找產品
平價面霜 推薦好用產品
22 件
Jeniel好用推薦：見寫「水潤」，一定要提起： Curel的 Moisture Cream 因為天氣忽凍忽熱，我塊敏感混合肌就開始作反，又乾又泛紅😭 好彩用開Curel呢罐皇牌面霜用黎命。佢專為敏感肌設計，無香料無色素，用落零刺激～ 質地係輕盈嘅乳霜狀，推開嗰下好似化水咁，超級水潤！吸收得快，完全唔會黐立立或者留低油膜感～ 保濕力一啲都唔弱，就算開住暖氣瞓覺，朝早起身塊面都仲係潤嘅，鼻翼同額頭冇再甩皮卡粉✨ 我最鍾意佢夠溫和但又有修復力，用咗幾日，面頰嘅泛紅同緊繃感明顯減退，皮膚狀態穩定返好多。如果遇到極乾日子，我會直接厚敷一層當睡眠面膜，第二朝皮膚即刻飽滿返，上妝都貼服啲！ 總括嚟講，呢罐面霜係敏感肌同乾燥肌嘅冬日恩物，溫和、保濕、穩定，一支搞掂晒👍 會無限回購！ 保濕度： ★★★★★ 溫和度： ★★★★★ 吸收速度： ★★★★★ 修復穩定： ★★★★☆ #敏感肌救星 #冬季必備 #Curel面霜 #水潤
<看全文>Lindabb好用推薦：Curel深層高效保濕面霜使用心得 身為一個注重 護膚，尤其係 冬天 皮膚會變得極度乾燥敏感嘅人，每年一到 冬季 就要展開一場保濕大作戰。今次想同大家分享我喺 冬季護膚 流程中，不可或缺嘅好幫手——Curel深層高效保濕面霜。 1. 質地與使用感： 面霜嘅質地係白色乳霜狀，望落有啲厚度，但非常好推開，一接觸皮膚就好快化開，吸收速度驚人。塗上臉完全唔會覺得油膩或黐立立，反而係一種被溫柔包裹住嘅滋潤感。對於 冬天 寒風吹到塊面繃緊、甚至脫皮嘅狀況，佢能夠即刻提供舒緩。 2. 保濕續航力： 呢一點真係要大力讚！冬季 嘅乾燥天氣，好多保濕產品可能到下午就已經覺得打回原形。但Curel呢罐面霜嘅鎖水能力非常出色，搽完之後一整天都能感受到皮膚保持住水潤軟嫩嘅狀態，完全抵禦到室內暖氣同室外冷風嘅雙重夾擊。作為 冬季護膚 最後一步嘅鎖水產品，表現非常稱職。 3. 溫和性與效果： 產品標榜適合敏感肌，我用落真係覺得好溫和，無香料無酒精，完全唔刺激。經過一整個 冬天 嘅使用，皮膚嘅穩定度提升咗好多，以往 冬季護膚 最煩惱嘅泛紅同乾燥痕癢問題，今年真係大大減少。皮膚角質層好似被修護好，摸上去更飽滿光
<看全文>
Fng好用推薦：Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕
<看全文>lingbb好用推薦：穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！
<看全文>
Linda yan好用推薦：踏入30+更加要注重抗皺之路😢而維他命A類產品一直都係抗皺嘅明星成分🌟AHC嘅呢款面霜就加入左Retinal呢個成分。 我就使用左佢兩個星期～ 其實佢嘅保濕力唔，用左兩個星期之後覺得皮膚嘅彈性變好！同埋變得緊緻左又柔軟😍而去皺亦有改善。 另外值得一提嘅係，佢非常溫和，敏感肌的我之前都有試過A醇產品，但皮膚都係會頂唔順泛紅甩皮等等🫠但AHC嘅呢盒cream我用起身完全冇問題👍🏻 好建議敏感肌嘅你們，一開始可以2-3日用一次，等建立左肌膚耐受性再用得頻密啲😆
