平價唇膏 推薦好用產品

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

Hellobeauty 好用推薦：KATE 怪獸級持色唇膏係我回購咗好幾次嘅唇膏產品,而我情有獨鍾03號暖陽奶茶色 我絕對認同呢個產品係好保濕,好顯色；我平時鍾意查一層營造有色潤唇膏嘅效果,喺無化妝嘅時候,只塗一層已經可以提升氣息,同時又唔會誇張唇色成為焦點,低調地令自己開心啲 而且我感受到佢嘅保濕技術,令到我本身偏乾嘅唇,突顯脫皮嘅情況,只會出現持久水光感的感覺 溫馨提示:因為佢係極水潤嘅唇膏,呢個絕對係佢嘅賣點,所以我從來唔會用其他唇部產品疊查上去,否則我覺得太浪費佢功用啦😂

Emily Leung好用推薦：今次入手嘅係Canmake唇膏16號，即係好多人講嘅「肉桂奶茶色」或者「高級焦糖棕色」，呢支真係開架入面嘅寶藏色。如果你係鍾意自然溫柔、有氣質嘅妝感，呢支好大機會啱你心水。 先講顏色，佢個名已經講咗一半。所謂「肉桂奶茶」，即係唔係死實實嘅棕色，而係一種帶住啲暖調、少少紅調嘅柔和啡色。擦上嘴唔會好似飲完朱古力冇抹嘴，而係似本身唇色透出嚗一種好健康、好溫暖嘅色澤。薄薄擦一層，就好似你本身嘴唇好紅潤咁，好自然。 如果你擦厚一兩層，個「焦糖」感就出嚟啦，會有種好濃郁、好秋冬嘅感覺，好襯冷衫同大衣，望落真係有啲高級感，唔似幾十蚊嘅貨仔。對黃皮膚好友善，好顯白，唔會病懨懨。 跟住講質地，呢支嘢嘅賣點就係「滋潤」。佢完全唔乾，擦個陣好順滑，好似擦緊一層好薄嘅奶油咁，即刻幫你撫平咗啲唇紋。上嘴係一種好靚嘅水潤光澤，唔係誇張嘅玻璃唇，而係好似本身嘴唇狀態好好、好飽滿咁。因為佢咁潤，所以就算你嘴唇有少少甩皮，用佢都唔會顯眼，反而有啲修飾作用。 當然，有優點就有代價。因為佢咁水潤，所以持久度就一般啦。飲杯水都會印走少少，食個晏大概就要補一補。不過好彩佢甩色甩得都算均勻，唔會淨係甩中間變個「唇圈」，

Desse好用推薦：Canmake Stay-On Balm Rouge（09號色） 一款日系開架潤唇膏，主打絲滑滋潤同自然顯色，適合日常妝容或素顏上妝， 09色號係深酒紅調，帶點柔美暗紅，顯色度中等偏高，有小小閃粉，日常番工用啱啱好 質地如奶油般滑順，推開感覺滋潤唔黏膩，含豐富保濕成分如維生素E同植物油，塗上後唇部即時水潤有光澤，唔會強調唇紋或乾燥脫皮 個人覺得呢個色號秋冬用最適合，顯得氣色唔錯 持久度約2-3小時🧐 留意位🥸 飲水會留色喺杯度，唔至於見到成個咀唇，但都有3-4成🧐 極乾唇必需先打底！如果唔係冷氣房會覺得唔夠潤 但我自己用就點都打底先， 預防食唇色🥸 總結嚟講，顯色度夠，整體溫和無刺激，敏感唇都OK，cp值唔錯👍🏻

Emily Leung好用推薦：【轉季啱晒🌷】Canmake柔潤亮澤唇膏 T04 實測 轉季天氣，個嘴仔特別容易乾到爆拆，搵唇膏又想有顏色又想夠潤，真係頭都大！放心，今次幫大家實測呢支Canmake Stay-On Balm Rouge嘅T04色，睇下佢係咪傳聞中咁「打得」！ 📍包裝同質地 Cutie嘅包裝，一向係Canmake嘅風格，細細支放喺個袋度超方便。支唇膏係冇防曬度數嘅，唔使驚嘴唇會變黑。質地真係好似佢個名咁，超級柔潤，好似搽緊唇膜咁，完全唔使點用唇膏打底都順滑。 📍轉季用後感：優點大檢閱 1. 水潤唔黏立，啱晒轉季！💧 佢嘅潤係帶少少油潤感，但絕對唔會黐脷嗲，好似俾層保護膜包住個嘴咁，轉季時嘅乾燥感即刻消失！就算你嘴唇狀態唔係幾好，有少少死皮，佢都可以修飾到，唔會卡色。 2. 顏色清透，日常必備！✨ T04係一隻好靚嘅蜜糖茶色，帶少少橙調，好百搭！上嘴好清透，可以疊加塗搽嚟增加顯色度。無論係素顏、返工定返學，用呢隻都絕對唔會出錯，自然好氣色，好似本身個嘴就係咁水潤咁靚！ 3. 性價比超高！ 百零蚊就有交易，平過好多專櫃品牌，可以話係開架之王！買多幾支唔同顏色都唔肉赤。 📍有咩要注意？ · 如

