DOLCE & GABBANA

Blueberry Nutri-tint

多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係化妝嘅第二步，BLUEBERRY NUTRI TINT 藍莓精萃粉露。 扁扁嘅樽身，金色嘅樽蓋充滿質感，精萃粉露比一般嘅粉底更透氣、更清爽，質感有啲似CC cream，而且液體嘅流動性更強。同佢嘅妝前底霜一樣，質地清爽透氣，含有清涼因子，喺炎炎夏日仍然保持涼快舒適，非常適合香港炎熱潮濕嘅天氣。 全系列總共有30個色號，適合唔同嘅膚色。我試用嘅色號係03W，係色調屬於明亮色。平時化妝之前即使搽咗妝前乳，有時都會因為皮膚太乾，上粉底之後出現卡粉/甩皮嘅情況。但係呢一隻精萃粉露上面之後真係做到保濕同埋提亮膚色，妝感輕盈透薄，而且略顯光澤。即使疊加好多層都唔會有厚重嘅感覺，好似天生就有好皮膚一樣咁乾淨，咁自然。 使用前： 使用後： 暗沉嘅膚色瞬間提亮，妝容略帶磨皮嘅效果，而且妝感輕透唔黏稠，睇落好自然。但係佢唔帶任何防曬效

首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 粉底包裝的骰, 好適合放入小廢包, 方便攜帶外出補妝用 我用嘅係06W號色, 粉底質感輕薄易推, 上面好透薄貼服, 不過遮瑕能力一般, 上咗一層都依然見到紅印 但勝在可以疊加, 上圖為疊加多一層效果, 妝感唔算重, 個人認為非常自然, 而且佢都幾保濕, 長期喺冷氣底下吹風都唔會覺得乾, 但個妝就唔太long last, 不過畢竟妝感自然, 就算脫妝都唔會一躂躂, 自己幾滿意, 不過較為遜色就係冇防曬功效

今次分享下Blueberry Nutri-Tint嘅用後感🫐 產品特色&吸睛位： 🫐高度保濕🫐可疊加至中等覆蓋力🫐輕盈清爽 🫐用後感： 外觀：包裝精美，平扁啞色膠樽，輕巧size岩岩手掌內，易收納，方便出外/旅行用。因質地較液體狀，有尖咀頭，易控制份量。 🫐質感：水潤幼滑，易推開 🫐使用感： -上粉前：毛孔粗大，有輕微黑眼圈，痘印，膚色不均。-上粉前，先讓妝前乳完全吸收後。然後，全面上一層，見到妝感係勁透薄，遮暇力低，適合做棵妝妝感。我上埋第二層就做到中等覆蓋力，再重點疊加一啲色素&暇疵位置。妝感仍然好清爽透氣，唔會厚重。見到膚色均勻咗&毛孔輕微細緻咗✨🫐建議： 高保濕類粉底，往往都會好笠/易溶妝，但依個粉底唔會好潤好笠，又唔會好，似揀咗素顏霜果種均勻膚色。 若想粉底持久度更好，我會係定妝後再用保濕型定妝噴霧會更好。 因有護膚成分，功效唔多，所以性價比屬中等。惟一缺點都係無防曬。 🫐總括： 均勻膚色：🌟🌟🌟🌟🌟 遮瑕度：🌟 光澤感：🌟🌟 妝效貼服：🌟🌟🌟🌟🌟 肌膚舒爽度：🌟🌟🌟🌟🌟 持久度：🌟🌟🌟🌟

好開心有幸嘗試DOLCE & GABBANA BEAUTY 嘅新品。BLUEBERRY NUTRI TINT嘅質地好清爽，透氣度高，用後唔會有侷促感。延伸性非常高，粉質幼滑，十分容易推開。搽上面之後會有清涼感，因為粉底入邊加入清涼因子，上面後一段時間仍然有清涼嘅感覺，非常適合夏天使用。雖然佢有清涼嘅感覺，但佢完全唔乾， 因為添加甘油葡萄糖苷成分，保濕但不黏立。上面後嘅妝感透亮光澤，因為佢有加入意大利藍莓，幫助肌膚提亮澤感。遮瑕度不錯，面上色斑大概遮到七成。 修飾毛孔嘅功能亦都做得幾好。持妝度亦都不錯，出咗一日街之後主要都係T字位脫妝。 整體而言值得一試

