LANCÔME 好用推薦產品

布吶吶好用推薦：蘭蔻極光水第二代，我用咗差唔多一個月，每日早晚都用，可以同你分享下最真實嘅用後感： 1. 質地＆氣味 佢係97%水+3%油，但一啲都唔笠。我習慣用前狂搖勻（呢步一定要做！），搖完會變濁白色，倒喺化妝棉輕抹上面，吸收勁快。第二代比第一代更“薄身”，冇咁刺激。氣味係淡淡天然發酵味，冇乜人工香料。 2. 最驚喜效果——去“粒粒” 我T字位勁易出油同生封閉式粉刺，用完大概一星期，鼻翼同下巴嗰啲凸起嘅小顆粒平滑咗超多，摸塊面係滑溜嘅。佢唔係控油，而係幫角質代謝，塊面係“水油平衡”嗰種清爽感。 3. 暗瘡印淡得快 專利嘅榭皮素同維他命Cg，對我嘅紅印同淺色痘印有效，膚色均勻咗，上粉底都冇咁快變暗沉。 4. 注意⚠️ 佢本身有微酸類（水楊酸），敏感肌要試咗先。我開頭連續用幾日有少少刺，之後改為隔晚用就冇事。另外千祈咪濕敷，會“拿”到痛，輕抹就夠。 總結：邊個啱用？ 如果係混合肌/油肌，或者有粉刺暗粒煩惱，呢枝好值得投資（第二代入門更安全）。但如果係極乾肌，後續要搽多層保濕精華。 總括嚟講，我用完會回購，佢係可以令皮膚穩定、變“乾淨”嘅一瓶精華水。

莓莓好用推薦：Lancôme 極光水用後感 講到提升肌膚透明感，Lancôme 呢支極光水（淨澈亮肌精華水）係近期算係有驚喜嘅一款。 佢係「水+油」嘅雙層設計，用之前一定要搖勻，變成淺藍色乳白色先倒出嚟。質地係清爽水狀，上面後塊面即時有種飲飽水嘅感覺，吸收快過你講「唔該」。 我用咗大概三個星期，最明顯嘅效果係：肌膚透明感明顯提升。之前鼻翼兩側同額頭望落有少少暗粒同粗糙感，搞到反光唔均勻。但用完一段時間，皮膚表面變得平滑咗，光線可以好平均咁反射，望落乾淨、透亮、有種「由內而外透出嚟嘅透明感」。 特別係朝早洗完面後照鏡，會覺得塊面好似多咗層好薄好薄嘅光澤，唔係油光，而係清澈、水潤嗰種通透感。就算未化妝，面頰蘋果位都已經有自然光澤。 不過要留意，佢入面有果酸同水楊酸成分，對角質代謝有幫助，但如果皮膚偏敏感或者乾到脫皮，初期要隔日用好啲，建立耐受力。我只能講，對於混合肌、少少暗黃想提升肌膚透明感嘅話，呢支極光水係好值得入。 評分（五星滿分）： · 提升透明感：⭐⭐⭐⭐半 · 撫平粗糙/暗粒：⭐⭐⭐⭐ · 清爽度：⭐⭐⭐⭐ · 溫和度：⭐⭐⭐（敏感肌要試下先） 總結：唔係淨係保濕咁簡單，而係真正

lonia好用推薦：本人係混合油肌，呢個年紀最怕護膚品太滋潤導致T字位容易出暗瘡，但單純補濕又不足以保持皮膚狀態。Lancôme煥活修護精華最令我驚喜嘅係迅速滲透嘅清爽質地，搽喺容易出油的嘅T字位都完全冇黏笠感。搽完之後肌膚有即時飲飽水嘅透亮感。 用咗一段時間，皮膚穩定性得到明顯改善。以前臉頰偶爾會出現容易泛紅、脫皮嘅情況，而家皮膚屏障變得更強韌，肌底力得到改善，膚質感覺細緻、平滑咗好多。 對於三十幾歲開始出現嘅皮膚疲態同暗啞，呢款精華能有效提升皮膚整體嘅剔透感，而且後續上妝亦更為貼服。雖然佢嘅價錢真係唔算平，但佢高修復嘅效能，的確係輕熟肌女生值得考慮入手嘅一支精華。

Miranda好用推薦：Lancôme小黑瓶真係我回購咗好多次嘅精華！質地好輕盈，似水狀但又有少少滑捋捋，一抹就吸收晒，完全唔黏笠。我最鍾意佢用完之後皮膚好穩定，就算轉季或者捱夜，都冇咁易出粒粒或者泛紅。用咗一排，明顯覺得皮膚細緻咗，毛孔望落細咗，上妝都貼服好多。佢仲可以幫助後續護膚品吸收，我通常喺佢之後再搽保濕霜，效果更加好。雖然價錢唔平，但皮膚狀態好咗，值回票價。總括嚟講，如果想搵一支全能精華，穩定、修復、細緻皮膚，呢支真心推介！

