捲髮 推薦好用產品

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗

Amy好用推薦：首先感謝@Cosme邀請試用KÉRASTASE逆時光至臻修護系列產品 本身髮質細軟又自然捲，年紀越大頭髮越容易甩，所以揀洗頭水都慎重咗。 先講下試用KÉRASTASE逆時光至臻修護浴髮乳的特點先： 呢款洗頭水嘅質地偏透明，唔算容易起泡，可能要份量用多少少，味道方面係有淡淡嘅高級香氛味，聞落都幾舒服唔會刺鼻，而且香氣都long lasting。 配合埋逆時光至臻修護髮膜，於洗髮後將護髮膜塗抹於濕髮上，按摩及乳化，靜待5分鐘，再沖洗乾淨。 洗完頭吹乾之後，會配合埋逆時光至臻香氛修護精華塗抹於髮尾位置，質地輕柔不油膩，減少髮尾分叉及斷裂，依排天氣唔好成日落雨頭髮毛躁感下降咗，頭髮順滑易梳咗。而香味係玫瑰木調芳香(茶香玫瑰、淡木和麝香)，同浴髮乳味道一樣，係知性有女人味既味道！ KÉRASTASE逆時光至臻修護系列產品能夠即時改善髮質情況，持續使用使頭髮更健康更柔順，用完會繼續回購，救下我啲頭髮😆

橘子貓好用推薦：剛好看見超市有做Dove髮膜特價，又有額外折扣，就買了個試試。 打開就聞到好香的花香味，不一陣子整個洗手間都充滿這股味道，我有點怕會太濃，還好洗掉後頭髮只留淡淡花香，不會俗氣，讚👍 髮膜膏體柔滑，流動性比一般髮膜高，抹上頭髮很易就抹開，感覺髮膜很快就滲入頭髮內。這是洗前的頭髮，我有highlight漂髮+染髮，本身髮質也是細柔易毛燥：洗髮後，用了Dove小金碗髮膜，濕髮未梳開，已經不太打結：吹乾頭髮後，沒有使用髮尾油，頭髮也變得柔順：整體使用感真的不錯，可以很有效順開洗髮後打結的頭髮，減低拉址、折斷頭髮，頭髮有變柔順，毛燥情況有輕微減低，一個約三、四十元（折後）的髮膜可以有這種效果，已經很不錯了！ #BA照 #火熱新品

wingche好用推薦：大眾化價錢，可以日日用嘅髮膜！ 我嘅頭髮係髮尾乾旱，但春夏季頭皮容易出油，所以買頭髮產品都係一種煩惱，太滋潤怕用到頭皮夏天易出頭瘡，又或者未到lunch，頭皮已經油到可以煎蛋🍳！ 正當煩惱之際，收到試用「Dove 1分鐘胜肽修護髮膜 」，用完之後，估唔到變化會大到，同事以為我剪完頭髮，以下落嚟等我講下短短用咗5日左右嘅變化啦！佢係瓶裝，打開係淺黃色好似cream咁，我講要按摩嗰一分鐘真係非常有效，初時偷懶，輕輕摸完十幾秒就沖水，所以唔係好感受到有咩唔同。 後來跟指示，按摩1分鐘後沖洗，吹頭時，感覺頭髮真係冇咁打click! 而且用完第二日lunch，前額嘅髮絲都冇變得油淋 淋而扁塌存力！用咗佢，清爽得嚟，頭髮順滑咗，唔用髮尾油都得，價錢又大眾化！ 最神奇用咗一星期左右，同事問我係咪剪咗頭髮，我話冇呀，點解咁問。佢話覺得我嘅頭髮順滑貼服咗！ 我自己都諗住再回購！不過因為係瓶裝，開口較大，容易倒瀉。 用之前，頭髮毛燥，容易出油：用完一星期，頭髮有光澤，變得順滑貼服：

Fng好用推薦：超級好用，味道很香😍，我平日每星期兩次，用暖水坐暖用，護髮效果倍增💯，近來我染髮後有點髮質乾，顯毛燥💥，每次用完fino髮膜，有即時滋潤順滑感覺👍🏻，修復受損髮絲，不油膩，減少打結🫶，乾燥天氣沒静電💖，令頭髮重現光澤。而且相對出去salon做treatment ，它性價比極高，幾十蚊，一大瓶，連續用一個月，已經明顯改善髮質。