多謝cosme邀請試用D&G新出BLUEBERRY NUTRI TINT🥰 BLUEBERRY NUTRI TINT主打補水,輕薄同光澤。好多粉底都會用玻璃包裝，搞到勁重，而BLUEBERRY NUTRI TINT包裝主打一個輕身，帶去旅行都好方便✈️ 但同事都因為唔係玻璃包裝，所以開咗都建議快啲用😹 今次自己試用05N，同平時其他牌子色號差唔多。BLUEBERRY NUTRI TINT質地算係比較水，好易推開，有少少閃粉，個妝比較係水感光澤。平時用開化妝海棉上妝，但BLUEBERRY NUTRI TINT感覺用手推開上得仲自然。另外，成份當中有藍莓，保濕度都冇問題，唯一就係越清透嘅底妝，遮瑕力就越低，所以原本皮膚好，純粹係調色，單用就完全冇問題。如果本身有小瑕疵，就可能要加埋遮瑕膏一齊用。 推薦度：❤️❤️❤️❤️ 保濕度：❤️❤️❤️❤️❤️ 遮瑕度：❤️❤️ 持妝力：❤️❤️❤️❤️

感謝@cosme 提供產品試用。今次係我第一次用Dolce & Gabbana Beauty嘅產品，成個底妝系列嘅包裝走奢華風，金色包裝高貴得來又簡約，而且三件底妝產品都含有天然保濕成份，真係好吸引😍 Blueberry Nutri Tint個包裝好簡約，最鍾意佢個樽係好扁身，帶去旅行用都好方便。瓶嘴夠細，所以好容易唧到所需份量出嚟。 質感： 好輕盈透氣，唔厚身，好容易推開，唔會好快乾，個人幾鍾意呢個質地。搽上面時有少少涼涼哋嘅感覺，可以為皮膚降溫，好適合夏天用，好舒服😌 效果： 好貼服自然，可以均勻膚色，有my skin but better嘅感覺。妝效帶點光澤但唔會油膩，上粉底後皮膚望落更細緻，個人好鍾意呢個妝效，似偽素顏😍。持久度唔錯，就算有出汗都唔會甩到一撻撻。用佢上妝清爽得嚟又有啲保濕，而且好透薄，好啱而家咁熱嘅天氣用。不過因為佢係tint ，始終遮瑕度唔及粉底，建議有瑕疵嘅部份用遮瑕膏個效果會好啲。 總結： 最驚喜嘅係連續用咗幾日，覺得皮膚落妝後都滑咗😍 推薦俾鍾意自然妝效，透薄妝感的你~

估唔到第一次接觸DOLCE&GABBANA會係佢地嘅BEAUTY系列，收到試用邀請時真係好期待體驗下佢哋嘅底妝產品。BLUEBERRY NUTRI TINT的造型奢華，金色嘅元素+薄薄嘅容器，很適合放在手袋帶出街🥰 質地: 偏水狀，有一定流動性，所以抹在皮膚上很輕盈透薄 妝感: 因為質地偏透薄，所以用在臉上沒有明顯妝感，不像一般的粉底液，反而似潤色霜，用嚟較正/ 均勻膚色效果不錯，可以令臉上有健康光澤。另外剛剛使用時有明顯嘅清涼感，過一段時間就會減退。 持妝度: 當日氣溫很炎熱，又時晴時雨，臉上出油量較多，當時有一併使用了BERGAMOT GLOW PRIMER+ FIG SKIN PROTECTOR，但外出大約5小時後，底妝在T字位/面頰已經肉眼可見地溶掉了。 總結: BLUEBERRY NUTRI TINT可以為喜歡淡妝嘅人打造好膚色，但只適合無瑕肌/乾肌人/在秋冬季節用。容易出油嘅人先用控油產品打底，應該可以延長持妝度。

