薄透粉底 推薦好用產品

布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝

Emma W好用推薦：潤色粉底的1N Birch 好適合我的膚色。一搽上面上，質地輕盈，水潤，易推開。搽後感覺自然透亮，有種「偽素顏」的感覺。另外，其有防曬功能，SPF30+++，提供基本防曬，減少塗抹額外防曬的需要，減輕肌膚負擔。 但是，遮瑕力度有限。如毛孔、黑頭、黑眼圈就覆蓋唔到。持妝力也一般般。夏天出汗大，要經常補妝，都係一種唔太方便的因素。可能秋冬天使用會好少少 #火熱新品

Kmggigi好用推薦：皮膚狀況: 冬天乾敏肌，夏天混合偏乾+少敏感 Armani 新出嘅水潤絲光氣墊修護粉底完美結合高級妝感與舒適感，絕對係追求自然光澤肌嘅首選！✨ 產品質地: 呢款氣墊粉底嘅質地極為絲滑輕盈，延展性非常高， 只需輕輕一推就可以均勻覆蓋全臉， 使用感覺毫無負擔， 輕薄質地帶來自然貼服嘅底妝效果🥳 妝感: 呢款粉底妝感非常高級，帶有透明感， 妝效自然不厚重，輕鬆締造出宛如天生嘅自然光澤 使用後，肌膚透出健康嘅光感， 好似自帶高光效果一樣， 令毛孔唔再顯眼，令皮膚展現平滑細膩的質感 雖然質地輕薄，但薄薄一層已經有中度遮瑕力， 可以有效遮蓋部份痘印、黑眼圈同細微瑕疵， 令膚色顯得更加均勻 整體妝感柔和自然，毫無厚重感， 適合追求高級光澤感嘅朋友😆 另外，持妝力都好穩定，幾個鐘後都冇氧化， 妝容依然保持清爽貼服 對於夏天混乾肌嚟講，使用後完全唔會有緊繃感， 肌膚保持到水潤嘅同時又能控住油光👏🏻 素顏: 有明顯痘印，黑眼圈，膚色不均🙈產品使用後: 我用嘅係03色號， 用完之後膚色變得更加均勻，自帶光澤感 即使冇用任何遮瑕膏，黑眼圈痘印等瑕疵都遮到8成🥳 #火熱新品

Fng好用推薦：Armani Beauty 水潤絲光氣墊修護氣墊真係混合偏乾肌夏日恩物！作為黃一白肌，試咗#2色（屬中性偏黃調）後發現同膚色融合度超高——無死白假面感，自然提亮之餘仲帶住高級絲緞光，彷彿皮膚自帶柔焦濾鏡✨ 💡色號點揀？ #2號適合黃一白或追求自然提亮嘅黃肌（如果膚色再淺啲可考慮#1）。上臉後無灰調或過粉問題，同頸部色差細，氧化暗沉情況輕微，帶妝8小時後依然keep到八成明亮度。黃肌揀呢個色號安全之餘仲顯氣質！ 💦質地與妝效： 粉質細膩到驚人！按壓上臉瞬間感受到水潤感，拍開後變成絲光妝效——唔係油光滿面，而係種透出皮膚底層光澤嘅高級感。遮瑕度中等（泛紅暗沉可遮七成），但修飾毛孔效果出色，睇落天生好皮咁～ ☀️夏日實測： 香港33℃濕熱天考驗下，冷氣房內持妝8小時無壓力，僅鼻翼微出油但無斑駁。戶外活動時出汗後用紙巾輕印，脫妝程度輕微（印汗後建議輕補碎粉）。對混合偏乾肌來說，保濕度足夠唔會倒拔乾，鼻翼同眼底無卡粉，真正做到水潤又持妝嘅平衡。 唯一注意：油肌可能要加強定妝，但對偏乾肌來說呢個氣墊完美契合夏日需求！補妝時亦唔會結塊或厚重。 推薦給：✔️ 黃一白肌找自然光澤妝效 ✔️ 混合

Kmggigi好用推薦：Armani Power Fabric+ Foundation — 柔霧透光，妝效持久✨ 呢款粉底可以做到柔霧透光妝感， 既有啞緻感但又帶少少亮澤， 令肌膚睇起來平滑又細膩 如果出少少油，仲會變成奶油肌，有一種自然嘅光澤感🤩 遮瑕力屬於中高水平， 能夠有效遮蓋膚色不均、細微瑕疵同毛孔， 但妝效依然非常自然貼服，唔會有厚重假面感， 非常適合追求自然無瑕妝感嘅朋友。 持久度方面亦表現唔錯， 長時間佩戴都能保持妝容完整👍🏻 唯一可惜嘅地方係我收到嘅呢支粉底色號偏深， 對我會有啲唔啱用 不過揀啱色號嘅話，呢支粉底絕對係值得一試嘅粉底必備單品！ ✨

