精華油 推薦好用產品

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

mandy好用推薦：Sulwhasoo First Care Activating Serum VI 雪花秀 潤燥再生精華(第六代) $630 / 60ml + 8ml x 8pcs (Black friday Sulwhasoo Online Shop promotion only) 不經不覺潤燥再生精華已經來到第六代啦～ 而我也是愈來愈喜歡使用潤燥再生精華， 昇級版的第六代潤燥再生精華比上一代更好用， 試用過就愛上，即時變成鐵粉了。 蘊含大量美肌成分，如：保濕成分、抗氧化、抗衰老及鎮靜消炎等成分。 潤燥再生精華(第六代)的質地非常水感清爽，適合不同膚質使用，延展性亦很好，可輕易在全面推開按摩，而且即時被肌膚吸收，完全沒有黏笠感。使用後，肌膚更加保濕水潤，而且膚況更穩定，並且具提亮功效。 含保濕成分: 丁二醇, 甜菜鹼, 雙-PEG-18 甲基醚二甲基矽烷, 黃芩根萃取, 乙基己基甘油, 角叉菜, 蜂蜜, 戊二醇, 生物糖膠-1, 丙二醇, 梅果萃取 及 氫化卵磷脂 抗氧化成分: 黃芩根萃取, 可哥萃取, 蜂蜜, 羥基積雪草甙, 地黃根萃取, 甘草酸鉀, 乙基維他命C, 牛磺酸

Chloeincosme好用推薦：🤍 質地同吸收度：4.5/5！雪花秀再生精華第6代延展性極高，少少夠搽全面，推開後好快被皮膚吸收，吸收後皮膚好水潤，摸落去又軟又滑！ 🤍 修復效果：5/5！用咗一段時間，覺得皮膚彈性同光澤感有明顯提升～原本暗沉同粗糙嘅位置變得細緻咗，膚質整體穩定好多，夜晚用第二朝起身塊面依然水潤飽滿✨ 🤍 晚間專用：4/5！由於精華營養豐富，同我嘅日間防曬/粉底有少少「打交」情況（容易搓泥），所以我會專登留喺夜晚用～咁樣反而更好發揮佢修復同滋潤效果！ 🤍 溫和度：5/5！成分溫和，敏感肌用都完全冇問題～淡淡嘅草本香味好療癒，用完覺得成個護膚過程好享受～ 總結： 雪花秀再生精華第6代絕對係夜間修護嘅高手！雖然唔太適合妝前使用，但夜晚用就可以享受佢帶來嘅彈性同光澤感😎🥹～持續使用真係會覺得膚質提升咗一個層次，已經成為我晚間必備嘅修護伴侶！推薦比乾肌、輕熟齡肌，或者追求修復同滋潤嘅你！

lingbb好用推薦： - 鯊烯美肌清油係100%源自自然、99.9%高純度，同人體皮脂極相似，可協助其他護膚品更有效滲入肌底層，極速打造水潤嫩滑的健康肌膚。 - 對我黎講係百搭油 - 特別係乾燥天氣下只需一滴就可以迅速平滑粗糙肌膚，瞬間係肌膚表面形成絲緞般般細緻嘅隱形鎖水層，緊緊鎖住滋潤養份獨特的誘導滲入效果，喚醒底層美肌潛力，保濕方面極優秀！ - 另外，用美肌油化底妝都可以打造水光奶油肌。將美容油同粉底融合之後上底妝，令臉部肌膚幼滑並富有blingbling光澤，上埋定妝蜜粉後，再取1滴美容油滴係手掌推勻，輕輕按壓塊面，即時打造閃爍光澤奶油肌，仲可以令成個妝效更加持久貼服，而且美肌清油唔易氧化變質，唔會令面色暗咗灰咗

