韓國洗面乳 推薦好用產品

whTsoi好用推薦：在官網買東西送的贈品 小小一枝但意外地用了很久 因為它的起泡力很強 每次擠一點就足夠全臉使用 而且清潔效果很好 用完臉很清爽但不緊繃 個人認為最適合夏天使用

lingbb好用推薦：- CP值勁高嘅洗面膏 - 被積雪草呢幾隻字吸引，同埋便宜大罐 - 氣味清香舒服，用打泡器輕易打到棉密泡泡，上面超級細緻舒服，過水後塊面唔會乾（冬天會有小小乾）、面色明顯均勻白淨左、毛孔細緻，好乾淨 - 呢個價錢咁大枝有咁嘅功效，推薦👍🏻我個人認為份量大到可以兩個人用都有排用得哂

royu3好用推薦：夏天少不了水上活動，但曬後肌膚易出現乾燥崩緊，這時候我必定會用VT Cosmetic 積雪草系列的產品。這枝洗面乳蘊含蜂膠萃取及透明質酸，在溫和去除皮面污垢的同時，為肌膚補充水份。添加積雪草萃取，有助舒緩曬後肌膚不適，任何膚質都適用！ 我會用起泡網搓揉出棉密泡，徹底滲透每個毛孔，帶走污垢。用後肌膚不繃緊，更明顯降低了曬後造成的泛紅情況！而且CP值高、300ml容量大！一枝可以用很久呢！

葉子🍃好用推薦：被Model示範圖拉絲得甘茜利燒到，原本以為係噱頭嘢，點知用落又唔錯播，粉紅色黏身膏狀，每次大概用一截尾指份量，搽上面然後按壓，會出現拉絲吸走毛孔污糟野，然後加水起泡洗面就可以，或者直接起泡洗面，洗完即時睇到亮白左，洗得乾淨但不繃緊，日日用都無問題 #火熱新品

mandy好用推薦：Sulwhasoo Gentle Cleansing Foam 順行潔顏泡沫 $280 / 200ml 功效：潔淨肌膚+保濕 早已聽聞順行潔顏泡沫十分好用， 用過果然立即變忠粉，天天按時使用， 還想回購常備家中呢。 即使順行潔顏泡沫只是潔面產品， 也添加了不少美肌成分， 比不少開架品牌的潔面產品蘊含更多美肌成分， 以抗氧化、抗衰老及保濕成分為主。 順行潔顏泡沫可以輕易起出海量豐盈的泡沫， 能徹底潔淨肌膚，而且不會引致乾燥緊繃。 潔面後，肌膚變得潔淨水潤，而且觸感柔滑。 含保濕成分: 戊二醇, 丁二醇, 乙基己基甘油, 春榆根萃取, 草綠鹽角草萃取 抗氧化成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取, 濱海當歸萃取 及 維他命E 抗衰老成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取 及 維他命E 美白成分: 川穀籽萃取, 草綠鹽角草萃取, 桑葉萃取 及 維他命E 控油成分: 糊精 鎮靜消炎成分: 覆盆子果萃取, 春榆根萃取 及 維他命E 去斑成分: 草綠鹽角草萃取 及 桑葉萃取

royu3好用推薦：如何在潔面時去除污垢，又能保持肌膚水潤， 一直是乾性肌膚最大的課題。 試過各類型的潔面產品，兩者很難兼得。 直到遇上這枝雪花秀的順行潔面泡沫！(*'▽'*) 潔面時揼出約2泵的份量， 起泡前為焦糖色的透明液體、帶點草藥清香。 （很療癒的氣味，個人很喜歡！） 我習慣使用起泡網， 只需2泵就能打出豐盈順滑的泡沫！ 綿密泡泡敷在臉上十分舒適(˶‾᷄ ⁻̫ ‾᷅˵)潔面後感覺乾淨，毫無繃緊感， 而且比潔面前更柔滑！ 它的成分天然，蘊含韓國傳統草藥萃取，能溫和潔淨肌膚。 不單只是乾肌，還適合任何性質的皮膚， 一年四季都適用！推薦👍🏻

葉子🍃好用推薦：之前用過THE WHOO橙色洗面幾好用，所以試下其他款，呢支主打水潤保濕，有花香味，質地係凝膠狀，泡泡唔算多，但清潔到深層，用完好乾淨、水潤，用左幾日皮膚狀態一路變好，會想再購買

