囊腫型痘痘 推薦好用產品

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企

choichoi好用推薦：茶樹油一直是我抗痘良伴但未知是否年紀漸長開始失效？效果是大不如前了。對抗石頭瘡改為使用其他產品，這款有即時消炎感，塗抹後瘡沒那麼痛，勤力點一天三次更可達至加快暗瘡代謝

Emily Leung好用推薦：The Body Shop 茶樹油用後感 之前生暗瘡生到好煩，又紅又痛，聽人講茶樹油消炎好得，見到The Body Shop呢支咁出名，又話係明星產品，咪買支細裝嚟試下囉！ 支油係透明嘅，質地好輕身，唔會立痴痴。一打開陣味真係好「攻鼻」㗎！係好濃烈嘅茶樹味，聞落好清爽，有種「消毒緊」嘅感覺。 我唔會全面搽㗎，只係用 「點塗法」 。每次洗完面，用棉花棒蘸少少，直接搽喺啲剛出或者已經出緊嘅暗瘡上面。如果係好大粒又痛嘅瘡，我會夜晚臨睡前搽厚少少，等佢慢慢發揮功效。 用後感覺： · 消炎快！ 對於啲剛剛開始紅同痛嘅暗瘡，真係好有效。好多時搽咗一兩晚，就冇咁紅同冇咁痛，唔會繼續發大落去。 · 催熟暗瘡：如果粒瘡係有膿嘅，佢好似會幫手催熟佢，等啲膿快啲出嚟，之後就好得快啲。 · 感覺乾淨：搽上臉嗰陣有陣涼浸浸嘅感覺，好似幫你殺緊菌咁，個心都定啲。 缺點？ · 好乾！ 真係好乾！如果搽得多，或者附近嘅皮膚都會乾到甩皮，所以千祈唔好全面用，同埋一定要做好保濕。 · 對大膿瘡或者石頭瘡效果慢：如果係好深層、好大粒又冇頭嘅石頭瘡，單靠佢一支就好難搞，要配合其他產品先得。 · 氣味唔係個個都鍾意

Kitty 好用推薦：The Body Shop呢支茶樹精油主打用天然茶樹油成分，話可以幫助抗菌、消炎同埋控制油脂分泌。細細支好方便，而且味道係好清新嘅茶樹味，一聞就覺得好治癒！ 我的膚質： 我係混合肌，T字位比較油，而且額頭同下巴偶爾會生暗粒同姨媽痘。試過好多產品都唔太夾，直到遇到佢！ 👍使用感受： 1. 急救痘痘超有效！ 每次一感覺到有粒痘想冒出嚟，我就即刻用棉花棒點少少精油搽上去。第二日就會發現粒痘冇咁紅同腫，甚至唔會繼續大落去！如果係已經爆咗嘅痘痘，搽咗之後會快啲乾同埋愈合，冇咁易留印。 2. 溫和唔刺激 雖然係精油，但係佢唔算好濃烈，點搽上臉都唔會話拮到痛（除非你塊面本身好敏感或者有傷口）。我通常每晚護膚後局部搽，朝早瞓醒就已經見到效果！ 3. 價錢親民，耐用 真係一支可以用好耐！每次只係用一兩滴，所以性價比幾高。對於Budget有限但又想護膚嘅朋友來講，呢支真係入門首選～ ⚠️注意事項： - 千祈唔好成塊面搽！只係適合局部用，否則可能會太乾。 - 如果係極度敏感肌，最好先喺手臂內側試一試會唔會過敏。 - 記得要配合足夠保濕，因為茶樹油有少少收乾效果，唔想皮膚太乾就要加強補水啦！ 總體評

Fng好用推薦：曼秀雷敦痘痘貼｜ 痘痘肌的隱形救護兵🩹 這款痘痘貼透明超薄設計宛如為痘痘穿上隱形斗篷，卻藏著令人驚豔的戰痘智慧—— ⚡ 實戰三階段解析 1. 未爆發期：微壓技術加速膿頭成熟，仿佛內建「痘痘導航系統」，12小時內精準吸出黃白分泌物🌋 2. 已破損期：親水性 hydrocolloid 材質形成保護艙，避免手指細菌二次感染，同時鎖住組織液加速愈合 3. 修復期：邊緣僅0.01cm的超薄設計，白天上妝後近乎隱形，卻能持續吸收殘餘組織液 ⚠️ 誠實挑戰 • 對深層閉口粉刺效果有限，更適合已形成膿頭的炎症痘痘 • 汗水浸潤後邊緣可能微翹，建議隨身攜帶替換裝 • 敏感肌需注意長時間貼合可能引發周圍皮膚輕微泛紅 這盒痘痘貼如同肌膚的智慧創可貼，特別適合需要隨時保持社交狀態的都會男女。當重要會議前突然冒痘時，它就是你妝檯上最可靠的沉默戰友🤫✨