Emily Leung好用推薦：油敷大法果然厲害，塊面真係識發光✨ 成日皮膚乾到甩皮、上粉嚴重卡粉嘅朋友 試下用HABA角鯊烷油啦 99.9%高純度角鯊烷，修復屏障功能真係無得頂 而且仲有多種用法㗎 例如：油敷 先用爽膚水打底，跟住勻循搽勻HABA油全塊面 最後敷塊化妝棉上去，等10-15分鐘就得 用完之後塊面滑溜又嫩彈，次次見效零失手～ 亦可以撈埋面霜用，或者直接搽上塊面 千祈唔好見佢細細支，功效真係強大到嚇親你！

kammy好用推薦：升級版水凝黑蜂活肌蜜 $1195/50ml 見過好多KOL/youtuber成日都大推 官方資料經臨床測試 從第1滴開始，肌膚修護快9倍¹ 肌膚明顯變得飽滿+56%² 肌膚倍見明亮+49%² 肌膚更顯平滑+32%² 重塑面容，撫平肌膚，煥發光采 而我用完最大嘅感覺係 1.塊面愈來愈光滑、飽滿 2.塊面柔軟度到好似連續做左2-3日facial 3.令後續護膚品更加吸收

Natp好用推薦：除了太香之後， 其餘都十分滿意！ 作為油， 這支好吸收！ 唔會有停响表面的感覺， 果排皮膚好乾， 乾到查咩都唔惦， 就買左呢set 一齊用， 連埋支toner , 用左兩三星期， 皮膚就唔再乾！ 雖然過千蚊一支， 但一支油其實用到好耐！ 我用左成四五個月， 無慳住用架！ 但缺點係太香！ 令我好卻步再回購

Yuki好用推薦：玻璃樽身 瓶口剛好 容易倒出適當份量活性水凝啫喱質感 流動延展性高 每次用4滴倒係手 輕按上面好快吸收 但對於乾肌泥講 修護液有d雞肋 不論春夏秋冬用 都唔係太保濕 只係感覺有d野搽左係面 近排去開專門店同BA講起 佢有教個方法可以加強保濕 就係4滴修護液加2泵保濕乳液 撈勻搽上面吸收後再加面霜 哩個方法係有改善到加強左保濕 但要額外買多一件產品去輔助 咁可能直接買支保濕精華仲好 或者揀另一款肌底液可能更加直接仲有2支30ml未用 已經轉送屋企人 產地：日本/美國/英國/德國 *每個批次都唔同 購入日期：2024-08-12 購入方式：La Mer website 原價：HKD1040/100ml (HKD10.4/ml) 回購：0/10

Candy Ng好用推薦：近期天氣寒冷，頂受不了皮膚的乾旱，臉上的細紋及不上妝情況明顯，受不網紅推介，我終於忍痛買了它來試🙈 之前覺得大家講它有幾好，幾滋潤，幾修復肌膚，我都持懷疑的心態，用完我真係明白。 尤其有鼻敏感，到冬天，整天流鼻水，令到鼻子甩皮，用左濕敷10~15分鐘，再搽護膚品，及上妝。真是會令肌膚更加容易抓實粉底💗 明顯的位置是鼻翼位置🤭

cheng2001好用推薦：Fit for 敏感肌❤️上臉出乎意料地舒服和非常輕盈！ 之前一直都有見到DR.WU玻尿酸精華，價錢親民但見評論…所以無試過，今次咁岩屋企有支DR.WU修護精華油出現左就一於試試佢🤣 我臉部屬於敏感易紅，容易乾燥變濕疹，自己都有用過角鯊成分既精華油，但用後感就係油黏，自己亦好怕，因為皮膚一油就容易發癢不舒服… 自己用法：水狀精華>DR.WU精華油>Cream 而且神奇在於這款用在臉部也很輕盈，不會黏笠，睡覺完全不用怕沾頭髮。 而且這款精華油除了吸收得快，用後皮膚亦有舒緩作用，完全不癢，摸上臉又覺得滑左好多，聞起來也有草本的香味（？）

natanatalie好用推薦：大愛的急救修護精華❤️ 好滋潤嘅精華，一啲都唔刺激，性質好溫和，質地非常輕盈易推，唔會對肌膚造成負擔！🫶🏻 一搽上面，就感覺到直接俾到肌膚好強嘅保濕力，冬天最中意用佢。台灣買平過香港好多，台灣旅行必買！🤗

