MENTHOLATUM 曼秀雷敦

蜂蜜保濕舒緩酵素面膜

一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂

面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。

敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。

特價既時候買$90 12塊，性格比超高。同系列既金盞花面膜都好適合敏感泛紅個陣用。