Chloe好用推薦：呢盒髮膜性價比好高❤️ 已經回購了幾次😆 【2025】一定會繼續用🥰 用後頭髮變得柔軟順滑 能夠撫平毛躁，減少頭髮開叉折斷👍

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭後，塗上逆時光至臻修護髮膜作後續護髮。髮膜係白色嘅cream, 杰身但好moist, 相對於Kerastase 逆時光嘅洗髮同修護精華，佢嘅香氣比較輕柔，搽上頭髮好快吸收，滋潤但不油膩，過水後頭髮柔滑～關於逆時光至臻修護浴髮乳同埋逆時光至臻香氛修護精華試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗

Nikkichana好用推薦：早排漂染頭髮後 頭髮就好似稻草咁 隨著年歲的增長 加上日常持續漂染頭髮 髮質變得乾燥毛糙 容易打結 失去柔軟光澤 有幸得到機會試用KÉRASTASE逆時光至臻修護系列。KÉRASTASE逆時光至臻修護髮膜 髮膜質地細緻滋潤 塗抹於髮絲後能即時令頭髮變得更加柔軟水潤 而且觸感比平時更加滋潤 使用後大大提升髮絲的柔順度和光澤 同時散發出淡淡玫瑰木調香氣 令人沉浸在舒適愜意的香氛氛圍中 配合KÉRASTASE逆時光至臻修護浴髮乳使用浴髮乳質地豐富細緻 泡沫綿密但不會過於乾燥 使用後頭皮有一種清爽感覺 頭髮也不會有任何拉扯感或毛躁 浴髮乳及髮膜散發着🌹玫瑰木調芳香 既高貴典雅，又不會過於濃烈讓人沉醉其中！(而且香味更加係維持咗全日！) 整個使用過程就猶如一場頂級SPA體驗🧖‍♀️ 使用第一天已經即時見到效果 頭髮在水潤度、光澤感等方面產生很大變化 使用後頭髮立即變得更加滋潤柔軟 光澤度也大大提升✨✨使用前頭髮有明顯乾燥沒有光澤☠️ 使用後頭髮明顯順滑有光澤😍 煥然一新，好似換咗把頭髮咁呀 持續使用1週後 頭髮的柔順度和飽滿度都有了明顯改善。 更令我驚喜的是即使到了第二天 頭髮依然保

water1106好用推薦：多謝@cosme比我試用洗頭水發膜同埋護髮精華🙏 首先，我講吓我嘅髮質係中性，少少扁塌，一年會染兩三次髮💇🏻‍♀️同埋用清潔力較強嘅洗頭水就會好多頭皮🥹 我試用左14日，係度分享下我嘅體驗： (1)洗頭水 質地： 透明，流動性高，容易搓開，唔係好杰身嗰種係偏向水狀少少嘅，好容易就起到好多泡🫧  香味： 第一次用嘅時候會覺得好似香過頭，但其實洗完頭之後就唔覺，而且香味可以keep到至少半日，有啲似香水味，但係唔會好濃烈，係自然淡淡嘅芳香，會令人回頭嗰種❤️ 使用過程與感受： 我習慣係會用洗頭水洗兩次，用第一轉沖水後已經覺得頭髮好似飲飽水咁💦好水潤、柔軟、滑溜🥰洗完乾淨得黎唔會令頭皮好乾/過度清潔，亦都會有少少蓬鬆感，冇咁扁塌🙆🏻‍♀️ 推薦指數：9.5/10 (2)髮膜 質地： 好似希臘式乳酪，好似加咗精華嘅乳霜咁 香味： 同洗頭水大致相同 使用過程與感受： 我習慣係一個禮拜用兩次髮膜，其他日子就用返護髮素，有用嘅日子係明顯更加柔順、光澤同水潤，之前用過好多其他牌子（包括平價同中價位），但都冇呢個牌子咁好用🥹最明顯分別就係，呢個牌子會fe