Fng好用推薦：Canmake柔潤亮澤唇膏#06｜秋日溫柔系唇色 ✨ 質地與顯色度 呢支06號係半透亮奶油質地，推開順滑唔卡唇紋，帶點玫瑰豆沙調嘅溫柔感！薄塗一層已經有好氣色，厚塗兩層會更顯色，但都保持住自然透亮感，唔會濃艷～ 🌟 滋潤與持久度 保濕力值得一讚！試過秋風吹足半日都冇爆皮，唇部依然保持柔軟～不過食嘢會掉色七成，飲熱飲都會印杯，建議隨身帶住補妝～ 💔 美中不足 · 遮蓋力普通，深唇色人士可能要先遮瑕 · 膏體偏軟，扭出太多容易斷 · 持久度一般，要經常補塗 💡 使用小貼士 1. 唇況差時：先薄塗潤唇膏打底，再點印上色 2. 加強持久：塗完用紙巾輕抿，再疊塗一層 3. 打造咬唇：唇中央厚塗，向外暈染開 4. 補妝急救：直接疊塗都唔會結塊 性價比：★★★★★（5/5，$50蚊買到專櫃質感！） 適合：學生黨、淡妝愛好者、追求日常好氣色嘅你～ #Canmake唇膏06 #換季 #秋日唇色 #開架唇膏

糯米喵好用推薦：之前係thread到比人燒話呢枝上唇效果好靚，所以買左枝07試下佢顏色睇落比較春季型，黃皮都岩用，係素顏既時候搽睇落十分之提血色，所以日常通勤我都必帶住佢，搽一搽個人就會醒神好多我自己最中意就係佢有薄荷成分，個嘴會涼浸浸，係夏天消暑神器！同埋佢十分之潤，直接當潤唇膏使用都冇問題。整體黎講我會keep住回購！

Fng好用推薦：CANMAKE Tokyo 持久豐盈水潤唇膏 #02 🌸 色號特性： • 蜜桃珊瑚橘調（黃皮友好） • 半透明水潤質地 • 微細金銀閃粉 ✨ 使用體驗： · 智能顯色：根據唇部pH值呈現自然紅潤感，薄塗似天生好氣色，厚塗顯元氣橘調 · 鏡面水光感：油脂基底打造日系玻璃唇效果，豐唇視覺達30% · 持久不拔乾：實測進食輕餐後顏色保留60%，持續保濕4小時 ⚠️ 注意事項： · 覆蓋力有限：深唇色需先遮瑕打底才顯色 · 黏膩度存在：長髮容易被風吹黏唇 · 補妝需技巧：直接疊塗易結塊，建議先擦掉殘色 💄 上妝技巧： 1. 紙巾輕抿後再塗一層，增加持久度 2. 中央點塗透明唇蜜，立體感倍增 🌞 季節搭配指南： ✅ 春夏：單用打造果汁唇妝 ✅ 秋冬：疊擦霧面唇膏增加層次感 ✅ 冷氣房：定期補塗凡士林打底防乾 總結：百元內的日雜誌唇膏典範！特別適合追求自然青春感的黃皮學生黨，但注重妝容精緻度者需搭配唇刷使用～🍑 #CANMAKE唇膏 #日系水潤唇 #黃皮唇膏

