補水精華 推薦好用產品

Rachel好用推薦：一直買精華都係睇成份 見佢又係香港製造買嚟試吓 一盒5支、每支建議用最多3日 配埋medicube 勤力上嚟2日早晚都用晒 一直都係冷氣人 每朝起身鼻最易睇有無甩皮 唯獨呢幾日有用精華有用medicube 碌 唔係改善 係直接解決咗甩皮問題 有試碌完再敷佢個factiv 補濕mask 上埋妝到夜晚都好貼！ 而回購5次 會繼續用！

sp_113好用推薦：一直用緊B5 gel，夏天夠用，但一到冬天就覺得唔夠保濕。每次用完好快就乾燥返，底層仍然好缺水，有種治標唔治本嘅感覺。睇完YouTube 袁彌明介紹吸引左去買，結果成為最愛，已經回購四五支！ ✅改善乾燥&泛紅 B3會刺激皮膚生分子釘，皮膚就可以鎖水同減少乾燥。依支B3 13%濃度高，所以效果顯著。長期用膚質有改善，感覺有修復皮膚底層，無以前咁易甩皮同泛紅。 ✅容易吸收 質地係水狀，搽完好快吸收，唔會笠痴痴 ✅成份安全 成份簡單安全，敏感皮膚適用

Hannah好用推薦：一款令面部油脂分泌平衡嘅產品 用完第二朝已經明顯唔會出咁多油，毛孔較幼細 質地易吸收

Jenjen好用推薦：朋友介紹，我買咗三支精華保濕，搽上面呢都幾保濕，暫時都幾啱用，不過要試吓再凍啲嘅天氣啱唔啱！

Miranda好用推薦：【質感】 首先講吓佢個包裝，係白色磨砂玻璃樽配白色滴管，設計非常之簡約、有醫學品牌嘅感覺。我用滴管唧出嚟嘅時候，見到佢係完全透明嘅水狀質地，流動性極高，甚至會喺手背上面跣走。老實講，我第一次用嘅時候真係有少少驚喜，因為以往用開主打「屏障修復」嘅精華，通常質地都會偏厚、偏潤，甚至有陣油淋淋嘅感覺。但呢支完全唔同，佢真係做到官方所講嘅「一抹化水」。 我習慣洗完面之後，直接唧兩至三滴喺手心，然後輕輕拍上塊面。佢上面嗰下感覺好清涼、好水潤，推開嗰陣完全冇任何阻力，亦都冇嗰種傳統保濕精華嘅「膠水感」或者「黏笠感」。最正嘅係，佢吸收速度快到癲，基本上你拍多兩下，佢就已經完全「食」咗入皮膚，表面摸落去係乾爽、滑捋捋嘅，但同時你又會feel到皮膚底層係有水份喺度。佢完全冇添加任何香料同酒精，聞落係冇味嘅，對於我呢啲聞到太濃香料會頭暈、或者轉季皮膚極度敏感嘅人嚟講，呢種無色無味嘅質感真係令人用得好安心。 【使用感】 我本身係混合偏乾肌，一到轉季或者長期喺冷氣房，兩頰同鼻翼就好容易泛紅、甩皮，甚至洗完面搽爽膚水都會覺得刺痛。我用咗呢支AESTURA安瓶大約一個月，真心覺得佢係「爛面」時期嘅救星。佢將

Jovian好用推薦： 其實冇諗過會有咁大分別。 之前皮膚暗啞、毛孔粗，仲有少少敏感泛紅， 係屯門VCity萬寧美容顧問推介 呢兩個星期，我只係好簡單—— 每日用呢支spa treatment B5精華。 質地清爽一d都唔笠 冇加其他複雜步驟，專心補水同修復。 慢慢見到毛孔細咗，膚色冇咁暗， 連原本啲泛紅都穩定咗。 原來有時唔洗好複雜， 用啱一樣嘢，已經可以慢慢變好🤍 變好咗之後上網查下呢支B5 背景 原來係日本係有5000間醫美中心用 唔怪之得效果咁顯注