Kelvin好用推薦：Lancome發光眼霜主要嘅功能係撫平眼紋，佢個質地好似啲輕盈嘅gel咁，乳白色有啲水潤，勁易推開。搽少少就夠搽晒成個眼周，朝早起身用都唔會覺得油淋淋。氣味係淡淡嘅清香味，都幾好聞👀 平時搽眼霜，最怕都係過油，黏住對眼，但係lancome 呢隻完全冇呢個問題。我用咗兩三罐，眼肚啲細紋好似淡咗少少咁，主要係夠滋潤眼周。佢係俾我感覺上較為着重保濕，適合二十幾至三十中嘅人士。佢唔會誇張到可以去眼紋，但如果你淨係小小輕微眼紋黑眼圈純粹乾燥，就比較適合了。

Fish Tse好用推薦：眼周係好容易會暴露年齡既，所以要keep住睇落去後生d，重點保養眼周好重要，我都試過好多品牌既眼霜，效果都唔係太顯著，網上睇到哩款評論所以買黎試下 我本身係黑眼圈比較嚴重，只有一條淺淺地既紋，所以我係好關注減淡黑眼圈，當中有透明質酸、維他命CG等成分有助減淡黑眼圈、細紋、增加柔滑度，仲可以鎖水 佢地質感係類似mousse，我會攞一粒黃豆量去用無名指揉搓一下之後慢慢沿住成個眼周印，手指有溫度有助皮膚去吸收，慢慢印唔會令到皮膚有拉扯產生細紋，暫時我用到效果都ok，最緊要滋潤得黎眼周位冇生粒粒

Milo101好用推薦：產品是半透明乳液狀、非常好推易吸收的質地。用了幾個月，最有感是可以改善上眼皮鬆弛的問題。因為自己是雙眼皮有時甚至三眼皮，如果上眼皮稍有鬆弛，會立刻疲態盡現和極顯老，用了這支可以大大改善這個問題。 專利360度彈力冰珠也是十分有用，除了使用時有冰感好舒服外，水滴型加圓珠設計，可以觸及到深淺眼窩的位置，而且中間有軟膠提供彈性，所以用起上黎個力度會剛剛好，不自覺地會來回按摩幾次，當然也有助產品吸收及功效發揮。用冰珠按附近的太陽穴位，更會覺得好到位，增強眼部附近的血液循環。 比較可惜的是就個人來說，黑眼圈和眼紋情況仍然相若，未有明顯改善。當然都明白這兩個問題都比較難改善，能隨著年紀增長繼續維持現狀，尚算可以。所以總結因為產品改善浮腫鬆弛的功效明顯，都給了一個好評。 （之前在品牌專門店有買貨裝送貨裝優惠，送的是旅行裝湊合成貨裝的份量，其實也不錯，每支都配有專利冰珠捧，也更衛生和方便去旅行用）

Sze好用推薦：個精華一拎出黎係一支棒，有啲冰感，每次拎精華出黎都唔會太多，岩岩好用到塗到眼+按摩，用完感覺之後眼霜易吸收d.

shadow影子好用推薦： 鮮艷奪目嘅紅色喺唇膏嘅一大賣點，查咗上咀之後，可以見到要目嘅光澤感，令嘴仔顯得非常性感。

橘子貓好用推薦：L’absolu Rouge Ruby Cream #274 超粉粉嫩嫩的蜜桃色～不會偏粉偏橘，塗上顯得整個人年輕有朝氣。

Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

Meowmeow 好用推薦：唔好意思一早用曬正裝呀得返sample未開😂 質感推開非常之軟熟，幼滑。佢係傳統三重質感，搽咗上去真係feel到皮膚第二日冇咁黃好飽滿，亦都feel到皮膚有緊實嘅效果。就算沖完涼洗完塊面咩都冇搽，如果你已經堅持用佢一段時間，你都會感受得到用手指按喺面上面佢係有好大嘅回彈力。所以我都非常大推。尤其是佢而家新星級版加入咗pdrn，仲要係首創玫瑰玫瑰嘅pdrn，非常親膚，修復力亦都大大提升，強推👍👍👍

YYeman好用推薦：蘭蔻極致完美玫瑰面霜測評 膚質：冬天混合偏乾，夏天混合偏油，面珠敏感，間中會生暗瘡 版本：輕盈版（我覺得乾皮冬天用都夠晒！滋潤版我用完覺得好厚重，有少少焗到生暗粒㗎！除咗熟齡肌同超級大乾皮之外，其實輕盈版適合大多數人。） 即時使用感：淡淡嘅玫瑰味好高級，膏體綿密滋潤，上面好推好舒服。用完即刻feel到滋潤，就算到第二朝起身塊面都仲係水嫩。 長期使用感：對於細紋乾紋有淡化作用，但唔係效果超明顯嗰種功效型產品，偏向日常維護，可以當日常護膚用。如果預算有限又想解決問題嘅話，建議揀針對性更強嘅產品。 注意事項：日頭用我個人覺得唔太適合，因為佢比較滋潤，化妝嘅話容易擦膠粒、溶妝，唔化妝嘅話成日落嚟塊面都會好油好黃。另外，油皮夏天用個質感會冇清爽型面霜或乳液咁舒服。

