找產品
捲髮 推薦好用產品
59 件
ying好用推薦：✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮
<看全文>Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！
<看全文>
貓餅好用推薦：個人認為非常好用的髮膜粒粒（我當護髮素咁用），通常會帶去旅行用，因為細細粒真在太方便喇。 首先，呢粒髮膜好香，佢有3色，黃色，粉色同藍色，大家不同功效，個人最like黃色，因為最香。 第二，帶去旅行當護髮素係超好用，細細粒，獨立包裝，方便攜帶。好多時酒店的護髮素都不太好用，甚至沒有提供，呢個髮膜粒就幫到手了。 第三，佢髮膜入面個量好多，幾乎係佈滿成粒，所以一粒可以2-3次，而且每次唔需要用太多嘅量就可以搽哂耳仔對下嘅頭髮，其實幾抵！ 第四，髮膜入面有勝肽精華，係高濃度嘅保濕髮膜，用完髮膜，過水嘅時候，感覺到頭髮變得超級順滑，唔會打結，好易梳順，髮膜營養去哂頭髮到，充分被修護，讚。 第五，一盒唔貴，一盒好似有8-10粒，價錢60蚊左右，有時$99會買一送一，但係佢一粒係可以洗幾次頭，所以好抵，性價比好高。 總結，建議大家都入手試試看！
<看全文>Emma W好用推薦：PRO-V 爆水珠珠髮膜（密集修護）好行容！膠囊設計一樣方便，方便去旅行時、游完水時使用。 其質地濃郁，吸收快不黏膩。香味持久。用左個髮膜1次後，頭髮瞬間補水爆潤，乾枯毛躁全消，受損髮尾撫平左，唔會冬天穿完衣服後，就好似超級撒亞人咁，頭髮飛起，表現毛燥，分岔減少，柔軟有彈性！ 特別適合染燙重度受損、極乾髮質，隔天還超順滑。比強韌防斷款更注重保濕修護，係我必買囤貨貨品之一。 適合肌膚：任何，特別為染燙重度受損、極乾髮質 成效度：5/5 質地：cream 光澤度：5/5 持香度：5/5 值得推薦度：5/5
<看全文>
Miranda好用推薦：【質感】 首先講質地，佢係好濃厚、好扎實嘅乳霜狀，有啲似軟滑嘅雪糕。但佢嘅濃厚唔係嗰種「漿住」嘅感覺，而係一種好細緻、好滑捋捋嘅絲絨觸感。搽上頭髮嗰下，你會感覺到佢即刻被髮絲吸收，好似一層好輕盈嘅保護膜咁包裹住每一條頭髮。即時嘅順滑效果係肉眼可見嘅，就算係啱啱洗完頭仲滴緊水嘅濕髮，一搽上去都已經覺得啲頭髮「聽話」晒，手指可以輕易梳開，完全唔會打結。 講到味道，呢個係佢一大賣點。佢嘅香味係一種非常高級嘅木質花香調，揉合咗茶玫瑰、雪松同麝香。有啲用家形容佢係「高級香水味」，搽完之後成個浴室都係呢種優雅嘅香氣，真係好似去咗高級髮廊做treatment咁。呢種香味仲要好持久，吹乾之後都仲聞到淡淡嘅餘香，成個使用體驗嘅奢華感即刻提升咗。 【使用感】 官方建議用法係洗完頭之後，用毛巾將頭髮水分吸到半乾，然後搽上髮膜，等5至8分鐘再沖水。我自己習慣等大約10分鐘，有時會用熱毛巾包住，等佢吸收得再好啲。呢款髮膜嘅延展性極高，就算你係長髮，一次都只需要大約一個50蚊銀嘅份量就夠晒。 沖水嗰下係最驚喜嘅時刻——頭髮係 「即時」 變得好順滑，好似有一層好滑嘅保護膜包住，完全唔會打結。吹乾之後，頭髮嘅
