防曬粉餅 推薦好用產品

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

Fng好用推薦：CANMAKE 蜜粉餅 Abloom｜ 日系透明感定妝 🌸 產品定位：微珠光透明感蜜粉 粉質解析：蠶絲粉體 + 珍珠微粒 ✨ 核心優勢： · 光學柔焦術：微米級粉體填平毛孔，珠光粒子創造「透明空氣感」而非單純霧面 · 智能控油：吸收多餘皮脂卻保留肌膚自然光澤，混合肌實測T區持妝6小時 · 極致便攜：薄型粉盒僅1.5cm厚，內附鏡面絨粉撲 ⚠️ 注意事項： · 珠光特性：強光下明顯，油肌可能顯毛孔 · 遮瑕力弱：主打定妝非修飾，瑕疵肌需先遮瑕 · 粉撲限制：絨毛粉撲取粉較弱，建議搭配刷具 💡 上妝手法： 1. 日系透明感：圓頭刷打圈取粉，全臉輕掃 2. 油肌定妝：粉撲對折按壓T區 3. 補妝技巧：先用吸油紙，再輕拍蜜粉 🌈 色號選擇指南： # 01 提供最強的提亮和去黃效果； # 02 則主打紅潤好氣色； # 03 則更強調自然的膚色平衡和柔和感，適合大多數膚色（特別是暖調肌） 🌦️ 香港氣候實測： ✅ 雨季潮濕：控油力足夠，不易結塊 ✅ 冷氣房：保濕度中等，乾肌需加強妝前 ✅ 口罩摩擦：每4小時需補妝 總結：百元價位的「日雜光感定妝神器」！適合追求自然透明妝效的混合

Rin好用推薦：平價好物（於日本購入） 適合小資女孩，可以稍微的提亮膚色，平日出門可用，粉質於這個價格上已經算很不錯了，雖然還是看得出粉感 保濕還是要做好，因為有可能會結塊 毛孔遮瑕等方面沒有太大作用，不算太顯毛孔 偏白，黃皮黑皮要慎選 化妝後使用感覺他和妝感不太融合

Yty好用推薦：Giorgio Armani 絲光輕透氣墊粉底 #3 用後感： 上臉拍開呈現出極之精緻嘅「高級絲絨光」！唔會過度油亮，亦完全唔會死霧，而係帶有微微嘅自然奢華光澤，將毛孔同凹凸瑕疵修飾得好似開咗柔焦濾鏡咁平滑。 #3 號色係專為亞洲人設計嘅黃調偏白膚色！調色極之乾淨自然，擦上臉可以完美修飾掉暗沉同黃氣，呈現出自然勻亮、提亮而不假白嘅好氣色。 裡面加入了高濃度嘅保濕護膚精華，質地水潤輕薄，拍上臉完全零粉感、零厚重感。滋潤度非常優秀，就算整日待喺冷氣房，肌膚都依然維持住水潤舒適，完全唔會起死皮或者卡紋 #粉底部門

Fng好用推薦：Armani beauty嘅紅色cushion 妝感透氣自然，一啲都唔笠，遮瑕度又高，妝後無厚妝感有高級絲絨光澤，輕易擁有細緻無瑕妝感，同埋它持久度高， 任何季節用佢後，再輕輕上碎粉定妝就搞掂，方便出門去旅行攜帶。

Desse好用推薦：本身只係想去買支防曬噴霧.. 結果買咗4樣嘢.. 哈哈～ 介紹吓先💓 Skin Luminance Foundation❤️ 喱款粉底紅咗好多年💪🏻 主要以其輕薄嘅質地和自然嘅光澤感而聞名 而官網介紹最新嘅新升級嘅配方加入咗： ⭐️Skin Luminance Veil 配方 融入INFINITY系列的共通美容精华成分的细致肌理粉体与肌肤融合，柔滑紧贴肌肤，配合2种亲肤遮瑕成分，完美修饰粗大毛孔，隐藏不均匀肤色，遮盖色斑、皱纹、黑眼圈等令人困擾的歲月痕跡。再新加入3種掌控光線粉體，以出色的光線反射效果，讓肌膚從內而外如發光般釋放光芒，猶如披上一層光感薄紗般，抹掉暗沉，締造緊緻、明亮光澤與富透明感肌膚的升級版光感精華粉餅。 ⭐️新加入營造光線擴散、血色感妝效的 Complexion Pink Powder 粉嫩膚色粉體 & Luminance Pearl 光輝粉體 一抹形成一層光感薄紗，締造猶如護膚後般的光澤亮麗肌膚。 🧏🏻‍♀️🧏🏻‍♀️實際用咗1個月⋯ 覺得真心唔錯 1. 輕薄透氣💪🏻 喱款粉底的質地較為輕薄 好適合日常妝容.. 肌膚感覺唔會過於厚重 2. 自然光澤💪🏻

