PANTENE

PRO-V 爆水珠珠髮膜 - 蓬鬆水養

使用了PANTENE爆水珠珠玻尿酸髮膜有1個星期的時間(!!!)總結岀用後心得～想購買的朋友可以參考一下喔:) 這次十分感謝@cosme，讓我有機會試用PANTENE的產品!!🌸(!!!) PANTENE爆水珠珠玻尿酸髮膜～♡ 蘊含高純度美容級玻尿酸精華！可以快速幫頭髮注入營養，令髮質變好，美美光澤感(˶‾᷄ ⁻̫ ‾᷅˵) 髮膜小小一個方便攜帶使用，入面有粒粒精華滲透入髮絲，等待適量時間就可以沖洗乾淨，不會太花時間就可以令頭髮回復好髮質～!懶人真的很愛～ 味道方面就有種淡淡奶香味✨個人很喜歡這種天然自然的香味( ´▽｀) 使用了一個星期的時間，覺得每次用完髮質都有變好，頭髮有種注滿營養的感覺，斷髮也有改善！重點是髮質很有光澤很順滑的感覺真的很好！ 很推薦給大家使用喔!!! ♡

首先感謝@cosme給我有機會體驗Pantene爆水珠珠髮膜簡單介紹一下我頭髮嘅狀況，我是中長髮，但是頭量偏少，有漂染嘅習慣。平常只會簡單使用洗髮精和護髮乳，過後還是會有些毛燥，但使用Pantene 爆水珠珠髮膜後，我的頭髮狀況就好了很多了。 根據我的頭髮長度再配合官方建議，所以使用完整一顆，在髮尾並等待2至3分鐘，最後用水沖掉。 這個髮膜質地很滑順但不黏膩，裡面有一顆顆藍色橙色的小晶球使用後能立刻感受的頭髮不一樣，柔順了很多，香味聞起來也非常舒服。 持續使用七日後，頭髮開叉的狀況減少了，光澤度和強韌度也得到大大提升。 Before After 而且小小一顆獨立包裝，非常適合去旅行時攜帶。 我應該會想再試一下另一款的髮膜。

💧質地和觸感比一般髮膜軟滑水潤，容易塗抹到髮絲上，氣味清氣，洗完頭都仲聞到。髮膜亦都容易清洗，唔會有油膩感覺。第一次用髮膜覺得好驚喜，感覺似護髮素質地但做到髮膜既效果。持續使用7日後有去髮型屋焗油既效果。我覺得最明顯既效果係豐盈有彈性左，頭髮韌性提升左好多，以前一洗頭就洗甩成堆，有時成手都係頭髮，但現在有明顯改進，頭髮斷裂情況減少。保濕度、柔軟度良好，但順滑度就略微不足，有時洗完都會有少少打結，可能都因為頭髮太長。 💕我很喜歡這款髮膜的包裝，平時一罐的髮膜要掘出來用覺得好麻煩而很少用。這款一粒粒裝的設計也方便外出帶去旅行用，如果每日洗頭用既話，我的頭髮長度用整整一粒。好幾日先用一次的話要兩粒先夠。

我的髮質狀態：頭髮漂過幾次，髮質好乾躁 第一次用這款髮膜時，我就被它的質地吸引了。感覺滑滑的，像慕斯一樣輕盈，抹在頭髮上很好推開，完全不會黏膩。氣味帶點淡淡的花香，很好聞！ 我塗完靜置幾分鐘後沖洗，我特別留意了一下，真的很乾淨，完全沒有殘留感，也不會讓頭髮覺得油油的，這點對我來說超加分。 到第二天早上，頭髮摸起來明顯柔軟了不少，連梳頭髮時都不太打結。接下來我連續用了七天，效果越來越明顯！ 保濕度真的有感，原本漂過的那種乾燥粗糙感少了很多，頭髮看起來也更有光澤。特別是髮尾，本來有些分叉和受損的地方，感覺有被修護到，雖然不是完全消失，但至少摸起來沒那麼毛毛的了。 強韌度和彈性也有進步，洗頭時掉髮好像也變少了，真的挺驚喜的。 用了七天後，我覺得毛躁問題改善蠻多的，尤其是早上起床時，頭髮不會像以前那樣亂翹。乾燥狀態也好轉不少，連朋友都說我的頭髮看起來健康了些！斷髮的情況也有減少，雖然偶爾還是會有，但整體來說真的有差。 推介！

