RMK

持久水凝柔霧粉底霜

質地非常輕盈水潤，雖然叫柔霧粉底，但佢唔似matte粉底咁厚，推開嘅質感好似啫喱或者水狀咁，延展性極高，好易推開。 妝感超自然、零厚重感，上臉之後好薄透，粉感好低，可以打造出好似天生皮膚咁靚嘅日系透明感，唔完全係matte色，皮膚過一陣出油後會帶有微微光澤，好自然 毛孔修飾度都ok, 對於面珠或者鼻翼嘅毛孔同微小凹凸瑕疵，佢可以用柔焦方式完美模糊，望落好平滑，但我估暗瘡疤就未必遮到（我冇，但好輕薄既粉底應該遮唔到） 氧化唔勁，大半日落嚟，個妝容唔會成塊面灰灰黃黃，整體色調維持得幾好 整體黎講，如果面上瑕疵比較多（例如深色暗瘡印、好重嘅黑眼圈），單靠呢枝係遮唔晒，一定要額外配搭遮瑕膏。 極乾肌要小心卡粉，雖然佢水潤，但如果皮膚本身極乾或冇做好妝前保濕，可能會喺眼下或者嘴角出現輕微乾紋。我乾肌搽咗lotion再上粉底就好貼服，但秋冬就可能太乾啦 控油力未算頂級，T 字位出油後始終會開始溶妝，一定要配合碎粉定妝先至穩陣。

質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

@cosme美妝節購物贈品。 RMK Lasting Gel Creamy Foundation, 色號201。 雖然係贈品，但係有10g，係1/3枝貨裝嘅size😆本身未用過RMK產品，所以抱住一試嘅態度用下，但效果係完全超出預期嘅好。 粉底質地介乎gel同cream之間，可以就咁用手好容易均勻地推開，遮瑕度高，用量少少就已經隱形咗大半毛孔同埋暗瘡印。保濕度足夠，唔會顯紋之餘仲遮埋啲細紋。成膜快，推勻上全面後用粉撲輕拍，未上蜜粉再摸下塊面已經完全冇黏笠感覺好乾爽（用其他牌子嘅控油粉底未試過咁清爽），非常適合屬於混合油肌嘅我。持妝全日都未見有暗沉同脫妝情況，仍然keep到日系嘅白淨透亮嘅感覺～ 同埋好好彩贈品嘅色號啱用，用完絕對會考慮購買同埋有興趣想試下RMK其他產品。 *補充*#加分位 用咗幾日發現原來係真空瓶，一路用一路會推上嚟，唔驚會氧化同埋可以用到盡👍🏻

呢枝粉底霜非常神奇，一年四季都適合使用。佢嘅質地水凝輕盈，推開易均勻，妝效自然柔霧帶少少水光。遮瑕力中等，毛孔同細紋遮得自然唔厚重，而且仲有控油效果，但又未到好強咁。 持妝度一年四季都OK，唔會暗沉或卡粉。敏感冇刺激，整體輕薄舒適，我覺得每個女士都需要擁有一枝。

質地屬於流質，上臉無調色效果，一隻純保濕底霜。同粉底唔會打交，令成個妝容貼服全日都唔會有浮粉。但我覺得只係啱混合性偏光或者乾性皮膚。油性皮膚可以略過。

幾驚喜 色號本身以為太黃 搽上臉又幾自然啱啱好 毛孔修飾同遮瑕度都幾好 個妝感係幾靚 夏天35度一日個妝都幾完整 只係出油出汗出得比較多 有機會會回購！

今次分享依枝冷門嘅粉底液我覺得岩一啲新手/唔係好熟上妝技巧/唔知自己咩訴求等等嘅人用， 係一枝幾大愛嘅粉底液~ 入手當時處於冬季轉春季嘅尷尬期，上網搵有咩好粉底液之際就睇到一位YouTuber介紹佢， 然後就網購盲買左佢番黎~ 首先，佢絕對有日妝嘅通病，就係點都有少少黃， 由於我無去專櫃試色，所以就。。。🌝 不過撇開色號黎講，佢係真係幾上手易用。 上完面要隔一陣先會成膜，成膜後持妝都耐， 而佢裏面有樣嘢叫「Clear Smoothing Gel 清透平滑啫喱」， 聲稱可以撫平及修飾毛孔等凹凸位置， 我對依個技術係表示歡喜！ 平時用啲粉底液厚身少少，八字位都會卡粉， 成日要間唔中卒開佢， 用依枝粉底液就無依個問題！好神奇！ 整體感覺不錯，不過因為轉季時間唔長，一到夏天就唔係好頂得住，所以好快就唔岩用🥲

我膚質係混合偏乾 呢支係上年秋季買既 由秋冬到春夏都有拎黎用 強烈推薦春夏既時候用 因為我本身係一個爆汗既人 超怕熱好容易就會成頭大汗 我呢個暑假不斷試唔用既粉底液夾唔同既妝前乳 最後比我試到用埋primavista既控油妝前乳 成個妝感好靚之餘仲keep得好好 我出晒汗都唔會點溶妝 佢既妝感係好乾淨好自然 又唔會黏笠 我超鍾意呢支粉底霜 但好可惜我秋冬用就會偏乾鼻翼會卡粉 我未搵到方法可以係好乾既日子都用到佢 今年秋冬會再試下其他妝前乳/保濕產品 咁就可以一年四季都用到

不錯👍🏻 本身混合偏乾 一直有用開rmk粉底 已經覺得好好 見到有新粉底，即刻登記試用 呢隻啫喱狀粉底，唧出嚟好企身 但唔難推，推開都好薄 遮瑕中度，幾保濕 夏天用妝感好自然，出油出汗都唔會甩得好勁 t字位加少少密粉定一定妝已經hold到好耐 推薦俾鐘意自然日式妝感既朋友仔！

101色 對我黎講顏色偏暗所以重點塗係面嘅四周做陰影，質地幼滑上面易推非常薄身、遮瑕一般、感覺妝感好透明自然，夏天用非常舒服 #火熱新品

一向都有留意RMK，所以登記新粉底試用裝。 質地偏向啫喱狀，遮瑕度中等，可以修飾毛孔，妝感自然，冬天拍少量碎粉都keep 到6-7個小時。 #火熱新品

之前見人推薦RMK嘅隔離霜試過幾好用 見出咗新嘅呢款粉底霜試咗覺得幾好 雖然揼出嚟好似啫喱咁 但比想像中容易推開 而且唔會感覺好厚身 用成日都唔係好似焗住皮膚咁 遮瑕力都尚算ok 少量痘印遮得到