<看全文>Rosa好用推薦：質地容易推和吸收 但氣味比較難接受 不過不失 沒有特別明顯效果
<看全文>
chewyfruit好用推薦：肌研糀潤雪凝霜真實測評 呢罐嘢都火咗好多年，等我同大家分享吓用完一罐嘅真實感受。 質地： 佢個名叫「雪凝霜」，質地真係幾特別，望落似輕身嘅乳酪，但一推開就化開，好似雪芭咁，完全唔覺得「漿住漿住」。最正係上面之後唔會黐笠笠，好快吸收晒。 保濕度： 我係混合肌，秋冬用啱啱好。如果係乾皮，可能覺得仲爭少少，建議前面加個保濕精華。保濕效果算中上，用完第二朝塊面仲係軟腍腍。 主打成分： 佢用嘅係「白糀」發酵萃取，即係日本米嘅發酵精華，類似SK-II神仙水個概念，但價錢就平好多。主要功效係保濕、提亮、修護屏障。 優點： · 唔貴，百幾蚊就有交易 · 敏感肌都用得，冇香料、冇色素、冇酒精 · 質地輕身，油皮、混合皮秋冬用都冇負擔 · 用完唔會起粒粒 缺點： · 乾皮或者極乾皮冬天用可能唔夠力 · 冇咩抗衰老功效，純保濕型面霜 · 泵頭有時會唧多咗少少 總結： 如果你係混合肌、油肌，或者想要一罐平價、唔踩雷嘅保濕面霜，呢罐可以入手。但如果你係乾燥肌或者追求功能性（例如抗皺、美白），就唔好抱太大期望。性價比嚟講，對得住佢個價錢。 一句講晒： 平靚正入門保濕霜，唔係神級，但一定唔會中伏。
<看全文>Fng好用推薦：肌研糀潤雪凝霜｜ 混合偏乾肌の春日梳乎厘鎖水術 ❄️ ✨質地膚感｜輕盈得嚟夠滋潤？ 真係好似梳乎厘／雪葩咁，質感軟綿綿好得意 。最驚喜係佢「輕薄但鎖水」，推開即溶，搽完有層薄薄保濕膜但唔會覺得「漿住塊面」 。香港春天用，兩頰夠潤，T位又唔會油到反光～ ✨成分功效｜淡淡清酒香 成分係白米發酵萃取（白糀），有淡淡日本清酒香味，唔會難聞 。主打深層滋潤同修護乾燥細紋，用後皮膚軟滑有光澤 。 ✨混合肌寒冬分區攻略 ✅ 乾燥兩頰：正常份量厚少少都唔怕 ✅ T字部位：薄薄一層就夠，等佢慢慢吸收 ⚠️ 特別提提：呢款質地偏滋潤，油肌或夏天用可能會覺得「黐立立」，但混合偏乾喺而家天氣用就啱啱好 ✨用家實測總結 網上好多混合肌用家都話，呢個天氣（乾燥＋轉季）用滋潤度啱啱好，唔會乾到崩緊，又唔會黏到生粒粒 。配合埋同系列「白米肌源液」用，效果更夾 。 ✨隱藏版心機用法 ▸ 手溫加熱法：用掌心搓暖先上面，滲透力更強 ▸ 厚敷急救：當睡眠面膜用，第二朝起身塊面好軟熟 ✨殘酷現實區 ⚠️ 質地偏潤，油肌／怕笠人士要試咗先 ⚠️ 純保濕＋輕抗細紋，想強效抗老要疊其他精華 ⚠️ 價錢中等
<看全文>
