粉色妝容 推薦好用產品

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

YYeman好用推薦：Kate「怪獸持妝口紅」測評：薄塗厚塗都絕，沖水唔甩嚇親我！ 呢支真係「怪獸級」持妝口紅！薄塗似天生好氣色，厚塗秒變日雜水光唇，仲要成膜快、黐杯黃髮問題大減，連沖水測試都唔掉色，抵讚！ 1. 質地與妝感： · 薄塗效果：似潤唇膏嘅自然光澤，淡淡提亮唇色，素顏或淡妝必備，偽素顏心機首選✅ · 厚塗效果：即刻變身「水光唇釉感」！光澤飽滿得嚟唔油膩，日雜模特兒唇即視感，約會/打卡超上鏡📸 2. 持妝實力實測： · 成膜速度超快：塗完十幾秒開始變啞光水膜，從此同「黐頭髮、印杯緣」講拜拜👋 · 防水力驚人：試過沖水輕搓，顏色真係牢牢扒實嘴唇，食飯飲嘢只掉少少光澤，底色依然keep到！ · 持久度：日常戴口罩都冇乜轉印，省補妝時間～ 3. 色號推薦（盲入11號心得）： · 微深奶茶色：帶啲啡調嘅溫柔奶茶色，唔偏橘唔偏粉，黃皮友好顯白👌 · 日雜感拉滿：低調高級，配杏色妝容或大地色眼影簡直絕配，氣質即刻升Level💃 總括： Kate呢支「怪獸口紅」絕對係驚喜之作！尤其係成膜速度同防水力，打破咗我對水光唇妝「唔持久」嘅印象。11號色更加係日常百搭之選，低調得嚟顯氣質，盲入都無伏！

Emily Leung好用推薦：全網第一！Nars 新色腮紅Please me🌸 Nars好會起名字！這個名字叫Please Me取悅我！專櫃試色好美，馬上激情下單購買！ 原相機自然光拍攝📷 這款胭脂是冷紫粉色，完全不挑皮。黃皮塗是清冷氣質美女！橄欖皮塗上直接白到白光。閃粉特別明顯，像月光一樣的細膩碎鑽感。 整體試色跟高潮有點像，揉開底色不明顯。本人覺得更適合跟啞光腮紅局部疊塗，或做高光使用。

Kmggigi好用推薦：NARS Blush 高顯色、柔滑又有光澤嘅完美胭脂！✨ NARS嘅胭脂果然冇令我失望！ 粉質非常細膩柔滑， 用胭脂掃輕輕取粉都完全唔會飛粉，質感一流 上臉後非常貼膚，妝容自然又乾淨😆 我呢隻色係高顯色嘅類型， 所以用嘅時候記得要輕手上妝， 再用胭脂掃均勻推開，慢慢疊加， 效果會更加細緻自然 呢隻色非常顯氣色，仲帶有細緻嘅珠光閃粉， 上臉之後會有一種微微嘅光澤感，令妝效睇落充滿元氣又唔會過於誇張，日常同派對妝容都非常適合！ 💕

Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！

lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～

zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）

Kitty 好用推薦：本身見佢呢隻係日本開架人氣款，話防汗防油仲要超持久，我咁易溶妝嘅油眼皮當然要試吓啦！ ✨筆芯軟硬度： 一畫上手覺得超順滑！筆芯偏軟但唔會易斷，輕輕一畫已經好顯色，唔使用力壓眼皮～對於新手來講好友好，畫內眼線都唔會拮眼！ 🔥持久度測試： 我朝早9點化妝出街，到夜晚7點返屋企～期間冇補過妝，眼線竟然冇溶到！只係眼尾微微淡咗少少（我仲眼皮易出油添！）。超防水，測試過，就算用洗手液都洗唔甩。真心佩服佢嘅防水抗油能力～💪 🐼防暈染表現： 完全冇熊猫眼！之前用過唔少開架眼線筆，到下午就暈到落眼袋，但呢支真係乖乖哋留喺原位～就算戴住口罩焗住塊面都頂得住！ 💦卸妝難度： 雖然佢持久，但用眼部卸妝液敷10秒左右就抹得走～唔使捽到眼皮紅晒，呢點我好滿意～！ 缺點都要講吓： 個設計系用幾多轉幾多，一次轉太多出來收不返去容易斷，同埋如果筆頭可以再幼細少少就更完美，畫極細眼尾線會更精準～ 總結： 百零蚊支嘅開架眼線筆來講，性價比超高！油眼皮姊妹絕對可以入手～建議畫眼線前先撲少少碎粉打底，效果更無敵！💖

Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️

pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

Emily Leung好用推薦：這支唇膏我給五星🌟🌟🌟🌟🌟 Bobbi Brown 🔥2025新品 晶鑽漾色盈潤唇膏 2025好像各品牌都在水光唇的戰爭 Bobbi brown 也出水唇膏‼️ 超保濕！水光0黏膩 高保濕植萃 ✅荷荷芭油 ✅紅花籽油 立即保濕&修護肌膚屏障 霜淇淋質地 上唇滑順又顯色 保濕水潤 中高顯色度 完美遮蓋唇色 高質感！水潤釉光唇‼️高級剔透「釉」光融進唇中 如同陶瓷表面的高級光澤‼️上唇「亮嫩」好氣色 霜淇淋質地、上唇滑順又顯色‼️主打上妝0技巧 不用鏡子也能輕鬆補妝❤️ 我的最愛色號nude sugar 素顏當潤唇膏用，也可以美美噠！

Kmggigi好用推薦：多謝 @cosme 贈送bobbi brown extra color shine唇膏🤩 Bobbi Brown Extra Color Shine係一款集滋潤同亮澤於一身嘅高質唇膏， 無論薄塗厚塗都能打造理想嘅妝感！✨ 呢款唇膏將滋潤度同亮澤感平衡得非常好， 一搽上嘴就可以即刻見到自然嘅閃亮效果， 閃得來毫不浮誇，令人感覺嘴唇健康又精緻。 唇膏含有荷荷巴油成份， 輕輕一抹就能為嘴唇鎖住水分，即時改善乾燥情況， 同時提供長效滋潤，嘴唇整日都保持柔軟水潤狀態，特別適合乾燥天氣使用！ 薄塗: 只需輕輕一層就可以自然提升嘴唇嘅血色感，打造清新自然嘅裸妝效果。 厚塗: 疊加幾層後，嘴唇會呈現出水晶般嘅閃亮效果，光澤感十足，吸睛度爆棚，非常適合派對或者特別場合！

Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇

Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！

Chloeincosme好用推薦：Canmake既臥蠶眼影有幾出名唔洗講，而你見我用到凹晒就知我有幾鍾意用佢。有自從買左佢之後，畫臥蠶完全係得心應手，毫無難度。🤣 我自己包晒01/02 色，不過最中意都係01🥹 4 格既粉質都好幼細，唔飛粉，成盤分左做4 格，1 同2 係膨脹色，畫係臥蠶位，3 號深色用黎畫臥蠶線同下置。4號係好幼細嘅閃粉，可以點係眼皮。 大概就係上圖既畫法，手殘如我都冇問題。 畫出黎隻眼大左好多🥹🥹 另一樣好surprise既係日系眼影通常好快冇晒色，但canmake呢隻臥蠶眼影完全唔會！ 建議未入手既真係可以試吓，$80 有找既價錢就可以令個眼妝更精緻！推薦！😗

YiN好用推薦：講到開架好物，canmake嘅淚袋眼影盤01號色一定有份。一度喺sns好hit之後引起香港日本都大缺貨，我買嗰陣都搵咗一段時間。要強調返好用嘅係01號色，我另外買咗05號色，就真係唔係咁好用，下面會講原因。細細盒，內附海綿頭同掃頭嘅專用掃，帶出街用都方便，不過我習慣用返自己嘅眼影掃。 一盒有四格色：微微反光嘅米色、米色珠光、金色半透明閃粉、啞光輪廓陰影，原意係可以一盒做到淚袋嘅突出光面同畫下陰影線。畫喺手上就係咁嘅色。以佢本身嘅用途黎評論，冇錯係可以畫到一個有凹凸感嘅淚袋，佢係一件合格嘅產品，但其實如果你手上有其他類似顏色嘅眼影一樣做得到。 粉質黎講其實冇特別好，尤其佢格閃粉，一定要用海棉棒上啲閃粉先會密，同埋上眼之後啲閃粉會甩返落嚟，所以我好少用呢格。至於陰影色好睇你本身膚色夾唔夾，01色嘅陰影色偏橙，喺我膚色上係做唔到自然嘅淚袋陰影，但用嚟加深眼尾係幾靚嘅。至於我買05色，粉質基本上差唔多，只係變成淺紫色基調，我依家都係當普通眼影用。 咁點解我仲會話佢係開架好物呢？係因為佢左邊格微微反光嘅米色係淚溝神器！ ✅提亮淚溝一流 近年大家興講啞光高光提高面部平整度，好多品牌都開始出好多淺