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 首先梗係洗頭～浴髮乳係透明，濃稠適中，有濃濃嘅花香（似某高級品牌香水嘅香味），很有成熟女性嘅感覺。如果只洗一次，泡沫唔太多，但清潔能力足夠。如果洗round 2，泡沫就會豐盈得多。過水後頭髮會保持順滑，唔會卡手。 之後會以逆時光至臻修護髮膜及逆時光至臻香氛修護精華作後續護髮，詳情再晌兩個產品嘅專頁報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎 再次多謝@cosme 嘅邀請🤗

kwanyan好用推薦：非常感謝 @cosme 抽中今次的Hair Recipe 米糠溫養修護洗髮露試用活動。「純米瓶」的外表真的很可愛，而且瓶身質地好舒服，忍不住摸多兩摸😆 今次的試用洗髮水主打成份高修護，保護髮絲的韌力和使髮質更有光澤。特別喜歡檸檬生薑的香味，好似做SPA一樣的放鬆感覺。本身頭髮較長和多，洗髮水大約唧5元銀大的份量，很快就已經起泡，非常方便。 輕輕按摩頭皮時，感覺亦非常溫和，加上生薑香氣，整體很滿意。沖洗後很乾淨不會感覺很「立」，反而很乾爽。習慣洗兩轉的我，都擔心洗完頭皮會太乾。 今次試用連續使用了8天，第一天洗完比較旱，梳頭時會有少少kick，不太柔順，而且頭髮半天後有毛躁情況。 但接連使用多天後，發現洗髮露一定要配合護髮素（白色）使用，到了第5天，旱和毛躁問題減輕了很多，洗完頭檢查沒有頭皮屑問題。上班一天後頭髮沒有變得很Kick ，亦不會變「立」，是挺不錯的體驗。相信用晒成支可以再減少更多毛躁問題🙋🏻‍♀️ 希望Hair Recipe 可以成為長用的一個品牌。

SzeChan好用推薦：好高興@cosme 抽中參與Hair Recipe 「純米瓶」嘅試用。一直都想試好耐㗎喇。 呢一款係修護受損髮質專用，當中嘅米糠油源自天然發酵而成嘅氨基酸，可以滲透受損髮質。配方整體修護從髮根到髮梢嘅受損。從頭皮養護開始，提升秀髮質感，獲得光澤水潤秀髮。 洗髮露同護髮素嘅造型超級滿分，係米嘅形狀。一打開便有陣陣檸檬生薑香味，呢一種香味令人好舒服、好放鬆。 我嘅髮質因上一次嘅漂染後，就變得好乾燥。受損嘅髮質難於打理，加上好毛燥。洗髮露係透明無色加水後打發出來嘅泡泡都幾綿密，後再加上使用護髮素。洗完頭髮後，感覺髮絲係有增添咗滋潤感，吹乾頭髮亦覺得柔順咗，但仍有毛燥感。頭皮唔會覺得繃緊係清爽嘅感覺。但沒有太大嘅光澤感。 持續使用純米瓶系列7日後，頭髮看上去依然沒有太大光澤感，但整體髮質比之前係柔順咗好多。經常甩頭髮嘅我，亦都比以前少咗，髮絲係比以前健康咗，應該增強咗韌度。 平時出半日街，頭皮就開始出油。用咗佢，每日出油嘅感覺無咁勁，至少依家會撐到夜晚只出少許

SzeChan好用推薦：好高興@cosme 抽中參與Hair Recipe 「純米瓶」嘅試用。一直都想試好耐㗎喇。 呢一款係修護受損髮質專用，當中嘅米糠油源自天然發酵而成嘅氨基酸，可以滲透受損髮質。配方整體修護從髮根到髮梢嘅受損。從頭皮養護開始，提升秀髮質感，獲得光澤水潤秀髮。 洗髮露同護髮素嘅造型超級滿分，係米嘅形狀。一打開便有陣陣檸檬生薑香味，呢一種香味令人好舒服、好放鬆。 我嘅髮質因上一次嘅漂染後，就變得好乾燥。受損嘅髮質難於打理，加上好毛燥。洗髮露係透明無色加水後打發出來嘅泡泡都幾綿密，後再加上使用護髮素。洗完頭髮後，感覺髮絲係有增添咗滋潤感，吹乾頭髮亦覺得柔順咗，但仍有毛燥感。頭皮唔會覺得繃緊係清爽嘅感覺。但沒有太大嘅光澤感。 持續使用純米瓶系列7日後，頭髮看上去依然沒有太大光澤感，但整體髮質比之前係柔順咗好多。經常甩頭髮嘅我，亦都比以前少咗，髮絲係比以前健康咗，應該增強咗韌度。 平時出半日街，頭皮就開始出油。用咗佢，每日出油嘅感覺無咁勁，至少依家會撐到夜晚只出少許。

