透薄粉底 推薦好用產品

Kmggigi好用推薦：皮膚狀況: 冬天乾敏肌，夏天混合偏乾+少敏感 Armani 新出嘅水潤絲光氣墊修護粉底完美結合高級妝感與舒適感，絕對係追求自然光澤肌嘅首選！✨ 產品質地: 呢款氣墊粉底嘅質地極為絲滑輕盈，延展性非常高， 只需輕輕一推就可以均勻覆蓋全臉， 使用感覺毫無負擔， 輕薄質地帶來自然貼服嘅底妝效果🥳 妝感: 呢款粉底妝感非常高級，帶有透明感， 妝效自然不厚重，輕鬆締造出宛如天生嘅自然光澤 使用後，肌膚透出健康嘅光感， 好似自帶高光效果一樣， 令毛孔唔再顯眼，令皮膚展現平滑細膩的質感 雖然質地輕薄，但薄薄一層已經有中度遮瑕力， 可以有效遮蓋部份痘印、黑眼圈同細微瑕疵， 令膚色顯得更加均勻 整體妝感柔和自然，毫無厚重感， 適合追求高級光澤感嘅朋友😆 另外，持妝力都好穩定，幾個鐘後都冇氧化， 妝容依然保持清爽貼服 對於夏天混乾肌嚟講，使用後完全唔會有緊繃感， 肌膚保持到水潤嘅同時又能控住油光👏🏻 素顏: 有明顯痘印，黑眼圈，膚色不均🙈產品使用後: 我用嘅係03色號， 用完之後膚色變得更加均勻，自帶光澤感 即使冇用任何遮瑕膏，黑眼圈痘印等瑕疵都遮到8成🥳 #火熱新品

Miranda好用推薦： 【質感】 首先講質地。佢嘅粉底液係輕身嘅水狀，一拍上塊面就化開，好快就同皮膚融合。上面之後感覺好薄好透氣，完全唔會覺得厚重或者焗促。佢嘅粉體極細，用完之後近距離照鏡都睇唔到粉粒，好似天生皮膚就係咁靚咁。 佢嘅妝效係偏向自然光澤嗰種，望落好飽滿好水潤，但又唔會誇張到好似油光滿面。呢種光澤感係好靚嘅，尤其係喺燈光下面，塊面會有一種好自然嘅透亮感。不過要留意嘅係，氣墊本身個粉撲吸粉力比較強，如果大力壓嘅話會吸太多粉底，搞到一上妝就太厚。我每次都要好輕手咁印一下，然後喺手背拍走多餘嘅粉底先敢上面。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。佢仲有護膚成分，用完之後塊面keep住水潤，唔會覺得乾。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡印，我會額外用遮瑕膏補一補。 不過要留意嘅係，因為佢係氣墊設計，如果用嘅時候壓得太大力，

xxkelly好用推薦：整體使用感受 。輕透貼膚零粉感，輕微水光效果 。比較挑妝打底狀況 。遮瑕度偏低，鼻翼泛紅或者暗瘡印都未必遮到，純粹均勻膚色，遮瑕需要另外疊加 。會照用晒但唔會回購質地 。乳霜狀態，推開十分絲滑，不黏立優點 。融膚度好高，唔會有厚重好似搽咗一層嘢嘅感覺 。有SPF 30 PA+++防曬度數，如果日常返工大部份時間留喺Office，唔使另外搽防曬都應該足夠 。適合打工仔平時返工趕時間，淨係想快速均勻膚色，同埋追求輕薄底妝嘅朋友使用 缺點 。一開始用嘅時候同我啲護膚品有少少打交，試咗轉用唔同質地護膚品後，發現如果當日護膚品係用偏滋潤，或者cream搽厚咗少少，就會少少起擦膠碎，或者有搽得唔均勻一噠噠嘅情況，好似以下唇邊同埋面頰位置 。所以平時偏向搽好滋潤護膚品打底嘅朋友要特別留意要用返偏清爽類型會同粉底霜夾啲

