平衡油脂 推薦好用產品

Emily Leung好用推薦：日日敷面都唔肉赤！Kanebo平衡煥妍精華水，混合肌嘅「還魂水」？ 近排天氣又濕又焗，搞到我塊面成日都處於「外油內乾」嘅狀態。朝早起身，T字位可以煎蛋，但兩邊面珠又乾到緊繃繃，上粉底仲要卡粉，真係燥到爆！ 老實講，我本身對「精華水」呢家嘢又愛又恨，驚佢太杰話「餾」住皮膚，但太稀又好似「嘥氣」冇料到。點知見到Kanebo呢支平衡煥妍精華水喺社交平台好多人討論，話佢「平衡油脂」有一手，把心一橫買嚟試下。 點知一用，真係有啲驚喜！ 首先講個質地： 佢唔係清水咁稀，係有少少「滑捋捋」嘅水狀質地，但一推開就即刻變得好清爽。我試過就咁用手拍，同埋用化妝棉輕抹。 · 用手拍： 吸收快過打針，拍兩下已經「索」晒入皮膚，塊面即時有種飲飽水嘅脹卜卜感覺。 · 用化妝棉抹： 呢個方法我強烈推薦俾油肌或者混合肌嘅朋友！抹完之後，你會望到化妝棉有少少黃黃地嘅角質，即係幫你溫和地「捽」走老廢角質。抹完塊面係「令立立」嘅光澤，而唔係「油淋淋」嘅反光。 效果： 我用咗大約兩個禮拜，最明顯嘅改變係個「水油平衡」好咗好多！ 以前返到公司下半晝，個鼻已經出晒油要拍碎粉。而家用咗佢，就算喺冷氣房坐到收工，塊面都仲

Sarah好用推薦：呢支水最特別就係油水雙層設計，用之前一定要大力搖勻，先會變成奶白色嘅均勻狀態。 搖勻之後質地好清爽，係水水潤潤嘅流動感，唔會有油膩感，搽上臉好快就吸收咗，唔會立體面有黏笠笠嘅感覺，夏天用都零負擔。 搽完皮膚摸落係滑溜溜、軟軟地嘅，唔會有乾到繃緊嘅情況，反而有種好舒服嘅潤澤感。 我有時會選擇濕敷，出油多嘅位置，用咗之後毛孔睇落冇咁粗大，出油量都減少咗。 我覺得缺點係含有酒精，敏感皮膚要注意，另外一定要搖勻先得，每次用都要大力搖幾十秒，有時候趕時間真係幾麻煩，而且如果搖得唔夠均勻，用落就冇咁好效果。

Vi.ck好用推薦：妝前好鍾意用呢支防曬，質地好輕薄唔厚重。最驚防曬會好似戴咗面具咁，但呢支上臉無泛白問題，同後面嘅底妝亦配合得好好，唔會打交。佢有效抵禦紫外線，返到屋企發現冇咩點黑。整體感覺好舒服，keep住用嘅妝前防曬！

alicec好用推薦：對於混合油肌黎講都係一個好選擇，質地輕盈唔油膩，搽上面感覺好舒服。防曬效果持久，用左大半個月暫時都冇曬黑。敏感肌都適合，完全冇刺痛感或者唔舒服，可推介！ #火熱新品 #每月新品感謝禮 #我的崇光感謝祭必買防曬

Emily Leung好用推薦：呢支MAC煥顏精華真係幾有驚喜！ 質地係奶白色乳液狀 推開好似絲絨咁滑 吸收完個面係乾爽嘅 但摸落去又夠潤 後續搽防曬/化妝都唔會搓泥 用咗兩個禮拜最大感受係： ✅ 皮膚穩定咗好多 ✅ 鼻翼兩邊啲粗大毛孔睇落冇咁顯眼 ✅ 成塊面有種『喝飽水』嘅光澤感 （唔係油光個隻喔！） 特別鍾意佢陣淡淡花香味 好高級嘅感覺 每次用都覺得自己好似去咗做facial咁 雖然價錢有少少貴 但一支做到保濕+修護+煥亮 計返都算抵！會想回購～」 #MAC精華 #清透煥顏 #毛孔救星 #底妝貼服秘訣