🌸好用推薦：多謝 @cosme 邀請我試用Hair Recipe髮之食譜嘅米糠溫養修護洗髮露同護髮素。 我哋講返護髮素先，佢嘅樽身設計獨特，樽身柔軟，容易擠壓。而開口位喺樽身嘅下方，十分user friendly,唔需要擔心用到最後擠唔到出嚟。 護髮素係啫喱狀嘅白色液體，一擠出嚟就有生薑同檸檬混合嘅香氣，香氣自然、清新怡人，高級得來又有舒緩神經嘅感覺。 護髮素嘅質地順滑柔軟，稍為按摩一下頭髮就已經吸收得好快。 本身我嘅髮質細軟，比較容易甩頭髮，每次洗完頭都會甩好多頭髮，瀏海位置容易出油，但係髮尾就會乾燥。 用完呢隻產品之後，感覺上甩少咗頭髮，瀏海位置喺洗完頭吹乾之後頭髮有蓬鬆、輕盈嘅感覺，唔再油淋淋咁貼晒落個額頭度。但係佢滋潤度非常高，髮尾亦都唔會乾旱，髮尾開叉改善。 睇返資料，原來呢隻洗頭水係特別適合東方人嘅頭髮。因為東方人嘅頭髮嘅角質層比西方人厚1.5倍，呢隻洗頭水擁有滲透力高嘅粟米瓶分子，能夠直達髮芯滋養頭皮，做到亮澤嘅效果。而且佢含有維他命E抵抗外來刺激，修護脆弱嘅髮質。 以下呢兩張相係使用前同使用後嘅對比。 呢個係使用前： 呢個係使用後： 使用前嘅髮尾明顯乾旱，容易開叉，而

Hello Kathy 好用推薦：話說我啲頭髮已經長到差不多下背，髮尾好乾，梳頭會打結，好難梳開，每次梳頭都好痛苦。 咁岩參加左Moist Diane試用活動，Moist Diane 呢個洗髮護髮牌子早就已經聽過，但今次係第一次用，今次試用嘅係香水貴油夜間修復洗髮露同埋Diane Power Treatment 髮膜。 呢個髮膜除左有ceramide,堅果油、角蛋白等成份之外，仲首加入左卵殼膜成份，即係剝雞蛋果陣，黏附係蛋上果層薄膜。 佢嘅質地同顏色都好似caramel咁，質地厚身，好rich同creamy，聞落係white muscat 味，清香唔會太濃烈刺鼻，好岩我。 搽上髮尾至髮中，好易推開，可以好均勻咁包住啲頭髮，沖洗時有滑溜感，沖完仲有陣陣清香留係頭髮度，洗完吹頭果陣已經feel到順滑感。 今次配合埋香水貴油夜間修復洗髮露一齊用，用左大約兩星期，頭髮的確順滑易打理左，望落仲冇咁毛躁，摸落柔順又輕盈，香味仲keep到第二日，有興趣可以試下。 使用前：使用後：

Wenwen03好用推薦：好開心收到@Cosme 邀請試用Diane Power Treatment 髮膜230g🥰🥰。 之前都有用過Diane 的好幾款產品洗頭水護髮素，喜歡它的洗髮效果外，亦喜歡它的香氣持久，先看看今次的新產品特色先👇🏻👇🏻😊😊 （5⭐️最高分） 黏稠度：⭐️⭐️⭐️ 膏狀，塗上頭髮後容易推開塗抹 易沖洗：⭐️⭐️⭐️⭐️ 香氣：·⭐️⭐️⭐️⭐️⭐️ 淡淡的白麝香味，不刺鼻 用後感：⭐️⭐️⭐️⭐️⭐️ 呢款Diane Power Treatment 髮膜首次加入卵殼膜成份，有6大再生功效；使用次數則按髮質決定，一般人1星期使用2次便足夠，髮質嚴重受損的可當護髮素每日使用。 我連同Diane 香水貴油夜間修護洗髮露用左2個禮拜左右，第一次使用後已覺得頭髮輕左但唔係散開變掃把頭個隻feel，仍然順滑貼服；加上香麝香味是淡淡亦不刺鼻；講吹頭啦，平時吹緊頭髮時好似同頭髮打架咁，髮尾成日打結，用左呢款髮膜，髮尾無打結，吹髮都省時，吹完頭髮仲係咁順滑，用手指梳都無問題呀😆😆 翌日起床後的效果：貼服，頭髮仍然順滑易梳理唔毛燥🤗。 會推薦比朋友仔用👍🏻👍🏻

