開架面膜 推薦好用產品

Sakura醬好用推薦：#火熱新品 今日同大家實測嘅，呢熱賣嘅新品—Hada Labo 水光燈睡眠面膜 💡 開箱第一印象：靚靚水光燈！ 首先個包裝已經好加分，漸變藍色真係好似「水光燈」咁，擺喺化妝枱都靚啲！ 打開之後，佢係一個闊身嘅罐，入面有個膠分隔住，好衞生。 最驚喜係佢嘅質地！係QQ彈彈嘅啫喱狀，好似巨型嘅透明蘆薈粒咁，入面仲有好多藍色嘅微小光澤粒子，輕輕推開就融咗，唔會話一撻撻藍色喺塊面度。好治癒！ 🧴 搽上面嘅感覺：舒服到想即瞓！ 洗完面做完基本護理，就輪到佢出場啦！ 雖然係睡眠面膜，但一啲都唔黐立，好快吸收。我鍾意搽厚少少，當做晚間急救。特別係開住冷氣瞓覺，塊面好容易乾，搽完佢之後，好似形成咗一個水份保護膜咁，鎖住晒之前搽嘅精華。 佢嘅香味係好淡好淡嘅清香，冇人工香料味，敏感肌嘅朋友都值得一試！ 🌟 用後實測報告 好嘞，到咗最緊張嘅時刻！朝早起身洗完面，塊面係咩感覺呢？ 1. 水潤感： 真係有驚喜！塊面飲飽水咁，摸落去好滑溜，完全唔繃緊。佢嗰個「水光燈」效果真係睇到，塊面有種自然嘅透亮感，唔係死白，而係健康嗰種光澤，後續上妝都貼好多，完全唔卡粉！ 2. 毛孔情況： 因為夠水潤，鼻

Miranda好用推薦：質感：水凝柔滑，清爽零負擔 同傳統睡眠面膜嗰種黏笠感完全唔同！佢係乳白色水凝霜質地，好似軟滑雪糕咁。輕輕一推已經延展得好開，皮膚吸收勁快。最正係敷住過夜都完全唔黐頭髮、唔黐枕頭，清爽到幾乎感覺唔到佢嘅存在，無論邊個膚質用都會一試愛上！ 使用感：秒速吸收，薄塗都水潤 用之前做好基本護膚，喺面霜步驟薄薄搽一層代替晚霜就搞掂。佢一上面就迅速吸收，唔使等好耐已經形成透明薄膜。第二朝起身洗面，皮膚明顯水潤飽滿，仲散發自然光澤感，好似飲飽水咁。而且完全冇香料，敏感肌用都好放心。 持久度：全日水潤，上妝極貼服 佢嘅持妝效果超乎想像！朝早化妝時粉底極之貼服，完全冇卡粉起皮問題。最驚喜係就算喺冷氣房返工一整日，皮膚到下午依然keep住水潤。捱夜後用佢急救，第二日塊面都唔會暗啞殘樣，照樣保持透亮感。 性價比：平民價錢享受水光肌 定價$279有100g大容量，以開架睡眠面膜嚟講性價比極高！每次用量只需一粒黃豆大小，一罐起碼可以用足3至4個月。佢係日本樂敦製藥同曼秀雷敦共同研製，信心有保證，以呢個價錢買到專櫃級嘅保濕提亮效果，絕對係小資女恩物。 整體嚟講，呢罐水光燈面膜無論質地、即時效果定持久度

Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨

Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！

Georgia好用推薦：我本身係混合偏乾嘅敏感肌，平時簡面膜真係好大壓力，因為好驚用啲太滋潤嘅面膜會搞到出晒暗粒，但唔夠潤又會搞唔掂面頰乾燥脫皮嘅問題😕 最近終於試咗La Roche-Posay呢隻B5 Cicaplast B5 pro極效修復面膜，真心覺得唔錯，一定要同大家分享下！ 首先，最鍾意佢面膜紙夠薄夠貼服，塊臉每個角落都照顧到🥹佢入面啲精華係偏向清爽，完全唔會覺得黐笠笠，完全無任何刺激或者拮拮地嘅感覺👍 以前一到轉季或者皮膚發紅受損嗰陣，敷完其他面膜可能過咗一陣，啲水分就揮發晒同埋會有刺痛嘅感覺，但呢款面膜嘅保濕力同修護能力都非常之好，入面嘅成分好似真係入到皮膚底層咁。敷完第二日起床，塊臉都唔覺得乾，仲帶點自然嘅光澤感，最驚喜係連原本面頰嗰啲泛紅都退咗好多，皮膚變返穩定✨💖

