找產品
自然妝效 推薦好用產品
1,805 件
莓莓好用推薦：【KATE怪獸級持色唇膏 05 乾燥無花果】詳細評測 今日要同大家分享呢支紅足幾年、被譽為「開架皇牌」嘅KATE 怪獸級持色唇膏，色號#05 乾燥無花果 。坊間成日講到佢「唔沾杯」、「鎖色力強」，仲有人搞笑話佢可以兼任「面霜」同「妝前乳」咁誇張？等我哋由質地開始，同你逐層拆解下！ 質地 大家冷靜啲先，佢只係唇膏嚟咋，真係唔建議你拎嚟捽面！呢個純粹係形容佢個質感好滑、好似乳霜咁軟糯 。 質地上唇極之順滑，佢唔係乾爭爭嘅霧面，亦唔係豬油膏嗰種假油光，而係一種好貼膚嘅「水光感」。佢個秘密在於「高持色凍膜技術」，一掂到嘴唇嘅體溫就會融化成薄膜，黐得好實 。感覺似搽緊一層好輕身嘅潤唇膏，冇咩異物感。 味道 味道呢方面……其實係無味嘅。佢冇添加任何水果味或人工香料，對於好驚濃烈化妝品味嘅朋友嚟講，呢個絕對係加分位。就算戴口罩成日，都唔會焗到一陣怪味出嚟。 滋潤度 呢點要分開兩個時段講。 · 剛上唇：滋潤度極高，好似有一層保護膜包住，唇紋即刻隱形 。 · 過咗幾個鐘：因為佢鎖色效果好強，相對地會抽乾少少水分。如果本身嘴唇係「乾旱地」，建議之前做定多啲護唇打底，否則後尾會覺得有啲乾，甚至顯
<看全文>YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。
<看全文>
Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺
<看全文>YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油
<看全文>
Lindabb好用推薦：真愛碎粉，Laura Mercier 經典碎粉 最初係上網見到勁多好評，就去買咗個細罐裝。當時已經覺得好好用，之後陸陸續續用過唔少碎粉，Givenchy、Nars、Make Up For Ever 等等，兜兜轉轉又用返佢，依然覺得佢係我秋冬嘅本命碎粉。 我本身冬天混乾，夏天混油，通常會喺秋冬天氣用佢。佢本身係唔跟粉撲嘅，我自己喺淘寶買咗個放落去，啱啱好。佢真係超級保濕，完全唔使擔心會抽乾水份嗰種，上面同粉底液融合得好好，有隱藏毛孔嘅效果，會顯得皮膚本身就好乾淨咁。我本身抗痘多年，塊面有唔少凹凸不平嘅痘坑，對個妝嘅要求就係要啞緻乾淨，佢完全可以滿足到我嘅需要。 之前一路覺得佢控油力爭少少，唔會喺大熱天時用佢。今年手頭嗰盒碎粉啱好用晒，未趕得切買新嘅，攞起佢用咗幾日，意外發現控油力都唔錯，夏尾夏初都頂得住。勁爆汗嘅大熱天我仲未試過，通常會轉用控油效果再好啲嘅款。其他季節對我嚟講都係超完美～
<看全文>Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。
<看全文>
FishFish好用推薦：【NARS 胭脂 Orgasm 測評】💗 講到胭脂界嘅傳奇，NARS Orgasm 呢個名，未用過都一定聽過！被人形容為「高潮之後嘅自然紅潤」，到底係咪真係咁神奇？等我同大家詳細試清楚！ 🔍 包裝 & 色澤 經典 NARS 黑色磨砂盒，勁易沾指紋（笑）。Orgasm 係蜜桃粉紅 + 金色珠光嘅融合： · 室內光：睇落似低調玫瑰粉 · 陽光下：金色光澤會閃出來，唔係大亮片，係好細嘅珠光 ✅ 優點 · 顏色真係好靚：上臉係「由內透出嘅紅潤感」，唔係死實實一撻粉紅色。