韓國氣墊粉底 推薦好用產品

TsuenMa好用推薦：#CLIO KILL COVER FOUNDATION CUSION 係我第一次入手嘅氣墊粉底，氣墊粉底評價好壞參半，有人看重佢嘅方便性，亦有人話吾衞生（係係清潔好個粉撲嘅情況下）。我入手嘅原因係睇到有人評論話上妝補妝都好方便，但事實上呢個產品未必適合我。 呢隻氣墊粉底係韓牌，一般色號都係偏白，我呢隻係3.5 BO vanilla 色，上左面明顯白左兩度以上，對我嚟講有啲啲多左。 但呢隻好嘅係已經有最高防曬系數，SPF 50 PA+++，趕時間出門吾需要再另上防曬，慳返些少時間。遮瑕力亦算好吾錯，基本上印多兩下就遮到黑眼圈。 但係唯一用左甘耐都有嘅問題係佢好浮粉，我坐office 冷氣房，淨係返工有出過戶外，但係未到放工時間，下午就已經浮晒粉，對我嚟講都仲係未跨越到嘅痛點，試過配搭吾同嘅保濕打底，都係仲有呢個問題出現。 如果帶出街補妝仲災難，補完個位會一撻撻，好吾貼服，吾用佢補妝可能會仲好啲。 但佢一上完面係好ok的，可以只適合我用黎短暫出個街。

Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

auntiemuscle好用推薦：一值對氣墊印象都普通 曾經用過唔係好夾自己 其實我係較深膚色 初初想買medium deep 咁岩冇貨 膽粗粗買左medium 自己 用底妝 主要遮面色不均 暗沈 同少少斑 我主要係拍響面中間 都係同一般氣墊一樣包裝 但佢個蓋打開有個位比你捽返均個扑！覺得呢個設計好好 因為之前用氣墊唔好既經驗就係一拎粉就堆積晒響個扑既面 一拍就第一下太多 佢個粉體係比較乾 唔係好水 用粉扑拎粉唔會拎太多 除非好大力壓落去拎粉 我拎兩次粉都夠晒成面中間 都好夠遮霞度 次次想要妝感 趕急出門都會用呢個氣墊 同埋其實我係混合 夏天會出油 佢唔會積粉線 然黎我只係拍少少碎粉響中點會出油位置 出黎個妝感係有啲水光值絕對唔係油光 持妝度比預期好！本身對韓國既底妝冇期望 始終地方一定冇香港咁焗 有時戶外工作出入 佢都仲響度 係有少少溶但唔係一撻撻 只係印一印油就ok果種 同埋佢唔焗！ 我都用左一排 覺得佢個重點用法就係 唔好一下拍太多上面 要細細力咁印 一層唔夠先再慢慢疊多一陣 同埋要等佢set一陣先上powder 我試過一野拎勁多氣墊勁濕 一野拍上去 遮瑕度係好左 但鼻翼啲位會嘔嘔地粉 一定要 續少續

Chloeincosme好用推薦：🤍 持久度：5/5！Jung Saem Mool呢款Longwear Cushion真係打破咗我對韓式氣墊嘅印象～以前用開嘅氣墊多半朝早上妝，中午就開始溶到一撻撻，但呢個竟然可以撐到成日都唔點脫妝！T位少少出油後反而更貼服，越夜越美麗～ 🤍 妝感：4.5/5！真心神奇～咁持久嘅同時，竟然做到自然光澤奶油肌效果！唔會厚粉或假面，睇落好似本身就係媽生好皮，透出嚟嘅光澤感非常高級✨ 🤍 遮瑕力：4/5！遮瑕度中上，普通毛孔、泛紅同暗沉都可以遮到八成以上，痘印可能要多撲一層，但整體都算輕薄唔厚重～ 🤍 保濕貼服：4/5！雖然係長效型，但佢唔會抽乾皮膚水分，乾肌用都唔會繃緊或龜裂～拍上臉之後好貼服，好似同皮膚融合咗一樣～ 總結： 如果你同我一樣，對韓式氣墊又愛又恨（愛佢光澤感但恨佢易溶妝），咁Jung Saem Mool呢塊Longwear Cushion絕對會令你改觀！佢完美結合咗持久同奶油肌妝效，遮瑕力亦交到功課，雖然韓國彩妝黎講價錢偏高少少，但效果絕對對得住個價～ #轉季 #換季

