日本彩妝 推薦好用產品

mavvv好用推薦：RMK呢枝胭脂筆真係我冬天化妝必備嘅秘密武器，特別適合聖誕出門，去party都用得著！🎅🏼🎉 我買呢枝係因為佢非常多用途，可以當胭脂、做光影，甚至用來做眼影，實在好方便！ 佢外型同一般唇膏一樣，可以放袋，隨時攞出嚟補妝。 我揀咗04 Bronze Glow玫紅色🌹，帶古銅光澤，仲有少少復古嘅紅色，感覺好有聖誕vibe！ 質感唔算水潤，但好滋潤同細滑，可以輕輕一畫喺面頰上，用手指輕輕推開，好易均勻。 顏色一開始好鮮明，但推開之後就會自然融入底妝，帶點紅潤同光澤！成個臉色睇落好活潑👶🏻 超愛呢款RMK胭脂筆，性價比高，非常推介❣️❣️

Jasmine L好用推薦：SNIDEL六色眼影盤質地細膩絲滑，容易上色又顯色自然，六色組合日常眼妝超實用，可做眼影、眼線同打亮。 持久度高，唔易脫妝或卡紋，無刺激無粉塵飛，每種顏色都好靚，日系妝容必備，所以囤咗好多盒！推介！

bobobeauty好用推薦：粉質好細用喺邊度就會即刻好似漲起咗咁，唔會好似平時嗰啲highlight咁樣反晒光好似好油，因為自己本身油嘅皮膚，所以都好驚嗰啲太強嘅highlight ，呢一隻恰到好處，而且唔會顯毛孔，勁高性價比

Lumi Kwan好用推薦：香港真係唔太多人推薦呢個蜜粉，但係其實日本妹係非常之鍾意用佢。我自己之前都用過好多大牌子，但有時上粉都有凹凹凸凸嘅問題。礦物粉嘅好處係可以用碎粉掃上，又可以用佢嘅粉撲上，不論你係查話濕粉還是係用cushion，都非常適用。而且個效果好自然，佢有glow/matt 效果揀，glow都唔會閃令令。 我覺得係滄海遺珠，大家通常只會揀Laura Mercier ，但我真心覺得three更好。

Sandy好用推薦：Kose Make keep primer 出門前只需在底妝完妝後輕輕一塗， 令肌膚變得清爽，不厚重、不泛白、不浮粉， 質地水嫩容易推開 自然不泛白妝感 我直接當佢係底裝粉底咁用。 流汗都 唔怕 啱呢個潮濕 天氣使用❤

Jasmine L好用推薦：Snidel多用途眼影十分方便，我眼皮偏油都好啱用！ 眼影質地細滑易上色，顏色自然帶有光澤，多用途設計可以做眼影、眼線同打亮，甚至我會用埋嚟做胭脂。 日常/出街都啱用嘅色眼，而且持久度高，唔易脫妝或卡紋，無刺激、無粉塵飛，顏色飽和度高，強烈推介！

Emma W好用推薦：Visée底霜含有保濕成分，讓肌膚保持水潤，不容易形成卡粉狀，係一款不錯的妝前打底霜。搽後能夠均勻膚色，提供自然的妝感，讓肌膚看起來光滑無瑕。產品質地輕盈，不會感覺厚重，可以化個偽素顏妝容都可以。另外，搽後妝容持久，不易脫妝，能夠維持整天的清新感。

natanatalie好用推薦：年末又到了，又要忙於出席不同聖誕派對同聚會，一個持久嘅底妝真係好重要‼️ 最近試左呢支Visee底霜，值得推介俾大家。首先佢價錢唔貴，開架品牌有專櫃品質。😝 最中意佢可以調整膚色，可以解決到肌膚暗沉同泛紅肌膚煩惱，提升透明感同塑造比零毛孔光滑肌膚！🙆🏻‍♀️ 質地易推唔黐立立，亦唔會同之前嘅護膚品打架！用左佢再上粉底會更持久。有時唔化妝，就咁用佢都可以令氣色更好！❤️ 絕對係小資女歲末必備嘅化妝單品！🎈