Misaki ceci好用推薦：呢塊 B5 PRO 面膜真係「乾肌神藥」！我連續 chur 咗七日，最正係塊面由乾爭爭變到好似剝殼雞蛋咁滑。以前化妝成日卡粉，而家底妝貼到爆。 最癲係佢救紅力，我之前塊面敏感仲有啲「鞋」，敷到第四、五日啲紅印已經退晒，摸落去軟熟好多。佢啲精華多到可以搽埋條頸，但又唔會黐立立，仲要冇藥味。如果成日熬夜、塊面黃得出奇，七日就幫救返好個底，由內到外透返晒光！

jhope0725好用推薦：❄️冬季護膚，不得不提嘅當然係面膜！ 雖然網上已經討論咗呢個網紅產品好耐，不過我都係近期冬季先至入手~ 起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚 精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。 👆🏼使用面膜後即時效果 美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！

Hellobeauty 好用推薦：「 #火熱新品 」Quality 1st Derma Laser Shot X Super VC100 局部護理精華面膜。 呢個品牌嘅面膜一直受好評，而我自己都一直用開呢個品牌嘅金色包裝嘅精華面膜。 昨日，我就發現同一色系，金色包裝的Quality 1st Derma Laser Shot X Super VC100 局部護理精華面膜。我就即刻買咗嚟試下。 我用咗之後,發現呢隻面膜質地好透薄貼服,面膜大細適中,可輕鬆貼合在意的部位，並有虛線可依需求撕開分用, 避免成塊面膜的小缺點（鼻翼位未能完全貼服）。 而且每片精華嘅份量係剛剛好,唔會多餘滴出,可以敷完之後唔會覺得有太多精華導致塊面有黐笠感； 所以非常適合早上返工前使用,唔需要在花時間處理面上多餘嘅精華,就可以直接進行下一部護膚程序及化妝 最後,佢嘅最大賣點係只需要2分鐘就可以達到效果,所以佢成為我回購之選。 #針對毛孔、粗糙和暗沉等肌膚問題 #敏感肌適用

布吶吶好用推薦：係冬天呢啲乾燥嘅季節，護膚真係要加倍留神！我最近試咗Innisfree款綠茶面膜，發覺佢真係好啱冬季護膚用，保濕效果幾出色！ 首先，一打開就聞到好清新嘅綠茶味，好療癒～面膜紙係超薄透嘅纖維質地，好貼面，精華量多到可以順便抹埋頸同手腳。敷上臉感覺好水潤，尤其係冬天開住暖氣，皮膚乾到繃緊，敷完即刻覺得皮膚飲飽水，好舒緩！ 保濕效果方面，我覺得佢唔算好厚重黏膩，反而係一種滋潤嘅補濕感。敷完之後皮膚摸落去軟滑咗，有光澤感，而且之後上妝都貼服好多，唔會因為冬季乾燥而起皮。對我呢種冬天面頰偏乾嘅人嚟講，佢嘅補水力足夠，但又唔會笠黐黐，幾舒服！ 總括來講，Innisfree呢款綠茶面膜係冬季護膚嘅一個幾好選擇，尤其係需要快速補水嘅時候。如果唔係極度乾燥嘅皮膚，日常保濕同舒緩佢都應付到。價錢又親民，可以放心囤貨，過個水潤冬天！ #冬天#冬季護膚#冬季#護膚#保濕#面膜#韓系護膚品

