ETUDE 好用推薦產品

Chloeincosme好用推薦：Etude house大部分彩妝都鍾意，唯獨呢枝眉筆麻麻地。 呢枝04色，睇圖係啡灰色，實際係純灰色。 另外，佢既筆頭都可以改進一下🥲 如圖可見，佢個頭偏粗，無辦法畫到好精細既線條。（但佢叫柔滑精細眉筆😂🥲）上色尚算順滑，軟硬度適中唔會好易斷，但如果流一流汗眉尾就冇晒🥲😂 或者 #轉季 會岩用少少？ 總結： 唔會回購🥲🥲

Zc好用推薦：Etude House呢枝眉筆性價比極高 只係十幾蚊就有齊眉筆眉掃，而且有好多色號 可以襯返唔同髮色

Cosmeemee好用推薦：已經用了Etude House很多產品 這款眼影適合四季～ 🤭 🌟平時嘅日常妝容都可以使用 🌟自然又方便，不易飛粉 🌟性價比高，適合新手🙌🙌

羅小白好用推薦：佢嗰六個配色好實用，全部都係大地色，基本上大部份嘅膚色都啱用，但係有樣嘢唔好就係，去到比較濕熱嘅天氣就好容易溶，眼皮上面嘅顏色會變成一舊，同埋啲眼影會攝晒落去條眼皮入面，所以一定要用定裝噴霧。 但有樣嘢最值得一讚嘅係，個包裝真係好靚

Sanna Cher好用推薦：麵包盤的眼影調色極度新手友善，而色調方面主要以中性為主，冷色暖色及閃粉部分佔少數，而10個色調可以配搭至少2個妝容，每次使用4色。利用左2顏色，掃在眼窩中後部分，重覆動作3次，已見效果明顯。使用左8，為眼線補上顏色。然後利用閃粉，加在眼頭及眼窩中間，見橘色效果因棕色而減少。完妝照片，是非常適合使用在日常妝容的產品。

Sakura醬好用推薦：Etude House眼影盤bake house秋冬實測！🍂 轉秋冬季終於可以同溶妝講bye bye！但係呢排天氣乾燥，啲眼影成日飛粉又唔顯色... 又拎出珍藏嘅Etude House「麵包盤」，真係可愛到唔捨得用啊！ 🍞 柔軟粉質似真麵包！ 一打開盤真係「嘩」一聲！啲粉質摸落去軟綿綿，好似按緊真嘅麵包咁～ 轉季天氣乾燥用佢都完全唔飛粉，上眼超貼服，冇掉粉落塊面度搞到污糟邋遢！ 🎨 秋冬色系超百搭 成個配色都係暖洋洋嘅大地色+奶茶色，仲有隻好靚嘅楓葉紅色～ 無論係想化日常妝，定係去event化濃啲都得！最正係啞光同珠光比例啱啱好，唔會太閃令眼腫腫哋～ ❄️ 持久度令人驚喜 試過戴住口罩行街成日，眼頭出油位都冇積線！個妝keep到放工都依然靚靚～ 而且佢顯色度適中，新手點亂化都唔會變「熊貓眼」啊！ 💡 轉季小貼士 天氣凍咗可以先用指腹上珠光色，再用化妝掃暈染啞光色～ 咁樣個眼妝會更加持久同有層次感！ 總結： 如果你轉季想搵盒平靚正、粉質又唔會太乾嘅眼影，Etude House麵包盤真係好抵玩！細細盒帶出街又方便，仲要成個包裝可愛到犯規～ 今個秋冬就等佢陪你打造暖暖哋嘅溫柔眼妝啦

Chloeincosme好用推薦：Etude House嘅Curl Fix Mascara，好多人話佢係“時代嘅眼淚”，但我覺得佢真係開架眼妝既滄海遺珠，超好用！佢持久度勁高，試過帶妝超過12個鐘，完全唔會溶到變熊貓眼，睇戲喊都冇問題。用左佢既眼妝靚勁多🥹 唯一嘅缺點就係個刷頭有啲大，新手用嘅時候要小心啲。（仲有個唔好處係好難買😂🤣） 小tips: 用任何Mascara之前用紙巾印一印，等佢冇咁濕，出黎既效果會好好多！

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

Tszki好用推薦：配色邏輯簡單,通常包含霧面打底色與細緻珠光色，讓新手也能輕鬆完成有層次感的眼妝。 粉質服貼, 部分系列含有吸油粉末，能增加妝容持久度，且閃粉細緻、不顯廉價。 性價比極高,價格親民，一盤多色（通常為 9 或 10 色），單色攤算下來非常划算。 攜帶方便,體積小巧且外殼堅固，是旅行或隨身補妝的好選擇。 顯色度中等, 對於追求重口味或歐美妝感的用家來說可能過於清淡。 輕微飛粉,部分亮片色或顆粒較大的閃粉會有飛粉現象，建議用手指上妝會更貼合。 內附刷具一般,附贈的眼影棒或刷頭不太好用，建議自備專業刷具。