Sakura醬好用推薦：Cezanne 潤彩唇膏（色號105）詳細測評 1. 質地 · 觸感：質地真係好潤，好似搽緊潤唇膏咁順滑，完全唔使用力推。 · 上嘴感覺：非常輕薄，冇厚重感，唔會黐立立或者好似有層蠟咁。 · 滋潤度：內含美容油成分，保濕力好足，就算嘴唇有少少乾或者甩皮，搽上去都唔會顯唇紋，仲可以即時撫平乾紋。 2. 顏色（色號105） · 色調描述：105號係一隻自然透亮嘅豆沙粉紅色，帶少少暖調，唔會偏螢光或者偏冷。 · 顯色度：屬於清透型顯色，唔係實色嗰種，顏色會根據本身唇色透出嚟，睇落好自然，好似本身嘴唇嘅紅潤感。 · 適合膚色：黃皮同白皮都友善，好易駕馭，適合日常、返工、見家長，係一隻「偽素顏」必備色。 3. 持妝力 · 持久度：因為質地水潤，唔係長效持妝型，大概可以維持2-3個鐘左右，食嘢飲水會容易甩色。 · 補擦需要：需要帶出街補擦，不過佢夠潤，補擦嘅時候唔會起屑或者越補越乾。 · 甩色後情況：甩色後唔會剩返一圈唇線，而係均勻咁褪色，嘴唇依然保持滋潤感。 優點 1. 極致水潤：真係好似潤唇膏咁保濕，乾唇人士恩物。 2. 顏色自然日常：105號色百搭唔挑人，素顏搽都即刻提升氣色

YYeman好用推薦：Cezanne 潤彩唇膏 #102 測評 包裝同設計： 呢支唇膏嘅包裝簡單實用，係開架品牌一貫嘅風格。雖然唔算好華麗，但輕便易攜帶，而且價錢親民，適合日常用。 質地同滋潤度： 質地好順滑，塗上嘴嗰陣好易推開，唔會卡唇紋。滋潤度幾高，有少少光澤感，但唔會太油膩。就算嘴唇本身比較乾，用咗之後都覺得好舒服，唔使事先搽潤唇膏都得。 顏色同顯色度： #102 係一隻自然嘅玫瑰豆沙色，帶少少暖調，好適合亞洲人膚色。顯色度中等，可以慢慢疊加到理想嘅顏色。薄塗一層會有好自然嘅好氣色，厚塗就更加顯氣質，適合日常通勤或者淡妝。 持久度同飲水食嘢： 持久度算係中等，如果唔係大食大飲，大概可以維持3-4個鐘。飲水會輕微脫色，但唔會完全消失，就算脫咗色嘴唇都仲有淡淡嘅色澤，唔會變到好蒼白。 優點： 1. 價錢平，性價比高。 2. 滋潤度好，唔使擔心嘴唇乾。 3. 顏色自然百搭，適合日常同上班用。 缺點： 1. 持久度一般，需要補塗。 2. 包裝比較普通，冇咩特別設計。 總結： 如果你想要一支平價、滋潤、顏色自然嘅唇膏，Cezanne潤彩唇膏#102係一個唔錯嘅選擇。尤其適合學生同上班族，性價比高

Emily Leung好用推薦：日本品牌cezanne銷售王唇膏 日本開架品牌Cezanne向來的唇膏都出名夠滋潤顯色，同時塗在唇上也絕不會顯唇紋，受到不少女生的大愛！ 在BE系列中，最最最讓女生心動的唇色就是BE-1的色號，也被日本女生譽為“自身柔焦裸粉色”！ 以紅潤粉色為主色調，透明質感隱約透出裸粉唇色，而且雙唇還看起來超水潤飽滿，溫柔魅力都輕輕散髮出來，令人很想馬上親一口！ 就算素顏出外，塗了這支BE-1唇色，呈現迷人的粉紅色澤，除了可以馬上提亮氣息，最重要是別人絕對察覺不出你的小心機，裸粉自然雙唇讓你自帶仙氣。

Emma W好用推薦：CEZANNE長效光亮唇膏質地水潤滑順，一搽即帶來自然光澤與好氣色！101號色係豆沙色，好適合秋冬天時使用。其潤澤度，不顯脣紋，顯色度適中，能修飾唇色，疊擦更飽和。但持色力就不太行，用紙巾印幾下就冇左個脣色。保濕效果優秀，乾唇也能舒適使用，無香味，卸妝容易。 適合肌膚：任何 滋潤度：4/5 光澤度：3.5/5 持妝度：2/5 值得推薦度：3.5/5 （建議秋冬天時使用）

