找產品
嘴唇修護 推薦好用產品
58 件
Cheung2好用推薦：最近碌threads被燒到，買咗呢支Clarins嘅lip oil🔥 原本見到咁多色揀都十五十六，呢支9號色望落去，雖然好深色，但搽上嘴完全係另一回事,少少裸橙感覺。超自然！超氣質！氣息勁好💯💯💯 搽上嘴一啲都唔乾，又冇晒啲死皮👍🏻
<看全文>Kitty 好用推薦：之前見勁多人推Clarins呢支Lip Oil，終於忍唔住入手，用咗兩星期真係要同大家分享！ 質地超驚喜：支掃頭肥嘟嘟軟熟貼唇，唇油係水漾質地，完全冇傳統唇油嗰種黐笠笠感覺。 效果似開濾鏡：厚擦兩層就變玻璃唇效果，滋潤度夠撐到半日，食完嘢補少少就ok。最感動係唇紋即時隱形，夜晚厚敷當mask用，第二朝捽甩死皮後對唇軟過BB仔！ 小缺點要講：價錢算貴貴哋，同埋感覺好快用完。不過計返佢成分天然同冇人造味（淡淡果香好治癒），我覺得值回票價！ 總結：懶人恩物！一支搞掂潤唇+唇部精華+唇膜+豐盈效果，而家我個化妝袋長期有佢個位💋
<看全文>
Emma好用推薦：唇彩部門 今次買咗universal clear色，雖然話會因為個人既pH值而變色，但呢個色號可能本身都冇色，變完要非常非常細心對比先見到有極淺既粉紅，所以都唔洗擔心用佢黎做打底會影響後續唇膏既顏色。之後再上matte色唇膏都唔會覺得乾，同埋有啲緞面光澤都幾靚！ 質地好滋潤，柔滑易推，蘊含豐富嘅歐洲甜櫻桃籽油同乳木果油，保濕度極高，會feel到持續滋潤，可以撫平到唇紋同減少死皮。 作為有色潤唇膏都唔好期望持色度會高，所以我都唔介意食完野要再補 最後想講唇膏殼真係好靚，透明粉紅+銀色好少女好高貴🤩放喺袋都會拎出黎
<看全文>lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩
<看全文>
isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖
<看全文>綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品
<看全文>
Kathy Wai好用推薦：🍓 Laneige 睡眠唇膜 冬季護膚真實心得 ❄️ 乾唇人冬天救星！ 一到冬天，我啲嘴唇就會乾到裂開，甚至出血，搽幾厚潤唇膏都冇用。試咗Laneige呢個睡眠唇膜之後，先知道咩叫「真正滋潤」！ 超強修復效果 佢嘅質地似草莓軟糖，用附送嘅小矽膠掃薄薄敷一層，已經好夠。我習慣每晚冬季護膚最後一步就用佢，第二朝起身： ✅ 死皮自動浮起，濕毛巾一抹就甩 ✅ 嘴唇恢復柔軟粉嫩，冇晒乾紋 ✅ 就算全日唔搽潤唇膏，都唔會緊繃 懶人必備滋潤法寶 平時夜晚唔記得用，臨出門前急敷5分鐘，即時急救爆拆嘴唇！冬季化妝前我都會咁做，之後搽霧面唇膏都唔會卡紋。 性價比超高 一罐細細哋，但每次用量好少，我用咗整個冬天都未見底。比起不停買潤唇膏，其實更抵用！ 溫馨提示 如果嘴唇已經爆拆，建議連續厚敷3晚，真係會見到明顯修復效果。呢個已經成為我每年冬季護膚不可或缺嘅一步！ 總括而言，對於冬天容易乾唇嘅人，呢款唇膜嘅滋潤效果真係無可取代。價格親民又耐用，絕對值得入手！ #冬季護膚#護膚#冬季#冬天 #爆拆救星 #唇部護理 #懶人護膚 #保濕唇膜