Nikki wong好用推薦：我皮膚本身比較容易敏感，泛紅，缺水，用咗Spa treatment一星期之後，即刻有明顯改善，冇因為缺水而泛紅同出油，毛孔細緻咗，上妝又貼咗，非常讚！👍🏻👍🏻👍🏻

Kathy Wai好用推薦： Hello大家好！～今日同大家實測呢支「D Program 保濕精華」，敏感肌朋友應該唔陌生，佢係日本資生堂旗下專攻敏感肌嘅牌子，主打零酒精、無香料、無添加。等我由質地到保濕力逐樣同你拆解！ （質地） 唧出嚟係半透明嘅凝露狀，流動性中等，但推開嗰下「嗦」一聲就化開，好似水咁薄身～ 唔會漿住皮膚，吸收後零油膜感，夏天用都無負擔。 （氣味） 完全無味！真係一丁點香料都無，湊到鼻窿聞都係原材料嗰種好淡嘅「原材料氣息」，敏感肌朋友可以鬆一口氣。 （上面效果） 上面推兩下已經吸晒，望落係自然嘅水光感，唔會反光變「油頭」。最驚喜係舒緩效果——我有少少轉季泛紅，搽完即刻降溫退紅，摸落去軟軟糯糯，無痕癢或刺痛。 （保濕力） 實測冷氣房訓醒，皮膚仲係飽滿唔繃緊。用皮膚水分測試儀： 🔹 用前：34% 🔹 用後即時：51% 🔹 4小時後：47% 鎖水力中上，乾肌可能要做多層封閉，但混合肌/敏感肌絕對夠。 （評分） 滿分5分俾💧💧💧💧 (4/5) 扣半分因為價錢偏中高（約$300/40ml），同埋極乾肌冬天可能唔夠力。但安全度、舒適感滿分！ （總結） 總結係「溫泉水般嘅安全感」！如果你係敏感肌、

Fng好用推薦：d program 5X酵母益生元保濕強韌精華 用後感（香港春季・熟齡偏乾肌） 🌸✨ 我係熟齡偏乾肌，每逢轉天氣皮膚就反覆敏感泛紅，嚴重起上嚟仲會脫皮，真係好困擾😕 見d program呢支 Intense Enriching Serum（約HK$295 / 45ml）專為敏感肌而設，就跟朋友推薦買嚟試下 🧴 質地：濃稠但易推，吸收快 · 精華質地有少少濃稠，似杰身啲嘅gel，唔係水狀 · 但推開算易吸收，1 pump足夠全面用 · ⚠️ 用後有少少黏立感，尤其潮濕天會感覺到 · 不過等一陣吸收完之後，塊面係爽身唔立嘅 🔬 成份：敏感肌友善，無添加 · 5倍高濃酵母益生元精華：滲透角質深層，改善肌膚微生態 · 有效成分傳明酸 + 甘草酸二鉀：舒緩敏感、防粗糙、改善暗沉 · 七葉樹萃取 + 海藻糖 + 山竹萃取：提升鎖水力，令角質回復豐盈 · 無香料、無酒精、無Paraben，低刺激設計 🌸 熟齡偏乾肌實測：保濕夠力，敏感改善明顯 · 用咗一個月，最明顯係泛紅少咗好多，皮膚穩定咗，冇再無啦啦痕癢 · 保濕力春天夠用：偏乾肌日間單用都ok，唔會乾 · ⚠️ 夜晚開冷氣瞓：要疊多