Emily Leung好用推薦：混油皮本人在這個夏天遇到的新寶藏面霜 偶然發現了肌研極潤的這個寶藏面霜！價格也很友好，便宜大碗怎麼用也不心疼！ 🌟打開之後，有一個小勺，我對這種設計特別愛，不用擔心指甲縫里吃面霜的情況 🌟再來看面霜，質地就真的像是雪葩、冰沙一樣，有種肌膚吃冰淇淋的趕腳！很像綿綿冰那種，不愧是叫雪葩霜 🌟然後聞起來是那種淡淡的清香，不是那種低劣香精味，聞起來就很安心 🌟試用了一下，使用感受也是相當驚艷，首先它是那種一抹化水的，抹上很快就吸收了！把水都喝進了皮膚里啦～補水保濕效果是很顯著的，對於混油皮來說，也很清爽，如果晚上用第二天完全不會變成大油田，也不會滋潤度不夠～ 而且用完是那種啞光肌，上妝前用也不會搓泥，夏天能擁有啞光肌！整體來說還是很推薦油皮混油皮夏天來用的，推薦肌研雪葩霜，真的不錯！
<看全文>KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。
<看全文>
mandy好用推薦：Avene Hydrance Aqua Cream in gel 高效保濕水漾乳霜 (舊版) $242 / 50ml (新版參考價) 高效保濕水漾乳霜的質地為啫喱狀的面霜， 主要功效為保濕鎖水。 附上勺子，非常user-friendly，確保乾淨衛生。 由於質感非常水感輕盈，保濕力不錯， 而且完全不會有黏膩感或厚重感， 我喜歡在早上使用，因為不會影響後續上底妝。 成分方面，以保濕成分最多，其次是抗氧化及抗衰老成分。 使用後基本上不太有使用面霜的感覺, 因為使用感實在太清爽了，非常建議油性肌/混合肌嘗試。 含保濕成分: 丁二醇, 角鯊烷, 甘油, 矽靈, 氫化椰油甘油酯類, 卵燐脂, 戊二醇, 牛油果, 丙二醇, 硫酸鹽軟骨素 及 玻尿酸鈉 抗氧化成分: 角鯊烷, 牛油果, 玻尿酸鈉, 維他命E 及 維他命E醣苷 抗衰老成分: 角鯊烷, 甘油, 牛油果, 玻尿酸鈉 及 維他命E 油性滋潤成分: 卵燐脂 及 牛油果 鎮靜消炎成分: 牛油果, 玻尿酸鈉 及 維他命E 美白成分: 維他命E
<看全文>Joanna0612好用推薦：滋潤效果很不錯，而且持久度也好，可以淡化乾紋，而且也不刺激，成份溫和，沒有過敏不適，質地不會太稠或太水，我覺得夏天冷氣房用剛剛好。
<看全文>
Ice好用推薦：佢係一隻Creamy而且滋潤型嘅面霜。佢本身都有啲香味嘅，但係唔係好大浸，所以OK可以接受。 可能係天氣又或者個人原因，我成日都覺得佢好滋潤浸啲滋潤過頭，搽完之後要等一段時間先開始吸收到先開始冇咁黐粒粒。我自己就唔鍾意呢啲咁滋潤嘅面霜，所以通常夜晚搽。但係的確搽完之後一段時間係見到皮膚有透亮咗，喺保濕方面嘅話可能買返佢原本綠色嗰隻會好啲。其實都推介嘅，純粹就個人喜好冇咁鍾意佢嘅質感
<看全文>Ceccinmydin好用推薦：肌研極潤保濕水凝霜整體係清爽保濕，啱春秋用✅ - 質地係凝膠感輕乳霜，推開好水潤、延展力高 - 吸收快，唔黏笠，妝前用都唔起擦膠碎 - 日常保濕夠用，啱我呢種鍾意清爽感嘅護膚步驟 - 我自己用落，妝前當打底都貼服，減少乾紋同浮粉👌🏼 春/秋用更適合，面上保持水潤但唔笠，行穩陣保濕路線，適合混油肌用 總括嚟講感覺中規中矩，係又唔算有咩特別功效，基礎穩陣嘅保濕霜，油肌夏天用會太笠🙅🏻♀️