多謝@cosme邀請我試用DOLCE & GABBANA BEAUTY  全新夏日奢華時尚底妝  3 件新品！化出清爽、零瑕、亮麗妝容  第一步使用 BERGAMOT GLOW PRIMER 夏日必備嘅妝前底霜大大改善肌膚質感同持妝度！好特別係未推開係雪芭嘅質感，一推開不得了，滿滿水感好清爽，原來加入左地中海海水成分同高濃度透明質酸，整體查完上面嘅感受係鍾意嘅唔黏笠～特別係夏天熱辣辣！不得不提仲有係呢支primer嘅外觀好高貴，仲有埋金屬條~ 第二步係用BLUEBERRY NUTRI TINT 做粉底，質地岩晒夏天透薄輕盈～遮瑕度一段～主要係做番個光澤感嘅妝效～好自然清爽！包裝好輕便，要帶去旅行或者袋仔都好方便！ 第三步用Fig Skin Perfector 做定妝～第一眼係比外觀吸引左，唔知以為係Highlight嚟～用呢個做碎粉定妝之餘仲可以帶少少自然嘅光澤感～唔會好誇張做大戲咁～都無影響到底妝～ 完妝好滑嫩咁😍 同埋出完街持久度比想像中好～唔錯喔！

好難得可以試到呢個品牌既化妝品，非常感謝cosme提供呢次既體驗。 包裝外觀令人感覺好奢華高級, 質地水潤透薄，適合鍾意自然妝感既人。相對黎講就係遮瑕度比較弱。不過我自己係好容易上妝會甩皮既人，一甩皮其實就成個妝都冇得救，所以寧願揀呢d自然水潤既粉底，亦都幫到提亮膚色，如果出席重要場合就要再加遮瑕膏。 上粉底前用咗佢同系列既Primer打底，覺得有幫到皮膚更保濕。 before after

水油乳混合質地非常透薄，妝感完全零負擔，清涼因子亦令夏天化妝變得舒適，就算出門後亦持續感覺面部有陣陣涼感。 配合Fig Skin Perfector粉餅定妝略嫌唔夠力，可能由於Tint質地太濕潤，粉餅亦偏透薄細緻，力度唔夠。 見過網上介紹推薦使用手指塗抹，但效果奇差，建議用粉底掃或乾用粉底海綿，例如棉花糖Puff或粉底綿。 包裝輕便得嚟高級嘅設計非常出色，使用唧唧膠樽，唔重而且容易攜帶。不過唧唧膠樽喺唔開蓋情況下都撳到，所以就算唔係使用緊都會唧咗啲落蓋頂，另蓋內同唧口都相對污糟。 遮瑕度未達中等，疊加使用嘅遮瑕亦唔理想，反而令疊加咗嘅部位有結塊跡象，需要中至大程度遮瑕的話，建議先喺底部另上遮瑕膏，或另選粉底。 如配Bergamot Glow Primer，甚至任何Primer，妝感似乎更唔適合。嘗試過用Bergamot Glow Primer、LM養膚底霜、Shiseido Blur Primer打底，分別用手指、粉底掃、棉花糖Puff上Tint，但都無法last到下午，只係幾小時就會出現結塊，到下午就會溶妝。 但如果唔用Primer，於防曬後直接上Tint，效果反而更long l

感謝@cosme 讓我體驗一下新的 DOLCE & GABBANA 的 BLUEBERRY NUTRI TINT 我最近嘗試了這個粉底 BLUEBERRY NUTRI TINT，我確實挺喜歡的！對於喜歡自然妝容的人來說，這款粉底的輕盈度恰到好處。包裝小巧，連樽也不覺重, 它可以輕鬆放進我的旅行包裡，不佔用任何寶貴的空間, 可以說是旅行恩物。 它質地易於抹開, 無論是化妝刷或化妝棉, 它都能毫不費力地融入我的皮膚。我對它如何讓我的皮膚保持呼吸同時仍然提供適量的覆蓋感到震驚。內含清涼因子, 肌膚保持一整天持久清爽持妝. 感覺就像我根本沒有化妝，但我的膚色看起來充滿活力和清新。 值得一提的時, 它有意大利Cliento藍莓成分，全面提升肌膚亮度同時保持自然的光澤, 不會像一些較重的粉底那樣形成任何細紋或突出瑕疵。如果您正在尋找一款感覺輕盈、看起來自然, 能打造光澤、細緻、雅亮底妝的粉底，快來試試D&G BLUEBERRY NUTRI TINT