Bubu好用推薦：大粒暗瘡有用，保護到暗瘡同時吸走到分泌物，第二日消腫不少；加上暗瘡貼夠薄，化妝貼住都唔覺。

Tung好用推薦：有排皮膚狀態極差，於是的起心肝想買返支重手嘢頂下！呢支大概$34X（如果冇記錯） 由於我會當佢真係保養精華咁滴全面，都幾易吸收同滋潤，所以都用得幾快（但都真係有預防效果！冇再復發爛額頭啦）我應該用曬都會keep住買呢隻用住lu。 如果正常按照佢講嘅淨係搽痘痘位，應該可以用耐啲。但以佢嘅成效嚟講我覺得係抵玩嘅，好適合想一晚瞓醒消炎、止痛、撫平痘痘嘅人🙌🏻

zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛

Floflo好用推薦：Acne's 抗菌痘痘貼為我帶來了意想不到的效果。只需要一晚,就能明顯減少痘痘的大小和發紅。是一款非常實用的痘痘護理產品,值得痘痘困擾的朋友們一試。

Leti好用推薦：曼秀雷敦樂膚潔暗瘡護理系列的下抗菌痘痘貼，我使用的是日夜高效型。 故名思意，包裝內有兩片暗瘡貼：日用型和夜用型，各一片（26貼x26貼），還附送一個專夾暗瘡貼的小夾子。 每當我突然生暗瘡，看得到有膿頭開始，我便會在醒來洗面後，甚麼保養品都還未使用的時候，在乾爽的臉上，貼上暗瘡貼，然後再上保養品和上妝。暗瘡貼有大小之分，細心的分別讓用家能夠選擇適合自己暗瘡的大小。  貼上數小時，便能看見暗瘡貼中心位開始發白，意味要更換暗瘡貼了。 個人體驗： 日用型：較為輕薄和更易貼實皮膚 夜用型：效果略為更佳卻卻較厚身 使用此暗瘡貼後，對有膿的暗瘡效果顯著，而沒有膿的暗瘡好像沒有甚麼效果。

GinGin好用推薦：混合性皮膚嘅我，T字位四季都會出油，好麻煩，所以唔化妝嘅日子，同瞓覺之前最後一個護膚步驟就係用控油粉餅，起身油膩感覺減咗八成

綺羅香好用推薦：買咗5盒用咗3盒，無論素顏定係帶妝，都非常好用，係爆痘嘅日子，我搽哂skin care之後，就會係暗瘡位置上一層粉，過幾日就會開始謝（同時配合暗瘡膏），又或者上粉底前，全臉上一層，防止因粉底而爆瘡，細細盒長期放係手袋度，差唔多一個月用完一個粉餅，不過香港專門店真係貴，係日本幾乎係半價咁滯，用開嘅sis去日本的話記得買幾多盒

kayla.me.me好用推薦：主要成份係天然粉紅爐甘石,佢系由天然礦石提煉。 無添加人造色素，不含7大有害成分。 就算係大粒嘅暗瘡或石頭瘡都可以ko到。 佢可以控制皮膚油脂分泌、抑制粉刺、收斂暗瘡,並舒緩暗瘡所引起 嘅紅腫及不適感,能逐步淡化暗瘡痘印,令肌膚回復平滑光澤。 用完一排,啲暗瘡謝得好快,可以同痘痘say goodbye。

Hazel好用推薦：居然冇人評論呢支暗瘡藥，之前啲beauty youtubes勁sell，連萬x都有得買咪買番支呢試吓。其實佢同Etude House或mario badescu 個支暗瘡藥勁似，都係上面透明有啲酒精味，下面粉紅色嘅粉狀物體用黎消炎殺菌。價格差唔多都係百零蚊有交易，用法亦類同，唔使搖勻，夜晚保養程序後沾上下面啲粉紅色粉狀係爆癔位置，記得乾咗先訓，如果唔係好易整污糟扻頭，第二朝啲暗瘡好快消，真心好用架！ 「#清痘大作戰」