非常感謝@Cosme選用我使用呢款產品~ 由於工作需要每天為頭髮造型，每天都會使用直髮或曲髮夾，對頭髮造成一定損傷，從圖片可見，之前曾經染髮電髮的我，頭髮乾旱毛燥情況頗為嚴重 由於髮尾受損情況相對難處理，呢款產品我直接當做護髮素使用，以我嘅頭髮長度，每日用量½個膠囊 連續七日使用完，雖然未至於毛燥情況完全消失，但明顯見到頭髮順滑咗，髮尾開叉情況減少，整體頭髮貼服咗、容易打理左！最令我驚喜係，用後感不至於黏立，即使係我呢種油性皮膚及油性頭皮女仔，都唔怕用完令頭皮出油情況更嚴重，導致難以為頭髮造型而且順滑情況可以延續至第二天早上，唔會一晚過後就打回原形。以上圖片為早上使用直髮夾後的情況，可以見到髮尾仍然貼服。 而且產品最令我驚喜係佢嘅山茶花香，香味非常濃郁，感覺有少少似噴咗香水，但又不至於人工香味太勁會令到自己頭暈 未來都希望維持使用呢項產品，期望頭髮進一步變得順滑貼服。

多謝 @Cosme 邀請試用🩵PRO-V 高濃保濕髮膜 - 水潤修護 (爆水珠珠玻尿酸髮膜)💧! 本身我既髮質係偏乾，亦有毛躁，吹頭時都會有斷髮既情況，大約會斷5-6條。 ✨我既用法係洗頭後揸乾少少頭髮既水份，之後用一粒髮膜均勻搽到頭髮中至尾段，再等3-5分鐘沖水。 第一次用呢款髮膜既時候，佢嘅質地係好creamy，搽上去亦好易推開，完全冇黏笠既感覺。 沖水時亦覺得好順滑💆‍♀️就好似有層保護膜包住咁。 洗頭之後，都feel到頭髮好清爽，滲透力亦好強，完全冇殘渣係頭髮表面! 用咗一星期後，發覺斷髮既情況真係有減少到，由以前既5-6條減到吹頭時只係斷左2-3條左右。 吹頭時亦有淡淡既山茶花香味🥰不過最重要既係髮膜既保濕度! 佢有玻尿酸同爆水珠珠成分，用完第二日都仲feel到頭髮係好柔軟順滑，亦有亮澤感，乾燥既情況都有改善到!👍 一粒12ml小包裝，就算帶去旅行都好方便，隨時都可以護髮! 好值得一試!💗

用咗Pantene 爆水珠珠玻尿酸髮膜一星期感覺好好! 本身係頭頂偏油又扁塌嘅髮質 又染又電之後髮尾都變成乾旱又打kick 一堆雜草咁 用爆水珠珠髮膜一次都feel到把雜草被濕潤了😂 但唔會好似用完其他髮膜後有層只留於表面嘅死滑感 而係髮質改善咗嘅順滑 讚！ 我嘅用法係洗完頭 揸乾少少把頭髮 之後就直接將爆水珠珠髮膜均勻塗到頭髮中至尾部 避開頭皮位置 只塗係髮絲上 等3-5分鐘左右 之後沖水就ok la 梳頭即刻覺得d頭髮無打kick 吹頭時都有淡淡花香味 整體感覺都十分好 而且佢嘅包裝都好方便 去旅行放2粒落袋 搞掂！