Miranda好用推薦：【質感】 首先講質地。佢係偏杰身嘅透明凝露狀，流動性唔算高，唧出嚟係一舊嘅。但推開嗰下好順滑，延展性極高，一粒黃豆嘅份量已經夠搽全面。上面之後初初係有啲水潤感，輕輕按摩幾下就會慢慢吸收，皮膚表面會留低一層好薄嘅滋潤膜，但又完全唔會覺得黐立立或者油淋淋。 呢種「有存在感但唔黏笠」嘅質地我好鍾意。佢唔似某啲保濕精華咁，用完之後好似冇搵過嘢咁；亦都唔似某啲太潤嘅產品咁，用完之後塊面好似有一層漿糊封住。佢嘅滋潤度係啱啱好嘅，尤其係而家秋冬季節，用完之後塊面望落好飽滿好水潤。 味道方面，佢冇添加香料，聞落係好淡嘅原料味，幾乎係冇味嘅。對於追求無香味護膚品嘅人嚟講，呢點係好加分嘅。包裝係泵裝設計，唧出嚟嘅份量啱啱好，一泵已經夠全面，乾淨衛生又唔會浪費。 【使用感】 呢個位係我最滿意嘅部分。佢嘅 「即時補水效果」 真係好出色。用完之後皮膚即刻變得柔軟水潤，洗完面嗰種繃緊感即時消失。佢嘅透明質酸成分似乎可以滲透到皮膚底層，而唔係淨係停留喺表面。 佢嘅 「鎖水效果」 都係我好欣賞嘅。用完之後，皮膚表面會形成一層薄薄嘅保護膜，可以防止水分流失。以前用某啲保濕精華，用完之後過一陣塊面又會乾返，但呢

Fng好用推薦：肌研 H.A. Supreme 極緻補濕精華 用後感 ——混合偏乾肌嘅「平價保濕救星」，冷氣房都頂得住 💧 我係熟齡混合偏乾肌，成日出入冷氣地方，塊面成日覺得乾爭爭。～ 🧴 質地：凝露化水，清爽零黏笠 · 質地係凝露狀，似稠身少少嘅啫喱，推開即化水 · 上面後按摩十零秒就吸收，唔會黐立立 · 用完皮膚有層薄薄嘅保護膜感覺，潤得嚟好舒服 · 質地水感清爽不黏膩 🔬 成份：多重保濕修復配方 · 4-5重透明質酸：深層補水鎖水 · 維生素B5 + 神經醯胺：修復皮膚屏障，改善乾燥粗糙 · 無香料、無色素、無礦物油、無酒精，敏感肌都用得 · 弱酸性、低刺激性配方 ✨ 用後感：保濕力夠，上妝貼服 · 冷氣房實測：到下晝都未乾到繃緊 · 妝前打底：上妝貼服咗，鼻翼同眼底冇咁易卡粉 · 皮膚唔穩定時：用佢都好溫和，冇刺激 · 可以溝其他精華：混搭維他命C、A醇都唔會打架，穩定度好高 ⚠️ 要留意嘅地方 · 大油皮夏天可能覺得有少少潤 · 要等吸收晒先搽其他嘢，否則有機會搓泥 · 吸管設計：用到最尾有時會吸唔到，會覺得有啲浪費 💰 性價比：百零蚊有呢個效果，拍得住專櫃 🌸 總結（春

natanatalie好用推薦：夏天用 Bioderma B3 保濕修復彈潤精華，對油性肌嚟講真係有驚喜。質地係水感啫喱，一推開就好快吸收，唔會焗住皮膚，仲帶少少清涼感，好啱返工捱夜之後用。 用完之後，皮膚即刻有種「飲飽水」嘅感覺，飽滿但唔會泛油光，底妝仲貼服咗。最重要係夏天最怕精華用落去好似一層膜咁，但呢支完全冇，反而令皮膚穩定咗。 持續用幾日，感覺屏障有被修復，泛紅同乾燥位減少，皮膚有返彈潤感，好似自己有活力咁。對我嚟講，呢支精華係夏天油性肌嘅 必試，因為佢做到「保濕但唔焗」，用完仲有修復力。