Hamiii好用推薦：Bb cushion黎講質地比較厚 比較適合秋冬天用 滋潤度 遮瑕度都好足👍🏻 但建議用完唔好再上乾粉定妝 會顯得妝感過重 定妝噴霧就好夠啦：）

Noel好用推薦：我的冬日 BB Cushion 首選❗乾肌會愛上的韓方滋養 Cushion，對於滋潤➕光澤感底妝有執著的朋友，不妨一試👍這個金盒 Cushion 較白盒有更高遮瑕力啊~ 雪花秀 BB Cushion，一直想買來試試，但係價格較高，未能拿定主意。因為紫色蝴蝶的限定包裝，更有同樣設計的化妝袋禮物，包裝實在係太美❣我就購入了第一組，色號係 #21 Natural (Pink) 🥰 完全不會後悔，乾燥日子化妝，必定用它了！ 一撕開氣墊粉的鋁質包裝膜，就會散發很濃郁的韓方藥材➕化妝品的香味，個人感覺不太吸引，但上面後會消散👌 新一代Perfecting Cushion EX，粉撲比較厚實，使用上更好手感；舊版沒有EX，我試過用到後期，粉撲邊緣有少少爆開 ~ 個人大約按壓三次粉芯，就可以上完全面的底妝，coverage 約6成；如 眼下/鼻周 位置需要重點遮瑕，可以多拍一層，達到8成左右遮蓋度，表現理想❗光澤感亦有良好表現，上妝後可見權骨位置，有道很自然的光，有天生奶油肌感覺😍 不過，光澤沒有 Guerlain 小金條那麼囂張😂 冬天使用，個人會減少使用定妝粉；而夏天使用，我只用小小RCMA

Lingyaulingling 好用推薦：天氣越來越熱，我容易出汗， 如果化妝🪞 最緊要選質地透薄的粉底液，我自己買了： Parnell 積雪草持妝柔霧粉底液⁣ 💚 已有防曬系數SPF30, PA+++⁣ 👍🌞 💚長效水潤，質地透薄零負擔，而且遮瑕度⁣都不錯👍 ，我早上化妝完，妝容全日都keep 到， 不會暗沉⁣！因蘊含「積雪草因子」 ，能鎮靜養膚，夏天用一流！

Stella好用推薦： 依個cushion最大優點就係遮瑕力好夠，我膚質係敏感肌，肌膚屏障受損，塊臉長期泛紅，用完之後起碼可以遮到八成泛紅，遮瑕力好勁，加上色號偏白同本身自帶光澤感，所以好上鏡～不過香港夏天用感覺有啲易脫妝，秋冬用會適合啲 推薦！

Jcxjessie好用推薦：用左Pony effect 已經好耐喇🥰 我就有用埋佢個base，然後先上cushion 佢嘅補濕做得好好，夏天用唔會覺得笠，冬天用又唔會乾，而且個妝最長我試過hold倒18hrs以上 遮瑕效果都好好，眼袋果啲位拍多幾下就遮得住

Fng好用推薦：各方面表現平均，上妝後奶油肌妝效， 貼面， 遮瑕度中上， 持妝都有六小時 ，之後會溶。

Kitty 好用推薦：今年夏天真係悶熱到癡線，出街唔使5分鐘已經成面油，個妝溶到好似地圖咁。之前見好多人推蘭芝呢隻Neo綠色氣墊，話專為油皮同混合肌而設，控油力一流，宜家同大家分享下我用落嘅真實感覺啦！ 1. 包裝：真係冇得輸！ 首先，個包裝真係冇得彈！佢個綠色好靚，有種好清新嘅感覺，質感幾好，簡約得嚟又夠潮。 2. 質地同妝感： 撲上臉嘅第一下，感覺好清爽，完全冇黐笠笠嘅感覺。粉質算幾幼細，拍勻之後係個種半霧面嘅妝效，唔會好似戴住個面具咁假，光澤度係從皮膚裡面透出嚟咁，幾自然！ 遮瑕度方面，我比中等偏上啦！我面頰有啲泛紅同暗瘡印，基本上拍一層已經遮到七七八八，如果瑕疵多嘅位置，可以局部再輕輕按多一層，都唔會覺得好厚粉。 3. 控油同持妝度：呢個係重點！ 作為一個大油皮，我最關心就係呢點！ - 頭4個鐘：真係冇得頂！個面保持到乾爽，喺冷氣房入面個妝完全冇變，好似自己本身皮膚咁好。 - 出街6個鐘後：T字位開始有少少出油，但唔係個種油光滿面嘅恐怖情況，而係變成一種好自然嘅光澤。最好嘅係，佢唔會點溶妝，只係用紙巾輕輕印走面油，個妝仲係好完整，冇斑駁！ - 成日返工放工：到夜晚睇，鼻翼兩側有少少

