Vaseline

護唇啫喱(加強版)

有日忘記帶潤唇膏出街，臨時喺萬0買咗枝 凡士林潤唇啫哩（加強版） ✨質地與滋潤度： 透明啫哩質地，比傳統凡士林膏更輕盈！推開有少少黏膩感，但吸收後會形成一層薄薄保護膜。滋潤度高得來唔算過份厚重，對於死皮多嘅爆拆唇，厚敷一晚第二朝明顯軟化～ ✨成分與溫和度： 主打凡士林微凝晶凍同維他命E，成分簡單温和，冇香料冇色素，敏感唇都適用！網上好多用家都讚佢修護力強，尤其適合經常搽唇膏或脫皮嘅人。 ✨持久與修護力： 持久度超強！薄搽一層已經可以維持2-3小時滋潤，厚敷過夜更係「急救神器」～試過曬傷後唇部脫皮，連續用兩晚已經回復柔軟。不過日間出街使用可能覺得有少少黏，建議輕輕印一層就夠。 ✨適合邊類人？ 極乾唇／爆拆唇必試！平價大支（約$30左右），用得多都唔心痛。混合肌夏天用可能覺得稍黏，但晚間冷氣房用就剛剛好～ ⛔️缺點： 質地有少少黏，日間使用可能影響唇妝效果；如果喜歡清爽感可能唔太適合。 ⚠️總括：$30貨仔有咁強修護力，真係沒得輸！ 晚間厚敷急救效果一流，會長期回購！

呢支新版唇部啫喱可以持久保濕 令到唇部可以持續一日唔乾 好處係佢唔會因為補妝而令到支潤唇膏染色 超方便 用後都有令唇紋減淡嘅感覺 而且佢無色無味 唔會對唇部有負擔 🏵️🏵️

Vaseline加強版潤唇啫喱 用過Vaseline都知佢平靚正啦～ 呢支潤唇膏係我買其他嘢時無意中發現，見佢又平又靚仔，買咗都唔會蝕就順手拎埋。點知真係幾好用！ 呢支係加強版，冬天用好啱（我夏天都用....） 潤得嚟又唔立，味道好淡幾好聞～ 臨瞓前搽多少少，朝早起身搽唇膏好順滑～ 又或者搽唇膏之前，薄薄搽一層敷住，抿走少少之後再搽唇膏就會好貼服！！

幾潤的潤唇膏，搽完嘴唇可以潤好耐，持久度都唔錯，但食野飲水會易甩，要補，搽完有層薄油喺嘴唇到，閃閃的，幾靚

好耐之前用過嘅一支潤唇膏，記憶中佢都幾好用，唧出嚟少少少少咁，冇味道嘅，當時嚟講凡士林係好出名滋潤嘅牌子，所以好多人都有用㗎

我妹好鐘意用，一定有枝係屋企 - 晚上睡前查 質地比vaseline無咁黏，但相似，比較水一點 上咀後會好似食完炸物滿咀油既感覺。 如果口角損咗都會用佢黎厚厚塗一層等佢有滋潤感 非常便宜方便 枝裝好處唔需要弄污手指就可以塗係乾燥地方 但vaseline既成份成疑，最好唔好咁近咀，塗係其他乾燥地方會比

吱出黎既護唇膏好方便 而且佢唔會開口太大 份量唔會吱得太多 。

咩時間咩天氣都岩用，可以即刻令到嘴唇唔再爆察，平靚正既lip care product 佢認第二都無人認第一啦掛😂

🌟之前在藥妝店購入 🌟夠滋潤，包裝設計方便攜帶，而且性價比高，家人比較喜歡用

由細用到大，滋潤又持久，冬天用來防止嘴唇乾燥爆裂，夏天用可能太油。

潤係潤既 但會油油立立咁 隻味有手d似塑膠 苦苦地 唔多討好

跟凡士林王牌產品一樣，真的滿滋潤的。在不喝東西的情況下，可以維持很久，我夏天大多用作晚上護唇，冬天就用作日常護理

呢款比起一大罐嗰啲更加方便，都可以擺手袋度攞出街用，而且呢個設計乾淨又衛生！

呢支潤唇膏曾幾何時都用咗很多次，滋潤效果不錯，但是並不太持久，整體上不過不失。

學生時代有限選擇下購買過。因為管裝包裝，凡士林變成了豬油膏的質地，塗上嘴油笠笠，使用感真心一般。因為凡士林是鎖水功效，依賴時間去發揮作用，我難以忍受這個質地，經常塗不夠時間就抹去，反而沒有真正滋潤到嘴唇。倒不如用回傳統罐裝凡士林，雖然用後要清潔手指，但最少塗上唇感覺可接受，可以改善唇紋死皮。

唇膏版同盒裝凡士林一樣，簡單無刺激性成份，稍為薄身少少，亦比較衛生唔需要用手去塗。滋潤度很好，但男士👨🏻用就大多會覺得嘴唇太油亮。所以都只會係乾燥🍂甩皮時候晚上使用，但自從消委會驗出有MOAH，雖然無超出法例規管，但都停用了。

護唇啫喱比一般Vaseline無咁黏稠，但係搽上嘴依舊一咀都係油膩嘅感覺😂😂😂 臨瞓前搽一層，第二朝早個嘴唇即刻甩晒啲死皮，滑溜溜！

很滋潤的潤唇膏 喜歡這包裝 會知道什麼時候用完 而且不會二度接觸

高性價比方便之選，唔係膠盒裝罐裝而係唧唧裝好好多，唔會整污糟手指，可以喺街補，佢質地比凡士林冇咁油

非常平嘅潤唇膏，第一次用呢款設計，開口斜角型好符合咀唇曲線，要搽時用幾多唧幾多，滋潤度好足，而且無香料唔擔心會過敏，不過個開口用耐咗會好油笠笠，每次搽完最好抹一抹，唔係就整污糟埋個蓋