YYeman好用推薦：innisfree 綠茶面膜 一款合格嘅「基礎保濕急救兵」。唔好期望有咩神奇功效，但係當你塊面「口乾舌燥」，想即刻補濕水，佢係一個平、靚、正嘅選擇。對於學生黨或者護膚新手來講，性價比幾高。 1. 質地同氣味： · 精華液： 分量算多，但唔會多到滴到成地都係。質地係清爽嘅水狀，完全唔黏膩。 · 氣味： 係好清新嘅綠茶味，唔係好假嗰種香精味，聞落幾舒服放鬆。 · 面膜紙： 係佢嘅扣分位！面膜紙偏薄，唔係好貼面，尤其係鼻翼同嘴角位，好容易翹起，敷嘅時候唔係太好郁動。 2. 使用感受同效果： · 補濕力： 呢樣係佢最主要嘅功能。敷完之後，塊面即刻會覺得水潤咗，摸落去滑溜咗。尤其係洗完面覺得繃緊嘅時候敷一片，好快可以舒緩到。 · 舒緩效果： 有少少嘅鎮靜作用，如果塊面有少少燶燶哋，敷完會覺得冇咁唔舒服。 · 吸收度： 因為精華好清爽，所以吸收得好快，敷完拍多兩下就已經入咗皮膚，唔使點清洗，之後直接搽乳液/面霜就得，好方便。 3. 優點缺點大總結： 👍 優點： · 價錢親民，點用都唔肉赤。 · 精華清爽，油皮同混合肌都用得，唔怕悶痘。 · 即時補濕效果明顯，適合用來急救。 · 氣味清

Emma W好用推薦：TTM 依個面膜，見係去台灣必買手信之一的產品，所以就買來試試。 依款面膜主要係保濕效果非常出色，使用後皮膚感覺水潤，吸收快，唔會好笠。另外，面膜質地輕薄，有2層 layer 夾住塊面膜，感覺好高級。加上使用過程中，不會感到刺痛或不適，貼合度又高，冇介紹錯。精華方面，可以係敷mask到一半時，再加多一次精華，保持面膜唔會變得好乾。用後，皮膚睇起來更加明亮，毛孔細緻左，整體膚色變得均勻。 另一方面，係包裝設計方面，袋上面有個掛鉤位置，更方便擺放整齊。

sarahhhh好用推薦：因為本身塊面比較乾，所以一直都有物色保濕面膜。之前去台灣旅行見到呢款面膜就買左黎試下，一試就覺得好good! 呢款面膜係薄既，好貼服，剪口位都做得好好～同埋敷緊既時候唔會跣落黎！！面膜袋入面都有好多精華，所以成張面膜紙都會包附住精華，唔會話面膜紙乾～ 面膜敷係面上好舒服，唔會刺痛，敷完都會覺得有保濕到。但係我覺得如果塊面好乾既時候就會有啲唔夠，for日常保濕既話就ok既～ 所以我都一直有補貨係屋企，日常想保濕就會敷呢款面膜！

mandy好用推薦：LULULUN Hydra-V Mask 維他命亮白提拉面膜 $56/ 7片裝 from LOG-ON/ Watsons 功效：收毛孔 + 撫平粗糙 + 提拉緊緻 + 加強抵禦力 + 提升透明感 維他命亮白提拉面膜跟其他Lululun面膜一樣具彈性，剪裁立體貼面，大小比我的面型略大，不會敷面膜時突然掉下。 精華量很充足，雖然未至於很爆水，但保濕力比一般lululun面膜更好，不會因為是亮白面膜就會令肌膚乾燥，使用感令人放鬆舒適。 敷面膜時，由於面膜有彈性，可以向上拉緊，所以敷面膜時會有面部正在拉提的感覺。 成分方面，維他命亮白提拉面膜嚴選並添加大量優質護膚成分，包括：7種維他命和7種草本萃取，成分中含有不少保濕成分、抗衰老成分、抗氧化成分、美白成分及鎮靜消炎等成分，而且性質溫和，不含酒精、香料fragrance及色素，即使敏感肌也可安心使用。 使用後，肌膚變得水潤細滑及美白透亮富透明感，毛孔因肌膚水潤飽滿而變小，肌膚更穩定，面上泛紅減少，面型更V，下巴更緊緻。 維他命亮白提拉面膜讓您不傷荷包又能多功能護膚，蘊含眾多優質美肌成分，一片面膜同時做到提亮、拉提、保濕、抗衰老及鎮