_.0406._好用推薦：雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

Emily Leung好用推薦：#火熱新品 Laneige新品氣墊｜和金碩珍一樣還原美貌吧！ 因為JIN有代言蘭芝，還送立牌，剛剛好氣墊用完了，抱著試試的心理，下單了氣墊。沒想到還可以，遮瑕力也湊合，妝感輕薄，滿足日常妝的基本需求。 💛本人膚質：混合偏油，有明顯毛孔，黃1白，橄欖皮 💛質地：粉質細膩輕薄，容易取粉 💛妝效：啞光和光澤之中的微水光肌感 💛遮瑕：五六分，偏自然輕透，能修飾一點毛孔。 💛持妝：未定妝的情況下能持妝6小時，定好妝估計8小時以上不成問題。 韓系氣墊一般主打清透水光肌，遮瑕力較爲欠缺。日常淡妝或者短途打個底還是可以的。如果是為了代言人周邊，就馬上入手！😘😘😘

Amy KHM好用推薦：老實說係因為Jin代言所以入手🫣但意外地發現係一款適合唔同膚質嘅cushion！ 以前冇聽過有Mewy呢個terms 官方話要Growy同Matte嘅中間值然後上妝個下會即刻明係咩一回事 本身皮膚係混合性偏油 尤其係T zone同面頰 佢個粉撲係好貼心嘅U型方便上鼻翼位同嘴角 因為始終夏天都會易出油所以用完都會用碎粉定妝 但如果for乾肌 真係可以直接上完噴個定妝就搞掂🙂‍↕️ 推薦比所有膚質嘅夏日cushion! 我官網買個陣仲連一個refill同啲mini skincare 方便帶去旅行用~

布吶吶好用推薦：Laneige 水感亮白bb cushion｜轉季救星真係唔係吹！ 前排轉天氣，我塊面狀態真係好唔穩定，額頭同鼻翼有少少脫皮，普通粉底一上臉就卡粉卡到好似地圖裂紋咁。但係用呢個氣墊真係有驚喜！佢個水潤度啱啱好，拍到塊面度，啲乾紋同脫皮位置即刻被修飾到，冇出現「龜裂」情況。我覺得似係一邊化妝一邊幫皮膚補緊水，轉季時用真係好安心！ 水光肌效果：唔係油光，係「飲飽水」光澤！ 呢個真係要重點講！佢個光澤感同普通氣墊好唔同： · 唔會令你睇落成面油光，似剛剛敷完補水面膜後，皮膚自然透出嚟嘅健康光澤 · 個光係從皮膚底層透出嚟咁，睇落皮膚好飽滿、好年輕 · 尤其係喺陽光或者燈光下面，個水光感真係好靚，成個人睇落精神咗好多 真實上妝體驗： 我通常趕時間出門，啪完整塊面都唔使一分鐘。個妝感輕薄到好似冇化妝咁，但個膚色就均勻咗、亮白咗，仲有種「偽素顏」但皮膚好好嘅感覺。成日有個朋友問我：「你最近用咗咩護膚品？塊面睇落咁透亮！」其實秘密就係呢個氣墊啦！ 如果你都係轉季時皮膚會鬧情緒，又鍾意自然透亮嘅妝感，真係要試下佢。而家我已經習慣咗放個喺手袋，隨時可以保持個「水光肌」狀態，真係好方便！✨ #換

Kpl6be6好用推薦：想要快速出門一般會揀用bb cushion～貪佢一take過完成底妝&做好防曬功夫(呢款有成SPF50+PA+++防曬度😎即使係身處戶外能提供足夠防護～安心!!)～質地亦夠透薄～只要少量多次搽上就能打造出亮白肌效果～遮瑕度唔算強～但都滿足到自然妝效之需求(笑)