<看全文>Paris merci 好用推薦：卡絲黑鑽系列其中一樣係非常之貴嘅護髮髮膜，對一啲頭髮受損髮髮質常有幫助。我自己近幾年就比較少漂染頭髮，普通地當作一個星期做一次Treatment。 髮膜質地係綿密乳霜，香味高級持久，中性木質嘅高級香水味味道。用完洗頭水之後，髮膜搽起髮尾，不要搽喺頭皮，等待5分鐘，過水之後頭髮非常順滑，吹完頭髮都唔會起毛燥，改善乾旱頭髮，滋潤得來唔會令頭髮有油膩感。即使冇染頭髮，都感受到髮膜做到深層滋養強韌嘅效果，而且會見到頭髮會有光澤感，貴得嚟有效果💕
<看全文>
莓莓好用推薦：我用咗呢支護髮膜超過一年，漂過兩次髮尾都靠佢救返，以下係平民真實用後感（冇濾鏡）： 味道（第一印象）：一唧出嚟就係好強烈嘅花果甜香，鐘意嘅人會覺得好放鬆，但如果你係偏好「無香味」嘅人，呢個氣味會偏濃，留香都幾耐。 質地 vs 油頭：質地係好厚身嗰種忌廉狀，唔會滴到周圍都係。不過，如果你係油性頭皮，千祈唔好搽上頭皮，只可以搽「耳仔以下」嘅髮尾，否則第二日個頭會塌到好似冇洗頭咁。 最驚喜嘅「瞬間」效果：真係沖水嗰刻就知龍與鳳！平時用平價護髮素，沖水時頭髮會「啜」住，但呢隻你一沖水，手指可以直通到底，完全唔使梳。吹頭嗰陣明顯見到髮尾冇咁散開，啲毛躁收晒皮，就算唔用風罩就咁吹，都滑過之前好多。 最大缺點（誠實話你知）：佢係「即時急救」好勁，但持久力一般。如果下星期偷懶唔用，髮質會打回原形。另外，因為夠滋潤，乾旱受損髮用完會好順，但健康冇漂染過嘅幼細軟髮用，可能會覺得「太過腍」，冇晒彈性。 總結用法貼士： · 慳家秘訣：唔使成日敷到3分鐘，我平時沖涼搽完即沖（約1分鐘）已經夠順，真係爛頭髮先敷足3分鐘。 · CP值：80港幣有200ml，以效果嚟講，對得住「開架奇蹟」呢個名，會無限回購
<看全文>Fng好用推薦：潘婷3分鐘奇蹟輕盈修護護髮精華素係專為細軟髮質、油性頭皮同追求輕盈感嘅人而設。最大賣點係高效修護得嚟唔會令頭髮扁塌，好適合夏天用。 ✨ 產品核心重點 · 專為油頭/幼髮設計：清爽修護不黏膩，告別傳統護髮素嘅厚重感。 · 3倍PRO-V B5精華：深層修護髮絲損傷，即時柔順亮澤。 · 創新液態微分子技術：一抹即吸收，輕盈修護，清爽0油笠。 · 持久留香：清柚蒼蘭香氣或白桃烏龍香，可維持48小時。 💬 評價 · 有效改善毛躁乾旱，效果持久，非假潤。 · 質地清爽：膏體輕盈，極易沖洗唔會假滑。用完頭髮輕盈有空氣感，髮根唔會塌。 · 味道吸引：香味清淡舒服，隔天仲聞到。 · 適用提醒：輕度受損（日常吹整/輕度電染）效果理想。若嚴重漂染受損，修護力不及「多效損傷修護」版。 📝 使用小貼士 · 用法簡單：洗頭後將護髮素由耳下開始塗抹至髮尾，避開頭皮及髮根，停留3分鐘後沖洗乾淨。 · 分量參考：肩以上用約3-4個硬幣大小；肩以下用約5-6個硬幣。 · 進階用法：塗抹後用熱毛巾包住，修護效果會更好。 📌 總結 如果你正在尋找一款清爽、唔會令頭髮扁塌，又要有一定修護力嘅護髮素，呢款會係你嘅
<看全文>
takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。
<看全文>Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。
<看全文>
