平價洗面乳 推薦好用產品

Kathy Wai好用推薦：Curel豐盈泡沫潔面乳專業測評 基本資料 · 產品名稱：Curel 豐盈泡沫潔面乳（珂潤潤浸保濕潔面泡沫） · 適合膚質：乾燥性敏感肌（官方定位） · 價格範圍：約 180 HKD（視乎藥妝店定價） 質地與起泡表現 · 一按就出泡，唔使起泡網，懶人恩物。 · 泡沫質地極度豐厚綿密，似忌廉狀，倒轉手掌都唔會滴落嚟。 · 泡沫彈性好，上面感覺柔軟有 cushion，減少手指同皮膚嘅摩擦。 清潔力評估 · 屬於溫和型胺基酸系清潔，起泡劑唔刺激。 · 可以洗走日常防曬（非防水型）同淡妝殘留，但防水妝、厚粉、油性防曬建議先做卸妝。 · T字位出油多嘅話，可能覺得乾淨度啱啱好，大油皮用後會覺得唔夠「爽」。 保濕與用後感 · 含有神經酰胺功能成分，洗完皮膚唔繃緊，keep到水潤感。 · 過水後感覺清爽但唔乾澀，敏感泛紅肌用後無刺痛／發熱。 · 秋冬或乾燥天氣下，洗完幾分鐘唔上護膚品都唔會甩皮。 成分安全度 · 無香料、無色素、無酒精、弱酸性，通過敏感測試（唔代表所有人不過敏）。 · 防腐系統相對溫和，致痘風險低。 適合邊啲人用？ · ✅ 乾性、中性、混合偏乾、敏感肌 · ✅

Tiffany Ng好用推薦：Curel豐盈泡沫潔面乳用後感：敏感肌嘅溫柔救星 講真，我呢啲敏感肌人士，揀潔面產品真係好似揀男朋友咁——太刺激嘅唔得，太溫和嘅又怕洗唔乾淨。最近試咗隻Curel豐盈泡沫潔面乳，用完真係忍唔住要出篇文讚下佢。 一按即出泡沫 懶人恩物 首先講個包裝，佢係按壓式設計，一按就唧出嚟已經係一大坨綿密嘅泡沫。對於我呢啲朝早趕返工、夜晚攰到死嘅人嚟講，真係勁方便！唔使好似用普通洗面奶咁，要自己喺手心捽捽捽，捽到天荒地老都未起泡。佢啲泡沫好挺實，唔會話唧出嚟無幾耐就塌晒，搽上面嘅時候仲有種好軟綿綿嘅感覺，好似用雲朵洗面咁。 清潔力：溫和但夠力 跟住講下清潔力。我平時返工都會搽防曬同少少碎粉，用呢隻潔面乳洗完之後，塊面係清爽嘅，但又唔會話繃緊到好似塊鐵板咁。佢冇嗰種「捽碟」聲嘅乾淨感，但係摸摸下又真係冇乜殘留。對於我哋敏感肌嚟講，呢種「啱啱好」嘅清潔力先至係最舒服。當然啦，如果你係搽咗好厚妝或者防水防曬，就建議都係先用卸妝產品，唔好諗住一枝潔面乳搞掂晒。 敏感肌友好 唔會搞到塊面紅卜卜 最令我驚喜嘅係，佢真係好溫和。我試過有啲潔面產品，洗完塊面會即刻泛紅，跟住仲會痕癢。但係用Curel呢隻

Chan好用推薦：這款潔面乳用起來非常溫和，最怕洗完面塊面會乾到繃緊甩皮，但它洗完之後感覺皮膚很水潤。雖然它的清潔力屬於溫和路線，沒有過多繁複的泡沫，但對於日常保養來說剛剛好，洗完臉摸上去軟軟的，很適合膚質比較容易敏感或者缺水的時候使用！ 性質溫和，主打保濕潔淨，洗完面後皮膚不會覺得緊繃或乾燥，保濕感不俗，特別適合追求溫和洗臉感受的人士。

alice好用推薦：這款潔面膏起泡超快超綿密，洗臉時感覺特別溫和。最驚喜的是沖完水後，臉上一點緊繃乾澀感都沒有。以前用別的洗面乳洗完都要立刻衝去噴保濕，這款洗完臉依然很舒服透亮，清潔力剛剛好又夠水潤。