Nicole 好用推薦：是有點稀的油質地，不算太油膩，延展性和流動性很高。 我把它塗在髮尾上和混在body lotion 里塗，染後頭髮髮質改善得比較快，身體乳保濕度也提高。

WSY好用推薦：用完之後啲細皺紋真係淡咗好多，效果都幾明顯，不過吸收得唔係太快

Mei_pk好用推薦：這支bio oil，便宜大罐，性價比高，用它來刮砂和浸浴很不錯，無限回購

MaggieWong好用推薦：每個冬天必備嘅product，如果特別乾燥嘅話會將佢加喺body lotion入邊一齊使用，非常保濕，可以柔軟埋皮膚。特別係啲乾燥位置，手踭腳踭，會淨係搽油，兩三日後就會令到原本有龜裂嘅地方好返。用量都非常慳，每次兩三滴就得，所以一支都可以用兩個冬天。

Karman28好用推薦：試用完佢包sample 就即刻買左！ 岩岩轉天氣果陣，無護膚，成身好乾同痕到比自己𢯎損哂。之後我即刻每日用左body loction打底，再加幾滴堅果油，堅持搽幾日之後，就唔再痕！冬天補濕鎖水真係好緊要。 呢支堅果油搽完，feel到佢係吸收到，唔會成手油淋淋，同埋佢無難聞既味，亦無特別加香味，所以我都用得好放心，唔怕對香料敏感。 佢個頭既設計都唔錯，係可以一滴滴油咁滴出黎，等用家容易控制個用量。 我自己暫時都係用係身體上，未試過用係面，因為我面部比較易毛孔閉塞，所以都唔敢試。身體油黎緊，呢支真係十分推薦。

lingbb好用推薦：- 質地就係油份，冬天用完爽膚水就用，令皮膚打定個油底。 - 有機堅果油超強鎖水力，高效保濕，水油平衡，肌膚更緊緻飽滿，發揮更生、保護及抗衰老等護膚功效。 - 欣賞只有3種純淨而簡單的成分：有機堅果油、維生素E、大豆油 - 欣賞 100%天然，99.9%有機成分。 敗筆：呢枝油既設計令我放置咗一段時間成枝都係油，拎上手成手都係油，呢點令使用感無咁愉快。

Jessie C好用推薦：由於我员敏感肌，在慣用的「極境雙藻復原精華」後疊上「綠色海洋精華油」，發現了保養點更好。精華的潤燥打底，讓油的親膚性極佳，絲毫沒有浮於表面的油膩感。這道手續，彷彿為肌膚補上最後一道鎖水屏障，醒來的膚觸是柔潤與飽滿，連帶讓乾燥引起的小細紋都顯得平和。雙重純淨修護，換來一夜安穩的滋養。

Kura好用推薦：我係好鍾意呢一款油作為我嘅日常保養，特別係冬天用滋潤度啱啱好，味道好特別，搽上臉好快就吸收，用完呢款油一段時間會發現皮膚會變得白嫩水潤，痘印都有淡化，可惜係玻璃瓶嘅設計容易打爛，我用到一半就打爛咗 #逆齡護膚品分享

natanatalie好用推薦：年紀漸大，肌膚出現一啲初衰老嘅問題，例如鬆弛同暗黃，開始會想用一啲貴婦級護膚品，加強功效。今次就試左呢款新出嘅活肌蜜！🥰 首先講一講價錢，價錢一啲都唔親民，不過功效又真係幾顯著，所謂一分錢一分貨，用左好嘅相信大家都願意負出多少少買佢！🤪 質地嚟講，佢比我想像中流質，你見我擠喺手都流動性好強，感覺佢係一半油一半水嘅狀態，搽上面感覺好舒服，唔會有香料味，亦感覺到好快吸收，唔會黐立立。❤️ 用完第二朝其實就會見到即時效果都幾明顯，肌膚明顯變得飽滿同更有光澤，正正啱我呢種出現初衰老問題嘅人。而用完佢再上妝係真係會貼好多，就算化左妝都無咁易脫妝，證明佢嘅保濕同滋潤功效係好好，但又唔會令肌膚負擔好重，呢一點令我幾surprised！😎 總括來說，我覺得呢一款係一隻輕盈但又可以幫助對抗初衰老嘅護膚品，係物有所值，值得入手！😍