oy 好用推薦：講完藍色就要講埋橙色呢款受損修護型，如果你係成日染燙或者漂完頭搞到把頭髮爛晒嘅話，呢隻就啱哂🤣 佢嘅質地明顯比藍色嗰款更加濃稠，擠出嚟好似杰身嘅cream咁，同樣有嗰啲黃色爆珠精華，搓開之後搽上頭會覺得每一條頭髮都俾啲精華好厚實咁包住，滋潤度好高 我自己試過染完頭之後用，本身洗頭嗰陣仲係鞋熠熠好乾旱咁，用完佢即刻順滑翻，手指一梳都完全冇打結。 雖然佢係比較潤身，但又唔會話搞到個頭好油膩，沖水之後你會feel到髮質變軟熟咗好多。吹乾頭之後啲髮尾分叉雖然唔會話即刻消失，但明顯撫平咗好多，成個頭睇落好有光澤好貼服，唔會再係爆炸頭咁樣亂飛。 呢款就特別推介俾嚴重受損髮質、或者本身髮質比較粗硬乾燥嘅人，尤其係啱啱漂染完急需深層修護嗰陣，用佢黎做treatment個效果真係拍得住做焗油，keep住用你會覺得髮質真係有一點點慢慢養返好嘅感覺，不過就味道嚟講個人就唔太鍾意 水潤度：⭐️⭐️⭐️⭐️⭐️ 清爽感：⭐️⭐️ 味道：⭐️⭐️ 價錢：⭐️⭐️⭐️⭐️ 推薦度：⭐️⭐️⭐️⭐️爛髮急救
<看全文>Elaine好用推薦：三款之中係最香，用完好潤但又唔會太笠 頭髮仲有光澤好多，會keep住買！
<看全文>
Kmggigi好用推薦：Moist Diane 髮質重構深層導入髮膜好值得入手🤣👏🏻 呢款髮膜係white musk香味， 每次洗完頭都可以令頭髮散發出高級香氣， 持久度都幾高，足以留香一日， 令人心情愉悅🤣 髮膜能夠深入髮芯鎖水， 有效強化受損嘅頭髮纖維， 連分叉嘅髮尾都可以得到修護 用完之後，頭髮即時變得柔順滑溜， 睇落更加健康有光澤！ 不過要注意，沖水嘅時間唔可以太長， 否則護髮成分會被過度沖走， 髮質可能會逐漸回復受損狀態 掌握好沖水時間，就可以保持最佳修護效果！
<看全文>Cole Cole 好用推薦：之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉
<看全文>
Kmggigi好用推薦：Kérastase 逆時光至臻修護浴髮乳 — 高級香氣，極致修護💆♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛
<看全文>Sandy好用推薦：youth Revitalizing shampoo 逆時光至臻修護浴髮乳250ml 我試過一支之後就冇用其他品牌洗頭水嘅產品, 原因如下： 居家treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單
<看全文>
Fng好用推薦：爆水珠珠膠囊髮膜（深水泡彈） 係人氣好高嘅一次性獨立包裝髮膜。 ✨ 產品核心重點 · 「爆水」保濕鎖水技術：含有 9000+萬粒微米爆水保濕因子，遇到髮絲會「爆開」釋放精華。理念像幫皮膚護膚一樣，先滲透、後鎖水。 · 專櫃級美容成分：注入 3倍玻尿酸（強效補水）同 3倍角鯊烷（修護鎖水）。 · 經典修護配方：加入潘婷經典 Pro-V 維他命原B5 同氨基酸。 · 獨立膠囊包裝：一粒粒好似「子彈」咁，衛生之餘，去旅行帶幾粒超方便。 💬 評價 · 即時保濕、順滑貼服：用完吹頭明顯感覺 順滑咗、冇咁打結。毛躁即刻收晒，頭髮好似 飲飽水 咁。 · 輕盈蓬鬆、水油平衡：藍色款主打輕盈水潤，用完 清爽唔笠 。有乾性肌用家實測指 唔會黐住頭皮，蓬鬆度都好好。 · 修護力與持久度：持續用能改善強韌度，甩少咗頭髮，光澤感KEEP到第二日。 · 使用方便、性價比高：「懶人必備」。中短髮一粒可用2-3次。 📝 使用小貼士 · 適用髮質：藍色款（輕盈水潤）最適合中性及油性頭皮，或想追求蓬鬆水感嘅人。 · 用法好簡單：洗頭後將髮膜均勻搽喺髮中至髮尾（避開頭皮），等 2-5分鐘 後沖洗乾淨。 · 一週用