呢款髮膜之前一直想試，多謝Cosme@俾咗呢次咁好嘅體驗俾我🥰 髮膜獨立包裝，小巧，適合旅行用❤️ 裡面有好多細細粒嘅精華珠珠，搽落頭髮捽幾捽就融入髮內，好易用。 用落有股清新嘅茶花香味，聞落好舒服，到第二朝都仲有少少香氣🥰 沖水後，明顯髮質柔順咗，好似幫頭髮補咗水咁。因為經常染髮關係，髮質受損，而且髮絲非常幼，每次梳頭都會甩好多頭髮；用完呢款髮膜，可能時間比較短，表面睇落無咩分別，但每次梳頭都feel到較之前順滑咗，感覺唔錯🥰 使用第8天👇🏼

平時用開粉紅色包裝同黃色包裝戈隻 今次多謝cosme比我試用玻尿酸藍色呢隻 本身頭髮比較粗硬 容易打kick 所以成日梳頭嘅時候都會甩頭髮 同埋好難吹乾個頭 藍色呢隻用後係比較清爽 比起粉紅色係冇咁笠 頭髮都明顯比較蓬鬆 頭髮順滑度都足夠 因為有足夠保濕 所以吹頭都快咗 但係唔用兩日頭髮就會有啲乾 不過因為帶佢去旅行好方便 所以都會繼續回購 圖一 冇用到發膜 圖二 用咗發膜一日 圖三 連續用咗髮膜三日 

Pantene嘅爆水珠珠髮膜系列已經面世咗好一段時間，今次獲@cosme試用活動抽中係第一次用呢個產品 。質地、氣味：稀滑，容易係頭髮上均勻塗抹，一粒有成12ml ，本人頭髮長度及胸，髮量中，雖然按佢建議應該用2粒，但其實1粒都夠；氣味如商品資料顯示一樣係山茶花味，持香達12小時，但明顯香精味，個人偏好其他產品嘅味道 。效果：因為質地比較稀薄，本身擔心冇質地厚重嘅咁滋潤，但用過後又冇呢個問題喎，頭髮感覺係水潤嘅，但髮膜停留係頭髮嘅時間必須夠耐（like at least 5mins），另一次停嘅時間短啲，效果就冇咁好 P.s.本人平日有護髮習慣，髮質良好順滑，現時幾乎冇開叉頭髮，所以冇按@cosme建議試足7日，只係按商品建議一星期用2次 。成份：不推 點解質地咁稀薄但用起上嚟又有滋潤感？因為第6同第8含量多嘅成份係酒精，第7位係香精，第3更係防腐劑…呢啲成份刺激性高，絕對唔推薦頭皮同皮膚易敏感嘅人用 另外標榜3大精選成份玻尿酸、維他命B5、組氨酸分別排第18. 13. 15位，香精成份仲多過佢🙈🙈 真正俾人有滋潤感保留髮質營養嘅其實同body lotion一樣都係矽靈同2隻無刺激

非常感謝&@cosme抽中我試用Pantene爆水珠珠玻尿酸髮膜！！🩷🩷 經常係YouTube or IG見到有KOL分享呢款髮膜，一直都好想入手。😍 我係屬於油性頭皮，但係髮質乾燥，時不時會染髮。因為頭皮容易出油，所以好少會用護髮素，每次洗完頭髮用左護髮素，第二日頭髮就會容易出現軟塌嘅情況，髮膜更加唔敢考慮。🥺但係用完Pantene爆水珠珠玻尿酸髮膜之後，頭髮好似平時敷完面膜咁，即刻有光澤，同埋feel到頭髮係即時補水。🤩🤩仲有！用完呢款發膜，頭皮依舊清爽，好快就可以沖洗乾淨，唔會殘留髮絲表面！另外，用完一直到要洗頭的那天，髮質仲係好順滑，柔潤亮澤！👍 我十分願意回購呢款發膜！！👍👍