<看全文>
Mo Wong好用推薦：呢款面霜見佢話特濃以為會好笠，但佢係偏水潤搽完一D都唔笠，仲要唔杰身易推開又易吸引，探完皮膚覺得滋潤夠保濕且好似有層膜係面keep住水份，但又唔會令皮膚有負擔，我成個秋冬都用佢，皮膚唔乾無甩過皮，好用。
<看全文>Verna好用推薦：自從天氣變得乾燥，我的皮膚也變得非常繃繃緊。在個人護理店逛時，看到這個產品介紹是「特濃保濕」，就馬上買回家試 這面霜是白色的，沒有特別香味，因為是特濃保濕系列，所以質地也比較稠厚，但搽上面，卻很容易推開，而且一點也沒有黏膩感和焗促感，真的很讚。搽完之後，皮膚即時軟滑了和滋潤了，沒有了之前的乾燥和粗糙感 官網介紹，這產品有水解膠原蛋白、3重活性多肽和5種透明質酸，全部都是緊緻修護成份，可以緊緻提升輪廓，怪不得我用了一段時間，覺得毛孔收細了，皮膚也firm了和水潤了
<看全文>
布吶吶好用推薦：分享一款我勁鍾意嘅面霜，絕對係無限回購款！ 蘭芝嘅水庫系列算係佢哋最有名嘅系列之一，尤其係嗰個鼎鼎大名嘅水庫保濕面霜！但係今日分享嘅呢款唔係嗰款，雖然都係水庫系列，但呢款係啫喱面霜——油皮妹專用款！ 霜如其名，呢款面霜質地係啫喱狀，偏透明少少，質感好清爽，喺塊面度都好容易推開，吸收得又快又好，味道有少少淡淡嘅香！ 佢最大嘅特點就係唔油膩，但又好保濕！對於油皮妹嚟講，水庫保濕面霜太黏太膩，搽完之後塊面會黐住一層薄薄嘅油，但啫喱面霜就唔同喇，佢好輕盈，雖然冇控油嘅效果，但搽完之後真係一啲都唔油，特別適合夏天用！另外，水庫系列嘛，保濕效果都好好，完全唔使擔心會乾！ 親身試過之後有一個小貼士——夏天將雅漾嘅活泉噴霧同蘭芝水庫啫喱面霜一齊用，效果會好好，用咗一排之後皮膚又嫩又滑，絕對係我夏天護膚嘅必備品！
<看全文>Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme
<看全文>
Paris merci 好用推薦：Cream 唔係一般般嘅水凝霜，佢係六合一嘅全效美肌修護啫喱，可以代替化妝水精華面霜面膜等等。質地唔會淨係補水嘅水凝霜薄薄地搽一層就極速吸收晒。用完之後你會感覺面部留有精華嘅滋潤感，佢嘅膚感幾好，搽完皮膚好軟糯。 冬天有點兒保濕度略嫌不足，要額外加基底液或者精華油。但我對呢一罐修護啫喱整體感覺唔錯，用完瞓醒第二日皮膚有光澤。而且$240/80g，就算其他普通保濕面霜都差唔多價錢，佢仲要六合一功效💕
<看全文>YiN好用推薦：呢款herbal gel主打滋養潤澤、調整肌理、改善暗沈、撫平粗糙、緊致肌膚、展現光澤。係香味唔算特別濃嘅gel狀產品，搽落係有補濕感嘅，唔會黏膩，皮膚會帶自然光澤，第一印象係幾唔錯。可惜我本身混乾肌，入秋之後乾嘅部位用佢有啲唔夠潤，又要加其他產品，就達唔到all-in-one gel懶人護膚嘅目的。 本身打算用嚟佢做家用美容機導入，但唔知係咪因為佢係親膚油劑，導電效果唔係咁好，厚搽都唔得。 佢本身係一件低刺激唔錯嘅產品，但喺我身上就達唔到想要嘅效果，用完試用包就唔打算買貨裝了。