Fng好用推薦：Giorgio Armani嘅 Power Fabric 粉底液主打高遮瑕+持久啞光，網上好多評測都話佢控油抗汗，仲有SPF 20防曬，啱晒香港夏天又悶又濕嘅天氣！ 本人混合性乾肌（T字位出油、兩頰偏乾)，夏天鼻翼容易溶妝，我用黃調一白（用#3.5色號，貼近亞洲膚色) 。✨ ✅ 優點 1. 遮瑕力高但唔厚重 - 一層已經遮到8成泛紅同暗瘡印，唔會好似戴面具，質地比舊版更薄透！ 2. 啞光妝效持久 - 上臉即時霧面，T字位冇即時出油，30°C出街2個鐘都冇溶到變「油面」！ 3. 抗汗力強 - 香港地鐵站行到出汗，用紙巾印面都冇乜粉底脫落，真心驚喜！ ❌ 缺點 1. 兩頰偏乾位會顯紋 - 如果保濕唔夠（尤其冷氣房），眼底同法令紋位少少繃緊，建議混合一滴精華油或用保濕噴霧打底。 2. 氧化問題 - 帶妝6小時後會暗半度，建議買白一個色號，或者用紫色妝前乳提亮。 3. SPF 20唔夠力 - 夏天戶外一定要補防曬，否則容易曬黑！ 📢 總結 Power Fabric喺香港夏天表現算中上，遮瑕同抗汗真係冇得輸，但乾肌位要額外保濕。如果

Fng好用推薦：NARS 源生光亮肌Cushion，擁高防曬系數 (SPF 50/PA++++)，喺香港 #夏天 紫外線超強，呢個氣墊自帶高防曬，慳返防曬步驟👏，戶外補妝更方便。 我覺它抗汗能力不俗❣️，出汗後唔會輕易溶妝，只係T位會少少出油，用紙巾印走油光後，妝容依然貼服。 光澤感自然，水光妝效睇落似 偽素顏😚，質地透薄，就算疊加兩層都唔會面具感。 保濕得嚟唔笠，質地清爽，混合肌用都唔會黐笠🤩。 遮瑕度唔算超高😨，深色暗瘡印或大塊泛紅可能要額外遮瑕膏，但普通毛孔、暗沉夠用。 ✅ 推薦俾👉鍾意水光妝感、需要快速上妝+補妝、常出入冷氣房+短時間戶外。 ❌ 唔建議： - 要求 極高遮瑕 或 霧面啞緻妝感。 - 成日暴曬/戶外工作（建議用專用防曬+持久粉底液）。 #夏天

popocarcar好用推薦：趁有優惠，買咗一個嚟試，第一次用cushion 產品。 有光澤感，唔卡粉，無起乾紋，唔錯。 #火熱新品

Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

Wuxx好用推薦：YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻

Tung Yi好用推薦： 注入精華的高保護粉底液，提供中等至全彩的真實覆蓋，不會結塊、摺痕、條紋和毛孔。上妝那一刻是霧面的，重點是持妝8小時都不用補，出點油看上去有水光感很讚（韓妝效果）。 含有 10 倍冬蟲夏草和人參，可補充肌膚的天然能量，讓肌膚看起來健康、容光煥發。 富含保濕複合物，可提高皮膚的水分含量，使皮膚豐滿、柔軟並減少細乾紋的出現，富含維生素 E 和深海發酵劑，可保護皮膚免受曬傷、自由基、污染和藍光的傷害，使用 SPF 40 保護皮膚免受有害射線的傷害。 防汗、防潮和防水，讓膚色看起來更光滑，貼服。 不含對羥基苯甲酸酯、鄰苯二甲酸鹽、硫酸鹽、亞硫酸鹽、礦物油、酒精、甲醛、凡士林和三氯生。 用完會回購，價錢可接受。