多謝 Cosme 送試用！💖 本人髮質： 頭髮偏乾，又鬆又毛躁，有一直電髮維持 洗頭後攞一粒髮膜搽喺頭髮中間到尾部，等 3-5 分鐘再沖水。佢嘅質地好似cream咁，濃濃地但唔係好黏笠，搽上去好易推開，感覺好似真係滲入咗頭髮入面咁。💧 我試過攞多啲搽，怕太油，但點知沖完水之後完全唔覺得笠，真係好清爽！👍 岩哂香港潮濕天氣 用咗呢款髮膜之後，第一下沖完水已經覺得頭髮滑咗好多，乾咗之後更加明顯，摸落去好似有層保護膜咁🌟 最正係佢話有「玻尿酸」同「爆水珠珠」成分，保濕效果真係唔講得笑，用完第二日頭髮仲係軟軟地，唔會即刻變乾 12ml小包裝，旅行超方便，頭髮唔長一粒用一兩次都得✌️ 性價比真係高。日常用黎救乾髮或者 keep 頭髮水潤好值得試！多謝 Cosme 畀我試用機會，真心推介畀大家

最近用咗Pantene嘅爆水珠珠髮膜，幾有驚喜！因為我每日都會用直髮夾，搞到啲頭髮好毛躁，容易打結同埋有開叉。 首先係覺得細細一粒嘅包裝好適合旅行用，係舒服嘅淡淡香味、質地係膏狀嘅，但沖洗之後完全冇油膩感，反而覺得頭髮好有水份，打結都即時改善咗。 持續用咗幾日之後頭髮已經唔再毛躁，摸落好順滑同埋變得有光澤，受損開叉嘅髮絲都有一種修護嘅感覺，甚至冇咁易斷，唔會洗完頭有一餅野係去水位。 出面啲hair salon做焗油越黎越貴，亦都冇太多時間成日去。而家用呢款髮膜係屋企都可以保養把頭髮，仲要效果好好，方便快捷。整體來講，呢款髮膜真係值得推薦，會再回購！

多謝cosme抽中我做試用！我最近用左PRO-V既高濃保濕髮膜（水潤修護版本），感覺非常不錯！呢款髮膜既質地濃稠卻不油膩，用個陣容易塗抹，並且可以迅速被髮絲吸收。膠囊中入面既玻尿酸成分好似真係為我既頭髮帶來了深層的滋潤咁！ 用完之後，髮絲變得更加柔滑，光澤感明顯提升，特別是在係set完頭或者吹乾後，感覺整個髮型都有光彩。就算係多次造型之後，我既頭髮依然保持水潤既狀態，唔再覺得乾燥或毛躁。呢款髮膜的香味宜人，唔會過於濃烈，用起上黎更加愉悅。 不過，如果有啲人頭髮較為細軟，建議用個陣稍微減少用量，避免感覺髮絲過於厚重。整體而言，我非常滿意這款PRO-V高濃保濕髮膜既效果，特別適合需要深層滋養既髮質，一定會推薦比其他朋友！

多謝@cosme抽中試用Pantene既爆水珠珠玻尿酸髮膜。 摸落係護髮素既質地，有d藍黃色硬硬地身既珠珠。一粒一次，份量好充足。 使用方法上，我好似平時咁先用洗頭水洗頭，呢個髮膜代替護髮素咁用。搽完髮膜輕輕捽下，然後用酒店個d即棄浴帽笠住，等15分鐘就沖水，當係屋企做焗油~ 用一次已經有即時效果，沖洗完感覺到頭髮順滑得黎唔油膩，吹乾之後髮根有蓬鬆感。呢排天氣少少潮濕，用完第二日都唔會覺得好笠/好塌。我屬於細軟髮質，天氣一潮濕髮尾就會毛燥爆炸，加埋染左啡色望落好似枯草咁😂連續用左一星期，感受到髮質滋潤柔軟左，望落有光澤，梳頭既時候亦少左打結。 覺得藍色呢款適合健康髮質、頭皮油但髮尾乾既人用。之前電傷過頭髮之後有用過同系列黃色，個隻就再滋潤d，適合受損髮質用。細細一粒方便攜帶。去旅行想有完美髮型影靚相就岩曬。唯一覺得有待改善既係個香味，覺得聞落似係廁所既香薰味🙊