<看全文>oy 好用推薦：Pantene Pro-V 爆水珠珠膠囊髮膜（藍色） 最近試咗潘婷呢隻藍色款嘅爆水珠珠膠囊髮膜，真心覺得幾驚喜喎，尤其是對啲驚護髮產品太笠嘅人嚟講真係恩物。首先佢設計成一顆顆獨立包裝真係好貼心，帶去旅行用幾方便，一次用半粒左右，剩低可以留返下次用，唔使帶住大罐嘅髮膜去旅行。 打開會見到入面有好多黃色細細粒嘅精華珠珠，喺手心一搓開就即刻爆開融合，搽上頭嗰陣feel到滲透力好強，啲頭髮好似飲飽水咁即刻軟晒 佢雖然話係高保濕，但質地都好輕身，完全冇嗰種黐笠笠推唔開嘅厚重感，沖水嗰陣亦都好快乾淨，唔會有假滑殘留感。吹乾頭之後個效果最明顯，髮尾原本好乾好躁即刻順滑返晒，摸上手係有水分又有彈性嗰隻，重點係頭頂依然keep到蓬鬆空氣感唔會扁塌，呢點對細軟髮質嚟講真係好難得。 呢隻適合啲頭髮易打結、覺得平時護髮素唔夠力，或者驚護髮產品太油搞到個頭好扁塌嘅人用，如果你想短時間急救吓把頭髮，又想個頭keep住清爽水潤，呢隻唔錯 而且價錢唔算好貴 （尤其特價嗰陣🤣）性價比唔錯 包裝亦轉咗做好似裝雞蛋嗰啲包裝 唔再用之前膠嘅包裝 水潤度：⭐️⭐️⭐️⭐️ 清爽感：⭐️⭐️⭐️⭐️⭐️ 價錢：⭐️⭐
<看全文>
Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺
<看全文>Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好
<看全文>
Lindabb好用推薦：我用過呢隻Dove小金碗，整體嚟講性價比超高，係日常保養嘅好幫手，但唔好期望同沙龍級深層護理一樣。 質地&香味：似乳酪咁軟滑，好易推開，唔會「漿」住頭髮。香味係好舒服嘅花香，唔會太人工，第二日都聞到淡淡香。 使用感受：搽上頭髮即刻覺得順滑，沖水時明顯變軟，冇假滑感。我係電染受損髮，用完吹頭順好多，打結情況少咗8成。 效果持久度：如果冇用風筒，順滑感大約維持到第二日。但如果有吹頭/用電捲棒，建議隔日就要再用，持久度中等。 性價比：$60-70就有成300ml，一週用2-3次都用到成個月，日日用都唔心痛。 溫馨提示： · 一定要避開頭皮，否則會太滋潤令頭皮出油 · 停留時間跟包裝寫3-5分鐘就夠，唔使敷過夜 總結：適合追求平靚正、懶人日常保養。但如果頭髮嚴重受損（漂到金毛獅王咁），呢盒會唔夠力，要轉用更厚身嘅髮膜。
<看全文>Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕
<看全文>
cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非
<看全文>hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍
<看全文>