TinaWongLK好用推薦：𝘽𝙊𝘽𝘽𝙄 𝘽𝙍𝙊𝙒𝙉｜蟲草抗氧修護精華粉底液 SPF40 PA++++ 呢款粉底好滋潤好保濕💦 自己本身膚質屬於中性偏乾，皮膚成日都好乾☹️ 但每次用完呢枝，皮膚都唔會有甩皮狀況出現 仲好貼膚好透氣 薄薄地一層就cover到面上嘅瑕疵位 佢仲添加左養膚成分 化妝嘅同時又護膚🥰 Bobbi Brown嘅粉底液我都用過兩個系列，全部都好好用❣️

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

YYeman好用推薦：Laura Mercier 柔霧粉底液用後感：真係做到嗰種高級霧面！ 喂，各位姊妹！最近轉咗用Laura Mercier隻柔霧粉底液，真係要同大家分享下。本身我係混合肌，T字位好易出油，夏天一到成塊面「立黐黐」，所以專登揀呢支主打霧面妝效嘅粉底。 第一印象：個質地好得意 一揼出嚟，係啞緻嘅乳液狀，推開嗰陣好順滑，水感幾好，唔會話好快乾。上臉之後，個感覺即刻唔同晒！ 最正嘅地方：個霧面妝效真係冇得頂 上完一層，塊面啲油光真係即刻冇晒！個妝感係一種好高級、好乾淨嘅全霧面，好似本身塊皮膚就係咁靚咁，完全冇面具感。唔會好似某啲粉底咁，霧到成塊面「粉咁啞」，好自然。對於我哋呢啲油肌、混合肌嘅人嚟講，呢種效果真係夢寐以求！ 持久度如何？ 我試過帶妝成日，朝九晚六，出街仲要搭車行吓街。平時用開嘅粉底，晏晝已經要拎粉餅出嚟撲。用呢支，到中午T字位都只係有少少光澤（唔係油光咁恐怖），用紙巾輕輕印一印，個妝都仲係好完整，冇溶到一撻撻。控油能力真係要俾個Like！ 遮瑕度中等，追求自然 如果你有大粒痘印或者好深嘅黑眼圈，就可能要後續加遮瑕。但對於普通嘅毛孔、暗沉同泛紅，佢修飾得好好，出嚟個效果係「你

Fng好用推薦：作為熟齡混合偏乾肌人，喺香港呢個啱啱開始有啲涼風、但濕度依然飄忽嘅秋天，用 MAKE UP FOR EVER 高清柔霧粉餅，真係別有一番體會！🍁 🧏‍♀️ 膚質與測試環境： · 膚質：熟齡混合偏乾（T位微量出油，兩頰與眼周轉季時特別乾燥） · 測試環境：香港秋天，日夜溫差大，濕度下降，偶爾有風，長時間處於冷氣房。 · 上妝方法：針對轉季，調整了上妝手法，務求妝感與保濕並重。 👍 轉季優點：穩定膚況，妝容高級 1. 「微啞光」妝效，高級感滿分 秋天唔再需要極度啞光，呢塊粉餅出嚟嘅效果係一種帶有絲絨感嘅「微啞光」妝面，睇落非常高級！🤩 佢唔會好似全霧面咁吸走皮膚所有光澤，反而有種天生好皮膚嘅質感，對於熟齡肌來講，可以有效柔化毛孔同細紋，又唔會顯得粉感厚重，正正適合秋天追求嘅「自然偽素顏」感覺。 2. 遮瑕力持久在線 轉季時皮膚容易泛紅同有啲唔穩定，佢嘅高遮瑕度依然發揮穩定，一層已經可以遮蓋大部分瑕疵。最好係，即使皮膚有少少乾，佢都唔會好似其他高遮瑕產品咁，卡喺乾紋度，或者突顯皮屑，貼服度做得非常好。 3. 持久度驚喜！抗得住溫差同冷氣 呢點真係要大力讚！👍 朝早喺

Haidy好用推薦：其實我覺得和舊版差不多🤣 舊版我已經用很久了  只是感覺之前全黑的比較型酷 哈哈哈 晚上出油後，毛孔比較明顯 用來補妝超好 毛孔都不見了 補妝前: 補妝後:  真的完全0濾鏡！ 我買的是1Y04 顏色感覺剛剛好~ 雖然使用後會看得出妝感，但也比毛孔露出來好的吧🤣 