呆呆的槑好用推薦：透明jelly狀，洗完乾淨之如不緊繃，皮膚比起用其他洗面更加水潤🥰 雖然價錢有d貴，但它一次擠一點點(比1毫子細)就夠用，而且十分起泡，所以可能它1支=人哋2支🤣

mandy好用推薦：潔面產品-- belif Creamy cleansing foam moist 菖蒲溫和滋潤洗面乳 來自購入的護膚品套裝附贈的潔面sample。 潔面乳帶少許清新柑橘香味，令早上洗面時更醒神。 我愛以 起泡器 輕鬆打造綿密富彈性的泡沫。 只需少量洗面乳，卻起出豐富的企身泡沫，大大減輕對面部肌膚的磨擦。 清潔力很好，連毛孔也變得乾乾淨淨，再用雪過的保濕面膜敷面，可以收毛孔。 性質溫和又保濕，使用後不會令肌膚乾燥或緊繃，也完全沒有過敏拮面的情況，適合不同膚質使用。 論香味、使用感及品質都很優秀，是我很喜歡的潔面產品。 含保濕成分: 甘油, 丁二醇 及 維他命E醋酸酯 抗氧化成分: 燕麥仁萃取, 金盞花花萃取, 覆盆子葉萃取, 無患子果萃取 及 維他命E醋酸酯 鎮靜消炎成分: 燕麥仁萃取, 金盞花花萃取, 繁縷萃取 及 無患子果萃取

keinice好用推薦：有適量的泡沫，洗面後不會覺得繃緊，有少許的保濕效果。

葉子🍃好用推薦：洗面膏偏橙色，好香既漢方味道，容易起泡，泡沫好濃密細緻，係比較溫和唔刺激既洗面、夠乾淨保濕，鐘意洗完面都唔乾，越用越好，逐漸調理皮膚，均勻膚色、皮膚光澤度增強，想再試下其他款

lingbb好用推薦：用得后既都唔會抗拒佢既中藥味， 聲稱蘊含多種韓方草藥，能減緩各種導致肌膚老化的外在因素，保持肌膚健康。 擠出黎係好杰身嘅膏狀，帶有濃郁既人參味，用豆仔份量加水出黎既泡沫就唔係話好細膩同豐盈，尚算可以。用後無刺激敏感！我覺得個優點係佢既味，清潔能力等等都無太大特別。佢價錢較高，所以未必會買了

Ming好用推薦：曾經好Hit嘅潔面產品，粉紅色包裝，因為價錢好平，買咗兩隻，呢支係洗面膏，另一支係卸妝膏，卸妝膏已用完，個人認為卸妝效力70%，用完需要用洗面膏，咁就會清潔得乾淨啲，整體冇乜嘢特別，不過不失，洗完面皮膚唔會掹掹緊，但係亦都唔係好滋潤，普普通通，呢支洗面膏都用咗好耐。

A&R好用推薦：BANILA CO嘅卸妝同潔面產品一直做得幾好，呢款泡沫潔面乳做到深層清潔，同時都做到保濕，而且去油，但係皮膚不會感到掹掹緊。 膏狀，味道有少少清香，加水容易推開起泡，總括嚟講清潔效果做得很好，價錢都算實惠，性價比高，會繼續回購，推薦使用。

zetalhc好用推薦：油性皮膚覺得潔面凝膠好容易起泡，清潔力強，而且洗完面唔覺得繃緊，全草本天然配方亦都唔刺激皮膚

格仔餅公主好用推薦：岩敏感皮膚或皮膚容易敏感既人用，連敏感緊都用得，但唔好期望佢清潔力好強因為偏溫和，但佢唔會好乾，就返皮膚狀況同天氣用係完全可以嘅

Milo101好用推薦：➡️很喜歡這種瓶身設計，特別是繁忙上班的早上，按一下就有剛好的份量。 ➡️輕揉起泡，洗完臉不會繃緊。 ➡️性價比不錯，而且性質相對溫和，敏感肌都可以安心使用。 ➡️為日常生活帶來方便的潔臉之選。

Noel好用推薦：購買了Sum37 一套皇牌產品旅行裝，當中包括這枝 cleansing foam❗建議購買套裝多過單品啊！ 潔面乳的味道，和Secret programming 這系列產品一樣。起泡效果良好，但不是很豐盈。潔面後感覺清爽舒服，沒有滋潤感覺。春夏天用ok，秋冬天用就會略乾。

MaggieWong好用推薦：正正常常無特別的感覺，很普通的洗面，冇任何出眾位，油皮膚可以洗乾淨，但以呢個價錢可以有更好的選擇。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