Kitty 好用推薦：鄰近新年一定要整個美美的髮型，但頻繁染燙會損傷髮質。想保持髮絲水潤有光澤，我的法寶就是L'Oréal護髮精油。護髮心得係每次洗完頭髮半乾時候擦上髮油，按摩髮絲促進吸收再吹乾頭髮。特別秋冬乾燥天氣使用，不僅可以保持髮絲水潤，又可以防靜電，而且香味也舒緩治癒，推薦大家試一試。

Circlecyy20好用推薦：Loreal修護美髮油係開架品牌之中CP值很高的產品，泵上手的質地一開始會感到比較厚身，很上在頭髮上不會黏笠！我主要是在洗髮後及用直髮前使用，搓在手指在髮尾梳開，吹頭後或造型後都能保持頭髮光澤度，減少熱力對頭髮的傷害。有時出門旅行，為減少行李位置我會用美髮油取代護髮素，一物多用！對於天生頭髮髮質一般又經常燙髮的人，這款髮油是十分好用。除了實用之外，由於髮油用6種花朶萃取精油而成，因此用後的頭髮都有濃濃的花果香，很令人愉悅。

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Fng好用推薦：🩷粉紅色盒Lucido美髮油繼續係我2025年回購清單上嘅美髮產品，佢質地輕薄，不黏笠，清爽好快吸收💯，淡淡香味，用後頭髮更有光澤， 大幅減低毛躁感，🤩最驚喜係斷髮大量減少💞， 我通常每次用電髮棒夾頭髮之前，都會搽一層先 ，保護髮絲。 🧡金色盒比粉紅色更滋潤些，粉紅色盒嘅油質比較流動性強啲，清爽啲，適合細軟嘅髮質使用， 所以我通常買粉紅色盒用👍🏻。💙藍色盒係比較厚身，近乎啫哩狀態，適合粗硬髮質使用。

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線、

🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 我平時習慣每日洗頭。今次試用嘅洗髮露同護髮素使用透明樽身，包裝簡約易用。因為佢係無矽洗髮及護髮產品，所以泡泡偏綿密。洗髮乳同護髮素都係冇香味嘅，感覺十分天然、溫和。同平時洗頭一樣，我會輕輕按摩頭皮，希望藉此可以促進血液循環，達到強韌髮根同防脫髮嘅效果。試用之後感覺清爽，完全冇痕癢、頭皮乾旱或過敏嘅現象。洗完頭之後睇一睇去水位，感覺真係冇甩咁多頭髮。 呢個係我使用之前影嘅額角頭髮：以下係使用兩星期後：覺得額角開始長出BB毛，生髮效果顯著，而且感覺到洗頭、梳頭、吹頭後真係甩少咗頭髮。

Nicole 好用推薦：我的髮質是比較偏乾的，因為之前又染又燙導致 髮質很差，所以一直偏愛順滑的洗發水～ 這款洗髮水有修護功效，而且無硅配方，所以入手試試。 味道還是挺好聞的，草本味道；容易起泡，沖洗也挺方便，沖完水之後頭髮也挺順滑。

zzzhelen好用推薦：依款係好滋潤既洗髮水，用佢洗頭，秋冬乾燥天氣既頭皮唔會痕。另外，無矽黎講，得佢做到頭髮咁順滑。我仲好鍾意佢陣味，係好舒服既淡淡香氣，用佢洗頭係一個享受。我會配搭埋同系列護髮素一齊用 香港夏天用就會太滋潤啦，頭皮會好易出油。我會用同牌子既另一系列去洗頭 見我買咁多就知我有幾愛佢啦😆

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大

grace好用推薦：好開心抽到試用，在此先感謝@cosme及法之羽 KAMINOWA。 今次係試用呢套髮之羽嘅全套產品，包括洗髮露，護髮素，育髮液和生髮素。用左大約一個月，堅持每日都有用，喺呢度總結下心得。 先講下我本身髮質，有染熨過，加上30+ 後，頭翇開始變得幼細同稀疏，特別係分界線位置。今次試用KAMINOWA 生髮系列之前都有用其他防脫產品，髮量豐盈的效果都唔錯，不過有時會出現頭油，導致出頭瘡，有時會頭痕，所以都幾傷頭皮。 講下用KAMINOWA 髮之羽有機護髮素，佢有機成分，植物性低刺激，既做到控油淨化，又唔傷頭皮，洗完頭係好舒服，唔刺激。佢係淡淡的花果香，唔會太濃，味上去也自然舒服，洗頭都好ENJOY!我的髮質係中性偏少少油性，洗完頭好怕笠的感覺，KAMINOWA 的護髮素用完係做到清爽唔乾唔油，我覺得佢好適合我的髮質，所以我會繼續用落去。防脫方面，我用左整套育髮系列，脫髮的問題係改善左的，最基本因頭痕而傷頭皮的問題已經解決，最開心係每次梳頭時，掉髮的數量都少左！不過生髮的效果就唔係好明顯，也許頭髮生長周期較長，要持之以恆先見到效果吧！ 用之前 用左一個月後