Lindabb好用推薦：呢支Muji溫和磨砂潔面乳，真心抵讚，性價比高到爛！ 首先講個質地，擠出嚟係一撻白色嘅膏狀，入面有啲細細粒嘅磨砂粒子，唔會好粗嚡，捽上面嘅時候感覺好溫柔，唔會刮到面痛。起泡量唔算好多，但係都夠均勻，洗完塊面唔會話好乾爭爭，有種清爽得嚟又保濕嘅感覺。 我本身係混合性偏油，T字位成日出油，鼻翼兩邊有啲黑頭同角質。用咗一個禮拜左右，覺得啲粒粒平滑咗，黑頭冇咁明顯，但唔會話完全消失，始終佢係溫和型，唔係嗰啲強力磨砂。朝早用完，塊面滑溜溜，之後搽護膚品都吸收得快啲。 味道方面，冇乜特別香精味，係好淡好淡嘅原料味，接受到。一支有成120g，我差唔多隔日先用，都用咗成兩個月先見底，真係好襟用。 缺點都有嘅，就係如果你係超級油性皮膚，可能會覺得清潔力唔夠勁；同埋磨砂粒子比較幼細，想深層去角質嘅話，可能要搵返啲顆粒大啲嘅產品。 總括嚟講，呢支嘢適合中性、乾性或者敏感少少嘅皮膚，用嚟日常溫和清潔同去角質一流。幾十蚊貨仔，仲想點？絕對會回購！

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

Emily Leung好用推薦：勁推Bioré嘅洗面產品🩵 我皮膚係混合性偏乾，一定要用溫和嘅洗面產品先可以keep住皮膚水潤！我一直都用開Bioré嘅洗面產品，覺得真係好好用。 佢有日本嘅淨肌鎖水技術，唔單止洗得乾淨、唔會刺激皮膚，仲唔會吸走皮膚重要嘅水分，保持到角質健康同pH值平衡！咁樣洗面又溫和又保濕，真係可以洗出滑溜美肌㗎！ Bioré溫和水嫩洗面泡泡，佢嘅泡泡又彈又軟，泡彈力提升咗1.4倍！🫧仲加咗維他命E同透明質酸，可以持續幫皮膚保濕，keep住皮膚水嫩飽滿，真係超perfect！ 佢都添加咗保濕成份，唔單止可以溫和潔淨，仲可以高效保濕！如果堅持用2個星期，皮膚質地仲會明顯改善！ Bioré嘅洗面產品真係一流，唔單止洗得乾淨，仲好溫和保濕，真係全方位滿足都市人嘅皮膚需要㗎！我都忍唔住想推介俾大家快啲試吓啦！👍

Ceccinmydin好用推薦：Biore 呢支洗面泡泡出咗好耐啦，真係長青產品，由學生時期用到而家😂 - 鍾意佢個泡泡質地☁️： 一撳出嚟就做到超棉密、好似棉花糖咁嘅泡泡 ，唔使自己起泡真係懶人福音😂 ，平時我係當晨間潔面用，方便快捷，洗面過程好舒服，唔會拉扯到皮膚，洗完都唔會假滑 - 氣味 🌸： 有一陣基礎洗面奶😆 嘅味道，用過嘅人應該明我意思，整體不過不失～ - 清潔力💧： 佢嘅清潔力算係比較高，感覺係油皮啱用，洗完塊面都幾乾下，要即時做返保濕，雖然藍色呢款係主打透明質酸保濕 ，但感覺唔到效果

Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。

Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購

dor.r好用推薦：無印嘅護膚品性價比一直都好高，呢支for敏感肌嘅洗泡唔止價錢平仲大大支👍🏻用天然水製成，冇香料色素酒精等至敏成分，低刺激性，唧出來啲泡沫都算細緻🫧兩泵已經夠用全面，洗完面幾清爽乾淨，但保濕度差少少塊面有啲繃緊，個人覺得夏天用會適合啲😉

mandy好用推薦：Muji Sensitive Skin Face Soap Foam 敏感肌潔面泡沫 $68/ 200ml 成分簡單，不含酒精、香料及色素，適合敏感肌使用。 敏感肌潔面泡沫是可以一按即出泡沫的設計， 非常適合早上趕時間的都市人及不喜歡自己起泡的用家使用。 敏感肌潔面泡沫可以起出豐盈泡沫，不過泡沫比較軟身， 而不是一般較企身的泡沫。 主要添加了保濕成分，潔面時感到很溫和舒適， 潔面後肌膚很乾淨，也不會感到乾燥。 敏感肌潔面泡沫價位便宜，一按即出泡沫的設計，方便省時， 而且敏感肌及不同膚質都可以使用，可說是沒有什麼缺點， 是一款性價比高的潔面產品。 含保濕成分: 雙丙甘醇, 醣基海藻糖, 聚季銨鹽-51, 丁二醇 及 甘油 抗衰老成分: 甘油 肌膚修復成分: 甘油