莓莓好用推薦：#火熱新品 潘婷三秒奇蹟髮油（山茶茉莉味） 真實用家測評 「急救稻草，真係快靚正！但唔好當佢萬能。」 1. 香味（好多人揀嘅原因！） · 官方話係「山茶茉莉」：聞落唔係單一花香，係帶少少甜味同清新感嘅混合花香味。 · 濃淡度：頗為濃郁，一搽上手就已經聞到。用完之後，頭髮會留香大半天，瞓覺個枕頭都會有陣味。如果你唔鍾意太香，或者對香味敏感，可能要考慮下。 · 似唔似高級香水？唔算，比較似大眾接受度高嘅洗護髮品香味，好聞但未到「獨特」級數。 2. 質地同使用感 · 質地：比起傳統髮油（例如金樽），佢係偏向精華乳狀，冇咁「油立立」，推開時感覺幾輕薄。 · 用法：「三秒」係重點！沖涼後，將頭髮擰到半乾（唔滴水狀態），擠一泵（中長髮大概2-3泵），從髮中搽到髮尾，唔使等，即刻可以沖水。 · 沖水時感覺：頭髮即刻會變得好順滑，好似已經做咗護理咁。呢個過程好治癒，係傳統髮油做唔到嘅體驗。 3. 即時效果（急救一流！） · 順滑度：⭐️⭐️⭐️⭐️⭐️ （滿分！） 即時撫平毛躁、打結嘅效果非常明顯。手指可以一梳到底，吹頭都會快咗順咗。 · 光澤感：⭐️⭐️⭐️⭐️ 吹乾後頭髮有自然光澤，唔
<看全文>Fng好用推薦：Pantene 3秒奇蹟髮油用後感——呢支「水感奇蹟」救咗我嘅旱燥髮尾 💧✨ 我成日漂染燙，髮尾乾到打結係家常便飯。見Pantene呢支「3秒奇蹟髮油（茉莉山茶香）」好多人推，話「油頭細軟髮都用得」，即刻買嚟試，用咗兩個星期，真心有驚喜！ 🧴 質地：水感凝露，3秒真係消失 · 擠出嚟係透明凝露狀，唔係傳統厚身髮油，流動性好高 · 上面真係3秒內吸收，雙手完全唔油，用完唔使洗手🧴 · 香港潮濕天氣用，唔會搞到頭髮「一束束」或「油淋淋」 🌸 茉莉山茶香氣：高級療癒，男友都話好聞 · 係清新淡雅嘅茉莉＋山茶花香，唔係俗氣嗰種廉價香精味 · 吹完頭仲有淡淡香氣，有使用者形容「乾淨空靈」，聞完成個人都放鬆晒 · 留香中等，大約幾小時，唔會濃到搶fo ✨ 效果實測：毛躁拜拜，光澤即刻出現 我嘅用法：洗完頭印乾至七成乾，按壓1-2泵，由中段搽到髮尾，然後如常吹頭。 · 即時順滑：毛躁即刻收服，唔使點梳都通到，髮尾明顯柔軟咗 · 光澤感：燈光下見到自然水光，唔係「油頭嗰種反光」 · 抗熱保護：用直髮夾之前搽，髮絲冇咁乾，有5倍抗熱損傷效果 · 唔會扁塌：就算搽近頭頂，隔朝都仲係蓬鬆 🌞
<看全文>
mavvv好用推薦：當我第一次使用Hair Recipe的產品時，立即愛上這款可愛的髮膜！💚這款髮膜包含六個獨立包裝，讓我在旅行時也能輕鬆攜帶；一打開包裝，就能聞到淡淡的綠茶香氣，令人放鬆。🌿🌿 我通常在洗完頭髮後直接使用這款髮膜，無需再使用護髮素。最特別的是，這款髮膜可以抹在頭皮上，不僅能改善髮質，還能調節頭皮的水油平衡。 我的頭髮偏油，最近又電了髮，結果變得更毛躁，髮尾也顯得乾燥，髮質明顯變差，掉髮的問題也變得嚴重。 使用了大約兩個星期後，我發現髮質似乎有了很大的改善，變得有光澤。最驚喜的是，燙過的捲髮看起來更有形狀，且頭髮的彈性也提高了！✨柔順的效果大概可以持續2到3天，我通常每隔2到3天就會使用一次髮膜。 我會繼續使用這款髮膜，希望我的髮質能夠變得愈來愈好！💪🏾🙆🏻♀️
<看全文>Wendy Wong好用推薦：髮膜用完感覺頭髮柔順zor唔少 不過一盒得六個 我自己頭髮髮質太差所以隔日用 髮量又多 所以一次會用曬一個 剩係用到兩次🥲 雖然幾好用但係性價比無咁高