金色珠光令蘋果肌有自然光澤，可以慳返打亮步驟。 · 顯色度適中：輕掃一層已經有氣色，疊兩三層都唔會太重手。新手用都唔易出事。 · 持久度幾好：正常混合肌帶妝6-7小時都仲見到色，油面人可能會退快少少，但唔會溶到一撻撻。 · 唔挑膚色：白皮用係粉嫩少女，小麥肌用會變健康光澤感，好百搭。 ❌ 缺點 · 珠光偏明顯：如果唔鍾意閃粉 / 毛孔粗大 / 痘疤凹凸洞，呢盒可能會放大缺點，因為金色珠光會反光突顯紋理。建議用點彩刷輕掃，避開毛孔明顯嘅位置。 · 飛粉問題：用手指摸粉質唔算極幼，用掃沾取時會有少少飛粉，使用前最好「弹一
<看全文>布吶吶好用推薦：好！今次同大家做一個 NARS 胭脂嘅測評，重點講吓經典色號 Deep Throat。佢同 Orgasm 一樣咁出名，但係有啲微妙分別㗎！ 整體評價： Deep Throat 係 NARS 最受歡迎嘅色號之一，屬於 帶細緻金閃嘅蜜桃粉紅色。相比 Orgasm，佢更低調、更日常，閃粉無咁誇張，顏色也更偏蜜桃一啲，被唔少人稱為「更貼膚、更自然嘅 Orgasm」。 詳細測評 1. 顏色與質地 · 色調： 係一隻 暖調蜜桃粉，帶有細細嘅 金色珠光。上臉後顏色非常貼合皮膚，唔會突兀，好似本身皮膚透出嘅紅潤感。 · 珠光： 金色珠光好細膩，唔會好誇張，光澤係 低調嘅絲緞光，唔會顯毛孔，反而有種皮膚好好嘅感覺。 · 粉質： NARS 嘅粉質出名幼細、順滑、貼服。壓粉實淨，但唔難取粉，顯色度屬於 中等，可以慢慢疊加。 2. 上妝效果 · 自然度： ★★★★★ 融合度極高，顏色同光澤都好自然，偽素顏神器。就算係化妝新手都好易掌握。 · 光澤感： ★★★★☆ 金色珠光低調得嚟又有效提亮蘋果肌，營造健康光澤感，唔會好似「十八銅人」咁金閃閃。 · 持久度： ★★★★☆ 持久度非常好！一
<看全文>
🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特
<看全文>Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。
<看全文>
Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！
<看全文>lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～
<看全文>
zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）
<看全文>Kitty 好用推薦：本身見佢呢隻係日本開架人氣款，話防汗防油仲要超持久，我咁易溶妝嘅油眼皮當然要試吓啦！ ✨筆芯軟硬度： 一畫上手覺得超順滑！筆芯偏軟但唔會易斷，輕輕一畫已經好顯色，唔使用力壓眼皮～對於新手來講好友好，畫內眼線都唔會拮眼！ 🔥持久度測試： 我朝早9點化妝出街，到夜晚7點返屋企～期間冇補過妝，眼線竟然冇溶到！只係眼尾微微淡咗少少（我仲眼皮易出油添！）。超防水，測試過，就算用洗手液都洗唔甩。真心佩服佢嘅防水抗油能力～💪 🐼防暈染表現： 完全冇熊猫眼！之前用過唔少開架眼線筆，到下午就暈到落眼袋，但呢支真係乖乖哋留喺原位～就算戴住口罩焗住塊面都頂得住！ 💦卸妝難度： 雖然佢持久，但用眼部卸妝液敷10秒左右就抹得走～唔使捽到眼皮紅晒，呢點我好滿意～！ 缺點都要講吓： 個設計系用幾多轉幾多，一次轉太多出來收不返去容易斷，同埋如果筆頭可以再幼細少少就更完美，畫極細眼尾線會更精準～ 總結： 百零蚊支嘅開架眼線筆來講，性價比超高！油眼皮姊妹絕對可以入手～建議畫眼線前先撲少少碎粉打底，效果更無敵！💖