Emily Leung好用推薦：完美真皮染膚精華—excel光感美肌精華粉底 今年第一款被妝效驚艷到的粉底液，藥妝店粉底里的黑馬產品，妝效遠超許多大牌，價格卻只是他們的三分之一。 🌟質地：為流動性較強的乳液狀，延展性好。 🌟妝效：光澤四溢水光肌，0妝感，裡面配合了鏡面因子上臉後多角度反射光茫，看起來肌膚透亮有光澤。 🌟持妝：一天幾乎不脫妝，暗沈這塊反正肉眼是看不出來的早晚基本沒有色差。平滑毛孔光滑肌膚的效果顯著，輕盈透氣。 🌟遮瑕度：中低，畢竟是裸妝效果，修飾膚色膚質比較明顯，有斑點和痘印還需要單獨遮瑕。 使用感受：水潤輕薄不油膩的質地太適用乾皮了，而且它的光澤感特別強，畫出來的妝效就是那種日本妹子年輕清透素顏的感覺。而且它的性價比之高真的令人震驚，這麼平價的一款粉底竟然有如此完美的妝效真的吹爆！

YYeman好用推薦：Excel光感美肌粉底液轉季實測！水光肌神器開箱💦 轉季搞到塊面時油時乾，搵粉底真係頭都大！Excel呢支「光感美肌」聽講係開架水光肌之王，即刻同你開箱睇睇係咪真係咁堅！ 💡 一泵光澤爆燈 一泵出嚟已經見到啲質地水潤到爆，推開個下真係「嘩」出聲！個光澤感即時湧出嚟，唔係油光嗰種，係皮膚飲飽水嘅自然水光感。完妝個刻塊面睇落年輕咗五歲！ 🌪️ 轉季對策夠聰明 呢排天氣一時濕一時乾，用佢居然冇出事！兩邊面頰冇爆皮，T位又冇狂出油。個質地夠水潤但又唔會笠，居然做到水光得嚟又幾持久，估佢唔到！ ☀️ 水光持久度有驚喜 朝早化完妝，到 lunch 個光澤感居然仲喺度！只有鼻頭微微出油，但唔會溶到一撻撻。反而出少少油之後個妝感更靚，似係自己皮膚透出嚟嘅光澤咁！ 🚀 上妝秘技 推薦用濕粉撲快速拍開，個光澤感會最靚！如果想再持久啲，可以局部撲少少透明蜜粉，個水光感都依然會透出嚟。 真．用後感： 轉季期間想搵支平靚正水光粉底，Excel呢支真係交足功課！開架價錢但做到專櫃級嘅光澤感，仲要轉季用都冇投訴，今次真係抵讚！水光肌迷絕對要試～✨ #轉季#換季#水光妝

Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。

綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺

Poyobb好用推薦：鑽光粉底液樽身好有貴婦品牌嘅設計design。金色配深藍色，質地好grand。 質地好薄，延展性高，用粉底掃容易拖開。 我落一泵半粉底液用M.A.C平頭掃，拖出黎超薄，保濕度依然足夠。只用Cpb 啞光base打底，皮膚都唔會乾燥。 同網上流傳嘅一樣，妝感就如媽生皮膚，好似第二層皮膚一樣😍非常透薄，散發住底層自身光澤 冇乜遮瑕度，持久度一般。我（混合皮，少少痘印）用@cosme買既Chacott Matt 有顏色loose powder定妝先keep到4-5hrs。 如想keep返咁底妝透過質感，唔建議用有色loose powder，會令到個妝粗糙咗，曬咗咁靚既底妝。建議用返類似muf 較為輕身/透明loose powder，或者淨係噴setting spray😊 天生冇瑕疵既膚質，乾肌至中性肌啱用鑽光版。 夏天我會試埋啞光版。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

janna17好用推薦：本人一直有用開MUF嘅粉餅，超級大推薦！佢地推出粉底液我都抱住好大期望睇下會唔會做到高遮瑕又自然貼服嘅妝感。結果係做到嘅！coverage有，持久度有，亦非常貼面。不過唔會再回購🥹🥹原因係呢支粉底液真係好難推開…我本身習慣用手上粉底液，呢支係你搽完幾秒即刻乾左完全無辦法修正…….而且…雖然本人係從來唔追求產品要好香好好聞（甚至我係抗拒有加香料嘅產品），不過呢支真係好臭…有一陣完全難以接受嘅化學味….不會回購！！

lamsofina好用推薦：很久以前已經想嘗試Makeup For Ever的粉底液，今次是用1P02色號。覺得粉底液貼服，遮瑕力強，而旦令膚色變得均勻透亮。粉底液用一點點巳經夠，延伸力強，令低妝自然貼服。就算夏天很熱，一整天過後都沒有怎麼融妝、甩妝。很不錯！