Miranda好用推薦：【質感】 首先講質地。佢係輕身嘅乳液狀，流動性極高，推開嗰下好順滑，好似搽緊保濕乳液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。呢個質感對於追求輕薄底妝嘅人嚟講，係好討好嘅。 佢嘅妝效係偏向自然光澤嗰種，用完之後塊面有一種好自然嘅透亮感，望落好似冇化妝但皮膚好咗咁。近距離照鏡都睇唔到粉粒，呢點係做得幾好嘅。 不過要留意嘅係，佢上面之後會有少少「黏笠感」。即係你摸塊面嘅時候，會feel到有少少黐手，唔係完全清爽嗰種。如果唔用碎粉定妝，呢種黏笠感會持續一段時間，甚至會黐到頭髮。所以我每次用都要上碎粉，變相多咗一個步驟。 味道方面，佢有陣淡淡嘅草本味，類似天然護膚品嗰種氣味，我覺得都幾舒服，唔會太濃。 【使用感】 呢個位係我最矛盾嘅地方。好嘅方面，佢嘅 「即時妝效」 真係好自然。用完之後膚色均勻咗，望落精神咗，但又完全唔覺得化咗妝。對於追求「偽素顏」嘅人嚟講，呢個效果係好理想嘅。 佢仲有SPF30 PA+++嘅防曬度數，日常用都算係一個Bonus，唔使額外再搽多層防曬。 但係，佢嘅 「遮瑕度」 真係好低。可以均勻到少少膚色，但泛紅、痘印、

natanatalie好用推薦：控油出色的粉底❤️ ARMANI Beauty Power Fabric Pro 專業柔霧持妝粉底液是一支既讓人期待又讓人糾結的粉底。第一次上臉的時候，我很喜歡它那種柔霧的妝效，遮瑕力中高，泛紅和毛孔都能被修飾得很乾淨，妝容看起來完整而精緻。對油性肌來說，這種霧面質感比光澤型粉底安全得多，不會一出門就滿臉油光。😚 但用久了就發現，它的延展性不是最理想，推開的時候需要耐心，不然很容易顯得厚重。妝感本身也偏「完整底妝」，不像輕薄型粉底那樣自然透氣。如果肌膚狀態不佳，角質稍微粗糙或乾燥，它就會卡在紋理裡，顯得妝感不均勻。🥹 持久度方面，它的確能撐住長時間的工作或外出，尤其在炎熱潮濕的天氣裡，搭配定妝粉或噴霧效果更好。但到了一天的尾段，油脂還是會浮上來，妝容會稍微暗沉，需要補妝。🙆🏻‍♀️ 總結來說，這支粉底液對油性肌是友好的，能給你一個霧面、完整的底妝效果，但它不是那種輕盈自然的選擇，而是偏向「完美妝容」的路線。如果你喜歡精緻、持久的妝效，它會讓你滿意；但如果你追求裸肌感，它可能會顯得有點厚重。🙁

Sanna Cher好用推薦：使用產品色號2，比原生膚色白晢，需要在化妝掃塗抹後，再使用海綿粉樸輕拍完妝。 粉底質地跟乳霜相似，但延展過後並票須使用大量塗抹，一泵以內就可以完成步驟。使用妝前乳後的肌膚。塗抹粉底後，未塗上遮瑕膏，見肌膚膚色有明顯提亮以及均勻膚色，由於是霧面質地，所以光澤水光感不強，但完妝後的效果甚為驚喜。完妝照片，見整體妝容帶粉嫩，而並不是只有亮白的效果。粉底效果是完妝比單獨塗抹高。

Lindabb好用推薦：Nars 白氣墊（原生光水感透亮氣墊粉底）嘅使用心得。 一句總結： 夏天專用嘅「降溫神器」，上妝嗰下涼浸浸，妝感薄到似冇化，但唔好指望佢遮到任何明顯瑕疵。 質地與上妝感（最大賣點） · 水感爆棚：粉底液勁稀流，拍上面嗰下真係有冰涼降溫感，大熱天時用係一種享受。 · 粉撲設計：同黑氣墊一樣，但呢款配呢個水質地，上妝更快更貼。 · 妝效：完！全！透！亮！唔係油光，係似做完保濕 mask 嗰種飽滿水光。近距離望都唔覺你有化妝，只會覺得你皮膚好好。 遮瑕力（最大缺點） · 極度輕度：均勻到膚色，提亮到暗啞位，但痘印、紅印、色斑一律冇符。 · 解決方法：一定要另外用遮瑕膏，或者當佢係「有色防曬＋保濕精華」嘅混合體，心態上會好過啲。 持妝與控油 · 持妝約 4 小時：比黑氣墊更短，但甩妝係「消失」而唔係「溶」，唔會一撻撻。 · 控油一般：唔算勁吸油，但如果只係普通返工冷氣環境，到 lunch 都 keep 到七成。 適合邊個用？ · 本身皮膚底子好，淨係想提亮均勻膚色。 · 追求「偽素顏」、返工趕時間拍兩下就搞掂。 · 大熱天時唔想個妝咁厚重。 唔適合邊個用？ · 多暗瘡印