Fng好用推薦：Jung Saem Mool 持久遮瑕裸膚氣墊係水光妝效，我 係混合偏乾皮膚，以輕拍按壓上妝，妝效貼服持久。 在戶外活動4-6小時後，T字位輕微出油但無明顯溶妝，面頰光澤感維持良好；冇需用吸油紙輕壓或補蜜粉控油。 它不易暗沉，即使午後膚色仍保持透亮，冇灰黃面問題。而且遮瑕與透氣平衡做得幾好，具高遮瑕力（泛紅、痘印、毛孔隱形）且質地輕薄，疊加2層仍無厚重感，符合香港夏天悶熱天氣對「透氣底妝」的需求。 如果偏油肌，應該要set碎粉，加定妝噴霧。

　peg好用推薦：呢個粉底啱啱上個妝感係幾好，好自然同埋遮瑕力高，又唔會太容易氧化，但係佢有少少卡粉，同埋重點係持久方面有啲差，可能係我自己皮膚偏油嘅關係，通常夏天三四個鐘之後佢就會開始浮粉同埋溶妝，但係如果再用佢補妝又會變到好厚甚至結塊，所以我覺得呢款粉底唔係咁啱油肌嘅朋友。

Tobimak好用推薦：本身我有用開TIRTIR紅色氣墊，感覺非常好，之後在日本藥妝店見到新出左橙色氣墊就諗都冇諗就買左了😂 呢個氣墊的妝效係霧面既，不過相對上妝感比較厚重。我就算夏天化妝之後四個鐘塊面開始出油，用面油紙輕力印走啲油之後個妝都仲係keep住有少少霧面感。🥰 值得大讚既係佢遮瑕度好高，在臉上blend開之後都可以遮到暗瘡印大概八成。👍🏻👍🏻👍🏻 另外佢有防曬系數SPF30 PA++，所以日常返工都夠用。 呢個氣墊既壞處就係比較乾，需要加強保濕。同埋氧化後嘅顏色都比較深，建議皮膚顏色不是太深的女生都最好揀返冷色調(C number)比較好。我呢個氣墊色號就係17C，感覺上比其他韓國牌子的色號深色。

旻珊好用推薦：橘色的我沒買，我買紅色，因為上面沒有分享的，但我還是想分享一下紅色的氣墊粉餅 目前平常都有再用A酸、A醇、水楊酸的保養品 皮膚是常常屬於比較乾燥！ 但平常用其他粉底液會大脫皮…..但這款目前沒有，而且接觸到氣墊，才知道什麼是省時，好快上好底妝。（要省時懶得的人，看過來不管是什麼氣墊餅都讓你拍拍即好！） 氣墊粉餅比較重，沒辦法像粉底液一樣輕薄，但是拍出來的感覺比較柔膚遮毛孔！ 本人毛孔粗大臉上又有痘疤，說能遮掉痘疤是不可能，不過起碼不會這麼明顯！ 這款適合冬天使用！之前帶它出國（去乾燥的國家，皮膚根本沒脫妝，依然柔膚肌！膚質狀況很好！ 建議長期旅居國外（乾燥地方，建議買一顆）

Noel好用推薦：這個 Brightening BB Cushion 光澤感也是太強了吧❗乾肌冬天使用非常貼服，夏天使用會有一點點浮粉。不過我也十分喜歡這個氣墊粉，感覺遮瑕度稍遜過另一款。對於奶油肌有執著的朋友，不妨一試👍 因為大愛雪花秀金盒 BB Cushion，所以決心買來試試。這個白盒 Cushion 色號係 #21 (Medium Pink) 🥰 乾燥日子化妝 / 想以好命貴婦肌示人，就必定用它了！ 氣墊粉散發很濃的花香➕化妝品的香味，個人不太喜歡，但上面後會消散👌 個人大約按壓三次粉芯，就可以上完全面的底妝，coverage 約5成，暗瘡印易見😂 光澤感表現出色，上妝後可見權骨，鼻樑，下巴等位置，反正就是要打高光的地方，都有超靚光澤，貴婦級奶油肌無誤👍混合肌/油肌就未必夏天岩用。 總體而言，氣墊粉能做到完美光澤感，但遮瑕力一般❗毛孔修飾力及抗氧化力都不錯❗防曬系數達到 SPF50+ PA +++ 🥰 就是價格上有點 up there~ 個人應該不會回購，因為較喜歡雪花秀金盒🥰