Also melon好用推薦：我皮膚係混合偏乾，唔係好鍾意用太滋潤嘅護膚品，只要有適合嘅水潤感，而唔會令之後化妝乾燥就足夠。 MAC煥顏精華嘅質地好似濃郁嘅精華，半透明狀偏淡黃，推開之後吸收得好快。推開之後好絲滑，帶有水感，過幾秒後，面上的乾燥感就冇咗，亦唔會有油油的感覺。可以令到面部係有一種水光肌，而不是出油肌。作為日常護膚絕對冇問題，但因為佢有香味嘅關係，我都係比較鍾意化妝之前用佢，用完之後粉底液係好貼服。 對於皮膚偏乾嘅人來講，可能滋潤度唔夠，但對混合肌嚟講就啱啱好。

莓莓好用推薦：Kiehl's 金盞花精華水測評｜一瓶穩膚神器，用過就懂它的好！ 大家好～今天想跟大家推介這罐Kiehl's金盞花植物精華化妝水，很多人簡稱它「金盞花水」。它不是新品，但經典到幾乎每個混油、油肌、痘痘肌的朋友都聽過或用過。下面不廢話，直接分享我的真實感受。 🌼 質地＆香味 · 質地：完全像水一樣清爽，不黏不稠，夏天用超舒服。 · 香味：天然的草本茶香，帶一點點金盞花的甘甜，沒有酒精味，聞起來很放鬆。 ✅ 最推薦給誰？ · 油肌、混油肌、痘痘肌、粉刺肌 · 容易泛紅、敏感不穩定的人 · 刮鬍／除毛後的鎮定舒緩 · 喜歡濕敷的人（這罐濕敷很舒服） 💛 實測有感的重點 1. 鎮定退紅：擠完痘痘、或是臉頰泛紅時濕敷5分鐘，紅腫會明顯消退，舒服很多。 2. 控油＆平衡：T字出油量會減少，但兩頰不乾，油水平衡有感。 3. 改善粉刺：長期用會發現下巴、額頭的小顆粒變少，皮膚更平滑。 4. 溫和不刺激：不含酒精、香料，敏感肌也能用。 👎 小缺點 · 花瓣會掉出來：倒的時候偶爾會跑出一兩片金盞花，不影響效果，但有人覺得麻煩。 · 保濕力偏清爽：乾肌冬天單擦不夠力，一定要後續加強保濕。

Chloeincosme好用推薦：🤍 穩定效果：4/5！Kiehl's金盞花爽膚水嘅鎮靜能力確實唔錯～當皮膚有少少泛紅或者暗粒，用化妝棉濕敷幾分鐘，即刻有舒緩到，紅印同唔穩定嘅情況都有改善！ 🤍 保濕度：2/對於乾肌來講，佢嘅保濕力真係唔夠～用完之後好快就覺得皮膚有啲繃緊，好似層水分被抽乾咁，後續一定要即刻搽保濕精華同面霜，否則會愈用愈乾😢 🤍 溫和度：4/5！成分天然，金盞花瓣有助舒緩，一般肌膚用都幾溫和～但如果你係極乾或者敏感肌，可能就要注意，因為有少少朋友反映用完好乾甚至有點刺刺哋～ 🤍 使用感：3/5！質地清爽，吸收快，夏天用可能幾舒服～但秋冬或者乾燥環境就真係頂唔順，用完反而令皮膚更缺水，唔太適合我這種乾肌人～ 總結： Kiehl's金盞花爽膚水嘅鎮靜同舒緩效果確實出色，尤其適合油性、混合性或者容易出油泛紅嘅肌膚～但如果你同我一樣係大乾肌，就可能要慎重考慮，因為佢保濕力不足，甚至可能令皮膚更乾～未必會回購了！建議乾肌朋友可以選擇更保濕嘅 toner 替代～

貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜

A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。

Sanna Cher好用推薦：產品質地為接近啫喱狀，流動性低，倒出來要花點時間。每滴精華內，能看到透明啫喱精華中，帶有不少水珠，塗抹起來有些觸感。 塗抹在臉頰後，能強烈感受到水份的滋潤感，精華的濃稠感低，主要是充滿水份的感覺。 使用過後，只會帶來輕微的亮澤感，但滋潤感是實在的高，用後感非常清爽，會推薦👍

Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

flower0427好用推薦：沙漠乾肌使用還算可以，有保濕潤感～～這款很適合當妝前乳使用，不會跟底妝打架！

Emily Leung好用推薦：講起Sofina呢支補水保濕啫喱乳霜 質地同個名一樣係啫喱狀，乳白色一patpat 有陣淡淡天然花香，聞落好舒服 搽上塊面有陣涼浸浸感覺，推開咻一聲就吸收晒 （始終質地關係）對我呢種混合油皮+敏感肌超友善 等完全吸收之後，塊面摸落去水嘭嘭又滑溜，好鍾意呢種觸感 因為實在太吸收太好用，我試過貪心連續搽咗幾層 唔知有冇人明白我呢種心情😂 不過啫喱質地通常唔夠持久，建議可以： 1. 之前用夠同系列保濕產品打底 2. 當呢支係保濕乳液，之後再加多層面霜鎖水 （因為質地清爽，咁樣疊加都完全冇問題）

維他他好用推薦：Sofina jenne 呢隻水油平衡啫喱乳液，專為混合肌而設，佢添加咗美白成份，同時補到水同控油，用完皮膚柔軟咗，都OK，個罐好靚☺️

Poyobb好用推薦：以前用過原生液，保濕度好好，只限冬天，夏天用會就爆粒粒。 睇返產品原料嘅片段，感覺櫻花水比原生亦係多咗櫻花萃取成份，一樣主要用嚟做抗老功效。質地上比原生稀啲啲，但都有一浸發酵味，即使試過倒落化妝棉度做二次清潔，而且用完都會有浸黏笠感，一啲都唔清爽，依種感覺夏天好唔舒服，混合肌唔太鐘意🫣 上網睇啲人話要建立耐受性，但我都用咗幾日至一個禮拜，皮膚都唔覺得變靚咗或者穩定咗，依個係面頰兩邊出好多暗粒，唔太適合唔會再用🥲

Mformomo好用推薦：Estee Lauder 嘅產品一直係我最愛最愛 呢枝Estee Lauder 櫻花微精華活膚原生液 我四年內不停回購同回購， 用過佢之後真係番唔到轉頭 四年前嘅我完全買唔到一直合適嘅爽膚水 直至遇見佢，我嘅T字位終於出少左好多油 皮膚亦好左好多。 佢嘅質地係唔油 好似水一樣 搽完真係好舒服 非常清爽 好適合唔鍾意笠痴痴感覺嘅朋友 佢產地有時會係內地有時係英國 要開左盒先知產地係邊度

poonpoon好用推薦：白松露萃取精華嘅化妝水，貴婦品牌主要用嚟比做完高能量儀器嘅人士使用。 保濕度高，質地頗為稠身，透明無色，用完要一段時間先至可以吸收曬，少少香味。雖然係稠身，但唔會有膠質味道。 依支爽膚水絕對有抗老嘅功效，用完覺得皮膚有彈性，對皮膚緊致有感覺，相反冇出現過痕癢不適😊

Hamiii好用推薦：呢個品牌白松露系列真心好用 我已經入手左兩次 等緊番香港再入 呢支修護液好適合打完高能量facial用 特別係本身皮膚唔夠水份 塊面打完會痛之後用 用完會見到泛紅消失左 感覺到皮膚表面多左層屏障 後續再上修護mask會更吸收 雖然好潤 但又唔會起粒粒 岩我用