Hy好用推薦：為外表而買的氣墊 因內在而喜歡上 春日入手的蝴蝶樣式 大方簡潔 內裡黑色膠蓋 質感很有 粉底 質感輕薄 透氣不悶痘 遮瑕度一般 配合同牌concealer 使用 ✨✨✨✨✨

Miranda好用推薦：【質感】 首先講質地。佢係偏杰身嘅粉霜狀，流動性唔算高，唧出嚟係一舊嘅，望落有啲厚身。但推開嗰下好順滑，延展性極高，一粒黃豆嘅份量已經夠搽全面。佢嘅質地有種好特別嘅 「絲滑感」 ，好似搽緊貴婦級嘅精華霜咁，完全唔會覺得「啜住」或者難推。 上面之後，佢會形成一層好靚嘅 「光澤膜」 。呢種光澤唔係油光嗰種，而係好似皮膚飲飽水嗰種自然透亮感。佢嘅質感係有少少「存在感」嘅，你會feel到塊面有層嘢，但呢種感覺又唔係厚重嗰種，而係好似有一層好薄嘅保護膜包住皮膚咁。 味道方面，佢有陣淡淡嘅草本精華味，應該係入面嘅蟲草成分嘅氣味。我覺得呢個味道幾舒服，唔會太濃烈，有種「護膚品」嘅感覺而唔係化妝品。 不過要留意嘅係，因為佢質地偏潤，如果本身係油性皮膚或者喺潮濕嘅夏天用，可能會覺得有啲「焗」。我試過喺30度嘅天氣用佢，兩個鐘之後已經覺得塊面「立立地」，要用紙巾印一印先舒服啲。 【使用感】 呢個位係我最滿意嘅部分。佢嘅 「滋潤度」 真係做得好好。我有時皮膚狀態差，乾到甩皮，用其他粉底會卡粉卡到一撻撻。但呢支粉底完全冇呢個問題，佢可以修飾到乾燥嘅皮膚，用完之後塊面望落好平滑，完全唔會見到乾紋或者甩

Yty好用推薦：Bobbi Brown蟲草防曬修護粉底液✨☀️ 講到邊兼具養膚、奶油光澤同高防曬力嘅粉底，呢支蟲草粉底液絕對係皇牌中嘅皇牌！ 用後感： 呢支粉底最驚喜嘅係佢高達 SPF 40 PA+++ 嘅防曬系數！喺精華粉底入面非常少見，上底妝嘅同時就做足高規格嘅日常防曬防護，阻隔紫外線，出門連額外塗防曬乳嘅時間都慳返，超級方便。 裡面注入咗冬蟲夏草同多種養膚精華，質地好似奢華精華液咁順滑好延展。上臉極之滋潤，成日落嚟都維持住水潤感，完全唔會乾澀、卡紋或者起死皮，暗沉問題亦大大改善。 塗開後呈現象牙般透亮嘅自然光澤，唔係油光，而係好似皮膚本來就好好嘅透亮「貴婦奶油肌」！修飾毛孔同細紋嘅效果極佳，令肌膚睇落飽滿又彈潤 遮瑕度屬於中等自然型，疊擦可以達到更好嘅修飾效果，但完全唔會顯得厚重或者假面。成日落嚟底妝都極之貼服，完美展現偽素顏嘅高級質感！ #防曬部門

Kitty 好用推薦：呢款粉底質地好輕盈，流動性高易推開，上臉之後係霧面妝效，但完全唔會覺得乾。遮瑕度屬中高水平，薄薄一層已經可以遮到7成左右嘅泛紅同暗瘡印，毛孔都修飾得幾好，妝感自然唔厚重，唔會有面具感！最驚喜係佢嘅持妝能力！朝早8點化完妝，到夜晚10點都Keep到七八成，鼻翼位冇乜點浮粉。出油之後仲有少少奶油肌效果，佢仲防水防汗防沾染，真係幾適合香港潮濕天氣💦。不過都要提一提，佢乾嘅速度都幾快，上妝要快少少；同埋乾性皮膚建議妝前保濕要做足。呢個開架價錢嚟講，性價比超高，絕對值得一試！🤩