<看全文>
Umbrellarainn好用推薦：感謝cosme揀中左我去試用呢款沙宣深層滋潤洗髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款洗頭水冇好大期望，但係點知用左14日後，佢都俾到驚喜我喎！ 講吓佢質地先，佢唧出嚟呢都幾cream，但係cream得嚟都幾水潤，好容易起泡，沖水之後呢，你會feel到頭髮乾淨嘅感覺。係一定要配合埋護髮素一齊用如果唔係呢啲頭髮就會有啲鞋颯颯嘅感覺。 係保濕方面，表現不錯。佢主打深層滋潤，洗完頭之後，啲頭髮會變得好滑，好貼服，啲毛燥冇晒，有一種水潤感。 而柔軟度方面，都幾好！明顯頭髮好滑，變得好好梳，唔打kick，頭髮變到滑捋捋咁。本身我啲頭髮係比較粗硬，但係用完之後而家我啲頭髮感覺變得好細軟。 至於強韌度，係我本身嘅頭髮就唔算有好多分叉，所以呢方面感受唔算好強。不過我感覺啲頭髮係健康左。因為乾燥同埋毛燥嘅問題都減少咗好多。 光澤度就正正常常。洗完吹乾會有自然光澤。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度
<看全文>ynqq123好用推薦：感謝@cosme 送出今次的試用。我本身頭髮底子好差，又乾又粗糙，成日望落都好暗啞，最慘係洗完頭或者朝早起身梳頭嗰陣，啲頭髮受損開叉到成日一扯就斷，真係睇到都心痛。 不過最近轉用咗呢套深層滋潤洗護系列，修護效果真係明顯過以前用開嘅牌子好多。支洗髮乳有胜肽同玻尿酸，洗完個頭完全唔乾澀，每條髮絲都好水潤、好貼服，連啲衰毛躁都撫平晒。之後搽埋支潤髮乳，佢雖然好滋潤但質地好輕盈、一啲都唔黏，入面嘅角蛋白成分真係好似幫條頭髮做咗沙龍級護理咁。依家梳頭直情絲滑到一梳到尾、唔再打結，頭髮強韌咗、冇咁易斷，仲自然散發住好靚嘅光澤，成把頭髮望落健康好多，真心推介！ Before: After:
<看全文>
chewyfruit好用推薦：Hair Recipe 米糠護髮素測評 好似幫頭髮「餵」咗碗靚飯，滋潤順滑唔黐立，同支洗頭水係絕配！ 主要好處： · 順滑度一流： 用完之後，頭髮好鬼順滑，尤其是打結嘅地方好易梳開，手感軟滑，光澤感即刻出嚟。 · 滋潤但清爽： 質地好推，吸收得快，沖水嗰陣已經feel到順滑，但係唔會好似有層嘢冚住咁，唔會黐立立或者好重。 · 香味舒服： 同洗頭水一樣，係陣淡淡嘅米糠同花香，唔會太濃，好放鬆。 要留意嘅地方： · 如果你頭髮係極度受損或者好似「草」咁乾，可能覺得滋潤度未到最頂級（可以考慮用佢隻髮膜）。 · 對於極油性頭皮嘅人，最好只搽响髮尾同頭髮中段，避免搽到頭皮。 適合邊個用？ · 日常保濕，想頭髮順滑易整理嘅人。 · 頭髮有少少毛躁、乾燥，或者經常吹頭嘅人。 · 用緊佢同系列米糠洗頭水，想效果更好嘅用家。 簡單嚟講， 佢係一支好好用、好穩陣嘅護髮素，唔會點出錯，同洗頭水一齊用效果加倍！
<看全文>Kelvin好用推薦：米糠系列樽身就似一粒米既形狀，幾得意。護髮素同洗頭水一樣，味道就生薑檸檬！無硅油成分，不傷頭皮，感覺温和無刺激。 雖然我比較少用護髮素，但一個月都用2-3次。因為成日gel頭，頭髮好乾旱，要用返護髮素，令到頭髮順滑返。用完唔會令特別頭髮塌，反而有蓬鬆感，頭髮睇落有光澤。
<看全文>