<看全文>布吶吶好用推薦：Laneige睡眠唇膜🍓使用心得分享 冬季護膚點可以忽略嘴唇？天氣一凍，我對唇就乾到爆拆，搽幾厚潤唇膏都唔掂。自從用咗Laneige呢款睡眠唇膜，先叫做真正解決到冬天嘴唇乾裂嘅問題！ 質地方面真係好特別！佢係一盒粉嫩色嘅凝霜狀，用附送嘅小掃挖出嚟，質地好似滋潤版嘅果醬咁，好柔滑。塗上嘴嘅感覺唔會油淋淋，反而係一層薄薄嘅、帶少少黏性嘅保護膜。最正係佢唔會黐頭髮，瞓覺轉身都唔怕。 保濕效果可以話係「瞓醒見真章」！ 每晚臨睡前厚敷一層，第二朝起身用濕毛巾輕輕一抹，成層死皮自動脫落，嘴唇即刻變返柔軟滋潤，完全冇咗冬季嗰種緊繃同乾紋。就算日頭唔搽潤唇膏，都可以保持大半日唔乾。 修復力先至係驚喜位！ 有幾次嘴唇乾到裂咗少少，敷住佢瞓一晚，傷口位置明顯好得快咗，冇再流血同刺痛。持續用咗一星期，連唇色都好似粉嫩咗少少，唇紋都冇咁明顯。對於冬季護膚嚟講，佢絕對係唇部急救恩物！ 一支細細盒可以用好耐，每次用一粒米嘅份量就夠。如果硬要講缺點，可能係香味有少少甜，不過習慣咗就覺得幾舒服。真心推薦俾所有冬天受唇部乾燥困擾嘅朋友！💋 #冬天#冬季#護膚#冬季護膚 #保濕必備 #唇部修復 #冬天急救
<看全文>
Vera Violet好用推薦：Mac 543 posh pit 呢支大熱色真係日常必備！ 暖調肉桂奶茶色調得岩岩好，帶點微微嘅豆沙棕啡，溫柔又提氣色，素顏搽完全 Hold 得住，顏色超好駕馭，唔會太紅亦唔會顯病容。 質地都算水潤，透亮嘅水光感上嘴即刻撫平唇紋，唔搽護唇膏打底都唔會乾，平時唔化妝出門隨手拎起就搽得，隨意補妝都唔會厚重，超級方便❤️
<看全文>royu3好用推薦：趁Black Friday 入手了一枝水漾潤澤系列唇膏。 先講外觀，使用了亮面外殼，值得一提的是唇膏芯刻上了M.A.C的logo，非常亮眼！質感水潤不卡皮，不用潤唇膏打底也OK👍🏻但遮蓋力及持久度相對較低。我購入的是色號508 hug me，是很日常很溫柔的裸色調。這個色號較適合唇色淺的人，唇色深的話需要先遮瑕。 總體而言我是很喜歡這個系列，秋冬用也不怕顯唇紋，而且M.A.C 的土色調做得很出色，令唇膏加分不少！有意購入此系列其他色號呢！
<看全文>
Rin好用推薦：豐唇唇蜜 當時看到他有豐唇及滋潤效果 塗抹的時候會有刺刺的感覺像是幫你豐唇中 我的用法有2: 1.直接當日常亮澤嘴唇用（下唇用了，上唇是原唇色） 2.將家中霧面的唇膏加上唇蜜，做出另一種感覺,變成有多幾款的選擇 注意刷頭容易沾上顏色，所以如用在霧面唇膏上記得再用紙巾清潔一下 液都比較黏，是會沾到杯子和頭髮 但持久力還不錯 另外是有色的豐唇蜜BR301,這個比較不會有刺刺的效果，適合日常出門用 撫紋，簡單，日常血氣色