Sakura醬好用推薦：眼影｜秋天落葉妝🍂 🍂Etude House嘅MAPLE ROAD楓葉之路 9色棕紅色系眼影盤 5個啞色➕4個珠光 喺陽光底下靚到不得了！ 配色勁百搭 對新手都勁友善 點樣配都唔會出事😄 啞色粉質好軟糯 細閃亦都做得幾靚 唔結塊唔飛粉～◉‿◉ 十分推薦

chasiutung好用推薦：Etudehouse依款單色眼影有好多顏色選擇 顯色度吾錯 容易推開 吾算太飛粉 質地柔滑 好推開 持久度不錯

KDing好用推薦：飛粉嘅情況唔算高，但係勝在顏色多，而且平價已入手，所以簡單使用喺日常妝容都好好

mandy好用推薦：Etude House 0.2mm Therapy Air Mask [Hyaluronic Acid]  透明質酸0.2mm超薄植物纖維面膜 功效: 保濕鎖水 + 令肌膚更平滑 透明質酸0.2mm超薄植物纖維面膜 適合所有膚質使用, 而且一年365天都可以用這款面膜, 保濕是沒有休假的。 雖然 透明質酸 這類保濕面膜 在市面上有很多, 但性價比高, 又有一定品質的話, 透明質酸0.2mm超薄植物纖維面膜 是冇得輸! 這款透明質酸保濕面膜 的保濕鎖水功效非常好, 而且完全不油不笠, 使用感好舒適! 炎夏時, 如果可以預先放在雪櫃再敷會有降溫的效果。特別是如果您日間在戶外如海灘長時間曬太陽, 晚上如果用放過雪櫃的透明質酸保濕面膜 好好護理舒緩肌膚, 很簡單又方便。去旅行帶幾片透明質酸保濕面膜也很不錯, 又不佔太多空間。 使用時, 肌膚在滿滿面膜精華中 密集保濕, 令人特別享受敷面膜的放鬆時間。反正面膜完美緊貼面膜, 完全不會掉下來, 一面敷面膜, 一面睇電影/電視劇/打機也可以, 好relaxing! 使用後, 肌膚水潤動人, 尤如叉足電的電芯~ 含保濕成分: 雙丙甘醇, 甘油, 

KDing好用推薦：面膜質地十分之薄，但係精華唔會話太過少而唔滋潤，效果算係唔錯。

Desse好用推薦：Play Color Eyes 4色眼影盤 Kisses 🛑先講！化妝新手雷區🛑 原因： 極 顯 色！ Play Color Eyes 4色眼影盤 Kisses是韓國品牌 Etude House嘅一款 #眼影 盤 包裝好似一粒kisses嘅朱古力🍫 連眼影都有朱古力味嫁💓 💡顏色方面 我手上嘅金色Kisses 眼影盤有4種唔同感覺嘅橙金色🧅 可以輕鬆混搭出日常同派對妝容 如果懶少少. 我有時淨上右邊隻橙啡色就算🤣 有漸層得嚟又有少少閃粉.. 隻色都幾消腫 💡質地方面 眼影的質地比較幼細…非常顯色💓 珠光或閃粉就比較大粒.. 但整體嚟講比較易飛粉 🔔小小tips🔔 係上眼影前.. 先喺下眼皮先上一層碎粉 就算飛粉.. 都可以輕鬆印走 值得留意嘅係…. 🏮閃粉狀態唔持久 帶有閃粉嘅顏顆粒比較大.. 都幾容易掉粉.. 最好配搭吓閃粉液用 🏮包裝盒比較大 包裝盒雖然好靚… 但size比較大 一般嘅化妝袋裝唔落😥 帶出街用比較唔方便 🧏🏻‍♀️🧏🏻‍♀️🧏🏻‍♀️總結吓 Play Color Eyes 4色眼影盤 Kisses係一款適合日常妝容嘅眼影盤 特別適合鐘意化妝用同一色調

WinWin好用推薦：一年四季都啱用嘅百搭眼影，大地色系用於平日嘅妝容，非常好看！！！

Noel好用推薦：Etude House 有心之作，雖然已經絕版了，但相信還有其他平台可以購買。而且 Hershey's 聯乘系列，就只有兩個色號，如果有喜歡的顏色就入手吧~ Hershey's Powder Rouge Tint #RR402 #아몬드초코 #AlmondChoco 我連同 Cookie and Cream Palette 一起入手，本來只因為化妝品和朱古力品牌🍫合作才會購買。用後感覺這枝唇釉顏色很合我心意，質感有點像 mousse 非常 creamy，塗到唇上很順滑👍加上雲呢拿朱古力香味，實在大加分呢❣ 需要留意，因為是霧面唇釉的關係，雖然塗完後會變很啞緻，但仍然會沾囗罩的。建議薄塗唇釉，待乾後用紙巾輕壓一下啊❗

Kura好用推薦：顏色好靚，搽上嘴唔算好乾，搽上嘴可以打造到好有氣場嘅妝容感覺，但係價錢偏貴

羅小白好用推薦：呢隻眼影好多人話同某個歐美品牌好似，但佢價錢平好多，同埋咁多隻色，可以有多啲組合出嚟，而且本身呢個牌子嘅眼影佢嘅持妝都唔錯，不過就有少少飛粉。 我去water bomb嘅前提之下，係不停淋水嘅情況都可以去到夜晚都仲有顏色，雖然預咗點都會甩，但佢嘅表現比我想像之中好，未至於一啲顏色都冇晒。 日常用嘅話，出去都唔使點樣補色，絕對對得住呢個價錢。

jaye好用推薦：韓牌既眼影一向都唔錯，酒紅色系，顏色一樣自然，亦更顯氣色，顯色度不及歐美品牌高，勝在可以慢慢疊加，唔怕失手，粉質都算細緻，唔會飛粉，亦貼服，閃粉亦夠幼細，令到眼妝自然精神，比起大地色系，自己更鐘意酒紅色系，性價比又高，推！