FINO 好用推薦產品

Miranda好用推薦：【質感】 首先講質地，佢係好「杰」、好厚身嘅乳霜狀，有啲似溶咗嘅雪糕。搽上頭髮嗰下感覺係幾滑，但呢種滑同「硅」嘅感覺好似。你可以想象吓，好似喺頭髮表面塗咗一層蠟或者油膜咁，即時順滑，但嗰種感覺唔係由內而外嘅健康，而係表面嘅「假滑」。另外，佢嘅香味好濃烈，有啲似「提子糖」或者花果香，鍾意淡味嘅人未必接受到。 【使用感】 跟住講使用感，呢個亦係我最唔滿意嘅地方。官方建議一星期用一至兩次，當深層護理。但我用完之後，頭髮嘅毛躁同打結問題只係有少少改善，同佢聲稱嘅「沙龍級」效果爭好遠。為咗確認唔係我嘅問題，我上網睇吓其他用家評價，發現都有類似情況。有啲人用完之後覺得頭髮好似「重咗」同「墜咗」，有啲就話用完之後反而覺得頭髮「笠」咗同「焗」住。呢種「假滑」同「厚重」嘅感覺，可能同佢含有大量硅油成分有關。對於追求輕盈、蓬鬆感嘅人嚟講，呢款髮膜可能真係會令你好失望。 【持久度】 持久度方面，效果可以話係曇花一現。用完當下頭髮係順滑嘅，但呢個效果通常維持唔到一日。第二日瞓醒，頭髮又會打回原形，毛躁感返晒嚟，好似琴晚冇做過treatment一樣。而且，有好多用家都指出，呢款髮膜好容易喺頭髮上面形成「

Yeonjung好用推薦：呢排天氣又熱又翳，加上我成日電髮染髮，把頭髮真係乾旱到好似禾稈草咁，梳都梳唔開，一扯就斷幾條，真係好心痛。之前試過唔少髮膜，有啲笠到成個頭塌晒，有啲就話就話修復但用完都係咁旱。直至朋友介紹我試隻日本Fino高效滲透修復髮膜，一用就愛上，而家已經回購咗第三罐。 打開個蓋，質地係好濃稠嘅膏狀，但唔會話杰到推唔開。我通常洗完頭，用毛巾索到半乾，然後挖一羹仔（視乎頭髮長度，我及肩大概一羹多少少），集中搽喺髮尾同受損位置，盡量避開頭皮。搽完之後我會等大約五至十分鐘，其間可以洗埋面或者擦乾個身，慳返啲時間。沖水嗰陣已經覺得把頭髮滑捋捋，唔似之前咁拮手。 吹乾之後個效果真係好驚喜！把頭髮唔單止順滑，仲有種好自然嘅光澤，唔係嗰種假滑感。最正係第二朝起身，頭髮依然貼服，唔會話瞓醒就變返亂草。我用咗大約兩個禮拜，�啲開叉同折斷嘅情況明顯減少，連髮型師都問我最近係咪轉咗護髮產品。 不過要提提大家，呢隻髮膜雖然好用，但唔建議日日用，我一星期用兩至三次已經好夠。同埋如果頭皮容易出油嘅朋友，記得唔好搽得太近髮根，否則可能會覺得有啲笠。另外，佢有個缺點就係沖水時要沖得比較耐，如果唔係會有少少殘留感。 總括嚟講

Fng好用推薦：呢排成日喺冷氣房，加上之前染燙完一輪，髮尾乾到好似禾稈草。諗起當年讀書成日用嘅Fino髮膜，見到佢出咗呢支升級版髮油就買嚟試，估唔到有驚喜！相比Panetene 3秒奇蹟髮油嘅水感超輕薄，Fino呢支明顯走「重裝修護」路線，更加滋養，質地杰身啲，但依然keep到清爽唔笠，好適合我呢啲乾旱受損髮質。 🧴 質地：透明凝露，滋養但輕盈 · 擠出嚟係透明凝露狀，流動性高，但比一般水感髮油「杰」少少，有少少厚度，不過上面一啲都唔會覺得立。 · 中長髮按壓1下份量就夠，好快就被髮絲吸收，用完雙手都唔會油淋淋。 · 頭髮乾咗之後，條條都係清爽嘅，睇落飽滿有光澤，完全冇「一束束」嘅油膩感，keep到輕盈空氣感～✨ 🌸 優雅花香：留香一整天 · 佢嘅香氣係好舒服、優雅嘅淡雅花香，唔係嗰種俗氣嘅廉價味，聞落仲有少少高級沙龍感！🤍 · 留香度超有驚喜，朝早用完到夜晚都仲聞到淡淡髮香～ 啱晒鍾意頭髮自帶香氣嘅你！ ✨ 效果實測：毛躁拜拜，天然光澤UP · 即時柔順修護：用完吹完頭，毛躁髮絲即刻貼服哂，頭髮變得勁順滑，條條都唔會打結。 · 健康光澤感：唔似傳統髮油「反光」咁假，係自然水潤嘅光澤感～💧

Chloeincosme好用推薦：（有冇人好似我咁會下意識不斷囤髮尾油但其實永遠用唔晒😂🤣） 最近試咗 Fino呢款髮尾修護油，佢嘅質地流動性高，用落比平時需要多唧少少先夠做（太好了可以用得快d😂）不過用完即時光澤感同順滑度都唔錯～ 🤍 即時柔順：4/5 吹乾後頭髮明顯順滑咗，毛躁即刻撫平，光澤感自然唔浮誇～ 🤍 持久度：3/5 秋冬天維持時間較短，半日左右就打回原形。 🤍 質地清爽：4/5 油質輕薄唔黏膩，吸收後唔會令頭髮扁塌，適合喜歡空氣感嘅人～ 🤍 香味體驗：4.5/5 喜歡！淡雅花香好舒服，用完成個人都有種優雅氣息～ 總結： Fino呢支髮油雖然持久度普通，但作為日常快速整理都不錯！因為質地唔厚，亦都可以吹頭/ 夾頭前打底用！推薦給髮質偏乾又怕厚重嘅你！