BURT`S BEES 好用推薦產品

Fng好用推薦：Burt's Bees呢支經典蜜蠟潤唇膏（原味）喺網上一直好多人推，親試後覺得性價比確實高～ ✨質地與滋潤度： 偏硬身嘅蠟質膏體，塗上嘴有少少「實感」，唔會過軟易斷。滋潤度屬於中等偏輕爽，唔會好似搽咗層厚油咁黐立立，夏天用完全冇負擔！對於怕悶嘅人來講，佢提供到基本滋潤但又保持透氣感，特別適合日間使用。 ✨成分與溫和度： 主打天然蜜蠟、薄荷醇同維他命E，成分簡單溫和。塗上後有微微薄荷涼感，好舒緩～但如果你對薄荷敏感就要避開！網上好多用家都讚佢唔會引起唇炎或敏感，係穩陣之選。 ✨持久與修護力： 滋潤度大約維持1-2小時就要補搽，始終唔算超長效型。對於極乾爆拆唇，可能唔夠力急救；但日常保濕同妝前打底就足夠。晚間使用的話，建議疊加更滋潤嘅唇膜。 ✨CP 值: 原味版本清爽得來有基本修護力，而且價錢平實（約$40-50），粗用唔肉痛。但極乾唇或冬天就可能要揀更潤嘅款式（如椰子味）。 缺點： 持久度一般，要經常補搽；薄荷涼感唔係個個接受到。 總括：平、靚、正嘅入門潤唇膏！ 夏天放喺手袋日常用，清爽又方便！

Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5

poonpoon好用推薦：Burt’s bees神奇紫草急救軟膏 呢個牌子出啲嘢好天然，BB仔都用得👶🏻 細細罌有15g，2024用到2025都仲有排用。帶出街用超方便，尤其是而家淨係興帶細袋出街帶多支hand cream都冇位，我只會帶呢盒紫草膏。 只要身體有任何一個乾燥，包括嘴、面部、手踭，我都會用佢。 油性質地，親膚性強。做到即時止痕、舒緩乾燥，好好用既萬用膏！

shadow影子好用推薦：基本上係油性的，所以用嘅時候會覺得好滋潤，而且可以即時舒緩到乾燥同埋痕癢，細細罐都方便隨身攜帶。

natanatalie好用推薦：最愛的潤唇膏💄 用左有薄荷味嗰款好多年，第一次試呢支honey，感覺更喜愛！ 潤唇膏質地偏滋潤，但唔會成膜，感覺幾舒服，唔會太厚重，臨瞓前用，第二朝會無乜唇紋，同埋甩皮情況都會大大改善！我平時亦會喺搽唇膏之前用，會貼服好多同無咁乾！而且佢氣味比較討喜，無椰子味嗰款咁濃，之後都會回購！😜

Karman28好用推薦：呢支潤唇膏都幾滋潤，乾到甩皮果陣用佢，好快就會滋潤番，唔再甩皮。

mcosmetics好用推薦：又平又好用！我超級乾唇所以喺英國見到呢隻 ultra conditoning就買左～好潤keep住補搽好方便，味道好好聞，淡淡地蜂蜜薄荷味。但對如軟化死皮冇乜用。搽係唇膏面頭會有光澤而睇落唔油膩👇🏻🩷

AmyAmy好用推薦：性價比高嘅一支潤唇膏，而且容易買到，好多地方都有得賣，滋潤得來唔會太過油膩，而且就蜂蜜味好香

mandy好用推薦：Burt's Bees Pomegranate Lip Balm 紅石榴皇牌潤唇膏 $45.90 (百佳網店) 紅石榴皇牌潤唇膏蘊含不少護膚成分，而這些成分大都取之於大自然， 像是葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 這些都是很優質的保濕/抗衰老成分，可以好好地滋潤容易乾燥的雙唇。 紅石榴皇牌潤唇膏很好塗在唇上，質地有少少潤，但絕不黏笠。 紅石榴皇牌潤唇膏帶少許紅石榴的唇色， 光是塗潤唇膏已可展現出美麗、健康及滋潤的雙唇。 再加上價位是大家都可以輕鬆負擔的開架價，性價比也是挺高的。 含保濕成分: 葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 抗氧化成分: 葵花籽油, 椰子油, 石榴籽油, 維他命E, 迷迭香葉萃取 及 大豆油 抗衰老成分: 葵花籽油, 石榴籽油, 維他命E, 迷迭香葉萃取, 大豆油 及 芥花油 油性滋潤成分: 椰子油, 蓖麻籽油, 大豆油 鎮靜消炎成分: 石榴籽油, 維他命E, 迷迭香葉萃取 及 芥花油 美白成分: 維他命E