lonia好用推薦：呢款BIODERMA B3保濕修復彈潤精華，係一支適合輕熟肌嘅長備精華。主要針對改善乾燥、暗啞、細紋嘅問題。 佢質地係透明微稠狀態，延展性高，只需幾滴就可以搽勻全臉，感覺輕盈，好快就被皮膚吸收，搽完唔會有焗促感，亦都冇同後續嘅護膚品/化妝品產生碎屑，上妝後感覺妝容更加貼服。 搽完已經即時有補水效果，好似有一層水膜覆蓋。喺乾燥嘅冬天用，補水力都好充足。我每日早晚都會使用，用咗一排，由於補水力充足，連帶膚色暗啞、乾紋嘅問題都有所改善，皮膚感覺透亮咗，個人望落精神咗。 另外佢有20倍維他命B3，有效修復肌膚屏障，改善皮膚嘅防禦力，減低出現敏感泛紅嘅機會。基本上係一支幾全效嘅精華，正價都係四百幾蚊，CP值幾高，值得推薦。

Yeonjung好用推薦：呢支Sofina IP嘅另一個重點產品——「全效透潤調肌精華液」，唔好以為佢同「土台美容液」撞樣，其實佢哋兩兄弟嘅功夫完全唔同㗎！即刻為你拆解佢嘅秘密～ 🤫✨ 🤔 精華水？定係爽膚水？ 第一眼見到佢，你可能會諗：「咦？呢枝係水定係精華？」答案係：佢係一支「高機能嘅化妝水」！質地比一般爽膚水豐盈，但又冇傳統精華咁杰身。佢嘅使命係响土台美容液打開皮膚吸收通道之後，即時為皮膚灌滿水分同營養！ 💧 質地觸感：爽！但係潤嘅爽 倒出嚟嘅時候，你會見到佢係清澈透明嘅水狀，但輕輕用手拍開，就會feel到佢帶有少少微黏嘅滋潤感。不過唔使驚，呢種黏感只係曇花一現！輕輕拍幾吓，皮膚好快就吸收晒，留低嘅係一種 「食飽水」嘅飽滿同柔軟，絕對唔會黐住個枕頭或者頭髮。就算係夏天用，都唔會覺得有負擔！ 💪🏻 滲透力：真係入晒去，唔係得個表面 呢個位要俾個大讚佢！佢嘅滲透力真係做得好好。用完土台美容液之後用佢，會感覺啲水好似直接注入皮膚底層咁，唔係淨係濕咗個面就算。用完之後即刻摸吓塊面，係彈彈彈嘅感覺！長期用落去，會發現皮膚狀態穩定咗，冇咁容易因為乾燥而出油或者泛紅。 👍🏻 優點一覽 · 補水力超強： 一

Kelvin好用推薦：冬天嘅時候一直都有用開Sofina嘅土台精華液作為打底，感覺唔錯。終於出咗一支新出佢哋嘅精華。精華帶點黃色，流質嘅。推開喺面上之後就冇顏色啦。佢嘅吸收度好高，推開之後就被皮膚吸收，完全唔會黏，感覺係舒服。 最基礎保濕效果幾好，冬天連埋土台精華液一齊用一定夠。用完第二日之後，皮膚好滑好細嫩。而且提亮效果亦都幾好，令到皮膚好似由內而外透亮。 最重要係有助舒緩皮膚炎，修護能力好。冬天有啲乾燥痕癢嘅位置用咗幾日就好快退，感覺冬天用呢支精華幾好。#火熱新品

Nicole好用推薦：Liposome系列 肌源修復補濕精華 首次使用DECORTÉ 而入坑嘅產品😆 洗面/沖涼後第一件事就係要用呢個，當作前導精華使用，令後續嘅產品都更吸收入到去皮膚底層。 Gel狀質地，容易吸收，輕輕塗開已經吸收咗一半，初時覺得聞落臭臭哋，但用落慣咗又ok。 單用感覺保濕，清爽唔油，疊加其他精華倍大效果。敷面膜前薄塗一層再敷，可以令面膜更快吸收。 Keep住用，皮膚摸落平滑咗，少咗出油，毛孔都細咗。另一個好處係𠵱家用咩產品都易吸收咗，磨砂/peeling可以做少啲。