Rin好用推薦：因為已經拎左去捐所以無相 係好用的，有種double小黑瓶感覺 有排爛面（多粒粒），用左佢一排 皮膚穩定返，粒粒無咁易發 但佢一次就要用晒去，因為會揮發 呢個地方就有啲麻煩

unclecar好用推薦：專櫃小姐介紹為急救版升級小黑瓶，轉天氣皮膚狀況唔穩定，可以用嚟緩解。為咗保持活性同新鮮，建議個半月最多兩個月要用完。宜家秋冬季用，甩皮少咗，滋潤度比小黑瓶高少少，用一星期左右，皮膚好似滑啲同穩定好多，毛孔細咗同面色好啲。因為佢都算係安瓶類別，唔需要一直使用，建議三至四個月用一次效果會更明顯。

Emily Leung好用推薦：🌸 Lancôme溫和保濕水真實測評 | 貴價保濕水值唔值得入手？ 一直聽講Lancôme嘅保濕產品好出名，見呢支溫和保濕水聲稱適合所有膚質，連敏感肌都用得，忍唔住買嚟試下效果係咪真係咁厲害！ 淡粉色樽身高貴優雅，倒出嚟係透明略帶稠度嘅質地 質地有少少稠身，但推開後瞬間化水，吸收速度好快。有陣好優雅嘅淡花香，唔會太濃烈，用落好療癒。 即時感受：拍上臉個刻已經覺得好滋潤，皮膚好似飲飽水咁，充滿光澤感。 持久度：試過淨係用呢支水，冷氣房都可以維持到兩個鐘唔繃緊，保濕力真係唔錯！ 連續用咗三個星期後發現： · 皮膚穩定性提高，冇再輕易敏感 · 乾燥引起嘅細紋明顯減淡 · 上妝更加貼服，冇再起皮 · 膚色睇落更加明亮 優點總結： ✅ 保濕力強勁，持久度夠 ✅ 質地舒服，吸收快唔黏膩 ✅ 溫和不刺激，敏感肌都適合 ✅ 用後肌膚光澤感提升 缺點提醒： ❌ 價格偏貴，性價比未必最高 ❌ 香味可能唔係個個都鍾意 ❌ 夏天對油性肌膚可能比較潤

YYeman好用推薦：蘭蔻溫和保濕水（粉水） 真實用後感： 質地與感覺： · 倒出嚟係微微粉紅色、帶少少稠度嘅液體，似稀釋咗嘅乳液。 · 搽上臉好滑溜，推開後有陣淡淡花香味，完全冇酒精嗰種刺激感。 · 吸收後塊面會明顯軟腍腍，表面留有一層薄薄嘅滋潤膜，但唔會話好黐立。 優點： · 保濕續航力幾好，冬天或長期待冷氣房，用完之後上精華面霜，感覺後續產品更易推開。 · 對乾燥引起嘅泛紅、粗糙有即時舒緩作用，皮膚唔穩定嗰陣用好啱。 · 用量好慳，一泵夠晒全臉，一支400ml可以用好耐。 缺點： · 如果係油性皮膚，或者喺香港潮濕夏天用，會覺得偏厚重，甚至可能焗出少許粒粒。 · 對暗瘡、粉刺冇咩改善效果，純粹係保濕舒緩，唔好期望有去角質或收毛孔作用。 · 價錢屬專櫃級，用嚟濕敷會好肉赤，建議當按壓式化妝水用就夠。 總結： 呢支最適合乾性、中性至混合偏乾嘅皮膚，特別係秋冬季或轉季唔穩定嗰陣用。如果你係偏油或爆瘡期，就可能覺得太潤。我自己鍾意喺夜晚用，配合化妝棉輕輕按壓，第二日起床塊面會保持到柔軟感。

lingbb好用推薦： -L'Absolu Rouge Cream唇膏無論唇膏潤澤、顏色、都非常驚喜 - 唇膏管包裝精緻優雅精美，採用法國製造高級訂製唇膏殻，特別鐘意金色印花 - 打開唇膏方式都非常特別，要按一按頂部按鈕，唇膏就會由底部彈出，個蓋套返落去又會有「卡」一聲確保已關好 - 今次選擇咗#196 fresh touch cream ，係好優雅嘅橙茶色， - 唇膏含滋潤玫瑰凝霜成份，適合中意潤澤感嘅你， - 亮澤唇妝效果長達18小時， - 食完野會仲有剩，但建議要補補 - 非常大推！

葉子🍃好用推薦：一上唇很順滑，夠滋潤，色調係264，唇膏色有閃粉，但搽出黎又唔係好覺眼，但會凸出左甘，顏色很美，不顯唇紋，但比較易甩色，飲野同戴口罩都甩到有印