Kelvin好用推薦：以男士中性肌膚寫測評👦🏻 Clinique無油面霜 Clinique王牌面霜有三個款式，全部都係綠色盒裝住，但其實適合唔同膚質使用，亦都可以跟返字體分辨，以後就唔會買錯喇😉 1️⃣清爽 粗體jelly 字，質地係透明啫喱 2️⃣中度保濕 粗體gel字，係我而家用緊呢支無油面霜 3️⃣高保濕 有+符號，係添加咗油成份面霜 ⭐️質地 好似成支牛油嘅顏色🧈🧈🧈 無油面霜比平常乳液稀身。官方話需要蜿豆大小，我男士面部較大，需要搽多少少。啱啱搽上面好滑仲未吸收到既，吸收咗之後就冇黏感，亦無假滑。 ⭐️效果 無油面霜比平常乳液稀身，水感更重💦清爽唔油膩。上面舒服，即係保濕效果幾好！ 試過皮膚好乾燥，甩皮泛紅，查無油面霜都冇刺痛感。Keep住用皮膚會慢慢好返修復，雖然佢只係純補水保濕，但可以修復肌底維持皮膚屏障，令皮膚健康狀態。 ⭐️心得 我將佢朝早溝防曬用，晚上溝vc 精華用，溝咗都唔會打交，好方便！ 無油面霜算係超強保濕面霜，萬能，但建議要添加其他功效其他serum，例如抗老精華，尤其25歲以上嘅女士。 我最鍾意依支無油面霜係秋季時候使用，夏天更喜歡用更清爽嘅啫喱版本。 三款

Sanna Cher好用推薦：產品是水融性甚強的乳霜，每次大概使用兩泵，使用於妝前護膚的最後一個步驟。使用產品前的肌膚狀態使用產品後的肌膚狀態，膚色有比較均勻。

lonia好用推薦：Laneige Water Bank呢個系列個人都幾喜歡，補水得嚟感覺好清爽，冇乜黏笠感。 呢款係水庫補濕微質酸紓緩啫喱，佢係透明gel狀質地，裡面有啲白色珠，不過一推開就會唔見晒。搽完即時有睇得見嘅水潤感，好似啱啱敷完補濕mask嘅狀態，帶有光澤感。等皮膚慢慢吸收之後，感覺好清爽，唔會覺得黏笠笠，而補濕效果可以維持到第二朝。 個人覺得好啱春夏季使用嘅補濕面霜。

Kelvin好用推薦：Laneige皇牌爆水面霜，佢有三款比唔同膚質人士使用，呢款係最輕盈Gel cream🍋‍🟩 因為喺jelly質地關係，超級清爽，補水效果好強勁，而且唔會有黏立感，方便疊加其他功效性精華使用。 作為護膚嘅，最後一步容易吸收，就算搽多咗都只有水潤感，唔會有油光殘留👍🏻 不挑皮膚任何年紀都好啱用，更加推薦油性肌膚使用，包裝轉左Baby Blue嘅設計少女感🩵

Joy_zoe好用推薦：用前需要搖勻，噴嘴設計都非常好用，就咁噴落塊面度就可以。噴嘴設計唔會噴太大粒，通常噴兩三下就足夠成塊面，有淡淡嘅蠟菊香味，非常清新，早晚用非常適合，非常容易吸收。

Noel好用推薦：L'occitane 超火紅的星光水，含22%精華油及78％精華水，使用前先搖勻，再噴到全面。個人很 buy 這枝星光水，因為它純天然成份：千日菊萃取，益生元，蠟菊精華油✔ 而星光水中層，是美美的粉色精華水泡泡(精華複合物)，使用後皮膚很水潤，有點水油平衡的感覺❤