Hellobeauty 好用推薦：小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌

Emily Leung好用推薦：Laura Mercier 柔霧粉底液測評 核心特點 · 妝效：自然的柔霧光澤。它不是重度遮瑕的假面感，而是偏向絲絨質地，能很好地修飾毛孔，打造「原生但精緻」的妝感。 · 遮瑕力：中度可疊加。一層能均勻膚色、遮蓋泛紅，對於痘印等瑕疵建議局部二次疊加，整體不會顯得厚重。 · 持妝度：中上水準。添加了控油成分，在混油皮上實測約 6-8 小時 開始出油，但出油後會轉為「奶油肌」而不會斑駁暗沉；乾肌建議做好妝前保濕。 · 膚感：極輕薄。流動性強的液態質地，推開後像「第二層肌膚」，幾乎沒有負擔感，也不易卡粉。 選購與對比 這款粉底的設計偏向「均衡型」。 · 如果你追求極致控油，它的控油力不如雅詩蘭黛 Double Wear，但精緻度更高。 · 如果你追求光澤肌，它比同品牌的「極限超時親膚粉底液」更為輕薄且帶有柔焦感。 · 關於色號：建議靠櫃試色，其色號分為 C（冷）、N（中性）、W（暖），選色邏輯較為細膩。 總結：它是一款適合混合肌（混油/混乾）的日常「不出錯」粉底，能兼顧輕薄與一定的持妝力，適合喜歡偽素顏、自然進階妝感的人。

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

Miranda好用推薦：質感 呢款粉餅嘅粉質真係幼細到令人驚喜，一摸落去好似絲絨咁滑，完全唔會有顆粒感。佢唔係乾爭爭嗰種粉餅，而係帶有少少 creamy 嘅觸感，上面之後好貼膚，唔會浮粉或者卡喺毛孔入面。最正係佢做到「柔焦」效果，一撲上去，毛孔同細紋即刻模糊咗，但又唔會厚粉，望落好似天生好皮膚咁。而且佢嘅粉體好輕盈，完全唔覺得塊面有嘢焗住，呼吸到嘅感覺好舒服。 使用感 使用感方面，呢塊粉餅真係懶人恩物。佢可以乾濕兩用：乾用嘅時候，用跟盒嘅粉撲輕輕印一印，已經可以均勻上妝，好適合返工趕時間用；濕用（噴濕粉撲再沾粉）就做到更高遮瑕力，當粉底咁用都得。我自己最鍾意用佢嚟補妝，晏晝出油之後，用紙巾輕輕印走油光，再補一層呢個粉餅，即刻還原返朝早嘅霧面妝感，仲唔會卡粉或者起屑。佢嘅遮瑕度屬於中度，基本嘅泛紅、暗瘡印同毛孔都遮到六七成，如果想更高遮瑕，可以局部疊多一層。而且佢嘅色號選擇多，好容易揀到貼近自己膚色嘅色號。 持久度 持久度方面，呢款粉餅表現相當出色。我係混合肌，用佢定妝之後，T字位出油嘅時間明顯延遲咗，大概可以保持四五個鐘先開始有少少光澤。到咗全日（約8小時）之後，妝容依然完整，唔會溶到一撻撻，只係鼻翼位有輕

Kitty 好用推薦：呢款粉餅遮瑕力幾高，所以粉質粗少少我都接受到。打完底妝之後用嚟定妝，會覺得有少少厚重。對油皮嚟講，控油力唔錯，持妝力都算OK。 缺點係毛孔比較大嘅位置、下巴痘痘粉刺多唔平滑嘅地方，如果帶妝耐咗，嗰妝效會變粗糙，冇咁貼服。呢款唔係輕薄型粉餅，皮膚缺水時，補妝會顯得有啲厚重同假面感，要做好保濕同埋控制好份量輕輕咁補。 如果皮膚好，或者唔追求無瑕妝效、想快啲出門口嘅話，搽完防晒加呢款粉餅都幾正㗎，總體來講我都好推薦大家試一試！

Emily Leung好用推薦：完美真皮染膚精華—excel光感美肌精華粉底 今年第一款被妝效驚艷到的粉底液，藥妝店粉底里的黑馬產品，妝效遠超許多大牌，價格卻只是他們的三分之一。 🌟質地：為流動性較強的乳液狀，延展性好。 🌟妝效：光澤四溢水光肌，0妝感，裡面配合了鏡面因子上臉後多角度反射光茫，看起來肌膚透亮有光澤。 🌟持妝：一天幾乎不脫妝，暗沈這塊反正肉眼是看不出來的早晚基本沒有色差。平滑毛孔光滑肌膚的效果顯著，輕盈透氣。 🌟遮瑕度：中低，畢竟是裸妝效果，修飾膚色膚質比較明顯，有斑點和痘印還需要單獨遮瑕。 使用感受：水潤輕薄不油膩的質地太適用乾皮了，而且它的光澤感特別強，畫出來的妝效就是那種日本妹子年輕清透素顏的感覺。而且它的性價比之高真的令人震驚，這麼平價的一款粉底竟然有如此完美的妝效真的吹爆！

