RMK

極萃修護按摩肌底油

冬天同冷氣房救星！乾肌用完皮膚真係軟熟咗，摸落好滑！ 之前聽好多人推呢支 RMK 護膚油，入手之後真係冇後悔。佢係水油雙層嘅質地，每次用之前一定要記得搖勻佢！ 我自己係乾肌，最鍾意喺洗完臉之後第一步即刻用。雖然佢係油，但上臉完全唔會覺得好厚重或者焗出暗瘡。用幾滴配合按摩，皮膚好快就吸收晒。最驚喜係佢陣柑橘同橙花嘅香味，聞落超級治癒，個人會放鬆好多！用咗一排，覺得夜晚吹完一晚冷氣，第二朝塊臉都唔會乾到繃緊，上妝仲貼服咗，連暗沉感都少咗。唯一小缺點係夏天如果下下用可能對油肌有少少負擔，但對乾肌或者轉季嚟講，真係冇得輸，每次用幾滴就夠，一樽可以用到好耐，性價比其實幾高，會繼續回購！ #火熱新品

臨近冬天又有生日優惠 所以就心動去買左一支按摩油 RMK的美容油係水油配方 每次用前都要先搖勻確保足夠混合才可以使用，滴三滴在手心輕輕搓暖，然後按上面部輕輕按摩，幫助吸收之餘還可以當作排毒。 香味是淡淡橙花，按摩同時吸入香氣可以舒緩心情，放鬆壓力。 美容油可以讓皮膚快速吸收，就算夏天搽都無油膩感。

呢支按摩基底油係我上年秋天嘅時候經過專櫃被推介而購買的。因為年紀漸大，加上肉眼見自己肌膚容易乾燥（我本身混合偏乾）所以想試下以油養膚。 （圖片係我用過上年秋冬天餘下既份量 ） 有香濃嘅柑橘果味，加上沖完熱水涼既蒸氣會將手上、臉蛋上既柑橘氣味揮發出來，好似自我做完spa 一樣，相當治癒！  至於肌膚能否吸收，我感覺肌膚喺吸收完按摩油後，係會變得柔軟；用完呢隻按摩油後，我嘅肌膚亦沒有爆痘/炎症， 呢隻按摩又好fit到我混合偏乾嘅肌膚，差唔多肌膚狀態嘅美女可以安心使用！

哩款油唔會好杰，通常用佢當第一個護膚步驟，滴三四滴落掌心搓暖再按壓上臉，按摩幾下好快吸收，擦完唔會覺得焗。之後再做其他護膚步驟都好似會比較易吸收咁。乾肌好物！好用又唔貴！絕對會回購！

經常喺室內開冷氣，真係好容易令到皮膚好乾。 我覺得呢一款嘅Treatment oil好好用，佢令到我皮膚角質軟化，皮膚變得更加柔軟之後再搽少少lotion都已經好保濕。

喺乾燥嘅天氣試用咗依枝護膚油，香氣天然，係essential oil 嘅味道，好聞！質感偏清爽，用起試嚟無負擔，用晒呢支之後，會買正裝用！