Sanna Cher好用推薦：片裝面膜所採用的精華屬於保濕型，本人愛用打開片裝面膜是半透明的產品，因為敷上15分鐘後，皮膚提高了保濕度但並不黏稠，是爽身的護膚程序。15分鐘後，臉部會有更高光澤，並完成塗擦精華的程序。

Blueblueblue好用推薦：面膜出咗好多種款式，簡直花多眼亂，可以針對肌膚所需。 精華萃取自天然原料，面膜紙質地貼面。

Poyobb好用推薦：柚子面膜的主要功能係保濕同提亮膚色。佢嘅紙質好柔軟，而呢款面膜嘅精華係乳液質地，柚子味道淡淡地唔會太刺激，第一次敷上面都完全冇刺激或者刺痛感覺，成個感覺好舒服☺️ 面膜入邊嘅精華係乳液質地，所以我認為瞓覺前用較適合，並不作為急救面膜化妝前用。敷完之後成塊面係好柔軟，而呢種質地感覺皮膚會係滋潤咗滲透咗水份入皮膚，膚色變得平滑了。另外佢嘅美白效果就係一般，但如果一個星期敷一次你嘅皮膚會keep住好水潤🥰 對於我混合肌膚嚟講，夏天鍾意用水份較重嘅面膜，而依款柚子面膜我會比較鍾意喺而家秋天轉季至到冬天都啱用。

貓餅好用推薦：夏天用呢一款曼秀雷敦嘅面膜真係好舒服，呢一隻係山茶花亮白淨化酵素面膜，首先面膜嘅質地好柔軟，敷上面非常舒服，然後剪裁都好好，面膜好貼面，補水好足夠 呢塊面膜可以提亮，夏天好容易曬黑，呢塊面膜就好適合啦，佢入面山茶花精華嘅成份，仲可以令水油平衡，美白嫩膚，保濕鎖水，淨化毛孔。 面膜敷上面之後，個袋仲有好多精華液，可以再搽喺面上面或者頸度，等我哋嘅皮膚盡情吸收精華  重點係曼秀雷敦嘅面膜一啲都唔貴，買多啲都唔會心痛，性價比好高 敷15分鐘啱啱好，夏天建議可以擺雪櫃，仲可以同時收細埋毛孔，一舉兩得  #面膜

A&R好用推薦：曼秀雷敦面膜口碑一直都不錯，這款也不例外，大減價時買一送一，一盒6片用一個禮拜，性價比很高，粗用日日敷面膜都沒有問題，凍呼仲舒服，呢款面膜質地很絲滑，剪裁很貼面，水份精華份量充足，早上呼一次之後，保濕可以維持一整天，美白唔多覺，化妝更加貼服，味道也很溫和，不含酒精不會刺激皮膚。

Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 

FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。

Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！

Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。

Angie好用推薦：面膜剪裁非常貼面，精華液都好足夠，敷嘅時候完全唔會走位，敷完皮膚好水潤

Catty好用推薦：一打開就聞到蜂蜜的味道，很清香！ 裡面的精華液很多， 可以先倒出一些來按摩臉部， 再敷上面膜， 敷15分鐘都不會乾， 生物纖維面膜像是果凍， 有點厚，不過很服貼！👌🏻 只是有時候會移位，可以躺著敷更適合！😆 敷完後覺得毛孔有縮小🤩 肌膚柔嫩，呈現啞光的好肌膚感， 而且敷完不會粘膩，很快吸收進皮膚， 可以直接擦上平時的保養品，不需清洗！