<看全文>
Sophia好用推薦：Charlotte Tilbury 四色眼影一向優質，色號MESMERISING MAROON係我嘅最愛💯 - 粉質細緻柔滑，容易取粉又唔飛粉 ✨ - 顯色度高，淺色自然打底、中間色層次豐富、深色一次上色已夠飽和 🎯 - 色調偏酒紅同玫瑰色調，配色感覺高貴顯白🍷 - 閃粉細緻，貼服不顯顆粒，打亮眼皮或眼頭效果超讚 ✨👀 - 深色淺色都好容易暈開，效果過渡自然，適合新手使用🤎 - 持妝力良好，一整天不脫妝 🕗 推薦俾喜歡酒紅深邃感的朋友，無論日常上班或晚妝都夠用好用💖👍
<看全文>布吶吶好用推薦：呢個係Charlotte Tilbury嘅招牌四色眼影盤，色號Pillow Talk。整體係溫柔玫瑰粉褐色調，非常適合日常、約會或偽素顏妝容。 粉質方面，CT做得好好，好細滑而且唔飛粉。四個色嘅分工清晰：左上係帶微珠光嘅淺香檳粉，做眼皮打底同提亮眼頭；右上係啞光乾燥玫瑰色，做主色掃眼窩好自然；左下係帶閃嘅玫瑰金，點喺眼皮中央可以令雙眼立體又有光澤；右下係深啡色，用嚟畫眼線同加深眼尾。 好處係妝感高級、溫柔顯氣質，持久度都幾好，大半天都唔會點積線。不過要留意，呢盤色調偏清淡，適合喜歡自然妝感嘅人，濃妝愛好者可能會覺得唔夠顯色。另外，最深色如果做眼線，建議配眼線刷濕用會更實色。 總括嚟講，係一盤好易用、唔會出錯嘅眼影，新手或化妝老手都值得擁有。
<看全文>
natanatalie好用推薦：最愛的平價eyeliner！❤️ 油眼嘅我好難揾到一支真係持久又顯色嘅眼線筆，今次呢支係我嘅all time favourite！🥰 Cosme store同其他藥妝店都輕易買到，價錢算平，係小資女嘅首選！首先講下掃頭，非常容易控制，新手都好易上手，勾畫唔同眼線都好容易！而且佢好顯色，唔會好難畫！重要係妝效好持久，我對眼一向好易溶妝，但用左佢，十幾個鐘都keep到！👏🏻 最近中意試唔同眼妝嘅我更愛佢嘅原因係佢有好多色可以揀，可以因應嗰日想化咩就揀咩色！👍🏻
<看全文>Connor好用推薦：Ettusais出品一向都有保證，新買呢枝眼線筆都好好用👍🏻筆頭極幼，用嚟畫埋下眼睫毛都得，仲好細滑，本人油眼實測過防水防油同持妝👌🏻準備入手埋其他顏色
<看全文>
ying好用推薦：Excel SR03 四色眼影 🌸 Excel 裸色深邃眼影 SR03 Skinny Rich Shadow 日系溫柔奶茶棕 新手入門必備盤 📋 產品資訊 品牌｜Excel（日本開架彩妝） 產品｜裸色深邃四色眼影 SR03 色系｜Royal Brown 時尚暖棕／奶茶棕 容量｜4.3g 產地｜日本 特點： ▸ 日本常盤工業粉體技術 ▸ 添加角鯊烷保濕成分 ▸ 粉質細膩滋潤，不飛粉 ▸ 日系輕透妝感，新手友好 💬 真實用後感 ✔️ 粉質：極度細膩滋潤 添加角鯊烷成分，上眼好貼服 唔會飛粉，用手指或刷上都好好推 ✔️ 顯色度：輕透自然 日系眼影一貫風格，顯色度中等 重手都唔會變熊貓眼 新手超級友好 ✔️ 配色：溫柔奶茶棕 SR03 係品牌最熱賣色號 四色組合：打底色＋主色＋提亮＋眼線色 由淺到深，跟背面教學就畫到完整眼妝 ✔️ 持久度：全日唔脫妝 混油皮實測朝早到夜晚都冇積線 珠光色keep到全日 ✔️ 妝感：溫柔有神 上眼後雙眼變得柔和有精神 唔誇張，但係氣質提升✨ ⚠️ 小缺點： 四色都