Jolicious好用推薦：好開心入選「Rejoice 瞬效柔順免沖洗䕶髮精華 」試用活動，體驗呢隻精華對有毛燥打結頭髮問題嘅效果，佢有分滋潤型同清爽型配方，可以更針對各類頭髮狀態進行修復 䕶髮精華嘅用法係洗完頭後輕印水份，再塗上頭髮中至尾端，用完唔需要再過水，今次用到嘅係清爽型配方，泵頭設計非常方便，一吱出黎已經聞到清新嘅葡萄柚香氣，顏色半透明，質感半流質，頭髮吸收得好快，無黏笠感覺 本身嘅髮質柔軟度屬於中等偏硬，好易有毛燥打結問題，洗頭後要用䕶髮油先可以梳開頭髮再進行吹乾，用左「Rejoice 瞬效柔順免沖洗䕶髮精華 」十日，頭髮有明顯地少左毛燥同打結問題，梳落去柔順左，唔需要太花時間已經可以梳順去吹頭，吹乾之後毛燥問題都明顯改善左，頭髮外觀上都保持到乾爽順滑狀態，效果令人滿意 十日體驗後，特別覺得「Rejoice 瞬效柔順免沖洗䕶髮精華 」使用上比以前嘅䕶理更方便，泵頭裝單手已經可以使用，而因為佢唔似䕶髮油咁油性質地，所以用完唔洗即刻急住洗手都可以，價格相宜，整體性價比都幾高！

kathy.lhy好用推薦：多謝cosme嘅試用邀請❤️今次收到Rejoice嘅瞬效柔順護髮精華🥳 佢總共有2款 清爽型同滋潤型 今次收到嘅清爽型 係比較適合偏油性嘅髮質🙈 而2款同樣都可以改善頭髮毛躁問題 令頭髮變返柔順🤤 <原本髮質> 首先天生頭髮遺傳有啲攣🤣 再加之前全頭漂過幾次 宜家頭髮有8成都係漂過 有部分頭髮斷過髮🙈 所以頭髮毛躁問題都幾嚴重！ <產品使用感> 護髮精華係比較水潤、流質🙈 而且有陣淡淡嘅西柚味~ 搽上頭髮嘅時候簡單方便 因為佢質地夠流質 所以可以好均勻咁將佢搽係所有頭髮到👍🏻 同時頭髮唔會有黏笠咁 搽完都係好清爽😆 效果方面 搽完精華之後發覺頭髮毛躁問題改善咗好多🙈 肉眼望落去會少咗啲飛起嘅毛毛(包括斷髮) 同埋柔順咗直咗🤤 <個人推薦使用方法> 根據頭髮長度吱完精華之後 可以輕輕將佢捽開係對手到 晏啲搽嘅時候就可以均勻啲🙈 搽上頭髮嘅時候 可以順住指尖搽~ 同埋建議搽完之後 再用風筒吹順🙈 可以配合梳嚟順住吹 效果會更加好👍🏻 如果洗咗頭髮 建議係頭髮大約半乾 但未完全吹乾前搽🙈 搽完之後再吹乾頭髮就可以~ <整體> 整體嚟講 呢枝精華使用上好方便👍🏻 好快就可

Pinkberry好用推薦：感謝@cosme提供試用。由於經常染髮關係，我的頭髮毛燥及開叉情況嚴重， 在最近非常乾燥的日子， 使用Dove 深層修護洗髮乳， 洗髮後頭髮順滑易打理， 持續用了數天， 感受到頭髮好像飲了水一樣， 增添了水潤感。 有品牌的signature味道， 乳液狀質地，少少水便能起很多泡， 洗髮後感受到頭髮非常柔軟及保濕，不會令髮絲有負擔。 當中角蛋白修護因子及強效保濕因子，能修護頭髮受損毛鱗片，深入滲透髮芯，持續補充流失的養份。 洗髮後，我還喜歡添加 Dove 胜肽修護髮膜，相信持續使用，可令頭髮變得更加強韌健康， 值得推薦的洗髮及護髮產品。