Kitty 好用推薦：Dior 唇膏嘅包裝一向無得輸，拿上手沉甸甸嘅，經典嘅深藍色配銀邊，個感覺已經贏咗！帶出街補妝個陣，虛榮心即刻飆升，哈哈！ 🎨 顏色：超靚木玫瑰豆沙色🎨 #720色號係一隻好微妙嘅顏色！佢係一隻帶住少少啡調同粉棕調嘅豆沙色，但唔會好似普通豆沙色咁悶，裡面仲有微微嘅玫瑰色調，所以佢有個咁詩意嘅名叫做木玫瑰。 - 對黃皮超級友好！我本身係黃二白，搽上嘴完全唔會顯黑或者顯黃，反而即刻睇落個人好精神、好溫柔。 - 顯色度：遮蓋力好好，我本身唇色偏深，薄薄搽一層已經能夠還原到唇膏本身嘅顏色，仲好均勻。 - 場合百搭：呢隻色真係唔挑場合！平日返工、見客，佢低調得嚟又有品味；周末去Cafe打卡、或者夜晚去食飯，佢又顯得你好有氣質，絕對係一支唔會出錯嘅萬能唇膏！ 💋 質地：絲絨啞緻，高級感之選 💋 呢支係柔霧啞緻質地，但係！佢一啲都唔乾！ - 順滑度：搽上嘴個下好似絲絨咁順滑，完全唔會拉扯到嘴唇。 - 滋潤度：雖然係啞緻，但裡面應該加咗保濕成分，我唔打底直接搽都唔會覺得繃緊，亦唔會顯唇紋（當然，如果本身唇況好差，點都要做返個基本護理啦）。 - 持久度：食嘢飲水當然會甩少少，但唔會成層甩到冇晒，底

KDing好用推薦：我用既色號係720號既玫瑰色，搽上嘴好顯色，上嘴顏色都幾深色，搽上嘴好係紅噹噹，絕對係招財嘅顏色，所以好適合去朋友屋企拜年嘅時候，打牌嘅時候贏到開巷🤓 同埋有啲好重要，就係呢支唇膏拎出嚟補妝嘅時候都覺得貴氣十足，顏值已經拉滿咗。本身支唇膏嘅質地都係偏向matt身，所以都要用少少潤唇膏嚟打底，咁樣冇咁容易起死皮。 唇膏嘅持久力都算幾高普通飲嘢飲咗幾次之後嘴唇嘅顏色都唔會話甩得好嚴重，補妝嘅次數唔需要太多。 顯色度：4/5 啞面唇膏

Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

Kmggigi好用推薦：CANMAKE 花漾瑰麗胭脂 — 超高性價比！好上色、好融妝、開架界長期熱賣🔥 粉質: 呢款胭脂真係開架界嘅皇牌！ 粉質超級細緻，仲帶少少幼細閃粉， 上完面後帶住隱隱光澤，好自然、唔乾唔厚， 仲好易同粉底融合，完全唔會「一撻色」咁尷尬。 效果: 色號選擇多，我而家用緊 16 號， 顯色度啱啱好，新手都唔怕落手太重。 用落好易上色，輕輕掃一掃已經好靚🤩 除咗上色靚之外，佢仲有輕微柔焦效果， 上面後啲毛孔睇落明顯平滑咗， 好似自帶 soft filter 咁🤣 持久度都相當唔錯，朝早掃一次， 去到下午都仲睇到色🔽 同埋可以見到掃咗胭脂嗰啲位， 毛孔明顯平滑過其他位😎 唯一缺點：原裝小掃真係…可以放返一邊😂 雖然外殼靚，但入面附送嘅細細支掃真係太難用， 建議直接用自己平時嗰支胭脂掃，效果會靚好多。 總結：價錢親民、粉質好、上色易、色號多，完全係必收嘅開架胭脂！ > 想搵自然、有光澤感又唔貴嘅胭脂？CANMAKE 花漾瑰麗胭脂絕對係化妝袋必備！💖