Milo101好用推薦：粉餅粉質細滑，最方便是一盒有齊深淺兩色，深色可以用來打陰影，修飾輪廓，去旅行用好方便

KeniceSin好用推薦：呢盒粉餅有兩個用途，一係做定妝(粉餅)，二係打暗影。粉質細滑，粉餅上臉有少少似打左 highlight同有透亮感，係少少珠光感嗰種，暗影色好自然，唔會超深色勁明顯。

TsuenMa好用推薦：#CEZANNE clear face powder 入手嘅原因係想補妝之餘補埋防曬，相信大家都知道防曬吾係朝早搽一次就夠，尤其係同陽光玩遊戲嘅時候，就更加要補得再密啲，甘當然係個個時候就吾會用呢隻粉餅，而係要用主打防曬嘅產品。 呢隻可能會係我係office/ 出街補妝用，佢嘅防曬系數偏中低，只有SPF28/PA+++，不過主要室內活動嘅話，應該就都好足夠。 由於係補妝用，我揀左00號色light beige，比皮膚原本嘅膚色白些少，想接近返些妝後嘅膚色。搽上面後吾會死白，有些許透明感。不過就仲未好拿捏到補妝嘅技巧，就數搽左出油嘅位先再上粉，好多時都會仲係見到浮粉嘅情況。 同埋始終都係平價開架產品，我都無好期望佢粉撲會好好用，不過佢自帶鏡仔同粉撲，都係好不錯嘅一個選擇。

kameari好用推薦：上面幾自然，不會很厚實，算是不錯但油肌真的差一點點外出太耐都是會有少少浮粉，尤其是現在夏天又口罩又焗。整體還可以接受

布吶吶好用推薦：Laneige 水感亮白bb cushion｜轉季救星真係唔係吹！ 前排轉天氣，我塊面狀態真係好唔穩定，額頭同鼻翼有少少脫皮，普通粉底一上臉就卡粉卡到好似地圖裂紋咁。但係用呢個氣墊真係有驚喜！佢個水潤度啱啱好，拍到塊面度，啲乾紋同脫皮位置即刻被修飾到，冇出現「龜裂」情況。我覺得似係一邊化妝一邊幫皮膚補緊水，轉季時用真係好安心！ 水光肌效果：唔係油光，係「飲飽水」光澤！ 呢個真係要重點講！佢個光澤感同普通氣墊好唔同： · 唔會令你睇落成面油光，似剛剛敷完補水面膜後，皮膚自然透出嚟嘅健康光澤 · 個光係從皮膚底層透出嚟咁，睇落皮膚好飽滿、好年輕 · 尤其係喺陽光或者燈光下面，個水光感真係好靚，成個人睇落精神咗好多 真實上妝體驗： 我通常趕時間出門，啪完整塊面都唔使一分鐘。個妝感輕薄到好似冇化妝咁，但個膚色就均勻咗、亮白咗，仲有種「偽素顏」但皮膚好好嘅感覺。成日有個朋友問我：「你最近用咗咩護膚品？塊面睇落咁透亮！」其實秘密就係呢個氣墊啦！ 如果你都係轉季時皮膚會鬧情緒，又鍾意自然透亮嘅妝感，真係要試下佢。而家我已經習慣咗放個喺手袋，隨時可以保持個「水光肌」狀態，真係好方便！✨ #換

Kpl6be6好用推薦：想要快速出門一般會揀用bb cushion～貪佢一take過完成底妝&做好防曬功夫(呢款有成SPF50+PA+++防曬度😎即使係身處戶外能提供足夠防護～安心!!)～質地亦夠透薄～只要少量多次搽上就能打造出亮白肌效果～遮瑕度唔算強～但都滿足到自然妝效之需求(笑)

Kaze13579好用推薦：GA底妝系列一直都好好口碑。一直都好鍾意佢個粉盒兩層嘅設計，靚得來又唔會太大嚿帶出街補妝一啲都唔失禮。粉撲都係一向嘅底面唔同質地可以做出唔同嘅效果。粉質都夠細緻。不過就要控制份量，始終都比較乾身matt面，太多太厚會好粉感。

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

Connie Kwan好用推薦：使用感不錯，有少少水感，像塗了水感的精華。第一下有些顯紋但不是卡粉那種。但一分鐘後，紋理毛孔淡化了，不知是什麼原因。有少少光亮感，可能那光澤感讓皮膚瑕疵變小。三四小時後有少少溶妝，但不是很誇張那種，還看接受。 可能我是乾肌，夏天下雨天也不覺得油潤，反而覺得剛剛好。 有淡淡人參味，完全貼合我的愛好。