<看全文>
Kathy Wai好用推薦：就到夏天，搽面霜真係一大考驗，最怕黐立立又焗住。Innisfree呢支綠茶平衡面霜，絕對係混合肌同油肌嘅夏天救星！ 質地輕盈到似冇搽嘢 佢係清爽嘅乳霜質地，一推開就化成水感，吸收速度快到嚇親人。我試過喺最熱嗰幾日搽，完全冇黐笠笠嘅感覺，塊面仲保持清爽，連著衫都唔會黐住。最加分係新版冇加香料，得淡淡天然綠茶味，好舒服。 控油保濕同步做到 我本身T字位好油，但兩頰又有啲乾。用咗大約一星期，朝早起身鼻翼冇咁油光滿面，但兩頰又Keep到水潤，唔會乾到繃緊。佢入面有濟州綠茶提取物同透明質酸，補水同時調節皮脂分泌，真係做到「平衡」兩個字。 敏感肌都用得 夏天轉季皮膚易唔穩定，我用呢支完全冇敏感，連暗瘡位都冇刺激，仲穩定咗。佢唔含酒精同礦物油，敏感肌都可以放心用。 唯一要留意 如果係極油肌，夏天最熱嗰幾日可能覺得控油力只係合格，鼻頭到下午會出少少油，但唔會變豬油臉。乾肌夏天用就啱啱好，冬天就唔夠潤。 總結 呢支面霜清爽、保濕、控油平衡三位一體，價錢親民，百零蚊就買到。如果你都係怕黐怕焗嘅人，呢支真心值得試！
<看全文>呆呆的槑好用推薦：Innisfree一直是我愛用的品牌之一，這瓶innisfree綠茶平衡面霜是我透過免稅通路買的，印象中超級便宜🤩 它沒有特別的味道，質地是偏水的膏狀(？🤣，很好推開 搽上面清爽和薄透，也有效補濕，不會沒料到。 推薦春夏天用，個人覺得特別適合偏油或者是怕黏膩的人，也可以買給家裏男士用，我家平常怕局住塊面，不搽面的男士用過後自動拿來用了🙈
<看全文>
zzzhelen好用推薦：佢係一款傳統乳霜質地，帶有淡淡雪花糕香味既白色面霜。唔太薄唔太厚，揸上面容易吸收，無敏感出現。當皮膚出現敏感時，我用佢就會穩定返，早晚一次，保持水潤。對於淨係要求保濕滋潤既肌膚係一個好選擇。 夏天用時會覺得太厚，我會係冷氣房時使用。而秋冬或乾燥天氣時用就覺得啱啱好啦
<看全文>Kura好用推薦：買咗最新出嘅日霜，質地係超水潤嘅cream，上臉好容易推開，搽曬全臉都唔覺得油膩，味道好好聞，用完一段時間覺得皮膚滑嫩咗好多，我係乾性肌膚，超保濕，後續化妝都可以令到整體妝感都好自然，同埋味道超好聞，價錢都好合理cp值好高，推薦俾任何年齡嘅朋友用，希望大家都鍾意我嘅分享 #夏日必備保養
<看全文>
LenaC好用推薦：Sana 豆乳美肌既極致美白保濕啫喱一瓶集化妝水、精華液、乳液、乳霜、面膜、隔離霜為一體 係預防肌膚粗糙同時擁有美白功效既濃稠多效合一啫喱霜絕對係打造透明細緻白嫩肌膚 #抗黑美白對策 必備之物 質感：擁有形狀記憶既啫喱凝膠 能夠迅速喺皮膚上融化 高滲透力 輕易喺皮膚上拉伸一層薄膜 為皮膚補充水分 保持皮膚光滑 佢嘅大豆豆乳保濕成分配合高純度熊果苷 同埋 大豆異黃酮 達到雙重美白效果！！！！ 