Emily Leung好用推薦：DECORTÉ 抗皺緊致の時光逆襲神器 一款夏天用起來也很清爽的精華，洗臉後第一步使用，好吸收，不黏膩，溫潤保濕，成分溫和不刺激，用完之後皮膚軟軟的，推薦給大家！ ✨多层微脂囊缓释科技✨ 像"时间胶囊"般层层渗透，24h持续修护！ 🌟三大核心黑科技 1️⃣TIME RELEASED MULTILAMELLAR LIPOSOMES 👉 微脂囊體搭載活性成分，智能釋放至肌底 2️⃣Source Targeting™ Technology 👉 精准定位受損屏障，重建肌膚防禦網 3️⃣高濃度植物精粹×角鯊烷 👉 抗氧抗糖雙管齊下，法令紋嘭彈立現！ 使用體驗 💛水感凝露質地一抹化水💧 💛3秒吸收不黏膩，乾皮油皮通吃！ 💛連續使用28天👉 蘋果肌上揚15° 💛細紋淡化80%❗️熬夜肌秒變"反光板"

Meoww好用推薦：泵出來像泡泡上臉揉開即化水，太神奇😍 上臉潤而不笠，好快吸收🧽 輕輕按壓肌膚吸收後軟彈水潤， 還能感受到微熱的碳酸循環！真的好舒服😌 隔天起來肌膚不僅水潤 ，也光澤了！素顏上班也冇壓力❤️ 品牌專研技術加持，添加碳酸泡沫，有利美容精華更好地滲透吸收，長效保濕鎖水，幫助平滑柔嫩，潤澤美肌。

Miranda好用推薦：【質感】 質感係呢支精華最大嘅賣點。一唧出嚟係超綿密厚實嘅泡沫，好似忌廉一樣，紮實過同系列嘅潔面乳。輕拍上面之後，啲泡會逐漸化成美容液，呢種「泡沫變精華」嘅過程好新奇。質地超輕盈，完全唔會有傳統精華嗰種黏膩感。佢冇香料、冇色素、冇酒精，敏感肌用得好安心。不過要留意，有啲用家反映第一次使用時有少許刺鼻氣味同刺痛感，可能係存放期間二氧化碳發酵所致，建議敏感肌第一次唧出嚟嗰下可以先唧走唔用。 【使用感】 使用感方面，呢支精華主打「潤浸保濕碳酸速滲技術」，利用比毛孔更細嘅碳酸泡沫，將Ceramide功能成分極速滲透至角質層深處。一泵份量大約夠全面，但用量有少少難掌握，按兩下可能會太多。推開後有輕微嘅黏立感，需要少少時間按摩先會完全吸收。用後皮膚即時變得水潤飽滿，乾燥、起屑嘅問題明顯改善。有少許提亮效果，但「透亮感」同「光澤感」嘅提升未算好突出。對於臉上容易泛紅或敏感嘅區域，有鎮靜同舒緩嘅效果。用咗一段時間後，感覺皮膚屏障被強化，更能夠抵禦乾燥等外在刺激。 【持久度】 持久度方面，佢嘅保濕效果可以維持大半日。朝早搽完，到晏晝皮膚依然保持水潤。夜晚搽完，第二朝起身塊面摸落柔軟飽滿。佢仲可以