<看全文>莓莓好用推薦：Visee 精華唇蜜用後感：開架價錢，專櫃享受？真心有驚喜！ 老實講，我以前對開架唇蜜冇乜信心，覺得都係「痴淋淋」、「顯色度低」或者「一陣膠味」。但前排見Visee呢支精華唇蜜喺小紅書俾人推到爆，話係「Chanel 105平替」，我忍唔住買咗支返屋企試。用咗兩個禮拜，真係有啲說話想講。 先講顏色，我買咗最 hit 嘅 #BE320 奶茶杏色。 如果你鍾意Chanel 105嗰種自然好感度，呢隻色你會一試愛上！佢係帶少少棕調嘅奶茶色，但因為夠透，上嘴之後唔會顯老，反而好似自己嘴唇天生就係呢種「微粉微杏」嘅血色感。對於黃皮嚟講，呢隻色絕對係「安全牌」，就算素顏就咁搽，都唔會突兀，仲有種「我本身唇色就咁靚」嘅錯覺。如果你鍾意更粉嫩，可以揀 #RD401 櫻桃紅，薄搽已經好提氣色。 重點嚟喇，質地係成支嘢嘅靈魂！ 佢個質地好特別，唔似傳統唇蜜咁「漿糊式」痴住個嘴，反而似稀身少少嘅精華油，一掂到嘴唇就溶化，好輕盈。最驚喜係佢一啲都唔黐頭髮！平時搽唇蜜最驚風一吹成嘴都係頭髮，呢支完全冇呢個問題，搽完之後嘴唇係水潤，但唔會「漿住」，呢點絕對加分。 講到「精華」兩個字，佢真係做到養唇效果。 我本
<看全文>
jhope0725好用推薦：呢枝係❄️冬季護唇最佳幫手！~ 冬天永遠都會嘴唇脫皮，繼而流血。過往試過好多唔同牌子嘅潤唇膏，即使係曼秀雷敦，當中好多系列都試過，始終未能忘懷就係呢款melty cream 系列！ 先講護唇效果，呢個系列真係冇得輸，就算用完佢之後再化妝搽唇膏，都完全唔顯乾紋，而且保濕效果，如果中途完全唔食飯，可以維持到大約10小時！試過出去做嘢，全日化妝大約10小時左右，用咗呢支潤唇膏打底，面頭嘅唇膏全日都維持亮澤！ 再講使用感覺，呢支潤唇膏唔會太過油膩，會隨着體溫慢慢溶化，唔會好似食完雞髀冇抹嘴嘅油膩感，對於唔喜歡搽潤唇膏嘅我來講相當重要！ 呢個系列好多唔同特別口味，不過我見好多特別口味都係香港先有得賣，日本街頭大部份都只見到蜂蜜同埋原味，有機會要嘗試多啲唔同味道~
<看全文>Fng好用推薦：曼秀雷敦溫感高保濕潤唇膏（無香料）｜熟齡肌的夏日唇部SPA✨ 這支溫感潤唇膏簡直是曼秀雷敦家族的「黑馬選手」🏇！相比同品牌經典薄荷款清涼感，它獨特的微溫觸感就像為雙唇敷上熱毛巾🧖♀️，卻聰明地選用無香料配方，避開夏日最怕的甜膩香精困擾🌞 觸感實測： 旋開樽蓋瞬間已有驚喜——膏體如奶油般柔滑🧈，塗抹時隨體溫融化出薄膜。最妙是那恰到好處的42℃微溫，不會像辣椒款般灼熱，卻能瞬間軟化死皮！對經常塗唇膏的熟齡肌來說，乾紋像被熨斗撫平般順滑👄 同門對決： •vs 水份潤唇膏：雖少了冰涼感，但保濕續航力多3小時⏳ •vs 薄荷膏：避開了過度揮發的「越搽越乾」魔咒🚫 •vs 藥用唇膏：修護力稍遜，但日常使用更溫和💊 夏日巧用： 冷氣房睡前厚塗當唇膜，翌晨死皮自動脫落像做過唇部磨砂✨！化妝前薄擦打底，再擦霧面唇膏也不卡紋。小小缺點是膏體偏軟，戶外使用要避免融化變形🫠 這支絕對是開架界的「溫柔治癒系」💖，特別推薦給討厭黏膩感，卻渴望被溫柔以待的輕熟雙唇～
<看全文>