Kitty 好用推薦：🌸 Canmake花漾胭脂：開架王者點止平咁簡單！ 身為圓面人嘅我，一直靠腮紅救面型！Canmake花漾系列（分珠光Glow Fleur同啞光Mat Fleur兩款）真係我嘅日常恩物——唔單止一掃即時好氣色，仲識得偷偷修容。呢款胭脂真係開架好物平靚正之選，顏值同實力兼備，絕對係化妝袋必備item！以下係我嘅真實心得同技巧分享👇 呢排比較多用CANMAKE花瓣胭脂B02色，佢係一款好溫柔嘅珊瑚粉色，帶微微珠光效果，上面後面色即刻紅粉緋緋，又唔會太誇張，好適合日常妝容。佢嘅粉質超幼細，好易上色，而且持久度都唔錯，成日keep住好氣色！ 用法係咁㗎～👇 1. 揀返合適嘅掃（建議用胭脂掃），掃毛要柔軟，咁樣上妝會更均勻。 2. 用支掃輕輕掃吓胭脂表面，記住要fing走多餘嘅粉，避免落色太重手。 3. 笑一笑，搵到蘋果肌位置，由蘋果肌開始往太陽穴方向輕輕掃上去，緊記要少量多次，咁先自然。 4. 最後用支掃輕輕暈開邊緣位，等胭脂同底妝融合得更自然。 優點大集合： 1. 貼膚不卡粉：粉質細膩，與肌膚融合後零粉感，乾肌也服帖！ 2. 修容光澤二合一：珠光款自帶細膩高光，斜掃顴

Hamiii好用推薦：買黎做highlight用 珠光香檳色 一筆就ok 簡單方便

KDing好用推薦：隻色都幾顯色 要另外用打底色人好D 有時會用尖既掃取粉當眼線

YiN好用推薦：因為太易用太百搭，所以已經回購過幾次03色，同埋買過其他顏色。依家有喺手就係呢幾枝。幼身扭出嚟扭唔返入去嘅包裝，每次都係扭少少出嚟畫。有試過唔小心跌落地但未試過斷芯。 ✅多顏色選擇 Canmake呢隻眼線筆時不時都會出新色迎合眼妝潮流。好似之前興色彩診斷，好多日本妹都會講邊個色號啱邊類人，正因為佢有冷色有暖色，好易會搵到啱自己嘅顏色。而最近多咗人畫下至線，佢又出咗15號cappuccino pink，相對淡而有血色感，我都考慮緊買唔買。✅線條流暢不暈染 當然最緊要係佢有一枝眼線筆必備嘅條件先咁受歡迎。本身筆芯偏柔軟，所以好易就畫到流暢線條，尤其畫內眼線唔會刮眼。等乾咗之後就唔會暈染，不過唔係完全唔會甩，而係就算甩佢都係一粒粒咁冇咗，而唔係溶到黑一撻救唔返。 整體我覺得佢係小資女開架品牌眼妝嘅好選擇，佢未必係好完美嘅產品，但一定係好高性價比嘅產品。未買過唔知揀咩色嘅，推介03 Dark brown，令眼妝更有神得黎唔會太銳利。

Emily Leung好用推薦：canmake家最好用的眼線筆 很喜歡這個細筆頭，能精準畫眼尾！筆芯很順滑好上色，乾得也快，很適合新手。 02淺棕色和03深棕色都是我愛用的顏色，都很日常好看！ 最重要是這款眼線筆防水防汗，用清水沖洗然後用手搓都沒有搓掉。畫了內眼線，一整天下來也沒有暈妝！真心推介！