Moni Sou好用推薦：精華質地非常輕盈呈水狀，易於推開能迅速被肌膚吸收，我本身屬乾性肌膚，使用精華後會即時舒緩肌膚繃緊乾燥。 在為期兩週的試用中，我明顯感受到了肌膚的保濕能力提升。早上使用後，乾燥和脫皮的情況大幅減少。 化妝習慣方面，我主要是使用粉餅佢底妝。使用精華佢妝前打底，鞏固皮膚自身補水能力，妝容變得更加順滑，底妝的服貼感也提升了。上粉餅後沒有起屑或浮粉的問題 另外，這款精華對於醫美後的舒緩修復也有不錯的效果。在我有進行醫美療程(Inmode)後使用，醫美療程後皮膚會有紅點和血絲。使用精華後加速了肌膚修復期，縮短紅腫感，讓整個肌膚狀態回復得更快。謝Cosme讓我試用使用factiv HYA3透明質酸補濕精華。精華質地非常輕盈呈水狀，易於推開能迅速被肌膚吸收，我本身屬乾性肌膚，使用精華後會即時舒緩肌膚繃緊乾燥。 使用後我明顯感受到了肌膚的保濕能力提升。早上使用後，乾燥和脫皮的情況大幅減少。 化妝習慣方面，我主要是使用粉餅作底妝。使用精華作妝前打底，鞏固皮膚自身補水能力，妝容變得更加順滑，底妝的服貼感也提升了。上粉餅後沒有起屑或浮粉的問題 另外，這款精華對於醫美後的舒緩修復也有不錯的效果。在我有

Wongwong好用推薦：這款精華質地極清爽、好吸收，油肌夏天使用也完全不黏膩。保濕力剛好能穩定膚況，平衡油水之餘，後續上妝也不打架起屑，是高 CP 值的保濕好物。

Sarah好用推薦：外觀同質地 樽身青綠通透，樣貌超靚超吸睛 質地流動性超強，質感好似清水一樣 真實使用感受 睇落清清涼涼，本以為會好清爽 誰知搽完面微微有啲油潤感，膚感真係唔夠討喜 不過勝在效果夠晒正，輕輕鬆鬆養出水光肌 日間用法：爽膚水+呢支精華+保濕噴霧，直接搽粉底都超貼服 夜晚用法：微針精華打底，再加呢支Anua透明質酸精華，用美容儀導入 水光效果直接拉滿，之後仲可以疊加美白精華一齊用 而家香港同廣東大概30度天氣用，完全唔會笠笠膩膩 但到咗冬天，保濕力度就明顯唔夠 年紀偏大嘅朋友冬天用，一定要再加多個保濕面霜先夠滋潤

KellyCheunggg好用推薦：已經回購兩次 呢枝精華質地清爽唔會黐立立 保濕程度非常高 冬天夏天都啱用 又可以做到水光肌！

Kmggigi好用推薦：夏天長時間喺冷氣地方其實都需要保濕 所以我都會根據自己皮膚狀況決定當日搽唔搽保濕精華 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: 我曾經試用過唔同牌子嘅b5，例如skin ceutical, original, torriden等 Skinceutical b5無色無味，質地唔會好水但又好好推，唔會好似original咁笠，又冇torriden咁水 對我嘅皮膚零刺激性，亦都唔會同之後嘅護膚品打交 效果: 我試過咁多支b5，保濕程度上比較鍾意skin ceutical 依支， 用完會感受到皮膚慢慢吸收咗啲水，冇咁乾 但性價比嚟講佢太貴，市面上有好多平替🤣

Clara好用推薦：非常好用，保濕，用完真係覺得面部充滿水份，敏感肌的我早晚都有用，不過價錢比較貴

Sanna Cher好用推薦：產品質地為接近啫喱狀，流動性低，倒出來要花點時間。每滴精華內，能看到透明啫喱精華中，帶有不少水珠，塗抹起來有些觸感。 塗抹在臉頰後，能強烈感受到水份的滋潤感，精華的濃稠感低，主要是充滿水份的感覺。 使用過後，只會帶來輕微的亮澤感，但滋潤感是實在的高，用後感非常清爽，會推薦👍