SUM好用推薦：多謝@cosme送嘅Dove嘅護髮洗鬆套裝，包括有一盒一分鐘胜肽修護髮膜260g同埋一枝深層修護洗髮乳680mL，一攞上手兩件產品都好重手，洗頭水都比較大枝，感覺可以同好耐。本身個人頭髮都比較長，差唔多到腰，所以之前一直有頭髮打結嘅情況，成日都要梳好耐先梳得順，而且又好容易因打結而梳斷髮，所以都好期待使用呢兩個產品。 首先使用洗頭水，即使我頭髮偏長，每次只需唧一泵就好夠泡，泡泡好足夠沾滿全頭髮絲，當洗完頭後，頭髮明顯摸上去滑左，而且用嘅時候味道好香，估唔到洗完頭去到第二朝都仲keep到陣香味！ 令我更驚喜嘅係一分鐘胜肽髮膜，用之前就已經俾產品嘅護髮成份吸引到，有胜肽、氨基酸、透明質酸同100倍濃度嘅海藻糖。每次用少量髮膜塗係髮中髮尾嘅部份，只需要等一分鐘就可以沖洗，就算經常洗頭嘅人用都唔好覺得麻煩，唔需要等太長時間！當沖洗髮膜後我十分滿意同驚喜，一路同水沖，一路用手梳已經可以梳開曬啲頭髮，完全冇打結，同埋超順滑。 總結兩件產品一齊用之下使用感十分好，加上價錢唔貴，份量又大，性價比很高，值得回購！

PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。

applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰

Chami好用推薦：多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

wawabibi好用推薦：多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！

Imelda 好用推薦：好多謝@cosme及@LUX 給予今次機會可以試用LUX嘅最新產品：髮の水亮瓶保水美容滋潤光澤洗髮乳及潤髮乳。 香味：根據產品介紹，這套洗護系列係以檸檬草和馬鞭草調配嘅清新花香，個香味我好鍾意，好可惜沖完水吹乾頭髮之後就啲香味消失得七七八八，如果有出同樣香味嘅髮尾油就更加好啦。 洗髮乳：同修護光澤系列嘅洗髮乳一樣，起泡力強，只需擠一泵，輕輕在掌心揉一揉，就已經可以產生大量嘅泡泡，覆蓋所有頭髮，之後再沖洗乾淨。 潤髮乳：因為長頭髮嘅關係，我每次都會用三泵，分三次搽，務求所有頭髮都能沾到潤髮乳，等兩分鐘之後再用暖水沖洗乾淨，直至頭髮再沒有黏膩感覺。同修護光澤系列嘅潤髮乳比較，我覺得今個系列嘅滋潤嘅程度冇咁高，摸上手啲頭髮冇用修護光澤系列時咁順滑，不過效果都已經好好。 髮膜：今次試用產品包括埋美容胺基酸修護亮澤髮膜，係試用嘅呢10日期間，我係潤髮乳及髮膜交替使用。用髮膜嘅話會等五分鐘後先沖水，務求令髮膜嘅營養滲透每根髮絲。雖然髮膜嘅修護滋潤度比潤髮乳高，但同潤髮乳一樣，沖完水之後沒有黏膩感，但頭髮保持順滑感。 整體嚟講，我鍾意滋潤光澤系列嘅香味，滿意修護光澤系列嘅效果。試用咗10日後

AliceLee好用推薦：多謝@cosme 嘅試用品：美容胺基酸修護亮澤髮膜 本身有染頭髮+電髮+自然卷，所以髮質都勁乾同髮毛都有開叉 髮膜當中含有胺基酸嘅成份，而胺基酸是蛋白質的構成單元之一，對於髮絲的重建和修護具有重要作用，可以增強髮絲的彈性、柔軟度和強度。此外，美容胺基酸修護亮澤髮膜還含有多種植物精華和營養成分，如絲質蛋白、蜂蜜、維生素E等，可以深入滋養頭髮，改善乾燥、毛躁、斷裂等問題，同時提供亮澤度，使頭髮看起來更加有光澤和健康。 所以用咗依款產品後，髮絲會顯得更加滋潤補水，減少了乾燥和毛躁的現象。髮絲沖洗後會感覺水潤而不黏答，亦可以恢復頭髮的柔軟度和彈性，讓髮質看起來更加水潤亮澤。而且會顯得更加有光澤感，順滑度亦可以維持一整天。 同埋就算香港天氣潮濕，這款產品能夠減少毛糙現象，令頭髮變得更加順滑。