Chloeincosme好用推薦：Curel 保濕潤唇膏 🤍 係日本藥妝店睇到話專為敏感乾燥唇部設計，一試愛上！ #轉季 及 #換季 必備 🤍 保濕修護：5/5 成分簡單溫和，冇香料色素，唇部脫皮時厚敷過夜，第二朝死皮自動脫落，即時回復柔軟～ 🤍 質地吸收：4.5/5 偏乳液狀膏體，推開化水唔油膩，吸收後有層薄薄保護膜，唔會黐頭髮～ 🤍 溫和度：5/5 試過唇炎發作期間用都零刺激，仲有舒緩效果，真正做到「修護型潤唇膏」～ 🤍 妝前打底：4/5 薄搽一層等吸收再上唇膏，有效防止卡紋，但又唔會過潤影響啞光唇膏顯色～ 總結： Curel呢支潤唇膏絕對係敏感唇恩物！修護力強得嚟質地舒服，已經取代咗我常用嘅潤唇產品～會無限回購！推薦比經常唇乾、敏感，甚至受唇炎困擾嘅你！
<看全文>Viannie好用推薦：敏感肌護膚品老牌子，佢嘅潤唇膏都好唔錯，無色無香料，質地偏厚及黏，我會用黎夜晚瞓覺前厚搽，第二朝個嘴都唔乾，好用！
<看全文>
Chloeincosme好用推薦：呢排用緊喺social media紅咗好耐嘅 ettusais lip essence，滋潤度非常之好，前一晚用第二日上唇妝完全唔乾🤍 一定會回購！ 🤍 滋潤度：5/5 質地豐潤但唔黏膩，搽上嘴即刻有層保護膜嘅感覺，持續保濕能力超強，就算吹成晚冷氣，第二朝起身嘴唇都依然軟熟！ 🤍 修護效果：4.5/5 如果嘴唇有爆拆或者脫皮，連續用幾晚已經明顯改善，死皮會自然脫落，唔需要用力擦，嘴唇回復飽滿同健康～ 🤍 妝前打底：5/5 最驚喜係佢嘅妝前效果！上唇膏前薄薄搽一層，等幾分鐘吸收再上妝，完全唔會乾或者顯唇紋，仲令唇妝更加持久貼服～ 🤍 便攜度：4.5/5 細細支設計方便帶出街，可以隨時補搽，保持嘴唇水潤，尤其適合長期處於冷氣房嘅打工仔！ 總結： ettusais呢支lip essence滋潤得嚟又唔油膩，已經成為我唇部護理嘅必備品～會無限回購！推薦比所有深受乾唇困擾嘅你！ #轉季 #換季
<看全文>Paris merci 好用推薦：意想不到幾好用。質地係比較厚重嘅，少少就夠用，佢嘅滋潤度都好高，好適合唇部乾燥嘅時候去用，咀唇軟熟咗。用完減淡唇紋，要持續使用才有效果 無香料，有spf18防曬，朝早當用都岩。用完唇部有光澤，唇邊無咁暗沉，而且更加飽滿💕
<看全文>
Emily Leung好用推薦：一到轉季個嘴唇又乾到「鞋颯颯」？等我同你快速測下呢支 Laneige 水漾亮澤潤唇膏啦！ 💦 質地： 輕薄！好似將保濕精華搽上嘴，一推化水，零黏立，怕「黐脷韌」嘅你會愛上！ 👄 效果： · 即時：淡淡光澤，唔會「豬油唇」，睽落精神晒！ · 保濕：對付轉季「微微哋」乾燥夠晒力！但如果爆坼到裂，就要出動唇膜先搞得掂。 👍 優點： · 日常用超方便，朝早趕出門「撻」一下就搞掂！ · 帶住出街補搽唔會肉酸，光澤感自然。 👎 缺點： · 滋潤度唔算好強悍，極乾唇可能要補搽密少少。 🎯 總結： 換季期間，如果你隻唇係「少少乾」多過「爆到開花」，呢支就係你嘅 「隨身補水小法寶」 ！夠輕薄，夠自然，日常Keep住水嘟嘟就靠佢！ #換季#轉季#乾燥
<看全文>lingbb好用推薦： 係外國一路都有得賣，香港終於有得買啦！粉紅色原味應該係普遍最受歡迎，呢款lip gloss出街好方便，開蓋就用得，唔會整污糟隻手，個人覺得持久度一般，但好夠保濕，上咀會微黏但可接受，咀唇會有啲豐盈感，有時晚上都會塗一層當sleeping lip mask用，我覺得每個味都討好，紫色果款係糖果味，兩款我都鐘意 #火熱新品
<看全文>