<看全文>布吶吶好用推薦：今次同大家分享我嘅新寵——日本Excel四色眼影盤SR04！✨ 真係要講句：呢盤簡直係我嘅「本命眼影」！作為每日返工必備嘅裸色系，佢嘅溫柔感真係驚艷到我啊～每個顏色都靚到「絕絕子」，點搽都唔會出錯！ 我前排成日見到人推，忍唔住手即刻入手🤭 用落真心覺得太方便！粉質細滑到呢～連手指都可以輕鬆暈染開，趕時間嘅朝早真係救星！懶人同新手必備！ 整體色系：暖調裸米色系，帶極細微嘅粉調，偏向「日常氣質型」 1. 左上角（A）： 啞光米白色 · 近乎膚色嘅淺米白，主要用作打底均勻眼皮色，或者提亮眉骨。粉質非常薄透。 2. 右上角（B）： 緞光淺膚棕色 · 帶極細微珠光嘅暖調淺棕，係全盤最常用嘅「主色」。上眼自然加深輪廓，有微微光澤感。 3. 左下角（C）： 微閃深棕色 · 帶少少金閃嘅暖深棕，適合暈染眼尾或當眼線色。閃片極細，唔會誇張。 4. 右下角（D）： 細緻香檳珠光色 · 低調嘅香檳金閃片，濕潤感強。點綴眼皮中央或眼頭，增加立體感。 粉質特點： 1. 絲滑軟糯似「牛油」 · 摸上去係一種 濕潤又綿密 嘅觸感，完全唔飛粉。日系開架中少見嘅高級粉質。 2. 顯色度恰到好處 · 屬於 中度顯色
<看全文>
wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！
<看全文>🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品
<看全文>
Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；
<看全文>Hy好用推薦：這包裝也太可愛了 雖然是試用裝 但很耐用 保質期還是2年多 打開有鏡子 能看清臉上細緻位 用拇指粉撲按在眼角 鼻翼側 🫣 即便平常趕著出門 也能精緻的見面✨ 色號 1 柔彩白 偏亮的自然 不假白 能將臉脖交接的色調融合 是一般可選用 色號2 自然白 適合黃皮使用 不厚重但有修飾瑕疵效果 最新的0號 冷白皮可入 遠近都給人膚白貌美印象
<看全文>
Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕
<看全文>Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。
<看全文>
TsuenMa好用推薦：HEAVY ROTATION #自然眉妝 #日系 09號色Natural Brown✅標榜係吾會失敗嘅顏色 呢隻色應該係無論染深啡色定啡色都可以搭配得到💖 一條無甘黑甘實色嘅眉，可以令到整體嘅氣場溫和吾少，增添日系妹子嘅氛圍🌸 一枝大概60-80蚊左右，但一枝細細枝就算日日用都可以用到好耐，性價比好高，推薦盲入手，吾洗多諗試試佢😙 我諗我會想試埋佢其他色，襯吾同嘅裝感同髮型，但呢枝色會係化妝包入面嘅常駐item 🥰 效果圖：
<看全文>natanatalie好用推薦：必買的開架眉彩產品👍🏻 這一款眉彩正面評價有很多，價錢非常相宜，這次我買了棕色這款，效果非常滿意。😝 首先，顏色非常大眾化，你能夠輕易找到配合你髮色的眉彩顏色。掃頭也是非常容易操作，你很容易便可以把眉毛染成你想要的顏色。🥰 而且眉彩的質地不會容易結痂結塊，用後效果非常自然。用了它之後，整條眉毛都像很自然，像原生眉那樣，妝感非常自然，而且效果非常持久，通常我化了八至十個小時，眉毛都不會變色。有了這款眉彩，整個妝感都會提升一個層次，無論是影相打卡或是約會都是非常適合的。💋