Noel好用推薦：這個 Brightening BB Cushion 光澤感也是太強了吧❗乾肌冬天使用非常貼服，夏天使用會有一點點浮粉。不過我也十分喜歡這個氣墊粉，感覺遮瑕度稍遜過另一款。對於奶油肌有執著的朋友，不妨一試👍 因為大愛雪花秀金盒 BB Cushion，所以決心買來試試。這個白盒 Cushion 色號係 #21 (Medium Pink) 🥰 乾燥日子化妝 / 想以好命貴婦肌示人，就必定用它了！ 氣墊粉散發很濃的花香➕化妝品的香味，個人不太喜歡，但上面後會消散👌 個人大約按壓三次粉芯，就可以上完全面的底妝，coverage 約5成，暗瘡印易見😂 光澤感表現出色，上妝後可見權骨，鼻樑，下巴等位置，反正就是要打高光的地方，都有超靚光澤，貴婦級奶油肌無誤👍混合肌/油肌就未必夏天岩用。 總體而言，氣墊粉能做到完美光澤感，但遮瑕力一般❗毛孔修飾力及抗氧化力都不錯❗防曬系數達到 SPF50+ PA +++ 🥰 就是價格上有點 up there~ 個人應該不會回購，因為較喜歡雪花秀金盒🥰

Circlecyy20好用推薦：不論係出門前當粉底用 或是拎出街用黎補妝都唔錯 唯一係個妝厚會略為厚 所以唔好咁重手

Puffysheep好用推薦：見到網上面啲人推介 因為佢價錢都平 遮瑕度一般 如果塊面冇咩瑕疵嘅話都啱用

maylam好用推薦：之前買嘢用嘅粉餅sample 方便拎出街補妝 我呢盒係B10色號 都幾啱我 遮瑕力都算強 痘痘同暗沉都遮到around 7成 持久力都比想像中強 基本上大半日多d都仲好完整

violet好用推薦：因為長期戴口罩而想買一個粉餅用。夠保濕又lightweight，surprisingly比shu uemura嘅unlimited foundation更保濕。so far用咗兩次都滿意。不過值得留意嘅係，粉餅係有香味嘅，我個人覺得因為要戴口罩，有香味會更好，不過唔知會唔會係其他人嘅concern。另外，佢啱啱上完面嗰陣係matte嘅，過咗1，2個鐘會變glowing，如果係想要平時其他粉餅matte嘅妝感，我建議去counter試真啲。

natanatalie好用推薦：適合油肌的氣墊粉底🥰 一直覺得香港呢啲潮濕天氣，我呢啲油肌用唔到氣墊粉底，直到我揾到呢個氣墊粉底！🩷 之前有用過同系列粉底液，覺得好清爽透薄又控油，呢隻氣墊粉餅有同樣效果！以專櫃嚟講，佢唔算太貴。上面感覺一啲都唔厚，無氣墊粉底嘅厚重感覺，反而覺得都幾薄，唔會有粉痕，好自然透亮感！🙆🏻‍♀️ 最欣賞佢有高系數防曬，而且遮瑕度都唔錯，但一啲都唔厚，推薦俾油肌！🫶🏻

royu3好用推薦：功能基本上與霧鏡粉底相若，比前者更透薄，使用上更方便，無論外出補妝、還是匆忙上班，都能迅速完成底妝！ 在同類型氣墊底妝產品當中，擁有較高遮瑕度，有大瑕疵的地方多按壓幾下，有非常好的遮瑕效果⭕️（見黃圈）不過相對其他氣墊粉底，感覺水感度較低。在帶口罩的日子裡，經過一整天時間出汗、出油等，在臉上出現輕微卡粉、毛孔有白點的情況❌ 我對它的印象是很不錯👍🏻不過霧鏡粉底和這個氣墊二擇一的話，我還是會選粉底～

Tiffany好用推薦：好香玫瑰味，粉質細膩，不卡粉。粉餅小小個的，外出補妝好方便。會回購的產品之一

choichoi好用推薦：包裝漂亮不在話下, 更是保濕感不錯的一款粉餅,一段時間後臉部也不會緊繃, 而且貼服度相當高 , 疊擦起來不會致粉感 , 粉底還帶有淡淡玫瑰花香 , 比一般粉底味討好