Circlecyy20好用推薦：質地好滋潤 遮瑕度高 不過妝感會厚少少 但勝在後續唔上碎粉都好long lasting

mandy好用推薦：MISSHA MAGIC CUSHION　的妝效水潤又透薄，完美調整膚色，並帶出光澤 功效: 遮瑕度高，能遮掉痘印、黑眼圈及膚色不均 明顯均勻膚色 妝效持久 質地輕盈，保濕力錯 零技巧，簡單輕宜上底妝 SPF50 高防曬效能 由於價格便宜又有品質，這款cushion 很多時被日本時尚雜誌刊載，也是大熱產品 非常易用，有了這個可以極速完成底妝，即使是懶化妝的日子，也要蓋這個CUSHION才出門   含防曬成分: 二氧化鈦, 桂皮酸鹽 及 水楊酸-2-乙基己基酯,  保濕成分: 甘油, 丁二醇, 戊二醇, 聚乙二醇-8, 乙基己基甘油, 牛油果, 木醣醇, 聚乙二醇-32, 瓊崖海棠籽油 及 雙丙甘醇 提亮、緊緻毛孔、抗炎、抗氧化、幫助細胞循環功能）: 菸鹼胺(niacinamide) 抗炎及有助肌膚細胞健康運行成分：Adenosine腺苷 抗氧化成分: 狗牙薔薇果油, 牛油果, 橄欖油, 葵花籽油, 瓊崖海棠籽油 及 維他命E 油性滋潤成分: 牛油果 及 橄欖油 鎮靜消炎成分: 葵花籽油 及 瓊崖海棠籽油

choichoi好用推薦：打開後粉底看著挺濕潤的，上臉後的確沒有乾乾黏黏的情況，唯吸收融合需要一點點時間，大概拍一、二回妝感已均勻，而且遮瑕力很好，我能直接跳過遮瑕膏的使用，輕輕就能蓋過黑眼圈與一些泛紅。不單連毛孔粗大的朋友也能安心用（很能蓋毛孔）也有一定的控油效果！這盒打破氣墊粉底給人一貫容易悶焗的感覺，可以打造如天生的好膚質～

Ruby好用推薦：這款氣墊真的很強！ 妝感輕簿不黏笠，油肌使用10小時後0補妝也不脫妝！出油後是很好看的奶油肌！大推！

Ruby Wong好用推薦：質地較厚，同埋都幾白，一定要打返陰影及調色，如果唔係會死白。但係好喜歡佢有光澤感，由其是蘋果肌位置，唔使打任何光影，而且上完碎粉後都仲keep到有亮澤感！

winniemaow好用推薦：此款是特別版帶粉紅色，上面膚色自然略帶粉紅，皮膚偏白用較Match，膚色偏黃會加重黃氣，遮瑕度都Ok，上薄薄一層碎粉有白裡透紅效果。 但質地偏厚，混合性膚質夏天用皮膚難透氣，易長粒粒。

Meric好用推薦：當初是看中了特別版而買的，所以看見背面的顏色跟盒子不同。個人認為氣墊粉底來說還不錯，或者本人沒有太多雀斑，覺得遮蓋力不錯，質地亦不算口，水滴型的氣墊非常好用，略嫌份量很少，價錢亦不便宜，所以回購了兩次後都沒有再買了。