Akassoo好用推薦：用開藍色嗰隻，呢排轉試下粉紅色呢隻，主打比藍色更保濕。 藍色嗰隻本身用完之後塊面會好乾，粉紅色呢隻用完之後其實都會乾，但係比起藍色嗰隻會好啲，而粉紅色呢隻亦有膠原蛋白成份。 用開SENKA系列洗面嘅原因就係因為佢性價比高，唔貴但係洗得乾淨。

Shirlin Ho好用推薦： SENKA膠原彈潤洗顏泡泡真係好好用 CP非常高 咁嘅價錢有咁嘅效果非常好 只要份量少少 就可以有好豐富嘅泡泡🫧🫧洗完面之後塊面都唔會好繃緊 都已經唔止買過一支啦 我會推薦俾身邊嘅朋友用👍🏻👍🏻

mysecretgarden好用推薦：講開卸防曬我一直都好苦惱。本身只係搽咗層防曬，但又未至於化全妝，為咗佢特登用卸妝水，又要拎化妝棉抹一輪，真係有啲麻煩。後來試咗Muji呢支溫和潔面乳液，先發現原來可以簡單咁多。 支嘢嘅質地同佢個名一樣，真係好乳液推開嗰陣好柔滑，完全唔會拉扯塊面，一開始都唔係好適應覺得滑潺潺，不過秋冬用呢就幾舒服。用完之後，塊面完全冇繃住嘅感覺，摸落去係水潤軟滑嘅。清潔力就屬於溫和派。如果我只係搽咗普通防曬，佢應該都可以洗乾淨。不過如果真係化咗妝，就未必夠力，我試過隻手度測試，真係要俾啲力先可以清潔到，比較起上嚟覺得同一個系列嘅啫喱表現就好好多。

Karman28好用推薦：真的是很溫和的潔面乳，清潔力較低，覺得完全無刺激性成份，十分適合敏感肌人士。 但一般夏天會出汗和油的，不太推薦。

Kathy Wai好用推薦： 「Hello大家好！今日同大家做個真心評測——Sana豆乳洗面奶！成日見人講平靚正，等我用廣東話同你哋拆解下！」 （Packaging & 質地） 「包裝簡約日系風，唧出嚟係白色乳霜狀，冇乜香味（好感度加分！）。加水輕輕搓幾下，泡沫算綿密，但唔算超厚身個隻，敏感肌用都安心。」 （清潔力測試） 「日常防曬、淡妝（粉底+碎粉）可以直接洗得走，但防水眼線同唇釉就建議先卸妝。洗完面塊面唔繃緊，摸落滑捋捋，仲有少少水潤感～」 （成分重點） 「主打豆乳發酵液+大豆蛋白，溫和保濕冇酒精、冇色素。油肌夏天用夠清爽，乾肌冬天可能要快啲上保養品。」 （性價比 & 適合膚質） 「百零蚊有150g，早晚用都用成3個月！中性/混合/輕度敏感肌最開心，大油田可能覺得清潔力偏柔，建議朝早用。」 綜合評分： · 溫和度：4.8 / 5 · 保濕度：4.5 / 5 · 清潔力：3.8 / 5 · 泡沫質感：4 / 5 · CP值（性價比）：4.5 / 5 （總結） 「總括嚟講：平價基礎清潔入門之選！想穩陣唔踩雷、追求洗完唔乾嘅朋友，呢支值得長備。但追求深層去黑頭/強效控油就唔好抱太大期望啦～」

楊一二好用推薦：呢支SANA豆乳洗面乳，成分天然冇人工香精，帶淡淡豆乳味。不過清潔力偏強，就算係我油性皮膚用完都覺得皮膚好乾，要即刻搽skincare 補濕 所以就算佢價錢好平都未必會回購，會去買返d溫和洗面乳。

Nicole好用推薦：到專門店購物時，職員送的贈品 有微香味 清潔力足夠 混乾肌夏天用後舒適 不會過份洗走油脂 價錢不貴 正貨有150g 性價比高

GinGin好用推薦：有香味嘅洗面膏，但唔確定係綠茶味，都幾保濕，又夠多泡，洗得幾乾淨，依個價錢都可以接受

Kura好用推薦：呢款洗臉膏有粉紅色細微磨砂粒子，我通常一個禮拜會用兩次，用完皮膚會變得滑d，但唔會覺得乾，清潔力唔錯，係溫和去角質唔錯嘅選擇，值得一試 @cosme