Poyobb好用推薦：首先睇佢個名光感美肌粉底精華液，感覺係一啲好保濕護膚成份嘅粉底液。粉底液含有81%嘅精華液，化妝同事可以保養皮膚。 粉底液有輕微防曬度，spf28pa ++，感覺唔錯。 我用既係St01，精華粉底液入邊最淺嘅顏色。我平時通常用開00 01色號，但係係精華粉底液去唔到00 01顏色，整體顏色偏黃，直程深過我手臂嘅膚色。 質地好水潤，用咗好似自己啲皮膚咁樣又光澤係幾靚嘅，超級自然貼服。就咁試上手絕對可以媲美尊貴牌子一啲流質粉底液。持久度未知，不過用得呢啲咁自然透薄嘅粉底液既女仔，大多數不太着重持久度，相信皮膚大部份都無瑕疵。 相信呢枝excel精華粉底液出返一啲淺啲嘅顏色，相信會上cosme榜🫢

Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。

綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺

Poyobb好用推薦：鑽光粉底液樽身好有貴婦品牌嘅設計design。金色配深藍色，質地好grand。 質地好薄，延展性高，用粉底掃容易拖開。 我落一泵半粉底液用M.A.C平頭掃，拖出黎超薄，保濕度依然足夠。只用Cpb 啞光base打底，皮膚都唔會乾燥。 同網上流傳嘅一樣，妝感就如媽生皮膚，好似第二層皮膚一樣😍非常透薄，散發住底層自身光澤 冇乜遮瑕度，持久度一般。我（混合皮，少少痘印）用@cosme買既Chacott Matt 有顏色loose powder定妝先keep到4-5hrs。 如想keep返咁底妝透過質感，唔建議用有色loose powder，會令到個妝粗糙咗，曬咗咁靚既底妝。建議用返類似muf 較為輕身/透明loose powder，或者淨係噴setting spray😊 天生冇瑕疵既膚質，乾肌至中性肌啱用鑽光版。 夏天我會試埋啞光版。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

Fng好用推薦： MAKE UP FOR EVER HD SKIN 高清隱形持妝粉底 ✨ 特色 · 24小時持久不暗沉：官方聲稱防水、抗汗、不沾口罩，加入咗「原色持妝成膜技術」延緩氧化暗沉，好適合香港又熱又濕嘅夏天。 · 輕薄半霧面妝效：主打「微肌貼膚網絡」技術，跟住面部表情保持彈性，做到不顯紋、不卡粉。 · 智慧油水平衡：專門為中性、混合性同油性肌膚而設，做到「潤而不黏、霧而不乾」。 · 中高遮瑕力，可疊加：遮瑕度大約5-7成，但可以局部疊加唔會變厚重，修飾毛孔同泛紅表現唔錯。 💬 評價 · 妝效自然貼服，天生好皮膚嘅感覺 · 持妝力強，喺悶熱天氣下帶妝6-8小時，出油後妝容依然完整，形成「奶油肌」光澤 · 質地水潤有流動性，好推開，用手指或美妝蛋上都容易處理 注意點： · 需要技巧：粉底液乾得比較快，上臉後要快手推勻，否則會卡毛孔出現「白芝麻」。建議分區上妝，先上半邊臉推開再處理另一邊。 · 遮瑕度中等：如果追求高遮瑕，呢款可能要疊加兩層，或者配合專用遮瑕膏。 📌 總結 呢款粉底液係一款控油、持久、輕薄貼膚嘅半霧面粉底，特別適合混合肌同油肌喺香港夏天用。如果你鍾意自然透薄、有原生好皮

Tobimak好用推薦：我覺得MAKE UP FOR EVER 的 HD SKIN 高清隱形持妝粉底質地輕盈，推開之後好貼服，遮瑕度剛剛好，不會覺得厚重。最重要係夏日天氣再熱，妝容都依然持久穩定，出汗都唔容易脫妝。用完皮膚感覺清爽透氣，妝效自然，仲有微微光澤感，令膚質睇落更好。已經用到第二瓶，真心推薦俾朋友，夏日必備粉底之一！