Vivian好用推薦：唇膏塗上是光澤顯色，主打持久不脫色，的確在光澤型唇膏裏面不錯，類似Kate怪獸唇膏，而且價格便宜，開架品牌值得一試

綺羅香好用推薦：由於Visee 嘅開架唔係度度都有，趁圍方新開，特登去嗰邊藥妝店搵呢支係日本比Kate怪獸唇膏更加搶手嘅黏膜持色唇膏，竟然誇張到全部色號都無貨，連試用都無，唯有搵代購買兩隻最熱門PK850同PK851，咁啱係近排行過cosme store見到仲有貨，快快手再買多支OR250 所謂黏膜感，即係模仿嘴唇內黏膜濕潤嘅血色感，自然而柔焦，迷人又睇落無害，係日本逐漸流行，Visee 只係出咗6個色號，選擇唔多，不過色階跨度夠大，唔算難揀，圓柱形黑色外殼，有少少墜手，主打媲美怪獸唇膏嘅持色能力同埋黏膜色，色彩飽和度高，搽兩層已經遮哂原唇色，上唇觸感舒服，唔黏，滋潤度足，有好靚嘅緞光光澤，官方話要等60秒成膜，持色能力先會比較好，不過我發現飲水食嘢都係會甩咗一啲，不過係接受範圍內，出門最好帶埋去補妝，跟住係PK850、PK851同OR250各評 PK850，兔子戀人，代言人子瑜使用色，超級無敵難買到嘅色號，我搵咗好多間代購先買到，但後尾發現cosme store 返咗貨😐，隔幾日再去又俾人搶哂，非常粉嫩嘅珊瑚粉色，無螢光感，搽完感覺個人後生好多，難怪係大熱色號 PK851，任性的肉球，模仿貓咪手

Fng好用推薦：#119 新版沒有舊版咁滋潤，舊版搽一次已有滋潤感覺 ，新版要搽三次先有。

Noel好用推薦：購買這款 OPERA 唇膏N，主要因為品牌在日本很火紅，又是 @cosme 唇蜜 No.1，加上它的金管唇膏使用效果不錯，所以就入手了一枝❣開架品牌而言，這個 product 有10色選，橘、紅、粉都有涉獵，滿滿誠意！ 基本上單塗這個唇膏，就能打造光澤感，像果凍一般，很Q很水，日系可愛妝容適用❗唇膏滋潤感不錯，不用護唇膏打底也可以，塗到唇上很流暢👍囗罩不用帶了，塗塗光澤感唇膏就無錯了！唇膏持久度一般，容易 transfer 同沾杯，顯色度4成左右，不能飽和。

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

Verna好用推薦：我看youtuber介紹這品牌的唇膏，真的有點心動，想買來試試 我在個人護理店閒逛時看到這支唇膏，它的金屬外殼真的很有質感，我選了色號#05 roasted brick，是經典的秋冬色，顏色很美。它的質感很順滑，而且很顯色，還原度高，最重要是塗上咀後不太乾，所以它是我這個冬天的大愛❤️ #火熱新品

choichoi好用推薦：潤一層已相當顯色，膏體也相當柔滑，持久度高不易脫落，令我印象不錯的一個台灣品牌

Noname 好用推薦：#555 好喜歡，價格便宜，素顏，淡妝也可以，我先用潤唇膏再塗 缺點：易掉，常要補塗，但也不礙事

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。

shadow影子好用推薦：色澤豐滿顯色度高，而且無難聞氣味，幾乎冇任何氣味，所以係我好鍾意用嘅其中一支唇膏。

Kura好用推薦：呢款唇膏用黎化日常妝好靚，唇膏顏色飽滿，搽上嘴唔顯唇紋，價錢好平

橘子貓好用推薦：Melty Luminous Rouge Tint Type 兩款柔潤亮澤唇膏都有入手，因為唇膏頂的立體心心很可愛❤️ 染唇版色號是#T05，日本美妝界說它是Suqqu唇膏#12 kinichou 的平替，結果超難買，到處斷貨。最後反而在Sasa買到，意外。 坦白說，#T05顏色可以稱得上是口黃了，非日系膚白妹子很難駕馭。 質地滋潤，水潤妝感，因為#T05本來顏色不深，染唇效果雖有但很淺，自然也談不上什麼持久度。 兩款唇膏其實使用感、質地、染色效果都差不多，持久度只是根據色號顏色深淺有分別，大家可按自己的需要和喜好去選擇。

葉子🍃好用推薦：塗上唇時好似無搽唇膏甘，但又有保濕同滋潤，唔會感覺笠，搽上一陣就見佢染左唇色，感覺自然，補妝亦唔會一撻撻，但持久力不強，如果喜歡水潤感，應該會鐘意