Kitty 好用推薦：講起Lululun，佢嗰種一大包嘅包裝設計，真係顛覆咗我對面膜嘅認知。以前覺得面膜一定要單片獨立包裝先夠精華，但自從試過紅色高保濕款之後，我個心已經俾佢俘虜咗💞。 佢係一大盒入面有32塊，成包抽紙巾咁，擺喺洗手間或者梳妝枱，洗完面隨手抽一塊。盒裝嘅封口係一大塊膠紙，密封得好好，唔會話開咗幾次就乾晒。 佢塊面膜紙唔係勁厚嗰種，屬於中等偏薄，算係貼面。剪裁方面，坦白講唔算完美，鼻翼位有少少覆蓋唔到，但佢塊紙夠軟、夠大塊，稍為拉一拉、疊一疊就可以fit到唔同面型。佢唔係一塊過嘅立體剪裁，但勝在夠輕薄，敷上臉完全冇重量感，唔會一路敷一路向下跣。 高保濕呢款（紅色）嘅精華量控制得好好，唔會多到滴到成條頸都係，但又足夠令塊面膜紙完全濕潤。質地比其他款濃稠，唔係杰撻撻嗰種乳液狀，似水精華多啲。因為佢主打每日使用，所以佢嘅精華濃度唔會太heavy，唔會令皮膚有負擔，呢個設計概念我好buy👍。 我每次敷上面大約5至10分鐘，因為佢精華唔係勁厚身，所以好快滲透晒。建議唔好敷太耐，一乾就會倒吸返皮膚水分。搣落嚟嗰下，塊面係水嫩水嫩嘅，有種飲飽水嘅漲滿感。最緊要係拍兩拍就吸收晒，完全唔會黏笠，之後直接上

Imelda 好用推薦：成日聽日推介Lululun嘅面膜好用，去日本旅行買咗幾款返嚟試。 紅色呢款主要係保濕，我最鍾意係佢嘅剪裁好好，非常貼服，本身我塊面比較細，其他品牌嘅面膜用落會覺得太大，貼得唔好，成日掂到啲頭髮，要自己裁剪過先再敷，好麻煩。但呢款面膜就完全冇呢個問題，眼瞼、眼下及眼尾位置都敷到，用得好舒服。 只需要敷10分鐘，然後就搽返面霜鎖住水份，第二日訓醒都仲覺得肌膚滋潤有光澤。如此經濟實惠嘅價格有咁好嘅質素，難怪係人氣之選。

Kitty 好用推薦：第一次用嗰陣，真係有少少驚。gel狀質地，塗上臉嗰下已經feel到那住那住，特別係鼻翼、嘴角呢啲薄皮位，好似蟻咬咁。說明書話要敷10-15分鐘，但我第一次只係敢捱8分鐘就沖水。 用後即時感覺： 沖完水塊面滑咗好多！好似磨完皮咁，但完全唔乾唔繃緊。不過要留意，頭幾次用會見到少少泛紅，之後皮膚習慣咗就冇事。不過敏感肌慎用！

Water好用推薦：本人係混油肌，角質層都比較厚，黑頭粉刺都比較多，做完facial清完一輪都好快打回原形；所以試吓呢枝gel plus睇吓可唔可以改善上述情況。 Gel plus本身係果酸產品，上面會有少少吉吉地同刺眼，但呢啲感覺好快會消失；佢係好水感嘅gel狀，容易塗抹：搽完之後等15分鐘洗走，我通常會配合磨砂一齊用，用完會feel到真係清走咗啲污糟嘢，但一定要定期keep住用先見到效果。 雖然佢係家用版本比較溫和，但做完之後都要注意保濕同防曬啊！

hatty好用推薦：💙🖤💛 塊面有啲乾😰 秋天係舒服嘅🍂不過…塊面就有啲乾囉🌝最近用緊台灣提提研面膜，唔同系列可以滿足各種需要✨ ✨黑面膜系列✨ 💛手上依款保濕金箔黑面膜私心推薦，Hatty對黑面膜情有獨鍾，加上佢有金箔成份，感覺更高級😛敷完更透亮充滿光澤😳 💙藍色依款係浸潤補水黑面膜，強效補水💦為肌膚注入水份 ✨珍稀原萃系列✨ 🧡黑蜂蜜活源新肌生物纖維面膜🧡 可以淡化已形成嘅細紋 💚永生苔瞬活修復生物纖維面膜💚具導入技術，從根本強韌肌質 💛向日葵光透白皙生物纖維面膜💛含熊果素，可美白淡斑