Kelvin好用推薦：復原蜜新版，味道唔同咗，水感變得輕盈，流動性強💧入面加咗啲黃色微珠粒粒，應該係有精華成份既粒粒 上面好容易吸收，唔會有油膩感，融入皮膚會好保濕🧴作為肌底液保濕打底作用，好容易吸收，會令到皮膚好軟熟🍎 四月頭好乾燥個幾日，皮膚好乾又甩皮，復原蜜係真係有修復功效，即時舒緩效果好好，用完皮膚好快變返正常 任何肌膚都可以使用 #火熱新品

Kuma醬好用推薦：Sabon 的Patchouli Lavender Vanilla 廣藿香薰衣草香草香味是一個既高貴又療癒的香味，是Sabon最經典亦是獨一無二的香味。 揉合廣藿香、薰衣草、香蘭三種氣息，以獨特廣藿香喚醒感官，紫色薰衣草淡雅花香鎮靜放鬆心情，香蘭調和平衡，提振精神。 我覺得我以後都會購入呢隻香味嘅產品，請千萬不要停產啊！ 這個香氛雙重修護亮肌美髮油，可塗抹在皮膚和頭髮上，香港比較潮濕，很少機會可以塗在皮膚上，但我每天都會用來做頭髮護理，質感輕盈的護膚油能迅速被吸收，具瞬間滋養的功效，香味也後持久。 產品最大的缺點是瓶身的噴嘴不好噴油，不但油體難噴出，份量難控制，噴完後，噴嘴和瓶身滿是油，如果容器不改進，我下次未必再購入這個護膚油的產品了。

lovemon222好用推薦：我使用的是茉莉味，味道不會香精的味道，有別於平時聞到的茉莉味道，它帶有一點點香草的感覺。質地方面，流動性很強，有一點點像水劑，不會黏膩。冬天皮膚太乾燥，我平時是配合身體乳全身使用，按壓兩下已經很足夠，圖片可見，塗抹均勻後，皮膚光澤度很高，吸收很快。 因為護膚油可以供頭髮使用，個人用過兩次，覺得還是使用頭髮專用的護髮油會比較好，由於它油份比較多，潤澤度是有的，但若然份量控制不好，容易令頭髮過油。

WSum So 好用推薦：The ordinary出名用最基本，減少不必要嘅添加成份去製造產品。 今次我想同大家講吓呢個玫瑰油。玫瑰水好多人都會用，但其實玫瑰油都係好不錯嘅補濕選擇！而且我都用左3-4枝！真心推薦比大家呢個性價比極高嘅油！ 我建議大家可以係晚間用，可以加落cream到溝埋一齊再上面！吸收好好，而且溝埋一齊用可以減低油膩感！ 如果皮膚太乾但又需要化妝都可以加1-2滴落妝前乳到，幫助皮膚係化妝時更有水份，減低乾燥感。

Hamiii好用推薦：玫瑰味唔算好重，但足夠保濕👍🏻 呢一支拎左黎按面用😌 年紀開始大，買左部按摩美容棒🤫 用呢支油滴幾滴搽上下巴淋巴位， 再用支按摩棒碌下碌下， 聞住玫瑰精油味，精神好紓緩， 精華油吸收得好快，塊面可以持續滋潤之餘仲可以順手瘦面🤫 正丫😆😆

natanatalie好用推薦：可以在秋冬令肌膚更亮澤，但質地有點厚重，不太適合油肌，一小滴便足夠。

Kura好用推薦：我冬天好鍾意用呢款油，可以好快速令到我嘅皮膚得到修復，滋潤度足夠，但價錢偏貴

Noel好用推薦：這個 Radiance Oil 是我的 No.1 護膚油，別無它選❣因為 Eve Lom這款 faical oil令我一試愛上，它的香味相當優雅，淡淡花香，非常療癒💗 而護膚油質地偏近水狀，塗抹到面上，極快被吸收，完全沒有厚重的油膩感 👍 冬天的晚上，一定使用這枝 Radiance Oil，作為我這個大乾肌的屏障。早上起身，皮膚能夠感覺到潤澤，看上去飽滿又水潤❣