Emma W好用推薦：紅石榴柔潤保濕潤唇膏雖然個芯係紅色，但搽上嘴上帶點非常淡淡的紅色。 一直都知Burt’s Bees係個天然成分的品牌、出名好用，果真是。一搽上嘴上，陣陣的紅石榴香氣附帶。另外搽上不油膩，好似冇搽野咁，感覺舒適，不會輕易黏住頭髮。加上，搽後夠潤，在乾燥的氣候下能有效保持雙唇的潤澤，仲能last overnight，特別適合冬季使用。極度推薦大家使用。 適合肌膚：任何 成效度：5/5 保濕度：5/5 質地：膏狀 光澤度：4.5/5 值得推薦度：5/5

natanatalie好用推薦：味道有點濃，不是人人都喜歡👻 這個品牌的潤唇膏已用了很多年。非常滋潤，用嚟打底，夜晚瞓覺前搽都好合適，可以減淡唇紋同減少甩皮。🤤 但呢個味就有啲濃，椰子嘅氣味略嫌過份濃烈，喜歡嘅朋友可以買嚟用！😜

Milo101好用推薦：椰子香濃郁，滋潤度不錯，是價錢相宜的潤唇膏，細細支也方便攜帶

nicolebuzz好用推薦：價錢不貴，但上唇顏色一般，如果當普通唇膏用還好。但如果係潤唇膏就不會再買，買返一般潤唇膏就好。

格仔餅公主好用推薦：滋潤度好夠，但係顏色唔好期望佢會好似有色唇膏咁樣好顯，主打清淡路線，簡單黎講，滋潤加埋少少提升返嘴仔氣息

Summer好用推薦：Burt’s bees嘅products我一向都好鍾意用，佢天然性質係好吸引人，搽上咀有浸涼涼地嘅薄荷味，同埋佢好顯色，又好夠潤，平時搽其他唇膏會唔夠潤，要加埋潤唇膏又太麻煩，而家一支搞掂晒勁方便！ 上色效果好好！ 上色前：上色後：

940727.0好用推薦：依隻有色潤唇膏好潤，而且顏色都好靚，好似櫻桃咁嘅顏色。😆搽上咀吾會好深色，夠自然。

natanatalie好用推薦：淡淡冰涼感覺洗出清爽柔嫩肌！❤️ 我份工要長期返夜人地訓緊美容覺時我就努力拼搏...作息唔定時搞到臉色很差，而且工作環境悶熱潮濕，仲要帶口罩，感覺皮膚好多污糟野積聚進住！肌膚水油失衡， 肌齡同年齡不符，皮膚老化得好嚴重，毛孔仲好大，令我好困擾！😔 呢支成份天然嘅Burt’s Bees洋甘菊deep cleansing cream質地好舒服，能夠温和去除老角質，輕易幫我去除毛孔內嘅頑固污垢，令肌膚光滑潔淨，即時回復柔嫩，唔會油光滿面之餘，仲吸收其他護膚品吸收得好啲，打通左肌膚管道，令護膚品能直達肌膚底層！✨

Noel好用推薦：這枝潔面乳令我對“天然”產品完全改觀，Burt's Bees 的 deep cleansing cream 表現超出期望呢！白色的潔面乳帶有淡淡草本香氣，稠稠的乳霜，沒有流動性。 塗到面上會慢慢感覺都清涼，夏天使用格外爽快啊～ 不用加水，直接在面上按摩，可以清除防曬及一些簡單化妝 👍 沖水後皮膚清爽不崩緊，涼快感覺可以維持多一會💙 不過，使用這個潔面乳，要留心眼部周圍，太近眼晴的話，冰涼感會帶來不適啊！

葉子🍃好用推薦：夏季少不得蚊怕水，呢個牌子成份天然，香茅味我好鐘意，噴左真係無俾蚊咬，不過呢個噴頭係得一個孔，即係噴出黎唔係分散開🥲，用呢支都要用手搽返開，設計好奇怪，好在佢係可以打開，裝入其他噴霧樽

格仔餅公主好用推薦：真係驅到蚊，本身好惹蚊，用完佢行山無事，不過質地唔係水咁既噴霧、有少少油感，我慣左輕拍等佢吸收