唔單止美白 仲有效抑制黑色素形成 淡化色斑😇同時含有防止皮膚粗糙活性成分 可以防止皮膚粗糙和粉刺 用後感：我嘅皮膚好易出粉刺 用咗佢咁耐都無！出！粉！刺！ 而且佢既質感好適合夏天使用 夏天最怕最怕焗佢能夠做到非常輕薄一層 一啲都唔黏笠 而且佢無香料，無色素，無礦物油😉😉 敏感肌膚既朋友絕對可以一試 佢既美白功效亦係無得彈 喺陽光無所不在既夏天 幫我day day 美白 激退黑色素 P.S.已用完一瓶！回購😗 #抗黑美白對策
<看全文>iliya 好用推薦：集化妝水、精華液、乳液、乳霜、面膜、隔離霜6大功能於一身嘅面膜，係懶人最愛😛
<看全文>
YYeman好用推薦：換季好物｜肌研極潤保濕面霜 轉季皮膚乾到好似砂紙咁，真係唔少得保濕面霜！ 呢支面霜仲有米糠油同植物精華油，可以加強塊面嘅保護層。打開個樽，你會見到裡面有一粒粒細細嘅營養粒子，當你搽呢支面霜上面嘅時候，啲粒子會爆開，跟住同啲面霜一齊吸收入塊面度。 我個人好鍾意佢陣味，淡淡嘅花香味，有舒緩壓力嘅效果，又唔會令我覺得頭暈或者作嘔。佢哋話陣味係來自加入咗嘅牡丹精華，唔係另外加嘅香料。 除咗鍾意佢陣味之外，我覺得呢支面霜係真係做到保濕㗎。佢質地好似奶油咁，用量大概兩粒黃豆咁多就夠，好易推開，配合適當按摩，等面霜吸收完之後，塊面好似飲飽水咁。攞嚟當晚霜用好適合，第二朝起身塊面都唔會乾。 如果係乾性皮膚嘅姊妹，可以喺換季嘅時候當日霜用。我係混合性偏乾，當晚霜用啱啱好。唔刺激，又唔會敏感。混合性偏油或者油性皮膚嘅姊妹就要諗諗先啦。 以後我都會再買返，百零蚊支面霜，用起上嚟都唔會肉赤。 #換季#轉季#保濕面霜
<看全文>Giselle 好用推薦：肌研 極潤保濕面霜 50g *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前轉季嗰陣因為本身用開嘅面霜已經用晒經美妝blogger介紹下而入咗手⸜(๑⃙⃘'ᵕ'๑⃙⃘)⸝⋆︎*目前都持續用咗around 兩個月୧⃛(๑⃙⃘⁼̴̀꒳⁼̴́๑⃙⃘)୨⃛ ❤︎ ︎ ❤︎ 佢嘅質地係屬於油潤感重嘅膏狀，搽上臉係會feel到比較油而唔係滋潤feel ₍ᐢ⸝⸝› ̫ ‹⸝⸝ᐢ₎所以單搽佢嘅話好似我呢啲乾肌嘅人係唔太feel到嗰種滋潤感( ･᷄-･᷅ )佢係要先做好前面嘅保濕步驟之後最後先搽嘅*ˊᵕˋ)੭但不得不說佢嘅保濕力係真係幾好(✿︎´ ꒳ ` )♡︎秋天仲係有啲熱要開住冷氣嗰陣用佢同其他滋潤性產品係可以瞓醒洗臉後臉部皮膚仲feel到水潤感( ⸝⸝•｡•⸝⸝ )呢個係我之前用過嘅其他面霜係做唔到(✿︎´ ꒳ ` )♡︎而且佢又唔會同其他嘅滋潤護膚品會產生擦字膠碎(◍︎•ᴗ•◍︎) ❤︎ ︎ ❤︎ 但有幾樣嘢係令我對呢款面霜比較失望(꒦ິ⌑︎꒦ີ)首先係佢標榜嘅抗氧化&淡化細紋效果(-∀︎-｀;)呢個產品入面係有啲黃色粒粒係可以做到抗氧化&淡化細
<看全文>
