MENTHOLATUM 曼秀雷敦

薄荷潤唇膏

曼秀雷敦薄荷潤唇膏真係我每個冬天都唔可以冇嘅唇部救星！一到冬季，雙唇乾到繃緊、甩皮甚至爆拆，唔搽潤唇膏真係唔掂。而呢支薄荷潤唇膏就成為咗我冬季護膚 routine 裡面，隨身必帶嘅神器！ 保濕同修復效果相當唔錯： · 膏體軟硬適中，一搽上嘴就有陣清涼薄荷味，好醒神！而且涼涼哋嘅感覺，可以即時舒緩乾燥帶來嘅不適。 · 佢嘅保濕力好持久，唔係假潤嗰種。冬天出街前厚搽一層，可以維持幾個鐘唔覺唇部繃緊，就算戴口罩都唔會覺得黐立立或者好悶。 · 對於輕微爆拆同甩皮，佢嘅修復效果都幾明顯。我試過臨睡前厚敷，第二朝起身死皮會軟化，輕輕一抹就甩，唇部變得柔軟好多，冇再扯住痛。 冬季護唇心得： · 我會習慣喺搽唇膏或者唇釉前，薄薄打底一層，等幾分鐘吸收咗先上妝，咁樣可以減少唇紋，又唔會影響妝效。 · 如果唇部狀態特別差（例如嚴重爆拆），我會先濕敷再用佢厚敷，當作唇膜咁用，急救效果會更加好！ · 不過要注意，如果唇部有傷口，薄荷成份可能會帶來少少刺痛感，建議等傷口好返少少先用。 總括來講，曼秀雷敦薄荷潤唇膏係我冬季性價比極高嘅選擇！清涼感喺凍冰冰嘅天氣用特別舒服，而且保濕同修復能力都交足功課，細細

嘴唇皮膚狀況: 嘴唇偏乾，比較易甩皮，上唇色偏暗沉 講到潤唇膏，稱這支曼秀雷敦為經典始祖也不為過！ 春夏季雖然濕度較高，但日常唇部護理仍不可忽視 平時我就習慣用曼秀雷敦潤唇膏維持夏季唇部健康狀態🥳 潤唇膏質地輕盈水潤，無色透明但使用後會帶有自然透明感， 同時散發淡淡薄荷香氣，會有清涼嘅感覺 上唇後有即時保濕效果，同時亦不會過度滋潤或黏膩， 非常適合春夏季節使用。 另外因為質地透明，能有效撫平唇紋，作為妝前打底效果一流👏🏻 產品效果: 唇部明顯乾燥，唇紋較為明顯 上唇後，肉眼可見唇部狀態有明顯改善，唇紋顯著減淡

曼秀雷敦薄荷潤唇膏冬天乾燥季節簡直係必備。質地滋潤，搽上嘴唇即刻有保護膜嘅感覺，仲帶有清涼薄荷感，令雙唇好舒服。 乾裂同死皮情況改善咗好多，嘴唇保持柔軟同水潤。淡淡薄荷香，搽完仲有少少涼快感，價錢親民。

不僅是唇膏💡 薄荷潤唇膏 質地好潤.. 可以做妝前打底💡 一搽會少少立..好似成膜咁.. 說是乾燥神器亦不為過💡 不論係… 咀甩皮🍄 唇瘡🍄 咀爆拆🍄 諗得到嘅乾燥問題都解決到.. 其實佢用途仲可以搽.. 手爆拆🍄 Paper cut🍄 蚊咬🦟 （好work..止埋痕tim） 等等等等….. 但當然.. 如果拎左黎搽咀以外嘅地方.. 就唔好再搽上咀啦..😌 喱款我會同紫草膏交替長備手袋當萬用膏.. 長期回購👑👑👑