GinGin好用推薦：有香味嘅洗面膏，但唔確定係綠茶味，都幾保濕，又夠多泡，洗得幾乾淨，依個價錢都可以接受

Yin_sharing好用推薦：用咗幾支，唔使用好多就可起到綿密泡泡，洗完臉好清爽乾淨，又唔會有好乾嘅緊繃感。清潔力夠又幾溫和，氣味都舒服。

AmyAmy好用推薦：用完之後唔會太乾燥，清潔力一般，平日潔面程序用嘅時候都OK嘅，不過感覺上冇乜特別大嘅賣點，就好似一支普通嘅洗面乳咁樣

KDing好用推薦：用落都幾清爽 清潔力唔會過高 仲帶有少少清香 夏天用都幾舒服

Fng好用推薦：Innisfree火山岩泥洗面膏用後感｜毛孔大掃除 ✨ 質地同使用感 呢支洗面膏係灰白色泥狀質地，加少少水就好容易起泡，泡沫都算綿密！聞落有陣陣礦物泥嘅自然味道，沖水個刻感覺好清爽，但就唔會好似用緊砂紙磨面咁拮肉～ 🌟 清潔力大檢閱 用咗一星期之後，鼻翼嘅黑頭有減少些許，尤其係夏天出油多個陣！而且毛孔睇落乾淨咗，冇平時咁多粒粒突顯出嚟～ 💔 缺點要注意 · 兩頰會有少少繃緊，乾肌部位要快速跟上保濕 · 唔可以日日用，否則可能會清潔過度 · 膏體比較硬身，要用力先擠到出嚟😮‍💨 🆚 同類產品比較 · VS 契爾氏亞馬遜白泥洗面奶：契爾氏更溫和但清潔力稍弱；Innisfree去油力更強 · VS L'Oréal火山泥洗面膏：兩者清潔力差不多，但Innisfree性價比更高 · VS Etude House毛孔洗面膏：Etude House較潤澤；Innisfree清爽感更勝一籌 💡 使用小貼士 1. 每週用2-3次就夠，唔好貪心日日用 2. 重點按摩T字位，兩頰輕輕帶過就可以 3. 配合起泡網，泡沫更綿密又慳料 4. 洗完立即保濕，拍多幾層化妝水補水 性價比：★★★★☆

Chloeincosme好用推薦：Innisfree既火山岩泥洗面奶都幾出名，但買完返黎唔係好岩自己乾肌用所以就比左老公🤣 呢油肌黎講，呢隻洗面奶可以幫佢延長出油既時間，而且清潔力好強！用完膚感清爽，毛孔乾淨！清潔度呢到比5分🤍🖤留意無論乾肌/ 油肌用完佢都要做好保濕☺️ 再提： 乾肌小心：對於我自己乾肌嚟講，佢真係太乾🥹會乾到甩皮😂😂🥲

Milo101好用推薦：🌟Laneige這支洗面，質地像白色啫喱膏狀 🌟加水起泡也算快，泡量適中 🌟氣味像洗潔精😅 🌟洗得乾淨，但對我皮膚來說，洗完面稍為有點太乾，要盡快塗護膚品

橘子貓好用推薦：Laneige Moist Cream Cleanser 味道是柚子皮味！！意外地有點好聞。奶油白的膏體，徒手容易打出泡沫，泡泡不是豐盈那種，但也細膩輕柔，泡沫厚度也足夠洗臉時不會產生過多摩擦感。 清潔力偏高，可以洗走純物理性防曬。不過洗後約5分鐘，兩頰就會感覺偏乾。

Yuki好用推薦：watsons app買野時見到 1盒入面有洗面膏80ml 爽膚水20ml精華5ml 價錢唔貴 係韓國有拎獎 寫係韓國國民no.1洗面乳 所以就入手買泥試下洗面膏比較乾身同偏硬 有好淡好淡嘅綠豆味泡泡好豐富同細緻 上面有好輕微嘅顆粒感 清潔力非常唔錯 卸淡妝同防曬都ok 係一款比較清爽嘅洗面 不過乾肌用後有少少緊繃 所以未必考慮回購 但爽膚水同精華好好用 濕疹時用佢可以舒緩皮膚 用左感覺皮膚變得穩定

TY好用推薦：用過呢個牌子卸妝油覺得好用就買洗面膏嚟試下，有啲失望 有啲難起泡，起出嚟嘅泡泡比較稀，就算用網都起唔到濃密嘅泡泡 清楚能力不過不失，洗完皮膚唔算好乾。 整體感覺就係普普通通。

JuneL好用推薦：這款潔面產品呈液狀，帶有香味，每次用1泵就已足夠，加水後挺容易起到泡沫，洗後肌膚感清爽且唔會感到乾。

Noel好用推薦：收過一小條天氣丹潔面乳，不過使用感麻麻，感覺不像 Whoo 的親生 product... 潔面乳帶有天氣丹系列的氣味，但要再淡一些。不過有點難起泡啊，所以我這個小樣用得很快，清潔力不錯，油脂污垢都可以通通帶走。潔面後能夠做到清爽不崩緊👌 但這個價錢的潔面產品，相信有很多替代品 ∑(￣□￣;)