ying好用推薦：🌸 CEZANNE 雙色兩用腮紅盤 02號色 好靚・好閃✨ 唔起紋・唔顯毛孔 日系開架寶藏 「02號色，好靚，好閃，唔起紋，唔顯毛孔。」 ✅ 好靚 02號色嘅顏色好靚， 上臉之後係自然嘅好氣色， 唔會太誇張，但又望到有精神。 日系彩妝嘅調色真係有一手。 ✅ 好閃 呢個「閃」唔係大閃片嗰種， 而係細緻嘅珠光光澤。 上臉之後，每個角度都有微微嘅光， 望落好似皮膚自己發光咁。 低調但存在感強，好高級嘅閃✨ ✅ 唔起紋 呢個好重要！ 有啲閃粉產品上臉之後， 會顯眼紋、顯乾紋。 呢個完全唔會。 上臉之後好貼，唔會卡喺紋入面。 ✅ 唔顯毛孔 呢個係驚喜！ 有光澤嘅產品好多都會顯毛孔， 但呢個唔會。 上臉之後毛孔係柔焦嘅， 望落皮膚好平滑。 ✅ 質地柔軟彈潤 用手指點上去已經好上色， 好順滑，易暈染， 新手都搞得掂。 ✅ 持久度好 防水、防汗、防油脂， 全日都keep到， 唔會幾個鐘就消失。 ✅ 一物多用 可以做胭脂、高光、眼影， 帶一盒出街就搞掂， 好方便。 #CEZANNE #雙色兩用腮紅盤 #02號色 #好靚好閃 #唔起紋 #唔顯毛孔 #細緻珠光 #自然好氣色 #開架好物 #日

東區蘇牙琳好用推薦：覺得呢款胭脂質地濕潤上面會變粉狀，10分貼服輕易打造出水光機械人肌嘅感覺，顏色自然就算我膚色偏黃都上到，一次過可以擁有佢嘅胭脂色同埋提亮色，重點係呢個品牌親民，見佢出咗咁耐，呢隻產品都冇落架，大家都可以去摸吓佢個質地，good ga

Jeniel好用推薦：掂！一唧出嚟係好水嘅乳液狀，用手指捽兩下就已經ok,完全唔需要咩技巧。 乾肌人表示好保濕，完全唔會卡乾紋或者起皮。妝感係嗰種「皮膚自己識發光」嘅自然透亮，唔係油淋淋嗰款，望落乾淨又有柔焦感，毛孔都修飾到。 中意全妝既你要留意遮瑕力偏弱，痘疤黑眼圈大概只遮到一半左右，瑕疵皮要另外處理。 持久度方面，我加咗碎粉定妝，出街6個鐘都冇乜點融，出咗油之後變奶油肌，冇起白芝麻或者一撻撻。整體嚟講，呢支好啱追求「偽素顏、天生好皮」嘅感覺，乾肌同混合肌尤其啱用！ 保濕度： ★★★★★ 貼服度： ★★★★★ 光澤感： ★★★★★ 遮瑕力： ★★☆☆☆ #火熱新品

natanatalie好用推薦： #火熱新品 營造日系乾淨俐落底妝的高性價比之選❣️ 本身屬於油性肌膚，外油內乾，一直好難揾到一支夠保濕又持妝嘅底霜。呢支RMK新出嘅自選水感透光潤色霜真係好驚喜，相信會成為大愛之物！❤️‍🔥 首先，佢價錢唔貴，只係$330就有25g，好多時仲會有唔少贈品。支裝唧出嚟可以用到最後，唔會好似pump裝咁嘥左啲。😍 質地好保濕，一啲都唔厚重，推開有幾好嘅調色效果，而且有一種好自然嘅光澤感。但睇落唔會令人覺得誇張出油，嗰種光澤感好靚好自然。☺️ 佢有SPF15，平時出街用都得。我通常就咁用佢，普通黑眼圈痘印都遮到七七八八，持妝力都算耐，9個鐘都不會甩不會溶。有時會叠加粉底，呢支調色霜嘅抓粉能力都不錯，而且佢唔會令膚色變暗，呢一點我好喜歡！😘

Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然

ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻

Sophia好用推薦：ADDICTION 這支Glow Stick 105P Amber Glow 是淡淡的琥珀色澤，閃粉精緻適合日常使用，能恰到好處地打亮膚色，打造自然透亮的妝感。質地輕薄，延展性佳，很容易推勻，不顯毛孔。 由於是膏狀的打亮，我會用指腹沾取少量，輕點在顴骨、鼻樑和下巴等部位，然後輕輕印開，手指的微温能加倍令打亮與底妝融合，而且力度更好控制而不容易弄花底妝。當然每人要重點打亮的位置或略有不同，只要記住少量多次咁於想澎脹或提升的部位使用，就能改善臉部輪廓，打造立體妝容。 而打亮選色亦一樣重要，要配合自己膚色warm or cool tone，105P Amber Glow 屬暖橙色調非常適合warm tone膚色，不會顯得突兀，能自然地融入肌膚，打造彷彿從肌底透出的原生光澤感～✨️✨️✨️

Fng好用推薦：喺日本專門店買，粉質非常幼細，淡淡的紫色可中和本身偏黃的膚色， 妝感自然透薄， 我本身係偏乾膚覺得保濕度尚可。

Fng好用推薦：Addiction 晴藝星閃眼影｜ 手殘黨嘅「銀河入眼」 Addiction呢盒單色眼影（盛惠$200+一粒），成日俾人話係「日系清透感之王」 粉質與顯色：👍👍👍👍 (驚為天人) 一摸上去，個粉質幼滑到似絲綢，完全冇飛粉問題！顯色度屬於日系透薄掛，唔會一嘢落重手變熊貓眼，最正係閃片細緻到似星河，唔會浮誇到似Disco波波！ 上眼效果：✨ (心機滿分) 薄薄掃一層已經夠閃，日光下係低調水光感，燈光下先會露出微微星芒，呢種「小心機」效果真係無得頂！最啱返工想靚得嚟唔誇張嘅OL～ 使用神技： 1. 「指腹上妝」：用指腹按壓上眼皮，顯色度即刻翻倍 2. 「眼頭提亮」：掃少少喺眼頭，對眼即刻有神到爆 3. 「臥蠶魔法」：輕輕掃喺臥蠶，減齡效果即刻出嚟 溫馨提示： 💫建議用掃頭上妝，效果更透薄自然 💫可以混合幾隻色玩漸層，效果更特別 💫油眼皮記得先打底，否則撐唔到全日 同價位大比拼： •vs Laura Mercier：Addiction閃片更細緻，LM就珠光感重啲 •vs Celvoke：Addiction色選擇更多，Celvoke就更日系文青風 總結： 一顆值得投資嘅「眼影界白T

Wuxx好用推薦：唔係講笑，依個應該係唯一可以係冬天或者極乾天氣下使用嘅粉餅～ 有時帶妝耐得濟我會係日中落妝再上多次妝， 但無理由帶枝粉底液翻公司咁大陣仗， 所以我會隨身帶住粉餅，唔上妝都方便補妝～ 首先冬天嘅使用感係超級滿意！！ 佢上妝後時間耐左係變好靚好靚嘅奶油肌， 除左粉質本身好細滑之外粉質保濕度都非常足夠， 就算妝前保養做得唔太足夠都唔怕， 就算去北海道用佢底妝都係可以好貼同好持妝！ 所以連坐飛機我都係用依隻粉餅上妝～ 但香港依隻粉餅夏天用可能控油同持妝度會稍微不足， 鼻翼和下巴會比較容易出油，有脫妝嘅情況， 但其他部分都可以保持貼服嘅奶油肌～都唔太會暗沉～ **注意選色部分 我用最白嘅色號OC00都會有啲黃， 而換左佢最新出左嘅偏粉調嘅色號BP00之後就好少少 如果你日系粉底色用開明亮色、淺膚色之類可以參考下～