<看全文>
Belle LUI好用推薦：去旅行、作息亂，皮膚最容易鬧脾氣——時差加飲食影響，搞得我容易長粒粒、又易脫妝。之前就用過他們家的粉底液，很好上妝，但去旅行不想帶太多東西，氣墊就是最方便的選擇。所以我帶上了這顆——Charlotte Tilbury 夢幻柔光粉氣墊，粉粉嫩嫩的超可愛😍。薄薄一層，瑕疵就遮了八九成，泛紅和暗粒修飾很多，毛孔也隱藏了不少。而且它帶有自然光澤感，提亮膚色、看起來很精神，整天下來也不會暗黃，非常自然——完全是為我這種瞎忙的媽媽而設的😂 我是混合偏油肌，鼻翼兩側特別容易出油，所以一定會搭配他們的輕盈無瑕蜜粉。一整天趕行程也不需要特別補妝（要求不高的情況下😆），出油狀況還可以，用紙巾印一下就好，控油表現算不錯了！ 結論：想快速上妝出門、一盒搞定遮瑕＋提亮＋控油，Charlotte Tilbury 夢幻柔光粉氣墊值得入手💖
<看全文>Chocolateking 好用推薦：我用的是 1N色號，妝感比較水潤，是我很喜歡的類型。它不太會卡粉，上臉有一種水光肌的感覺。 我在 5月的時候用，香港天氣偏潮濕，但上了碎粉後整體也能維持乾爽、不易出油。化妝全日（大概10小時？）都沒有覺得暗沉很多。不過我覺得它的粉撲有點容易吃粉，如果能搭配更好用的粉撲會更完美。
<看全文>
Vera Violet好用推薦：Laura Mercier 輕粉底霜 LM Skin Tint 已經愛用很多年，由舊版用到新版，多年無限回購！ 質地： 非常絲滑好推開，上面的感覺是水潤透薄，能非常緊貼並融合進肌膚裡 妝效： 打造超完美的無妝服貼感，能即時修飾膚色不均，而且沒有氧化情況！還自帶 SPF 30 UVB/UVA/PA+++ 防曬，出門超省時。 色號： 0N，跟我本身的膚色完全貼合。 正裝是 45ml，我特意選購 2 支 15ml！細細支好方便，可以一支放屋企、一支放手袋。最重要是唔會因為用唔切而變質，用完可以再買新的，強迫症表示極度舒適！ 如果你也是不喜歡厚重妝感、追求極致偽素顏的姊妹，LM 這支真的可以閉眼入，日常出門必備！✨
<看全文>布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝
<看全文>
FishFish好用推薦：【Canmake臥蠶盤01 測評】✨ 想化日系無辜眼、漲卜卜臥蠶？Canmake呢款「亮瞳眼影」嘅01號色，被好多日本妹封為「淚袋神器」！等我同大家詳細試清楚～ 🔍 包裝 & 配色 細細盒開架眼影，附有雙頭小掃（海綿頭+扁刷頭）。01號色係粉米色系，有四格： · 左上：提亮閃粉色（主臥蠶色） · 右上：柔和珠光米（打亮眼頭） · 左下：陰影淺棕色（畫臥蠶線） · 右下：深邃啡紅（可當眼影主色） ✅ 優點 · 臥蠶立體自然：左上閃粉極細，冇大亮片，點上去似皮膚自然透出嘅光澤感，唔會太誇張。配左下陰影色畫條陰影線，臥蠶即刻脹起，新手都唔會變「眼袋」。 · 粉質滑溜貼膚：用手指上色最靚，粉體好貼眼皮，唔會飛粉跌到面上。 · 一盒多用：左上打亮淚袋／眼頭／眉骨，右下兩格可化溫柔眼影，出街帶一盒搞掂。 ❌ 缺點 · 閃粉持久度一般：油眼人帶妝半日後，臥蠶閃粉會變淡，需要補一補。不過呢個係日系清透妝感嘅共通點。 · 陰影色要輕輕手：左下嗰格偏濃，新手一筆落重手會變黑線，建議用扁刷「掂一下」再掃開。 · 工具唔夠順手：跟盒支海綿棒偏硬，化臥蠶線用自己嘅斜角眼線刷更易控制。 💰 價錢：約