Giselle 好用推薦：Biore 柔滑磨砂洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎ 同埋佢入面有一啲磨砂粒粒，洗面嘅過程中可以清除面上多餘嘅角質( •̀∀︎•́ )✧︎不過洗完面之後對我呢個乾肌人士來講會太乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝我覺得用完之後皮膚有變滑咗( •̀∀︎•́ )✧︎不過因為太乾嘅關係，所以我唔會日日用( ˙༥˙ )

Tszki好用推薦：Biore溫和水嫩洗面乳 這支算是我冬天比較常用的，平常在用習慣到沒什麼感覺，一比下來才發現，質地是白色膏狀，它真的蠻容易就可以搓出豐盈泡泡，洗完後是很舒爽又很保濕的感覺，香味有種小清新，敏感肌可以使用_

Also melon好用推薦：洗面膏真係好平，平時做特價係會再平啲。佢少少洗面膏已經可以起到好多泡，而且清潔得好好，最鍾意卸妝之後用，真係洗得塊面好乾淨，夏天用好啱，男士都應該好鍾意呢種清爽感覺。而且味道可以接受。 溫和水潤款不過用完有少少乾燥，要搽返保濕。真係冇咩特別挑剔。

Chloeincosme好用推薦：前排去日本見到勁多日本妹係Muji入面拎左呢枝洗面奶比錢就即刻買返支！ 試完返唔到轉頭：一定會回購！ 日本天氣好乾，用平時潔淨能力較高嘅洗面奶好容易太乾甚至甩皮，但係無印呢支完全唔會有呢種情況發生！雖然泡沫唔算好綿密，但係清潔力都夠強，用完唔會令到皮膚緊崩😍呢個係重點。 返到嚟香港間唔中都有用佢！冬天一定會回購😍

GinGin好用推薦：依款洗面膏真係夠保濕，而且泡沫超豐富，用完又唔會乾，價錢親民，而且容量大，一定會回購

Kura好用推薦：好好用嘅一款潔面乳，味道超好聞，係好天然嘅香味，潔面乳嘅質地係膏狀，但唔係個種用完皮膚會變到好乾嘅潔面乳，用完皮膚會變得好乾淨好滑，就算轉季轉天氣用皮膚都好適應，呢款潔面乳加水好容易起到泡，過水清洗容易，價錢唔貴，cp值超高，成分天然，我會繼續回購呢款潔面乳，同時都非常推薦俾大家值得一試，產地係台灣 @cosme

sp_113好用推薦：特點： 台灣品牌，全部護膚品都係成份天然，極少化學成份 優點： 😍樽後列明清晰成份，敏感肌可以清楚知道成份，避免敏感。 😍非常溫和，適合每日使用，可以落防曬 😍洗完面部唔會乾燥及敏感 😍有精油香味 缺點： 🥲油性肌膚會覺得唔乾淨 🥲泡量較少

Kitty 好用推薦：我係混合肌，夏天用佢洗完清爽又唔乾，毛孔有種識呼吸嘅感覺。泡泡綿密，不過冬天用會乾，夏天就啱啱好。長期用黑頭有減少，油光都收斂咗。平價潔面嚟講無得輸，滿足到基本清潔需求！不過乾肌慎用。

呆呆的槑好用推薦：超平價的洗面奶～ 這款是系列中個人覺得最好用的一支，清潔力強但是不會太乾(起碼我洗完澡吹個頭再搽面也不會太緊繃🤣 味道是偏肥皂味，起泡能力佳，小小就可以洗整塊面，不過很奇怪，要分開加3次水才會搓出綿密的泡泡，不知道大家是不是也這樣🙈 下圖示範： #BA照

WillBB好用推薦：之前喺日本買左1支海泥毛孔洗面乳，已經做完左一支，剩返呢包試用裝。 泡泡非常綿密厚實，感覺能可以深入毛孔吸附髒污，洗完去油效果極佳，持續使用黑頭粉刺有變少。不過它清潔力偏強，洗後雙頰會有緊繃感，必須馬上擦保濕。整體來說性價比極高，強烈推薦給油性肌或夏天容易出油的人，乾肌則要謹慎使用。

