Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！

Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。

綺羅香好用推薦：早前皮膚因為乾燥而紅得好緊要，見睇開YouTuber 介紹就買一支嚟試，講真都唔平，不過聲稱可以幾日內退紅退過敏就搏一搏 外殼係好可愛湖水綠圓柱形，打開蓋就會見到好似olay total effect 嘅咀，㩒一下唧出就嚟化成水嘅啫喱，有一陣好似溫泉水嘅氣味，擦上面冰冰涼涼，每次㩒出嘅用量多到可以擦埋頸部，連續用咗3日，鼻哥同鼻翼嘅泛紅退咗大半，保濕而唔笠，後來斷斷續續用咗一個月，始終因為皮膚太薄比較難完全退紅，但係乾燥天氣擦呢隻精華真係舒服好多 #冬季保養

KS好用推薦：🌸🌼春夏交替敏感肌推薦 皮膚在轉季的時候經常出現乾燥和痕癢🥺😖 剛好經過藥妝店，就買了這支新出的AIO的注水精華（🤣🤣其實是給它可愛的藍綠色包裝吸引了） 之前試過很多不同類型嘅舒敏抗紅產品，可惜通常一塗完之後，都會泛紅和痕癢😅 而出乎意料地，它塗上面之後非常舒服和清涼，不覺繃緊或者敏感泛紅😚😍而且吸收超快！ 🌱它顏色透明，有淡淡的淺綠色和淡香，感覺沒有過多的人工香料🌺