lingbb好用推薦：面膜紙比較薄我唔小心就整爛咗啲啲，成塊面膜係佈滿金箔同精華，敷完成塊面好水潤，精華都算幾充足，補水效果好滿意

YYeman好用推薦：Dr. Wu保濕面膜測評｜乾敏皮嘅真心話 Hi 姊妹們！今日同大家分享呢款Dr. Wu玻尿酸保濕面膜～ 講真，佢喺臺灣真係好紅，我抱住好大期望試㗎！ 首先講膜布： 材質係薄身嘅生物纖維膜，好似啫喱咁敷上臉，貼服度真係冇得彈！好似第二層皮膚咁，郁吓塊面都唔會走位。 精華方面： 係屬於濃稠嘅乳液質地，唔會滴滴瀝瀝。敷咗15分鐘都冇覺得乾，摞落嚟嗰陣仲有好多精華剩，可以順手敷埋條頸。 效果即刻睇到： ✨補水真係冇得輸！敷完塊面係飽滿咗，掂落去軟淋淋，好似飲飽水咁。 ✨我面頰啲泛紅同繃緊真係舒緩咗好多，即刻冇咗『乾到扯住』嘅感覺。 ✨上妝前敷一片，個粉底真係貼服到不得了，冇再爆皮卡粉。 小總結： 對於我哋呢啲乾敏皮來講，佢係一款穩陣嘅「急救兵」！ 保濕力真係堅得，尤其轉天氣同長期開冷氣嘅日子，敷完即刻翻生。 雖然價錢有啲小貴（平均要廿幾蚊一片），但係效果對得住個價錢。如果姊妹你係極需要補水，预算又鬆動，呢款真係可以入手試吓！

TL好用推薦：已經回購了很多盒Dr. Wu面膜，用後覺得清爽唔黏笠，肌膚水潤飽滿，隔日上妝很貼服。

Kelvin好用推薦：BR面膜有好多款 ，依款係Bicelle高滲透納米保濕面膜 深層滋潤型。BR既新產品。敷既時侯 ，佢大致上cutting男仔都好適合，好貼服，鼻位就細咗少少。即使走嚟走去都無問題。精華分量岩岩好，唔會太重香料味。敷完皮膚彈彈的，feel到補水。清潔多餘既精華都好容易，唔會太有粘稠感。 第二天都唔需要上妝前再敷面膜直接搽返基本護膚產品就OK啦。 急救面膜來講性價比高，淨補水滋潤，冬天好岩，就算聖誕通頂用個妝都keep得好靚。 #火熱新品

葉子🍃好用推薦：呢款高滲透納米保濕面膜性價比高，精華好多，面膜夠貼服、易吸收，一敷有降溫感覺但好溫和，面膜大小剛好，剪裁左好多位好細緻，仲有眼膜位敷埋眼，用完即刻感覺彈潤平滑，深層鎖水保濕做得好，效果仲可以維持到第二日，價錢不貴

A&R好用推薦：AHC黃金面膜，一拎起上手好似有啲重量，因為有三層，最抵貼皮膚嗰層係平時絲滑嘅面膜，中間有一層此純粹係吸收多啲精華，第三層即係最表面嗰層係金箔面膜，防止精華流失。其實作用不大，不過係有啲噱頭，敷上面屋企人見到都會覺得好好笑，面膜嘅保濕效果都幾好，敷完面皮膚似係美白咗少少，毛孔都有收細一點，有些少緊致的感覺。敷完面膜之後一個鐘好似又打回原形。

維他他好用推薦：AHC呢隻premium mask真係金色架喎，面膜分上下兩部分，我痴完下面再痴上面，佢一開有3層，我有一下傻傻分不清究竟要敷邊張haha，呢隻mask 保濕力好強，敷完18分鐘仲有好多精華係面到，我會按摩等佢吸收得好d，敷完真係好舒服，皮膚飲飽哂水，滿足! (Ps, 佢仲有銀色的，係lifting, 但呢到冇得寫😛）

Chan好用推薦：Innisfree 巴西莓面膜是一款受歡迎的護膚產品，主要以巴西莓（也稱為亞馬遜莓）為主要成分， 連續使用6天後的使用感受 質地，面膜的質地通常較為輕盈，塗抹時感覺順滑，不會造成厚重感。 吸收性，大多數用戶反映該面膜容易被肌膚吸收，使用後不會有黏膩感。 效果， 許多用戶在使用後表示肌膚變得更加水潤、有光澤，使用幾次後，膚色的均勻度也有所提升。 總的來說，Innisfree 巴西莓面膜在滋潤、修復和提亮方面表現出色，適合各種肌膚類型，尤其是乾燥和暗沉的肌膚。