LANCÔME

持妝輕透粉底液

呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

舊版嘅foundation我係成支用完 今次試新版 我用嘅係PO-01色號 好啱我 上妝妝效好靚 好乾爽但又keep到少少光澤 毛孔修飾力都幾好 個妝基本上都keep到around 8個鐘 個人覺得同舊版分別唔大 夏天絕對好啱用！

LANCOME Teint Idole Ultra Wear Foundation 持妝輕透粉底液（昇級版） SPF40 PA+++ $465 功效：持妝+遮瑕+輕透+啞緻妝效 此為最新版本的持妝輕透粉底液，跟同為Lancome 旗下 Absolue系列的貴婦粉底液比較，價位便宜一半， 算是中價位，相對之下比較適合大眾市場。 持妝輕透粉底液（昇級版）的質地水潤柔滑， 易於全面均勻推開，具明顯調整膚色及提亮功效， 完妝為自然啞光妝效。 妝效極自然輕盈透薄，沒有厚妝感或好似戴面具的情況， 使用感舒適不厚重。中至高度遮瑕， 可自行疊加粉底在需要遮瑕的位置，自己調整遮瑕度， 非常方便。持妝輕透粉底液（昇級版）可以完美遮蓋毛孔 及面上泛紅，同時不覺得厚粉。 持妝方面也很出色，午後沒有出油或溶妝。 添加了美肌成分，以保濕成分、抗衰老成分及抗氧化成分為主。 SPF40 PA+++防曬保護足夠平日使用，如需長時間戶外活動， 可以在上底妝前使用SPF50 PA++++的防曬或妝前底霜。 LANCOME持妝輕透粉底液（昇級版）在各方面表現優秀， 價位亦算合理，值得推介。

今年改版既時候狗衝門市即買！真心暫時用過既持妝粉底液NO.1☺️舊年秋季用過舊版既sample，印象來計，新版係更易推更水潤！如果你覺得舊版好好用，建議快d快d快d用完再入新版！ 我03色號，混油/油肌，PO-03會粉一點，BO-03就自然，所以揀左BO-03！完、全、冇、暗、沉，係完全！所以唔驚揀自然色號！（不過如果可以有半度提亮色更佳，希望Lancôme起香港入多少少色號啦…） 不論是傳統/一字粉底掃、粉底刮、三角粉撲、美妝蛋，上臉一樣係順滑、貼服、冇白芝麻，好輕身好透薄好易推，上一層都好夠做，除非有腫起既暗瘡！佢係成膜型持妝粉底液，所以BA姐姐建議分區上妝，不過即使佢成膜後都唔係拉緊塊臉或者feel到有層野，佢完全係呼吸到咁樣樣！唔焗！！！即使用完第二日都冇悶痘冇出粒粒！ 買完之後旅行、日常番工出街都用過！戶外室內都一樣高水準表現！出油愈多會愈奶油愈貼服！而家呢d天氣Fit晒😎btw記得用前搖一搖再上臉💜希望大家都搵到 #我的最愛粉底液 啦！

超持久的粉底 ✨全天戶外不掉不脫 質地較厚 但適合出門外地穿漂亮衣服拍照 可遮蓋大部分普通人有的面部瑕疵 要是經常化不到網紅的效果 一定要嘗嘗這

Lancôme呢支粉持久粉底液遮瑕度唔算高，但薄薄一層都遮到七七八八，妝感仲保持到輕透自然！ 夏天帶妝10個鐘都只係鼻翼少少出油，冇斑駁冇暗沉！不過乾肌可能要做好保濕，否則會有少少繃緊。👌 屬於越夜越美麗的底妝

呢隻粉底液妝感好輕薄 遮瑕度大概5成左右 需要額外遮瑕 用完皮膚唔覺得焗 暗沉都唔算好明顯 完妝半日鼻翼會出油 但係唔算斑駁 可接受 好高質嘅粉底液 唯一唔好係佢色號選擇唔算好多 一係太白一係太黃🫠

今次試用咗Lancome持妝輕透粉底液嘅PO-03（自然白），佢有SPF38 PA+++ ，同埋主打控油持久、妝效偏啞光。 不過要注意嘅係呢款粉底淨係適合油皮同混油皮，本人係混合偏乾，兩頰位置偏乾，雖然T字部位出油，但呢隻粉底對嚟講真係太乾，用喺混乾皮嘅話面頰會乾、甚至甩皮。同埋用喺我度會溶妝、持久度一般，總括而言就係唔適合自己，建議油皮同混油皮嘅朋友仔用。 感謝 @cosme 提供試用品。