Redbean好用推薦：步入四十歲，新陳代謝減慢，加上自身身體問題，有輕度內分泌失調，近一年脱髮問題漸見嚴重。我每天都會洗頭，並習慣每次清理去水口嘅掉髮，見到一束束甩落嚟嘅頭髮，同埋吸塵機集塵箱入面嘅頭髮，真係好肉赤。 我曾經用過以中年婦女為目標顧客嘅日系防掉洗護係列，用咗兩支，效果老實講唔係太名顯。亦用過以中藥護理為賣點嘅韓方洗護系列，效果係有嘅，但嗰陣藥材味，真係唔係幾好聞。而德國出品嘅生髮洗頭水，我仲用到頭皮敏感。 究竟豐盈秀髮同洗髮時嘅愉悅係咪真係唔可以並全？！ 幸運地今次抽中試用Kundal防脱頭皮護理洗髮水，我得到嘅係Musk嘅香味。一收到，我已經急不及待扭開個蓋嚟聞。一聞之下，真係不得了，陣香味竟然同我由細用到大嘅某大品牌嬰兒沐浴露好相似，係唔嗆鼻嘅BB爽身粉香氣。 即晚試用，洗完頭髮好順，頭皮感覺輕盈舒爽，感覺舒服。致於防掉髮效果，我影咗兩張相做對照，一張係第一日用嘅時候嘅掉髮量。另一張，可以見到手心嘅頭髮係比之前少咗。雖然整體頭髮唔係話好明顯濃密咗，但我願意花時間繼續觀察效果。 頭髮生長係有週期同需要花比較耐嘅時間先會好明顯見效。就憑Kundal嘅香味同用後嘅舒服感覺，我用唒呢支之後

Zita好用推薦： 現今美髮沙龍的技術越發進步，吸引大家經常去做不同的美髮造型。當然我也不例，常常把頭髮又電又染，加上漂髮，真的十分傷害頭髮與頭皮的健康，每次洗頭及梳髮均會掉落很多頭髮，一直想找防脫的洗髮露使用，希望可以改善頭髮的健康。 早前看到來自韓國的Kundal 咖啡因防脫洗髮乳十分吸引，實實在在的外表包裝彷彿在強調它的功能性，好奇心驅使之下便來一試⋯⋯ 唧出洗髮乳，先會被它的香味吸引，淡淡的白麝香飄來，令人在洗髮前先進入放鬆的狀態。加少量水輕輕搓手便能製造出豐盈的泡沫，放上頭髮搓揉幾分鐘，明顯感覺到頭皮的污垢都被帶走，十分清爽舒服。加上它結合了澳洲的堅果油特製而成，頭髮洗後也感覺滋潤，非常順滑，不會過乾。 頭髮洗後感覺不會過份扁塌，翌日醒來頭髮仍保持蓬鬆的感覺。梳頭的掉髮量在使用三星期後明顯減少，而且洗髮的時候也明顯沒有之前般掉髮嚴重。 另外不得不說它的麝香味真的很好聞，入睡時還可以聞著頭髮，助我安眠入睡，心情亦比較愉悅，感覺輕鬆。 眾所皆知加上咖啡因的洗髮水並不便宜，但是Kundal的價錢還真的算是大眾可接受的價位。大家有興趣的話真的可以買來一試，可能會一試成主顧呢～😍

shadow影子好用推薦：這是一款質感偏向清爽的護髮油，能夠快速滋潤髮尾部份，吹乾之後仍然能夠保持輕盈髮絲。10分適合漂染後護理。

Hamiii好用推薦：天生毛燥頭其實好困擾😮‍💨 好耐以前朋友介紹呢個牌子護髮油，然後就一試愛上🥰 每朝出門口前梳順左個頭，就可以泵兩泵，搽落頭髮中段至髮尾，會即時見到頭髮順滑有光澤😍 雖然唔至於好似電左個負離子咁，但起碼唔會爆炸頭已經好滿足😌😌😌😌 今次機場免稅店見到呢set travel kit! 一口氣買左3盒，細細支好方便帶出trip用🥰 等我今晚試埋其他幾款先🫶🏻