以起出海量棉密Q彈的泡沫，比其他潔面產品更能減少對面部肌膚的磨擦。 ✓來自美白系列EXAGE WHITE，使用後肌膚潔淨亮白，不乾燥不緊繃。 ✓帶淡淡令人舒服的香味，使用感別舒適。 ✓清潔力剛剛好，不會洗去面上所有油分。 ✓含有眾多優質的護膚成分，高品質、使用感極舒適。雖然性價比不及開架品牌，可是品質方面比不少專櫃品牌優秀。足證Albion 用心研發不同產品，好用的不只健康水、賦活彈力緊緻滲透乳。推介這瓶給有意追求美白、講究成分的用家。 含保濕成分: 甘油, 聚乙二醇-32, 聚乙二醇-6, 麥芽糖醇, 乙醯葡萄糖氨, 玻尿酸鈉, 水解蠶絲蛋白 及 乳酸 抗衰老成分: 甘油, 磷酸抗壞血酸酯生育酚酯鉀鹽, 金黃洋甘菊萃取, 黃龍膽根萃取, 玻尿酸鈉, 墨角藻萃取, 啤酒花萃取, 水解蠶絲蛋白 及 乳酸 肌膚修復成分: 甘油 抗氧化成分: 磷酸抗壞血酸酯生育酚酯鉀鹽, 抗壞血酸硫酸酯二鈉, 乙醯葡萄糖氨, 金黃洋甘菊萃取, 黃龍膽根萃取, 紫蘇葉萃取
<看全文>Katrina好用推薦：洗面膏加水可以搓出嘅棉密嘅泡沫，清潔力頗高，但用後又唔會好乾，帶有淡淡嘅香味，不錯
<看全文>