Jasmine Yuen好用推薦：lookfantastic 買既set 包括嘅 1. 光澤效果：呈現更亮和光澤的外觀，有均勻膚色，化妝前用一滴加入粉底液，使皮膚散發出自然的光澤。 2. 保濕效果：滋潤成分有助於提供皮膚所需的水分和保濕。用後皮膚感覺更加柔軟、滋潤和彈性，減少乾燥和緊繃感。 3. 吸收性：良好的吸收性，能夠迅速滲透到皮膚中，不會留下油膩或黏膩的感覺。

Becca好用推薦：呢支精華油間唔中就會拎黎用，尤其係皮膚泛紅嘅時候，用完之後會明顯減淡好多，試過一次皮膚敏感，幾日都仲紅，突然記起呢支油，一用即刻退左好多 香味好好聞，易推 滋潤度亦幾好 習慣用完呢支會拍返Albion 健康水，會好快吸收兼唔笠，就算夏天用都可唔可以，搽完面雙手嘅油油可以搽頭髮，都好快吸收

lucrezianoin好用推薦：秋冬天開始雙頰好乾, 而且想爆瘡時用呢個product效果好好! 好容易吸收, 對改善皮膚乾燥同埋油水平衡好有效. 貴咗少少但係值得!

Ressie14好用推薦：呢支按摩基底油係我上年秋天嘅時候經過專櫃被推介而購買的。因為年紀漸大，加上肉眼見自己肌膚容易乾燥（我本身混合偏乾）所以想試下以油養膚。 （圖片係我用過上年秋冬天餘下既份量 ） 有香濃嘅柑橘果味，加上沖完熱水涼既蒸氣會將手上、臉蛋上既柑橘氣味揮發出來，好似自我做完spa 一樣，相當治癒！  至於肌膚能否吸收，我感覺肌膚喺吸收完按摩油後，係會變得柔軟；用完呢隻按摩油後，我嘅肌膚亦沒有爆痘/炎症， 呢隻按摩又好fit到我混合偏乾嘅肌膚，差唔多肌膚狀態嘅美女可以安心使用！

A&R好用推薦：皮膚基底按摩油平時好少用，係一次去美容院做完Facial之後，有用到，覺得對皮膚好好，按摩皮膚嘅時候好舒服。所以自己買來試吓用，呢支按摩油保濕效果唔錯，適合冬天，用嘅時候有少少笠，用完之後都係習慣要清潔洗咗佢，不過最好用清水過水就算，如果用洗面膏洗咗好似效果不大。淡花香味，有些少舒緩感覺。不過個人比較懶，唔好經常用。

choichoi好用推薦：味道無可挑剔是帶著精油般的舒緩香氣；觸感潤而不笠，針對淡化乾細紋可以，但沒什麼提亮效果 #火熱新品

🌸好用推薦：官網買嘅set,滋潤度很高，香氣清新自然，質地偏厚重，但不會致敏。要多加按摩先及收到。可以有效地降紅同保濕。除咗貴之外冇乜缺點。

Jojo好用推薦：Drunk Elephant 這款facial oil 在外國有不少KOL介紹。 質地清爽，易吸收，沒有太大的氣味，適合敏感偏乾皮膚。 冬天時我會早晚在搽面霜前，用黎按摩面部，夏天時會加兩滴mix在晚霜搽，有緊緻嘅感覺，不錯。

stardustz好用推薦：在Sephora買了它們家的Nightbright Duo而當中的這款facial oil有讓我刮目相看。它非常輕盈，很快被肌膚吸收，不留黏膩感，何以混合保養品一起用或當初最好步驟增加保濕。用後的肌膚更有彈性和光澤👍