Poyobb好用推薦：The body shop嘅茶樹系列非常出名，佢嘅茶樹油同急救啫喱棒我都有買，茶樹急救棒係比較出色，針對暗瘡護膚成份有明顯功效👍🏻 依支急救棒用嚟外塗，喺暗瘡仲未熟/岩岩起時候，平均3-4小時就茶一次，紅腫容易消退，針對新長成的痘痘效果非常好！千祈唔好慳住用🤣 急救棒本身係一支幼身白色嘅棉頭，質地係啫喱凝膠狀。有時候一起身，化妝前見到想生新暗瘡，我會即刻用急救棒，好快就會吸收晒暗瘡精華。之後暗瘡位置係清爽嘅，而且唔會影響後續上底妝，比起用其他嘅暗瘡膏更方便。

Kelvin好用推薦：暗瘡棒方便易用，喺暗瘡位置會有一啲消毒嘅感覺冰涼，拿一拿，茶樹亦都有消炎作用。 夏天間唔中會生頭瘡，尤其是一啲啱啱腫起，但係又未可以針清走既暗瘡最討厭。暗瘡棒喺暗瘡發炎位置點一點，第二日會冇咁紅，之後暗瘡就會慢慢甩皮退咗。佢唔似其他嘅暗瘡膏咁好厚身，薄薄地點少少暗瘡液出嚟已經好用👍🏻

格仔餅公主好用推薦：有助控制同抑制到痘痘既問題，用完有少少乾要使好保濕，不過真係減弱到暗瘡既問題

Anna好用推薦：要搭配同系列emulsion黎用，有消炎功效，真系覺得調理緊暗瘡問題，水狀質地，唔潤，一般保濕，用落一排暗瘡問題改善好多

Bibi951427好用推薦：透明水，少少黏嘅質地。因為用茶樹油整所以好大陣茶樹油味，好醒神😆😆用佢做精華搽係生暗瘡嘅地方，過幾日會消得快D。不過因為佢主要係針對暗瘡用，所以用完會有少少乾，最好用之前用其他保濕精華打咗底先。因為如果本身塊面乾，用完會仲乾。🤪🌱係好嘅產品👍🏻 #清痘大作戰

jackielai好用推薦：呢枝茶樹精華係海綿頭嘅設計，可以直接點落暗瘡度，不過我就驚污糟所以會點落手指先再搽上面。我覺得佢嘅效果好過用一樽嗰啲茶樹油，因為用完㓔得快啲之餘皮膚冇咁乾，但係就好快用晒。

YY好用推薦：D program 依個brand以前去親日本🇯🇵會見到，但唔太熟悉無乜人介紹🫥依加香港多咗日本🇯🇵藥妝店，有機會認識下D program，原來係shiseido旗下牌子。 依支係酵母益生元乳液，主打水油平衡。流身水狀質地，非常清爽，吸收都幾快，朝早用完之後上妝完全無搓泥🫶🏻 混合肌夏天用都幾適合。暫時我只是係皮膚敏感/爆粒粒既時候用，感覺舒緩。用完第二朝泛紅少咗既。但如果想用依枝乳液針對去痘就無效喇。始終不年青，希望用有針對性功效護膚品😂 總體而言夠清爽，維持皮膚穩定一流， 但就無特別功能追求（eg 抗衰老、美白❌）。

Anna好用推薦：搭配acne爽膚水，真系好好用，暗瘡嚴重嘅時候，用呢set，暗瘡問題一排就改善左好多，用落好溫和，保濕力唔夠，但系生暗瘡嘅時候都好驚滋潤嘅，所以問題唔大，自己加一個清爽保濕精華就ok (唔知點解咁好用都咁少人知道😢)

Hazel好用推薦：佢有擠暗瘡前後護理，暗瘡貼好薄，好貼面，只要乾面貼就唔易甩，佢哋各做到吸膿及修復功能，唔錯．

lingbb好用推薦：- 有分開before同after貼：before係痘痘初起時用 ，after係痘痘生完退印時貼。 - before幾好用，非常貼合暗瘡，第二朝會連埋暗瘡濃脹起身，易除下亦吸得好實，晚上唔會移位 - after真係有助瘡痕修補得快，瘡印快啲埋口 - 買開medicube可以加購試試，湊合運費😛