布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏‍♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼

tangym0704好用推薦：一直用開 Estee Lauder Futurist 持久水凝亮澤修護粉底 SPF20，質地水潤好推，1N1 色號啱晒我亞洲黃調肌，遮輕微紅腫暗沉都自然。秋冬冷乾天氣特別岩，保濕力 OK，香港上班潮濕環境都頂得住。 持久度嚟講，朝早化好妝，無 primer 無碎粉，中午 T 字位微油但變奶油肌 feel，下晝 4 點光澤仲有，鼻翼稍 小小卡粉，日常約會夠用。差唔多日日用都無敏感無痘痘，同埋卸妝後皮膚唔乾。 岩曬乾肌同混合肌用～

Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

綺羅香好用推薦：我最看重粉底液就係會唔會致痘，以前試過幾個出名嘅開架同專櫃牌子都好唔掂，為咗唔想嘥錢又嘥咗大大支粉底液，就專入手試用裝 NARS呢款粉底液試用裝一啲都唔孤寒，一支細細支起碼用咗差唔多10次，由於試用裝唔係隻隻色都有，底妝難免同原來膚色有落差，不過好輕薄貼服，上一層大概有6～7成遮瑕度，皮膚有淡淡透出嚟嘅光，同最重要持妝一日並無致痘‼️可能我定妝做得唔好，戴咗一日口罩，近鼻哥位浮妝，但整體妝感仲keep得好好

羅小白好用推薦：都幾水潤，而上面唔卡粉，有種天生皮膚好好嘅感覺，但大約四個幾鐘頭之後會開始氧化，塊面會黑左一兩度，所以想買嘅話，建議買番白一度嘅色

Emily Leung好用推薦：#火熱新品 Laneige新品氣墊｜和金碩珍一樣還原美貌吧！ 因為JIN有代言蘭芝，還送立牌，剛剛好氣墊用完了，抱著試試的心理，下單了氣墊。沒想到還可以，遮瑕力也湊合，妝感輕薄，滿足日常妝的基本需求。 💛本人膚質：混合偏油，有明顯毛孔，黃1白，橄欖皮 💛質地：粉質細膩輕薄，容易取粉 💛妝效：啞光和光澤之中的微水光肌感 💛遮瑕：五六分，偏自然輕透，能修飾一點毛孔。 💛持妝：未定妝的情況下能持妝6小時，定好妝估計8小時以上不成問題。 韓系氣墊一般主打清透水光肌，遮瑕力較爲欠缺。日常淡妝或者短途打個底還是可以的。如果是為了代言人周邊，就馬上入手！😘😘😘

Amy KHM好用推薦：老實說係因為Jin代言所以入手🫣但意外地發現係一款適合唔同膚質嘅cushion！ 以前冇聽過有Mewy呢個terms 官方話要Growy同Matte嘅中間值然後上妝個下會即刻明係咩一回事 本身皮膚係混合性偏油 尤其係T zone同面頰 佢個粉撲係好貼心嘅U型方便上鼻翼位同嘴角 因為始終夏天都會易出油所以用完都會用碎粉定妝 但如果for乾肌 真係可以直接上完噴個定妝就搞掂🙂‍↕️ 推薦比所有膚質嘅夏日cushion! 我官網買個陣仲連一個refill同啲mini skincare 方便帶去旅行用~

Sanna Cher好用推薦：使用工具如圖，提取份量比粉底液多，可視乎個人需要使用。塗上primer及under eye corrector 後的臉部情況，可見瑕疵和泛紅。塗上產品後的臉部明顯白晢，瑕疵減少，膚色均勻了不少。個人認為，效果適合上妝，當然上偽素顏妝容亦可以。完妝照片，使用loose powder作定妝，如使用setting spray 的光澤感會更強。

Poyobb好用推薦：有啲似Ettusais 有一種藍色foundation ，變粉狀嘅粉底液，賣點防水不輕易沾污雙手，一啲唔鍾意搽碎粉嘅人仕，我喺讀書年代都買過呢種粉底 佢係流質粉底液，只有三隻顏色01 02 03。雖然01係明亮色，但係都有點偏黃嘅感覺，所以要試顏色先買。建議用粉撲去上妝，會比較均勻。試過用紙巾去抹，咁既然都會有粉底液真係唔算容易甩。 佢base使用保濕型嘅底妝先至啱用，雖然係好水潤輕透，但乾透後唔夠保濕。

Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。