Sakura醬好用推薦：日本Rosette海泥洗面膏用後感！！ 呢支綠色管嘅洗面膏真係我用過咁多隻之中，清潔力同滋潤度最好嘅洗面膏！ 拎到手之後，支嘢嘅包裝管身揑落去軟淋淋，仲好有彈性添！ 擠出嚟嘅膏體係灰色，聞落有陣淡淡嘅泥味（證明真係海泥嚟㗎～），不過整體都算幾清新！ 將啲膏擠喺手度，加足夠嘅水，慢慢捽，就會出超多泡沫，而且仲要好細密！！！！ 我通常會重點捽個鼻哥位，一來我T字位好易出油，二來我鼻哥嘅黑頭好多。 好喇，重點嚟喇，洗完塊面之後我神奇咁發現，鼻哥上面啲黑頭同毛孔裏面嘅污糟嘢真係少咗好多！而且一摸自己塊面，奇蹟般咁滑溜，好似BB嘅皮膚咁！ 連續用咗幾日之後，塊面基本上冇乜痘痘啦！皮膚前所未有咁透亮！ 真係超級鍾意！實會再回購！！！！

格仔餅公主好用推薦：味道唔會好勁所以男仔用都無咩問題，我有時遇到明顯浮起左既白頭或者想大力啲甘去角質都會用佢，可以即刻去走到明顯既角質污糟野

Kura好用推薦：磨砂例子幼細，夏天用真係好爽，用完之後臉上嘅油一掃而光，價錢實惠，抵買

Poyobb好用推薦：呢款透白水亮洗面款式，泵出嚟嘅泡泡比較濃密，寫住有添加維他命C，好似一洗完面嗰下塊面真係有白到🍋$50不要期待添加好多份量維他命C🫢 清潔力都唔錯，都係用後有少少乾。要好快用返護膚品。保濕度最好一定係滋潤款，然後到呢隻亮白水亮款，最乾燥係暗瘡護理控油款式，我應該之後都會買返滋潤亮澤款式。大家睇個人需要去買🤗

iliya 好用推薦：呢款洗面泡沫最大嘅賣點就係一唧出嚟就係滿滿嘅泡泡，方便使用！ 不過同同牌子嘅其他洗面膏一樣，用完之後塊面會有少少乾，同埋唔覺得有咩特別亮白嘅功效。

Chocol55好用推薦：見到有積雪草所以買黎試下，容易起泡，無特別敏感但亦唔覺清潔得特別乾淨，冬天用會有少少乾，皮膚有繃緊既感覺，夏天就岩岩好夠，好在價錢夠抵，CP值好高。

lingbb好用推薦：- CP值勁高嘅洗面膏 - 被積雪草呢幾隻字吸引，同埋便宜大罐 - 氣味清香舒服，用打泡器輕易打到棉密泡泡，上面超級細緻舒服，過水後塊面唔會乾（冬天會有小小乾）、面色明顯均勻白淨左、毛孔細緻，好乾淨 - 呢個價錢咁大枝有咁嘅功效，推薦👍🏻我個人認為份量大到可以兩個人用都有排用得哂

Giselle 好用推薦：Bifesta 碳酸潔面泡沫暗瘡護理型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前貪佢夠方便所以入手嘅產品₍ᐢ⸝⸝› ̫ ‹⸝⸝ᐢ₎ 輕輕一襟就已經有好綿密嘅泡泡可以用*ˊᵕˋ)੭啱晒我呢啲懶得搓泡泡嘅人類"(⌯︎¤̴̶̷̀ω¤̴̶̷́)✧︎佢陣味係碳酸水嘅味，我自己覺得幾特別⸜( ´ ꒳ ` )⸝用完後feel到皮膚變得好乾淨同變滑咗( ˘͈ ᵕ ˘͈ )減少暗瘡效果就唔係好覺，起碼我用完都無覺得痘痘少咗or快咗消失₍ ᐢ. ̫ .ᐢ ₎真係用完後有啲失望₍ᐢ ›̥̥̥ ༝ ‹̥̥̥ ᐢ₎佢一般$50有找而且間唔中都會有特價( ˶ˆ꒳ˆ˵ )

Karman28好用推薦：呢個朋友推薦之後都一直用呢支洗面，已經用左四五支。之前有一排成日生暗粒同敏感，轉左呢隻之後，塊面穩定左好多。唯一唔好係，用剩少少既時候，會唧水出黎，搖一搖就可以唧多少少出黎。