hellolulu好用推薦：本身屬乾敏肌，曾經有一段長時間皮膚反覆敏感發作，特別是額頭又乾又痕，甚至出現鱗片狀脫屑和紅腫，又會忍不住抓至出血，非常困擾😢 在掙扎看專科醫生之際，朋友推介belif 品牌，經BA了解情況後建議加強肌底保濕修復，推薦使用兩款皇牌產品 - Moisture Binder 精華 和Moisturizing Bomb 面霜，孤注一擲下一試便愛上了! 精華和面霜都呈乳白色，相比之下精華稍具流動性，容易吸收得來又水潤保濕! 首次使用敏感位置已即時感到舒緩，加上淡淡草本香氣令人心情放鬆。連續使用兩星期左右額頭已幾乎沒有再脫屑，持續使用做好保濕，皮膚亦明顯比較穩定，很高興這一年多已沒有復發了🥲 兩款皇牌產品亦成為了我一年四季的必備好物😍👍 春夏季早上潔面和爽膚後，使用一至兩泵精華，再用乳液/面霜和防曬～ 但踏入秋冬乾燥天，精華相對不夠力，會轉用品牌更濃潤系列。 另一加分位是精華用到空瓶時發現原來是氣壓式設計，不花氣力就能用到底，一滴也不浪費非常好! 而且一瓶精華每天早晚使用可用上大半年，CP值非常高! 同系列精華和面霜均另有清爽型，較適合混合性肌膚～

mandy好用推薦：Belif 是韓國LG旗下的草本天然護膚品品牌,   沿用英國的草本植物學家Duncan Napier 於150年前研究所得, 打造出真正具價值的草本天然護膚品。 Hungarian Water Essence 匈牙利女王保濕水精華 及Hungarian water essence - moisture binder 匈牙利女王保濕鎖水精華的功效近似, 是質地不同。 匈牙利女王保濕鎖水精華 $340/75ml 比匈牙利女王保濕水精華更為保濕及稍為滋潤。 匈牙利女王保濕鎖水精華適合乾性肌膚使用, 或是油性肌如果秋冬季想找不那麼清爽的質地, 也可在秋冬季使用匈牙利女王保濕鎖水精華。 油性肌在夏季則可改為使用匈牙利女王保濕水精華。 如果是油性肌又很介意精華的質地, 完全受不了稍為滋潤的保濕精華,  那也就一年四季都用清爽的匈牙利女王保濕水精華好了。 匈牙利女王保濕鎖水精華的質地有點像凝膠/Gel狀, 保濕鎖水效果挺好。 延展性方面, 兩款保濕精華差不多, 都是易於推開及吸收。 使用後, 肌膚水潤嫩滑。 整體而言, 我個人較喜歡匈牙利女王保濕鎖水精華, 除了優秀的保濕力及剛剛好的滋潤度(

jellybeanyay好用推薦：本身我好少用日本嘅護膚品(除咗面膜)，因為用過唔同牌子都覺得好笠/冇效果...可能我唔好彩...不過呢支保濕精華真係令我改觀 佢質地有啲似lotion，乳白色，非常容易推開，未算超級清爽，但係唔會笠同埋其實都好快就吸收。 用完覺得毛孔收細咗啲啲，保濕度十分好，唔會起擦膠碎，用完第朝塊面唔乾，相信用嚟妝前打底都一流（疫情關係試唔到上妝後出街效果T^T） 唯一我唔鍾意嘅係有香料，雖然話係天然，不過我堅信護膚品入面加香料係多餘的，如果呢支精華冇香料就perfect了！ p.s.多謝cosme嘅禮物，100%真心分享❤