Noel好用推薦：Sofina Jenne 系列我很推介，價格比較親民，而產品質素也得有保證❗這罐美白保濕霜是淺藍色蓋款，乳白色，啫喱霜質感，塗到皮膚比較 light 易吸收，沒有美白產品的焗促感覺👍 另外，也很適合用作化妝前的保濕霜，令皮膚滋潤，底妝更持久。不過美白效果一般，更推薦白盒那款，因為質感相近，價格更便宜😆

brentbb好用推薦：呢款保濕乳液質地呈gel cream 狀，水潤易吸收，好啱香港夏天用，早上作妝前保濕唔會同防曬/粉底打交起擦紙膠粒，滋潤程度啱啱好唔會加快出油溶妝。 炎熱既夜晚亦都用得，吸收之後等幾十秒已經唔黏笠，唔怕黐枕頭。 總括嚟講性價比高，用完唔會生粒粒，份量唔駛用好多，呢樽由12月尾用到而家大概3個月～

Verna好用推薦：這個品牌的產品質素不錯，款式多，價錢算是親民，所以我對它很有好感 這個盈潤美容凝露的質地是gel cream狀，塗在面上，推開像是水一樣，很輕盈，很容易滲透皮膚，而且感覺清爽，冰冰涼涼很舒服，很適合夏天用，油肌的女生一定會喜歡 官網介紹，它兼具化妝水和乳液功效，是調肌精華霜，不過我是當它是面霜來用，它可以幫我的皮膚保持水潤，所以我整個夏天也在用它

zetalhc好用推薦：呢個乳霜對油性皮膚好好，同一時間做到控油同深層保濕嘅效果，而且質感水潤，一年四季都啱用

choichoi好用推薦：這個很適合目前香港的天氣使用，忽冷忽熱或是潮濕時使用；肌膚不會覺得悶焗亦不會致痘，更有明亮肌膚的感覺 #火熱新品

Noel好用推薦：透過 @cosme 初次接觸韓國品牌 Bring Green，品牌以綠色護膚及全素概念，推出不同系列護膚產品，非常符合現在 vegan 的大趨勢！手上這罐 Artemisia Calming Water Cream 包裝平實不花巧，總容量達75ml，比一般面霜要大罐🤗 更含有54％菌陳蒿萃取，有助補水及改善敏感。 面霜呈 gel cream 狀，中度流動性，米白色，帶清新草本香味。因為凝膠質感，所以塗抹非常容易，推開後很快被皮膚吸收😍 夏天的早晨使用剛剛好，夠滋潤，同時草本香味有 wake up 皮膚的感覺👍現在秋風起，個人喜歡塗抹兩次，增加補濕效果。 這罐面霜目前已經空瓶，使用感極佳。早上使用都不會跟 SPF 或底妝打架，少一份顧慮❗而且保濕效果不錯，亦沒有引起敏感不適。會考慮回購這罐，或者 explore 同系列的另一款面霜~

Hazel好用推薦：之前一個心得募集遊戲贏嘅獎品，本身應該係修復面霜，但cosme比錯咗面霜我，有啲失望，不過即管試吓，或者我皮膚比較乾，佢絕對唔適合我，或者啱啲年輕肌膚或春夏天用。

choichoi好用推薦：可以穩定及鎮靜皮膚，痘痘大爆發時就可以看到它的舒緩作用了，基本上不限季節膚況都可以使用 #冬季保養

Sarah好用推薦：設計方便使用，但泡泡唔夠綿密，而且佢的成份有啲令我皮膚感到刺痛同泛紅，唔太適合我。

格仔餅公主好用推薦：生緊瘡瘡用唔會痛唔刺激，可以幫到佢清潔但唔會乾，如果痘肌用應該幾好，而且直接擠出黎好方便

芝媽芝豆好用推薦：ESTÉE LAUDER既Micro Essence應該無人唔識，呢支系櫻花版本，對於我混合偏乾，又容易T -zone有油，我夏天非常鍾意用呢一款，我會用棉花抺上面，會用嚟急救突然好乾皮膚，會用左爽膚水之後再用呢個加强保濕。佢可以幫助皮膚水油平衡，唔會出太多油又可以保持唔乾，可以幫助收細毛孔，自己已回購過好多支！