因為造型好可愛所以買，結果保濕效果亦好好，冬天用都夠潤，而且無特別香味，只有淡淡薄荷，用後感良好。價廉物美，CP值好高。

潤唇救星✨換季用咗佢，乾唇即刻翻生！！！！ 💚日本老字號護唇寶藏！曼秀雷敦藥用潤唇膏必須鎖死🔒 出自樂敦製藥，經典日系包裝，兩支裝超抵買～專為嘴唇乾裂、粗糙而設，精油配方直擊乾燥痛點，搽完即刻舒緩刺痛，同個嘴唇笠咗層「隱形鎖水罩」💦 質地薄身唔黏膩，帶住淡淡薄荷涼感，搽完個嘴唇嫩到可以溜滑梯！死皮、唇紋統統走曬✨ 無論係對付秋冬轉季乾燥寒冷、日常唇炎修護，定係當作打底預防乾裂，都穩陣到爆！日本藥妝店長期斷貨王，嘴唇狀態差嘅寶子，信我閉眼衝，用一次就返唔到轉頭～ #轉季#換季救星

最近入手咗曼秀雷敦薄荷潤唇膏貓耳特別版呢個外殼有對貓耳，對於貓控嚟講完全抗拒唔到（因顏值入手😂）每次攞出嚟用，都會開心一陣😂 潤唇膏本身質地滑順，薄荷味唔會太勁，使用後嘴唇即刻感受到滋潤，唔會有黏膩感。唇膏嘅保濕效果亦相當不錯，特別適合秋天/ 冷氣房等乾燥嘅日子。 不單止外觀可愛，還有實際效果，真係一舉兩得！如果你都係貓迷，或者想搵一款兼具可愛和實用的潤唇膏，呢個貓耳特別版絕對值得一試！

應該唔會有人未用過萬秀雷敦潤唇膏吧！又平又好用！我係超乾咀唇，無時無刻都要有潤唇膏，呢枝小小薄荷味，上咀會有輕微拉扯感，唔係超油潤順滑嗰隻。持久度好好，會keep住有一層滋潤感喺道。做打底之後上唇膏都好ok，唔會打交起死皮，性價比首選！

細細個就已經識得佢(笑)～經典潤唇產品～喜歡其簡單無花巧!!習慣單塗/塗於唇妝前打底～保濕滋潤度唔錯～最重要價格超平！！

呢款曼秀雷頓嘅潤唇膏我已經用咗第三支，搽落去有啲薄荷成份，冰冰涼涼。我平時搽唇膏之前打底或者冬天天氣乾燥嘅時候都會用。而且價錢實惠

呢款潤唇膏，好早之前已經有用，有好耐回憶，一搽上唇就有強烈薄荷感，唔算好滋潤，但日常用足夠保濕

曼秀雷敦成日出一啲特別版潤唇膏，今次出咗貓爪，照樣係薄荷潤唇膏，但係得意咗好多，薄荷潤唇膏一向好用，滋潤，有即時嘅保濕效果，但係隔一陣又會乾返，所以要keep住補搽，價錢好大眾，買多幾支都唔怕。搽上咀亦有好明顯嘅薄荷味，嘴唇即時涼涼哋，好提神！

我既手袋必備！ 平。靚。正！ 可以日常保養用，妝前打底又得，一d都唔黏立👍🏻搽完佢再上唇膏，會上色好多。 再加上淡淡薄荷味，有種好清新既感覺。 大推🫶🏻

清新嘅薄荷味 質地輕薄水潤 吾油無黏笠感 平時春夏係冷氣房滋潤度是足夠 但秋冬就吾夠滋潤了

簡樸的薄荷味潤唇膏， 價錢方面唔算貴，二十就有一枝 呢一款最大既好處係買比男士袋住用都唔太抗拒 基本滋潤無難度

買果陣自己唔小心，睇唔到原來佢係薄荷味。我本身麻麻地潤唇膏係薄荷味，唔太鐘意涼涼地既感覺。滋潤方便，佢係ok。

呢支薄荷潤唇膏用咗幾次就冇再用，保濕一般般，仲會甩皮，唔啱我用。

超級大乾唇嘅救星！平時個嘴好乾成日都甩皮，用過好多款嘅潤唇膏同唇膜都冇用，萬秀雷頓呢枝潤唇膏拯救咗我個嘴，用完之後甩皮情況改善咗好多，好開心🥹

長期回購嘅潤唇膏 我本身好鍾意有薄荷成份嘅產品 鍾意佢涼涼地 而且佢價錢平 一支只係20幾蚊 又容易買到 滋潤度都足夠

薄荷味好清新提神，滋潤度亦都足夠，已回購幾次。