oy 好用推薦：呢個大名鼎鼎嘅「花花胭脂」想買好耐，因為佢壓盤係一朵雛菊咁好靚，靚到你唔捨得用。 Clinique 呢粒胭脂最勁嘅地方係佢嘅粉質，摸上手係無粉感嘅，非常實淨，唔會飛粉。上臉嘅效果係好似水彩咁暈染開，非常通透自然，好似皮膚底層透出嚟嘅好氣色，就算重手咗都唔會變馬騮屁股。 顏色方面，最經典一定要提 #05 Nude Pop (橘色調，上面顯氣質) #08 Melon Pop (哈密瓜色，超顯白) 同埋 #15 Pansy Pop (紫色，黃皮救星)。 我自己就揀咗Pink honey pop 不過建議去試色先買 如果唔係可能揀唔啱 缺點係個盒雖然睇落通透，但易花同埋個扣位有時會爛。同埋因為粉壓得實，要用抓粉力好少少嘅掃先易上色。 最後決定買佢嘅原因係佢冇滑石粉！依家比較注重化妝品嘅成分，所以最後揀胭脂揀咗呢款，始終比較穩陣 顯色度： ⭐️⭐️⭐️⭐️ (透亮感為主) 持久度： ⭐️⭐️⭐️⭐️ 自然度： ⭐️⭐️⭐️⭐️⭐️ 顏值： ⭐️⭐️⭐️⭐️⭐️ 安全度：⭐️⭐️⭐️⭐️⭐️ 顏值： ⭐️⭐️⭐️⭐️⭐️ 安全度：⭐️⭐️⭐️⭐️⭐️

Kitty 好用推薦：講真，一開始見到pansy pop呢隻色真係有啲猶豫，因為佢係偏淡紫調嘅胭脂，聽落好似好難carry咁。但試上臉之後——嘩！完全驚艷！😍 質地同顯色度： 小雛菊胭脂出名粉質細膩，呢隻15號都唔例外！壓粉實淨，唔會飛粉，上臉好易暈開。雖然睇落紫色好似好誇張，但實際上臉係一種好自然嘅粉調淡紫色，仲帶微微光澤感，唔會閃到變十八銅人，係好貼服嘅自然光澤～ 效果同膚色適用度： 我自己係黃二白膚色，本來驚紫色會顯黃或者突兀，點知完全唔會！反而佢可以有效中和膚色嘅黃氣，睇落個妝感更通透同白皙💡。如果係白皮用，效果仲仙氣，好似天生好氣色咁！就算係暗沉肌，用佢都可以即刻提亮，仲有種偽冷白皮嘅感覺～ 點樣用最好？ 我通常用掃子輕輕沾取，喺蘋果肌位置打圈掃上，少量多次就最自然。因為顯色度中等，唔會一掃就變關公，新手都好易掌控。如果想個妝更持久，可以輕輕撲層碎粉再上胭脂，咁就可以keep成日都唔掉色～ 總結： ✅ 優點：自然提氣色、黃皮友好、粉質細膩、持久度不錯 ❌ 注意：如果膚色偏深可能唔太顯色，建議去專櫃試咗先～ 總括來講，Clinique呢隻pansy pop真係一隻宝藏

Shan好用推薦：Suqqu眼影出名唔駛講，但恆常色多數有閃，依個係25年限量版，咁岩搵緊Matt眼影，佢連Matt眼影都滑又唔飛粉，勁推薦💖💖 油眼建議打返層eye base，我今日冇用，6個鐘後照鏡有小溶。

royu3好用推薦：這盤眼影雖然很貴，但真的物有所值！ 包裝為黑金色，很有高級感。使用上也很方便，內附鏡子、刷子，能隨時隨心地化上喜歡的眼妝👍🏻 我買的是08 光焦，很適合暖膚色。 特別是B色，超美的橙金色！A+B+D屬於較幼細的閃粉，沒有顆粒感； C則是肉眼可見的銀色閃粉，較少機會使用。 前者加起來，於一般場合使用已經很足夠， 要不要加上C的就視乎情況而定。（我只有夜間活動時使用到C呢）粉質細緻，基乎沒有飛粉⭕️ 而且與皮膚的貼合度很高，能自然放大雙眼，沒有違和感！不會顯得眼妝很濃，非常百搭，任何場合都能使用👍🏻 #夏季戀愛感妝容

mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調

Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！

Emily Leung好用推薦：今次入手嘅係Canmake唇膏16號，即係好多人講嘅「肉桂奶茶色」或者「高級焦糖棕色」，呢支真係開架入面嘅寶藏色。如果你係鍾意自然溫柔、有氣質嘅妝感，呢支好大機會啱你心水。 先講顏色，佢個名已經講咗一半。所謂「肉桂奶茶」，即係唔係死實實嘅棕色，而係一種帶住啲暖調、少少紅調嘅柔和啡色。擦上嘴唔會好似飲完朱古力冇抹嘴，而係似本身唇色透出嚗一種好健康、好溫暖嘅色澤。薄薄擦一層，就好似你本身嘴唇好紅潤咁，好自然。 如果你擦厚一兩層，個「焦糖」感就出嚟啦，會有種好濃郁、好秋冬嘅感覺，好襯冷衫同大衣，望落真係有啲高級感，唔似幾十蚊嘅貨仔。對黃皮膚好友善，好顯白，唔會病懨懨。 跟住講質地，呢支嘢嘅賣點就係「滋潤」。佢完全唔乾，擦個陣好順滑，好似擦緊一層好薄嘅奶油咁，即刻幫你撫平咗啲唇紋。上嘴係一種好靚嘅水潤光澤，唔係誇張嘅玻璃唇，而係好似本身嘴唇狀態好好、好飽滿咁。因為佢咁潤，所以就算你嘴唇有少少甩皮，用佢都唔會顯眼，反而有啲修飾作用。 當然，有優點就有代價。因為佢咁水潤，所以持久度就一般啦。飲杯水都會印走少少，食個晏大概就要補一補。不過好彩佢甩色甩得都算均勻，唔會淨係甩中間變個「唇圈」，

Desse好用推薦：Canmake Stay-On Balm Rouge（09號色） 一款日系開架潤唇膏，主打絲滑滋潤同自然顯色，適合日常妝容或素顏上妝， 09色號係深酒紅調，帶點柔美暗紅，顯色度中等偏高，有小小閃粉，日常番工用啱啱好 質地如奶油般滑順，推開感覺滋潤唔黏膩，含豐富保濕成分如維生素E同植物油，塗上後唇部即時水潤有光澤，唔會強調唇紋或乾燥脫皮 個人覺得呢個色號秋冬用最適合，顯得氣色唔錯 持久度約2-3小時🧐 留意位🥸 飲水會留色喺杯度，唔至於見到成個咀唇，但都有3-4成🧐 極乾唇必需先打底！如果唔係冷氣房會覺得唔夠潤 但我自己用就點都打底先， 預防食唇色🥸 總結嚟講，顯色度夠，整體溫和無刺激，敏感唇都OK，cp值唔錯👍🏻

Emily Leung好用推薦：稜鏡光感柔滑眼線液 一直用ettusais家的睫毛打底膏，沒想到他們家眼線液也那麼好用！自從用了他們的眼線液筆 ，就愛上了！這款眼線液筆對於新手真的很友好。 比自動鉛筆芯還細的極細頭！！輕輕一畫就是 0.1mm 空氣感線條，出墨順滑，適合眼尾描畫，輕鬆做到日系透明感眼線，平日市面上買的較實色，這款就可減低眼神銳利感。 相比起眼線膠筆，眼線液筆更細更精準，而且防水防暈染，帶妝一整天不拔乾不刺激！速乾成膜後蹭眼皮都不掉，無論健身吃火鍋蹦迪過後，都能保持精緻的妝容！ 恰到好處的3色，清透淡顏妝容拿捏 ❥01透明黑：放大雙眼，自然百搭 ❥02淺栗棕：溫柔清澈，淡顏天菜 ❥03亞麻褐：靈動隨性，自帶神秘

南西瓜好用推薦：ෆ 使用中 ෆ 因為看到在排行榜上&在日本也很有名，筆尖非常細，可以打造精緻又日系的妝容，因此去日本旅遊時購入～～～ 選擇了02號色，是偏淺的咖啡色🍪 實際上妝真的帶有日系感，但對我來說有一點點過淺（上圖是重複畫了3次的效果！）因此若下次要買，會考慮更深的顏色！ 筆尖是真的非常細，筆毛也偏柔軟，或許對新手來說會需要一點時間上手！（上圖是重複畫了2次的效果！） 但持妝效果在混合偏油性肌膚&非常容易流汗的我身上似乎沒有非常好～ 大概過了半天就有一點點暈開，尤其夏日很快就有些斑駁💦 因此如果下次外出可能不會使用，但冷氣房內就是ok的！