lovecutienpl好用推薦：麻麻地，質地較厚，很快浮粉，冬天用都容易出油，油肌唔太啱用。

sami.mew好用推薦：控油保濕效果出色，控油的同時也不會讓肌膚感到乾燥或緊繃，反而能讓肌膚保持水潤和舒適。

Sophia好用推薦：JUNG SAEM MOOL 持久無瑕柔焦裸色氣墊粉底的遮瑕度真的很優秀，輕輕拍一層就能遮蓋住我臉上的泛紅和小瑕疵，黑眼圈和痘疤也能修飾得很好，而且不會有厚重的妝感。 妝效是帶有光澤感的，讓皮膚看起來很透亮，不會過於霧面或油光滿面，呈現一種很自然的健康光澤。它的一大優點是不易暗沉，持妝一整天，不會像有些氣墊粉餅一樣，到了下午就氧化變暗。 我選擇的是22號色，非常適合我的中間膚色，不像一般韓國氣墊粉底選擇只有21號或23號，常常不是太白就是太深。另一個貼心的小設計是它盒中的內蓋有一個mix & touch凹凸紋理的區域，沾取粉底後的粉撲可以先在這個區域印一印，讓粉底在粉撲上分布得更均勻，這樣上妝會更服貼，也能避免一次沾取太多粉底造成妝感厚重。 持久度方面，即使在熱天，帶妝一整天也不會覺得暗沉或脫妝嚴重，稍微用面紙壓一下就能恢復清爽。這款韓國化妝師出品的氣墊粉底真的令人有驚喜，會想再試試另外款式💖 #我的崇光感謝祭必買氣墊粉餅

hellolulu好用推薦：本身基少化妝，亦是第一次接觸氣墊粉底類產品。購入原因是敏感發作期剛好有工作場合需除口罩示人，想修飾一下欠佳的狀態🥲 BA推薦這款氣墊粉底，含有積雪草成份，能為敏感肌降溫和補充水分，紓緩灼熱泛紅。氣墊粉底有自然/粉嫩兩種顏色選擇，此為自然色調。 使用簡單方便，用附上的粉撲取適量粉底後輕輕於面上拍均即可，氣墊粉底質地輕薄，用後肌膚瞬間水潤清涼～本身沒有用過同類型產品故不能比較效果，但它能自然地遮蓋泛紅瑕疵，已符合我的需求😊 圖左為使用前手背膚色偏暗黃，近虎口位置敏感抓癢後留有紅痕 vs 圖右為在手背薄薄拍上一層氣墊粉底後，膚色較明亮，亦自然地遮蓋了紅痕和青筋。 此外，氣墊粉底有Spf50+防曬度數，在敏感時不想加重皮膚負擔，我會在積雪草抗敏修復水潤炸彈霜後，直接用這款氣墊粉底代替日常防曬霜，感覺較輕薄透氣，陣陣清涼水潤感又能為灼熱皮膚降降溫，非常適合夏天。 總括而言，初嘗氣墊粉底的體驗不錯，個人用量較少所以一盒$265 含兩套芯+粉撲，已夠用好一段時間，性價比也不錯呢～

Circlecyy20好用推薦：係光澤感既粉底 但係滋潤度意外地唔高 要皮膚情況唔太差先岩用 但好在上面效果都靚

sukihhhhhh好用推薦：Innisfree氣墊粉底既賣點之一就係粉盒，粉芯分開買，大家可以自己揀自己鍾意既粉盒款式。 顏色偏白，適合韓妝鍾意底妝偏白既效果。個人覺得遮瑕力麻麻，只係適合臉上無咩瑕疵既人，如果多瑕疵就要另外再用遮瑕膏。不過都做到校正顏色，所以如果臉上無咩瑕疵既話，呢款氣墊粉底用黎日常用係唔錯又方便。 持久度唔錯而且都好貼服唔會浮粉，出街用黎補妝都好方便。

Verna好用推薦：這個cushion只要薄薄的上一層，就已經有不錯的遮瑕效果，還可以修飾我泛紅和毛孔粗大的皮膚，而且它很貼服透氣和很透薄，上完妝感覺仍然很輕盈自然，完全沒有負擔，好似我的第二層皮膚 上完妝後，膚色變得粉粉嫩嫩，而且有水潤光澤感，皮膚狀態很好的樣子，感覺自己變得美美，心情也特別好🥰 而且它長效持妝的能力，就算長時間出街，也不用擔心有脫妝的情況出現，而且膚色也沒有變得暗沉，再加上它可以抗藍光，就算整天對著電腦或者手機，也不用怕藍光傷害皮膚 我用的色號是23N sand，一上完妝時，我覺得比我的膚色白了點，不過過了一些時間，它就會和我的膚色融合得很好 粉盒的外形設計十足十一個airpod，還要是櫻花粉紅色，真的超級靚😍，而且的的骰骰，在街拿出來補妝，靚之餘也很方便。買它時，盒內還附送一個替換芯，即是買一個有兩盒的份量，真的很划算