Cosmeemee好用推薦：係我第一款用嘅唇膏🤣 有少少香味，幾好聞 我認為呢款唇膏比較Creamy 用得耐就會有少少乾， 建議用之前可以搽咗潤唇膏打底先🤭

格仔餅公主好用推薦：有少少香味既唇膏，如果本身嘴仔乾建議搽潤唇膏打底，佢唔係好保濕，如果有死皮會幾顯眼添㗎，顯色度就麻麻哋唔係好實色個種

Anna好用推薦：質地滋潤、持久顯色，不易甩色及暈染，更能鎖水及撫平唇紋，碓實唔錯。推薦俾各位愛美的姊妹們使用啊~

Circlecyy20好用推薦：平平地用黎出行補妝用 用上嘴都幾水潤 同埋顏色幾顯色 四學通用

LenaC好用推薦：Whomee 嘅唇膏無論係 🌸色彩或是 🌸質地或是 🌸設計包裝 都能讓所有女生變得更加可愛💟 唇膏總共推出五色 我偏愛百搭嘅紅棕色 唇膏擦起來係比較霧面嘅感覺 但唔會乾 亦都唔會顯死皮！！ 心動了嗎💓💓💓💓 反正我是極喜愛的😘

mandy好用推薦：WHOMEE Lip Stick                                                     $133 共買入3枝 唇膏, 在試用全部色系後 決定入手的命定3色。 唇膏柔滑易塗, 而且不會令雙唇乾燥~ WHOMEE Lip Stick#O.B flush red 這是血色感番茄紅, 能令整個人看上去更精神。   WHOMEE Lip Stick #W.W flush pink 我明白不是每個女生都喜歡粉色, 所以推介這個色號。 粉色有時會給人太甜美或幼稚的感覺， 而這個粉色卻是達到自然及血色感的優秀平衡。 即使輕熟女或不同年齡都不妨使用這個色號， 能令面容不會顯得蒼白。 跟淡妝配搭也自然好看， 是非常實用、可以天天使用的唇膏! WHOMEE Lip Stick #Want 這是開架品牌少見會有勇氣推出的色號, 像是 Dark Chocolate 的獨特深色。 我本來也不太嘗試這種色系, 不過在日本雜誌看到推介這個色號， 而且從這個色號的美妝照, 發現很能改變整個人的氣場， 於是決定入手一試。 的確有其獨有的魅力, 個人認為比較適合

Akassoo好用推薦：自己用開有色潤唇膏💄，innisfree嘅水嫩亮澤潤唇膏嘅顏色都係水潤同玻璃色澤、無論邊隻色都好睇。自己用過4號（玫瑰磚紅色）同5號色（櫻桃汁色），而圖中呢支係5號色。 自己鍾意用有色潤唇膏嘅原因係佢啲色冇咁實；不過同樣地，呢樣嘢缺點就會係經常需要補妝，啲色好快就會甩，所以經常需要補返色，特別就係食完嘢之後都要補返妝。 呢款有色潤唇膏顯色度都高、而且夠保濕同水光，有時就算素顏出街，只要搽一搽呢支都起碼有返啲氣色。

Lukeee好用推薦：Innisfree無重柔澤唇膏，質地水潤，有一個水光的效果，顯色，不過易甩，但不會顯死皮。

Kura好用推薦：呢款唇膏雖然係啞面唇膏，但搽上嘴顏色超靚，完全唔會顯唇紋，價錢好平

kameari好用推薦：顏色上是不錯，也很上色，感覺厚實，但顯唇紋，一定要保濕之後塗。

Verna好用推薦：這支唇膏的外型設計很簡約很吸睛，它是金屬外殼，不同顏色的唇膏，外殼也是不同顏色的，所以對於我這種有選擇困難症的人，真的有包色的衝動🙈 終於... 我選了#4 盛開薔薇，它是類似珊瑚色 它的質地很滋潤，搽完雙唇很亮澤，因為它蘊含椰子油和芒果籽油成份，所以它標榜一支唇膏可以代替潤唇膏和唇蜜 而且它很顯色，輕輕一層，顏色已經很美很自然，如果厚搽的話，就會變得很嫵媚，感覺很有女人味😝 所以我通常日間返工就薄搽，晚上約了朋友就厚搽。我覺得這是它另一個優點，一支唇膏就可以有兩種妝效，很方便

janna17好用推薦：便宜好用！顯色而且濕潤度高，搽完明顯有氣色感加上顏色嘅調配又唔會太顯老！！係韓國唇膏獨特嘅氣質感👍🏻👍🏻金屬包裝好高貴，而且好少少似玫瑰金色，好靚👍🏻👍🏻👍🏻仲要不顯唇紋！！大推介！！