綺羅香好用推薦：我最看重粉底液就係會唔會致痘，以前試過幾個出名嘅開架同專櫃牌子都好唔掂，為咗唔想嘥錢又嘥咗大大支粉底液，就專入手試用裝 NARS呢款粉底液試用裝一啲都唔孤寒，一支細細支起碼用咗差唔多10次，由於試用裝唔係隻隻色都有，底妝難免同原來膚色有落差，不過好輕薄貼服，上一層大概有6～7成遮瑕度，皮膚有淡淡透出嚟嘅光，同最重要持妝一日並無致痘‼️可能我定妝做得唔好，戴咗一日口罩，近鼻哥位浮妝，但整體妝感仲keep得好好

羅小白好用推薦：都幾水潤，而上面唔卡粉，有種天生皮膚好好嘅感覺，但大約四個幾鐘頭之後會開始氧化，塊面會黑左一兩度，所以想買嘅話，建議買番白一度嘅色

Suki好用推薦：入手咗兩個色號1C0（冷調最白） 同 1N1（中性調一白），兩隻色都超貼亞洲膚色！1C0適合追求白皙透亮妝感嘅女生，而1N1就自然啲，黃白皮用都唔會灰。混搭使用仲可以調出更貼合膚色嘅效果，好貼心！ 呢支粉底質地水潤輕薄，推開似精華咁滑溜，上臉唔會卡粉或顯乾紋。妝效係好似皮膚本身咁好有透明感，完全冇粉感厚重嘅問題。夏天用都keep到水潤，開冷氣房都唔緊繃！ 唯一缺點係遮瑕力偏弱，適合皮膚底子好、追求偽素顏嘅人。如果係明顯痘印或黑眼圈，需要額外用遮瑕膏。不過輕薄同遮瑕難兩全，取捨之下我依然鍾意佢嘅貼服度！

Jeniel好用推薦： 呢排轉季，皮膚開始有啲乾，終於的起心肝試咗好多人讚嘅「沁水」粉底液！果然名不虛傳，保濕力好好。 質地好水潤，推開好似精華咁，上臉好貼薄，完全唔會厚重或者黐立立。個妝效係好自然嘅光澤肌，唔係油光滿面嗰隻，好似自己本身皮膚透光出嚟咁，好靚。遮瑕度就中等啦，淺色痘印同暗沉可以遮到七七八八，如果瑕疵多就要再加遮瑕膏。 最驚喜係佢咁水潤，但持久度都唔錯，我帶妝成日（有用碎粉定妝）都冇乜點暗沉或者斑駁，係鼻翼同嘴角少少甩，補一補就ok。整體嚟講，真心推薦俾乾肌同混合肌嘅姊妹，秋冬用真係啱晒！

LenaC好用推薦：一直係Sofina Primavista UV base 粉底液嘅忠實粉絲🙆🏻‍♀️ 佢嘅UV base 可以長時間抑制皮脂 實現零油光妝感 一整天都可以保持妝容清爽柔滑 唔會同皮脂、汗水混合 基本上唔會出現溶妝、浮粉情況 質地輕薄清爽 一啲都唔黏膩 適合春夏濕熱季節 價錢亦超貼地❤️ 😹（重點） 美白 遮瑕 修飾毛孔 一✅過完勝🛎️ #BA照

Jasmine Yuen好用推薦：喺台灣旅行買左支Sofina Primavista UV Base - 離霜的質地輕盈易推開，能夠有效控制皮膚油脂分泌，減少油光，並且不會堵塞毛孔，很適合油性和混合性皮膚使用。 - 有防曬效果，能夠有效保護皮膚不受紫外線傷害，並且不會讓皮膚感到黏膩。 - 持久性非常好，能夠全日的時間內保持妝容。 - 遮瑕力一般，只能夠遮蓋輕微瑕疵。

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

CLS24好用推薦：今年改版既時候狗衝門市即買！真心暫時用過既持妝粉底液NO.1☺️舊年秋季用過舊版既sample，印象來計，新版係更易推更水潤！如果你覺得舊版好好用，建議快d快d快d用完再入新版！ 我03色號，混油/油肌，PO-03會粉一點，BO-03就自然，所以揀左BO-03！完、全、冇、暗、沉，係完全！所以唔驚揀自然色號！（不過如果可以有半度提亮色更佳，希望Lancôme起香港入多少少色號啦…） 不論是傳統/一字粉底掃、粉底刮、三角粉撲、美妝蛋，上臉一樣係順滑、貼服、冇白芝麻，好輕身好透薄好易推，上一層都好夠做，除非有腫起既暗瘡！佢係成膜型持妝粉底液，所以BA姐姐建議分區上妝，不過即使佢成膜後都唔係拉緊塊臉或者feel到有層野，佢完全係呼吸到咁樣樣！唔焗！！！即使用完第二日都冇悶痘冇出粒粒！ 買完之後旅行、日常番工出街都用過！戶外室內都一樣高水準表現！出油愈多會愈奶油愈貼服！而家呢d天氣Fit晒😎btw記得用前搖一搖再上臉💜希望大家都搵到 #我的最愛粉底液 啦！

🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係化妝嘅第二步，BLUEBERRY NUTRI TINT 藍莓精萃粉露。 扁扁嘅樽身，金色嘅樽蓋充滿質感，精萃粉露比一般嘅粉底更透氣、更清爽，質感有啲似CC cream，而且液體嘅流動性更強。同佢嘅妝前底霜一樣，質地清爽透氣，含有清涼因子，喺炎炎夏日仍然保持涼快舒適，非常適合香港炎熱潮濕嘅天氣。 全系列總共有30個色號，適合唔同嘅膚色。我試用嘅色號係03W，係色調屬於明亮色。平時化妝之前即使搽咗妝前乳，有時都會因為皮膚太乾，上粉底之後出現卡粉/甩皮嘅情況。但係呢一隻精萃粉露上面之後真係做到保濕同埋提亮膚色，妝感輕盈透薄，而且略顯光澤。即使疊加好多層都唔會有厚重嘅感覺，好似天生就有好皮膚一樣咁乾淨，咁自然。 使用前： 使用後： 暗沉嘅膚色瞬間提亮，妝容略帶磨皮嘅效果，而且妝感輕透唔黏稠，睇落好自然。但係佢唔帶任何防曬效

Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 粉底包裝的骰, 好適合放入小廢包, 方便攜帶外出補妝用 我用嘅係06W號色, 粉底質感輕薄易推, 上面好透薄貼服, 不過遮瑕能力一般, 上咗一層都依然見到紅印 但勝在可以疊加, 上圖為疊加多一層效果, 妝感唔算重, 個人認為非常自然, 而且佢都幾保濕, 長期喺冷氣底下吹風都唔會覺得乾, 但個妝就唔太long last, 不過畢竟妝感自然, 就算脫妝都唔會一躂躂, 自己幾滿意, 不過較為遜色就係冇防曬功效

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。

Poyobb好用推薦：呢支係glow版本，出嚟感覺不是韓妝水光，係呈現皮膚狀態好好嘅自然光澤感。 粉底液偏稠身流質，試過用刀刷有粉痕，建議用密度較高嘅粉底刷較適合。粉底液有點快乾，建議逐part上面，同時遮瑕度幾好👍🏻即使上一層已做到好高遮瑕度。 保濕度一般，我混合肌toner+保濕base感覺啱啱好，干肌要再加強保濕。 我用嘅日子30度（上碎粉前用定妝噴霧），冇補妝只用紙巾輕印嘅情況下，大半日都keep到七成。 #火熱新品

natanatalie好用推薦：這一款粉底是一款比較滋潤性高的粉底，適合乾性肌膚的女生使用，因為粉底的滋潤感是不錯的，對於乾肌女生們來說是非常友好！💯 我這次用3W的顏色，這個色號適合亞洲女性肌膚使用，不會過白也不會顯黃，上面的感覺是非常滋潤和保濕度很高，因此不會顯乾紋和不會有龜裂的情況。🥰 它的遮瑕度也是不錯的，可以看看我手背的血管和青筋也遮得7788 ，而且粉感不會很強，皮膚不多瑕疵的女生薄薄一層，基本上就不需要用太多遮瑕膏。持妝效果是不錯，在夏天比較潮濕的天氣，這款粉底的持久度也能維持在八九小時左右。☺️ 總括來說，這款粉底並不算十分透薄，它算是滋潤度和遮瑕度不錯的粉底，適合混合性肌膚女生在秋冬天使用或是乾性肌膚女生使用。🫶🏻

Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。

Verna好用推薦：這款粉底液的質地很流質，所以用之前一定要先搖勻，上面後，感覺很輕盈很透薄，而且完全無感無負擔，而摸上去是有點粉粉的觸感。它的防水防汗能力也不錯，也不容易脫妝 我這支的色號是02 自然，顏色和我的膚色也配合 不過因為它很透薄的關係，所以遮瑕度不是很高 而它的缺點就是份量太少，一支小小的，只有25ml