Noelle S好用推薦：四月已經有28度，工作有時要外出，出出入入冷氣地方，食完lunch必定溶妝。呢款maquillage oc10粉餅一開盒就用足一星期，非常適合混合乾皮夏天淡妝用。粉質綿綿的，遮瑕度ok，自然妝感，另加concealer遮黑眼圈，帶上粉盒隨時補補妝就可以last足一日。粉餅𢹂帶方便，上妝方便快速，旅行趕景點shopping又shopping早起搭車搭船，黎緊呢幾個月愈黎愈熱 #出國必備彩妝，遲啲去旅行都諗住靠佢。

🌸好用推薦：ANA全日空限定四色，於飛機免稅購買。 左上角嘅淺金色係092 Mariage，細緻順滑； 右上角帶閃粉嘅淺粉紅色係078 Sakura storm，猶如櫻花般溫柔如水； 左下角080 Cry baby，色澤粉嫩，好有春暖花開嘅感覺； 右下角085 Shanghai Breakfast,雖然唔清楚同上海有咩關係，但係呢隻色帶點深邃，令到呢個粉紅色調嘅眼影盤不顯眼腫。 總括而言，係充滿春夏風情嘅日系眼影盤。

shirley好用推薦：行Cosme時見到，多手試用就買咗返屋企… 外型小巧，半透明黑色蓋，簡單一個Logo 高級感100分 好顯色，而且顏色實用， 掙扎咗好耐買咩色，因為每隻都好好睇 而且閃粉好細緻，唔會有顆粒感。

Ressie14好用推薦：大大罐, 日日都有使用, 定一定塗防曬後啲黏笠感+增加啞緻感。 有幼細的閃底唔誇張的, 粉質好滑 , 帶少少膚色自然提亮 ，只會吸收臉多餘既油光。 平日護膚程序後用透明防曬 + 碎粉, EXCEL蜜粉就係我用開既產品。 個人認為CP值高! 喺日本當地藥妝店買, 圍起港紙 >$120 , 20g 抵用。 用完會再買第二罐啊 :)

Tyc@@好用推薦：2024版 顏色啱啱好，有少少修飾作用但唔會顯得厚重 適合中性至乾肌 中性肌可以持妝到夜晚

Kaze13579好用推薦：一直用開laura mercier，原先都冇諗住試其他牌子，不過喺addiction專門店試妝嘅時候又覺得OK喎，咁不如買嚟試吓啦。啱啱用晒成盒，可以講吓感受。 粉質尚算幼滑，粉撲都舒服好用。用完之後塊面唔會死白，持妝效果都比想像中出色。唯一缺點係真係比較細盒（個盒薄身，冇其他牌子咁厚，自然份量少啲）。都係made in japan, 品質保證！

mandy好用推薦：ADDICTION TOKYO EYEBROW MASCARA COLOR NUANCE 持色造型染眉膏 #102 Latte Blonde (Limited color) HK$225 （限定2色） ADDICTION 持色造型染眉膏的其中一款最新色號是#102 Latte Blonde，這個亞麻啡色是化妝師幫我選的色號，可以即時令眉毛的顏色變得柔和，看上去的氛圍更溫柔，不會像很多日系開架品牌的眉Gel般偏向難carry的啡金色。 使用時只需先用眉筆畫好眉形，之後才用持色造型染眉膏由眉頭梳至眉尾，既可為眉毛染色，同時將眉毛梳理整齊及定型。眉頭可以輕手一點，避免眉頭因太重手而過度顯色。 ADDICTION 持色造型染眉膏的設計細細支，很容易及方便使用，即使零技巧也可以幫助梳理出整齊的眉毛，細細支帶出街用也不佔空間。持久度方面相當不錯，可以維持一整天。 此外，市面上亞麻色系的眉gel也不多，#102 Latte Blonde是限量色號，喜歡的話要趕快入手。 ADDICTION 持色造型染眉膏的價位定在中價位置，比開架品牌貴，也比很多專櫃品牌便宜少少。持色造型染眉膏品質優良，容

choichoi好用推薦：用來打造淚袋效果一流，比想像中要持久，很均勻柔潤不易結塊，比Exxxx Hxxxx的淚袋筆好太多了(￣∇￣)｜｜