ZoeTung好用推薦：Ceramide 係角質層需要嘅脂質 所以通常價錢唔算平 但依款價錢可接受 都幾耐用 好易推開同好快吸收關係 所以我中意化妝前用 感覺妝會貼服啲！

takemyokane好用推薦：流動性高的精華水質地，成分包括美容綠茶精華配方與複合透明質酸，帶有陣陣清新淡雅的綠茶草本香氣。 精華完全不厚重，滲透力高，沒有黏膩感，可以作為洗臉後的第一道前導保濕精華令後續的護膚品或底妝更加貼服，有效減少日間因肌膚乾燥而引起的溶妝與浮粉問題。如果間中想讓皮膚休息，也可以只上這個精華，不會令皮膚有任何負擔。唯獨是功能相對單一，需要疊加其他功效型精華。

Hoikiki好用推薦：油敏皮嘅天菜！用完塊面嫩到可以掐出水 敏感肌一轉季就開始搞事，泛紅、甩皮、乾痕輪住嚟，妝都化唔掂！直到我搵到Innisfree綠茶籽透明質酸肌底精華露，真係救返條命，點解佢咁好用㗎！！！ 佢係專門為敏感肌而設嘅「補水救星」。核心成份濟州島綠茶籽油配合透明質酸，一個負責深層滲透補水，一個負責牢牢鎖水，補水效率直接倍增，幫皮膚建立強效保濕屏障，令皮膚長期保持水水嫩嫩。 佢係清爽嘅液體質地，流動性超正，搽上面輕輕一推就快速吸收，唔黐立立，之後疊加護膚品都完全冇負擔。用咗一排之後，皮膚變得水水潤潤，唔再輕易泛紅敏感，上妝都貼服到不得了。皮膚問題都可以輕鬆應付！！！ 轉季敏感、肌膚乾燥嘅姊妹們放心入手！小綠瓶幫你輕鬆實現護膚自由！！！

Hchan好用推薦：#夏日必備保養 夏天令人困擾的除了經常泛油，就是待在冷氣房致皮膚乾燥缺水欠彈性，外油內乾，自從轉季因敏感泛紅用過它家的舒緩抗紅系列後就喜歡上，所以這個主打透明質酸緊致充盈系列十分燒我，這款精華素一盒有6小枝，聲稱透明質酸分子可深層補水及填充皺紋達致抗皺效果， 十分適合敏感熟齡肌的我。 精華質地是水乳狀，有淡香，延展性高，推開後容易吸收，用後皮膚有滋潤感但不會悶黏，保濕度屬中上，同時我有配合同系列的眼霜及晚霜整套使用，暫時一整套用下來的感覺不錯，皮膚觸感較之前有彈性及飽滿，細紋也有撫平了一點點的感覺， 相當滿意此系列同時有抗皺撫紋、保濕及舒敏的功能，會回購。

Sccan好用推薦：由於是輕微敏感肌，喜歡嘗試醫美品牌，這款保濕精華液包裝分成細細支，可以扭蓋，用完一支再開一支，乾淨衛生。 質地：像一般精華液少許流動，乳白透明狀，易推 效果：保濕滋潤，非常溫和 味道：有少許香味但不難聞

Sophia好用推薦：d’Alba 白松露肌底精華噴霧（即係空姐噴霧）真係好鍾意用，好用到就快空瓶先記得寫心得🤣 🔹️用法：要搖勻精華水油兩層先用（圖2），可以化妝前噴一噴，底妝會更貼服，亦唔會同粉底打架，仲有返工冷氣間乾到爆嘅時候隨時補水，快手又方便⚡️ 🔹️噴霧細緻度：細緻度驚豔，噴得超均勻，唔會太濕或太集中💯 🔹️保濕但唔黏膩：噴完吸收得快，有滋潤度但唔會黏立，香港天氣都好啱用✅ 🔹️氣味：香味好明顯，建議先去實體店試試，我自己一噴覺得好香噴噴心情即刻變好😊 總結：如果想搵一支日常隨身補水、又夠細緻唔怕失手嘅噴霧，空姐噴霧真心值得入手💖💖💖

Wongwong好用推薦：噴霧好細緻，噴出黎係霧化既狀態，用後十分保濕，可妝前使用，已回購多支。