Dolce & Gabbana Beauty Blueberry Nutri-Tint #05N Light (Foundation Shade Used) Benefits: hydration +healthy skin glow+buildable coverage+blurring effect+breathable+skin’s radiance 提供30款不同色調，而且分為 Cool tone (C)冷調, neutral (N)中性色, warm tone (W)暖調， 相信不同膚色由淺到深都可找到適合自己的粉底色調。 質地輕盈透氣，不會好悶熱或令人不想用。 帶柔焦效果，完妝極透薄自然，沒有妝感，不會有戴面具的感覺， 還會讓人以為您天生麗質。具自然提亮效果，帶光澤及透明感。 可疊加粉底來增加遮瑕度，能遮蓋毛孔及面上泛紅。 蘊含不少美肌成分，當中以保濕成分為主， 另外也添加了一些抗衰老及控油等成分。 持妝非常好，沒有因出油而溶妝，可以省掉補妝的時間。 含保濕成分: 矽靈, 甘油, 三甲基矽烷氧基矽酸酯, 甘油葡糖苷, 氫氧化鋁, 乙基己基甘油 及 乳酸 抗

多謝 @cosme 抽中今次試用DOLCE & GABBANA BLUEBERRY NUTRI TINT 第一次體驗D&G beauty 既美妝產品 大概總結試用感想： 🤓自然透薄 / 容易推開 😄 只需薄塗一層再均勻推開便可 🙂 遮瑕方面比較少，沒能遮蓋包斑 一抹即時融入肌膚，不過本身膚質比較乾所以今次我用左化妝棉細按方式搽 唯一不足地方，沒有太好收細毛孔…除此以外都可以用用作日常想要快速出門妝容

今次得到由@cosme 募集試用Dolce & Gabbana Beauty 2024年7月上市的新品Bergamot Glow Primer, Blueberrt Nutri Tint 及 Fig Skin Perfector, 感謝邀請！十分期待🥰 以下為Blueberrt Nutri Tint的試用報告：粉底外包裝看似很奢華，但原來是膠裝，非常好。 經常外出去旅行，帶這個粉底更輕便，非常喜歡這個包裝！（在拍照時跌了2次在地上，絲毫無損☺️☺️） 試用色號為05N Light，在官網看這個是頗淺的顏色，對亞洲人來說，皮膚中等偏白的人很適合。 質地水潤，非常容易推開。妝感輕薄清爽，十分適合日常使用。 這個是會回購的粉底！ 😍

感謝@cosme 俾機會我試用呢款blueberry nutri tint，呢款nutri tint作為粉底液但質地水潤，無香味，未用之前我嘅皮膚係暗啞無光，用完上臉有提亮膚色效果同埋有小小遮瑕作用，搽上臉粉底輕盈，清爽，保濕度高，我係夏天咁熱嘅氣候用都完全唔會脫妝，用完呢款粉底之後，妝感超靚，完全唔會厚粉，妝效光澤感十足，因為呢款粉底具有24小時保濕效能，成分富含甘油葡萄糖苷，創新水基配方確保我嘅肌膚維持濕潤，同埋有清涼因子令到我嘅皮膚持久清爽，因為水油融合乳液質地配方，所以妝感自然貼服，成分仲有義大利cliento藍莓，全面提升肌膚亮度，配合精細粉質達到完美底妝效果，所以用完非常透薄完全唔覺得似搽咗粉底液，我用嘅色號係03W light，非常適合我嘅膚色，同埋包裝好靚非常時尚，係今個夏天最值得用嘅粉底