Kura好用推薦：值得無限回購嘅一款面膜，袪痘效果真係一流，特別針對初生痘痘，但係價錢偏貴

janna17好用推薦：早前有一排壓力大用過好多藥妝店product都唔得，就買左一set呢個系列嘅產品試下，不過效果欠奉。首先本身佢個質地都比較厚，如果唔覺意搽多左少少都有機會致痘。用左呢個product幾個月，用曬都唔覺得痘痘有改善🥹🥹整體皮膚狀況都無好到，不推介！

jhope0725好用推薦：細個以為暗瘡只係會喺油脂分泌旺盛嘅時候出現，冬天一定唔會有，大個就知無論係普通暗瘡，定係壓力瘡，冬天都有機會形成，自然就要搵相應嘅產品，但又唔可以用夏天嘅控油產品，之後就比我發現咗呢支爽膚水同乳液之間嘅產品！ Innisfree曾經大力推呢條line，主打舒緩去暗瘡，同時保濕。特別留意佢成份含有榧子同積雪草，係唔少抗敏舒緩產品都會有嘅成份，對治療暗瘡尤其有效。入面重有含保護肌膚的"榧子果油"及"維他命原B5"，有效對抗外來刺激物，例如係致敏源同油脂分泌。有暗瘡少不免就會有痕癢同泛紅，呢個產品可以有效舒緩紅腫，尤其適合一啲有暗瘡，唔喜歡再用太多護膚產品嘅朋友👍🏻我試過用喺暗瘡上面都OK，唔會話好似有啲護膚品咁加劇暗瘡發展 佢顏色呈乳白色，推開嘅質感介乎乳液同爽膚水之間。鍾意佢嘅原因係，佢比爽膚水更加濕潤，唔會好快蒸發，保濕效果比普通爽膚水更高，尤其夜晚用完，第二朝保濕效果更加明顯。如果前一晚面上有泛紅情況，朝早基本上已經會消退一d，連續用三至四日效果會再明顯啲 而且佢性價比都幾高，我用全塊面，大約三至四滴，至少可以用到兩至三個月！ 不過唯一希望改善嘅地方係，佢嘅質感有啲黏。我比較喜

Hana0125好用推薦：因為敏感肌嘅緣故，時不時都會起啲小白點或者粒粒。想快速消炎嘅時候，我就會用呢枝袪痘精華。 精華係透明水狀，有少少酒精味，滴少少落化妝棉，再重點敷係痘痘上5-10分鐘，可以幫助消炎，第二朝就退約消腫，好有效！

choichoi好用推薦：水潤的質地不刺激也很好吸收，對暗瘡的治理相對溫和，適合弱弱肌或易致敏的朋友戰痘

Noel好用推薦：個人對這款去痘印潔面產品非常好奇，加上有朋友用過，都讚它清潔力強，我就乖乖付款了🤣 白色的潔面膏，起泡超容易❗而且泡泡很豐盈，塗到面上超舒服👍加上它帶有蘋果味，很療癒呢🥰 而清潔力也不錯，雖然泡泡很多，但又不會令皮膚變乾，很神奇。 不過，產品標榜的袪印功效就很麻麻，感覺用前跟用後沒有多大分別。天啊！我可是整整用了兩枝的啊🥺

chymiaaa好用推薦：清潔力的確係幾強 而且價錢亦都係大眾可接受嘅 不過就係唔見到有明顯嘅去痘印功效 不過個人覺得以咁嘅價錢來講其實算係幾唔錯 嚟緊應該會再回購

nikiting好用推薦：雖然是痘痘系列 但是因為沒有酒精或什麼控油的成份 將主要是當中沒有加油分和一些刺激性果酸水楊酸 所以我也是當一個水份乳使用 因為夏天戴口罩時可能會比較容易出油 用這個剛剛好

Carol好用推薦：會用完乾乾地 令暗瘡唔好吸收營養 所以只係局部搽 而且會變咗白色係塊面到 所以夜晚先會搽 有人話可以用嚟收毛孔但又唔覺

nikiting好用推薦：現在戴口罩 t位是比較容易有點油份 所以用了這個感覺清爽最重要沒有酒精 不錯

Sarah好用推薦：買過一支，上網睇好多人讚佢話可以收晒毛孔同減少黑頭粉刺，但自己用落覺得佢質地厚重而且有點乾，用了幾個星期都冇咩感覺，可能不太適合自己皮膚。

jackielai好用推薦：呢枝修護精華唧出嚟係白色嘅乳液咁嘅質地，聽ba講話就咁搽喺暗瘡上面就可以消炎同埋去痘。但我買嗰陣冇留意到入面嘅成分有水楊酸，我皮膚本身比較薄同易敏感，搽完喺暗瘡上面之後周圍嘅皮膚即刻又紅又腫，好似發炎咁，仲生多咗粒粒，搽咩都冇用。最辛苦係嗰啲印好難消，下次買呢類帶酸性嘅產品之前真係要試清楚適唔適合自己先好買。