Luna好用推薦：韓國Innisfree 綠茶籽精萃水份精華面霜使用心得 踏入冬天，皮膚好易變得好唔穩定，尤其係乾燥同室內暖氣雙重夾擊下，面頰位好易又乾又繃，甚至會泛紅同甩皮。今個冬季，我嘗試將 Innisfree 嘅綠茶籽精萃水份精華面霜加入晚間護膚步驟，發覺佢嘅補水同維穩能力，對於冬季護膚真係好有幫助！ 💧 質地同使用感： 佢嘅質地係白色嘅乳霜狀，睇落去好似幾厚身，但一推開就會發現質地好輕柔，好快就化開變成水潤感。吸收速度中等，按摩多幾下就食咗入皮膚，唔會黐立立或者留低油膩感。用完皮膚即刻有種飲飽水嘅柔軟感覺，好舒服。淡淡嘅綠茶清香都好療癒。 🌿 修復力重點講： 呢款面霜主打濟州島綠茶籽油同綠茶乳酸菌發酵成分。對我嚟講，佢嘅「修復力」並唔係即時治敏嗰種，而係一種好強嘅「維穩同屏障修護」能力。 我本身轉季時皮膚會少少敏感，容易泛紅。連續用咗佢一個星期左右，我發現皮膚嘅穩定度高咗好多！冇再因為轉冷或者暖氣而突然覺得繃緊或痕癢。佢就好似幫皮膚築起一層水潤保護膜，持續咁補水同強化屏障，令皮膚冇咁容易受到冬季乾燥環境刺激。 夜晚厚敷一層，第二朝起身皮膚依然保持水潤柔軟，之前因為乾燥而起嘅少少皮屑問題改
<看全文>Suki好用推薦：這款面霜質地水潤輕盈，含有濃縮綠茶籽精華，為肌膚提供深層保濕與滋養。使用後肌膚感覺柔嫩且不油膩，非常適合混合性及乾性肌膚使用。清新的綠茶香味令人放鬆，且吸收快速，適合日夜使用。
<看全文>
Fng好用推薦：innisfree 濟州王櫻水潤啫喱面霜｜ 混合偏乾肌 × 香港春天 🌸 產品定位：輕盈保濕型啫喱面霜 核心成分：濟州王櫻葉萃取（經三週低溫熟成）+ 純天然甜菜鹼 價錢：$180/50ml ✨ 優點： · 清爽零黏膩：透明凝膠質地，一推化水，吸收快過你打字！用後表面乾爽，唔會黐住頭髮或枕頭，香港春天用零負擔 · 即時透亮感：含櫻花萃取，用後膚色明顯提亮，有種「櫻花粉嫩」嘅透明感，特別適合暗沉黃肌急救 · 鎖水保濕膜：用後形成水分保護膜，牢牢抓住水分，冷氣房下都撐得住 · 降溫涼感：搽上面有微微涼感，濕熱天氣用特別舒服，可以當日間降溫神器 ⚠️ 缺點： · 保濕續航普通：混合偏乾肌用家反映，冷氣房過夜的話，凌晨會開始覺得乾，建議日間用或夜晚疊加保濕精華 · 功能單一：主要集中補水提亮，無抗老美白成分，熟齡肌要額外搭功能性精華 · 不建議單獨做晚霜：有用家提醒「不建議當晚霜使用」，尤其極乾肌夜晚用可能唔夠力 🌞 香港春天實戰表現： ✅ 日間首選：朝早潔面後薄搽一層，清爽保濕仲有提亮效果，後續上防曬底妝零搓泥 ✅ 潮濕天恩物：濕度高的日子用，唔會悶出粒粒 ✅ 妝前打底：用後皮膚平
<看全文>Tszki好用推薦：innisfree 濟州王櫻水潤啫哩霜 凝膠質地面霜，輕盈感與改善肌膚暗沉。 水潤且不黏膩，在皮膚上形成水分保護膜，適合夏天或缺水肌使用。 富含濟州王櫻葉萃取，經過三週低溫熟成，有助於修護乾燥暗沉，讓肌膚呈現健康活力的透亮光澤。 這款面霜在潮濕地區表現完美，吸收快且有涼感。
<看全文>