<看全文>Chloeincosme好用推薦：Canmake既臥蠶眼影有幾出名唔洗講，而你見我用到凹晒就知我有幾鍾意用佢。有自從買左佢之後，畫臥蠶完全係得心應手，毫無難度。🤣 我自己包晒01/02 色，不過最中意都係01🥹 4 格既粉質都好幼細，唔飛粉，成盤分左做4 格，1 同2 係膨脹色，畫係臥蠶位，3 號深色用黎畫臥蠶線同下置。4號係好幼細嘅閃粉，可以點係眼皮。 大概就係上圖既畫法，手殘如我都冇問題。 畫出黎隻眼大左好多🥹🥹 另一樣好surprise既係日系眼影通常好快冇晒色，但canmake呢隻臥蠶眼影完全唔會！ 建議未入手既真係可以試吓，$80 有找既價錢就可以令個眼妝更精緻！推薦！😗
<看全文>
Hellobeauty 好用推薦：Ettusais SKINCARE POWDER (PRESSED) SHEER BEIGE 美肌護膚蜜粉餅 自然色 自我上次分享過, 購買了不適合某日本品牌的蜜粉餅後，一直搵，結果我遇上Ettusais SKINCARE POWDER (PRESSED) SHEER BEIGE 美肌護膚蜜粉餅 自然色，雖然它沒有精緻設計的包裝，但它可以發揮精緻妝容的效果。 吸引之處: 1. "磨皮效果"低門檻之選, 熱門蜜粉產品賣點, 必定係有"磨皮效果"；呢個產品呢方面好出色, 即時修飾毛孔及遮蓋瑕疵, 絕對是性價比高產品; 2.有透明亮澤粉末, 有燈光照射情況下, 有輕微閃閃效果， 上瞼後, 沒有明顯亮澤粉粒問題；同時做到提亮膚色效果, 因此, 日常妝容, 我特別喜歡用它重點塗T字位，有效除油光之外, 又可以提亮, 可以唔需要另外使用其他提亮膚色產品; 3. 柔滑密貼粉末，易推, 推一層, 已即見效果; 4. 它是自然膚色系, 接近膚色, 所以沒有因為色系太白, 而突顯臉上暇疵; 5. 有防曬功效 SPF35・PA+++ , 市面上蜜粉產品少有; 6. 糅合補濕成分, 全日可以貼服
<看全文>Miranda好用推薦：質感 講起粉餅，最怕粉質粗，一上粉就變「粉人」。但呢盒粉嘅粉質極細，係超級輕盈嘅絲滑粉末，用手指輕輕一摸已經感受到果種滑捋捋嘅觸感。佢係帶有半啞光妝效嘅透明粉餅，唔會影響到底妝顏色。即使厚塗幾層都唔會覺得厚妝或者卡粉，妝感清爽又透薄，完全係「零負擔」嘅代表！ 使用感 呢盒粉嘅質地係「乳化粉末」（Emulsifying Powder），簡單講就係佢嘅粉體可以好似磁石咁吸走面上多餘嘅油脂，但同時又唔會抽走皮膚水份，做到控油不抽水的效果。我平時係先用嚟做妝前打底，喺T字位或者毛孔粗大嘅位置薄薄印一層，即刻覺得皮膚變得乾爽平滑，無晒果種油淋淋嘅感覺。之後再上粉底，底妝變得好乾淨！日頭攰攰地想補妝，直接用佢印走油光，都唔會搞到個妝一撻撻，使用感極度順手。 持久度 作為油肌人，最怕就係底妝一到晏晝就「油光滿面」。呢盒粉嘅控油續航力我好滿意。朝早化好妝出門口，到食完晏晝（大約4-5個鐘），T字位只有微微光澤，唔會話溶到一撻撻，或者油到反光。雖然用到夜晚會有少少出油，但唔會溶妝變成粉底液結塊，反而出少少油之後融合得仲靚，同官方所講嘅「無油光持久美肌」效果好接近。只要唔係去曬太陽或者做劇烈運動，
<看全文>