Yty好用推薦：bareMinerals 透亮礦物持妝粉底餅（BarePro 16-Hour Powder Foundation）Fair 10 Neutral & Fair 15 Cool 香港撤櫃分店冇咗之後，可以喺澳洲 MECCA 買返呢盒礦物粉餅真心超感動，而且直接當粉底上妝極之方便！ 用後感： 佢完全打破咗傳統粉餅只係拿嚟「定妝」嘅印象！遮瑕力極之驚人，直接用粉撲或者粉餅刷上全臉，就可以輕鬆修飾掉七八成嘅泛紅、瑕疵同膚色不均，秒速搞定一個高級嘅全霧面底妝。 Fair 10 Neutral 係非常乾淨嘅中性偏白調，上臉自然勻亮，完全唔會偏黃 Fair 15 Cool 則帶有極之漂亮嘅微粉冷調，適合想要呈現冷白皮、提亮好氣色嘅日子。兩色調色都非常精緻自然 成膜鎖妝效果極強，抗油抗汗力令人好安心！就算大熱天時出街或者長時間戴口罩，底妝都依然牢牢貼喺面上，唔易熔妝或者移位，而且成日落嚟都完全唔會氧化變暗沉 主打礦物成分，質地粉質極之細緻綿密，上臉輕盈零負擔。就算肌膚狀態不穩定或者容易生痘痘，用佢直接做粉底都完全唔會悶痘或者加重肌膚負擔，絕對係敏弱肌嘅救星！ #粉底部門

SUM好用推薦：.

橘子貓好用推薦：我和朋友是在專櫃試妝了才決定買的。當時bb cushion大熱，但一般都是不太適合香港，不是太潤易溶妝，就是太過死白厚粉。 MUFE這款一上妝就驚艷了我們，不但貼服，一點都不像用了bb cushion，BA更說用這款上妝跟用粉底液一樣，遮瑕度也更好。於是我們三人都入手了。 結果，溶妝溶到不得了，不只我是這樣，連一起購買的朋友也是同樣情況。大家還要是不同膚質，我是混油肌，她們是中性肌的。 真是令人失望。

Hamiii好用推薦：呢款係最多只能遮3層， 如果3層內遮唔到既瑕疵就要放棄佢 不然成個妝會變得好厚重 😵‍💫

yingyinghistory好用推薦：YSL 這粉餅跟美白粉餅我都有用過及回購，粉質上分別不太大，但這粉餅我會放在秋冬使用，而美白的則放在盛夏使用。這明彩透亮粉餅粉質很綿密幼細帶點滋潤，即使用在眼位都不會輕易起乾紋；最愛這粉餅的光澤感，是其他品牌望塵莫及的。

choichoi好用推薦：粉質細緻於上妝後能提升肌膚光澤，控油度超乎想像地好，不需補妝也能保持自然不易暗沉，連油肌朋友也大讚控油效果優秀 出來的妝感能維持透薄但不會令遮瑕度變差，可輕易遮蓋眼圈及臉部瑕疵

TsuenMa好用推薦：#圖文不符 #好物推介 上咗全妝之後點樣補防曬，呢個問題一直困擾咗我好耐🥹 咁啱有一次旅行，去日本藥妝店搵到呢個品牌嘅防曬噴霧，抱住一試嘅心態買咗返嚟，結果係出乎意料地理想！😍所以好想推薦俾大家！ ☀️噴霧質感好細緻，係細同輕身到會四周圍飛走晒，所以喺街度噴嘅時候，有時都驚影響到人🙈 曾經都俾人側目過🙈 ☀️防曬係數有SPF50，同PA++++，實測咗去意大利旅行，日日都係風和日麗地暴曬，因為keep住有補噴呢支噴霧，返到嚟膚色係輕微黑咗半度左右，所以好滿意！ ☀️樽身設計係好普通，平凡嘅噴霧樽身，用之前上下chok勻佢再噴 ☀️一支唔算重，我放喺手袋度拎出街，都唔會佔咗好多空間。 ☀️因為我keep住長期都要補噴，所以用得比較快，10日嘅時間，都用咗三份二。會希望香港都有得賣。 ☀️噴霧，只有輕微小小嘅味道，係屬於好聞嘅花香味。質地偏乾爽，唔會整到塊面油淋淋。 ☀️最欣賞呢支product嘅地方：因為佢嘅噴霧好細緻，喺全妝上蜜粉之下噴，都唔會整花、整污糟個妝，都係保持清爽嘅感覺。

940727.0好用推薦：依款粉餅搽完吾會好厚粉，有一定嘅遮暇程度，但又唔會好死白。仲有防曬20+++，方便快速完成底妝。

Noel好用推薦：由於淡綠色粉餅我相當有好感，就多買了粉色盒的粉餅試試~ 結果就成了新的回購產品，好像更喜歡粉色這款啊！ 粉餅的粉質細滑，觸感超順滑👍而且遮瑕度算是這個品牌中，最高的一款粉餅❣ 對於追求毛孔修飾力的我，這款真的很不錯。而且相當持久，能帶妝 ＋8小時，好好貼合皮膚❗加上盒子亦相當少女風，粉色塑膠鏡盒配上小花🌸 很可愛啊~ 不過，個人先後擁有三塊粉紅盒的粉餅，感覺比較易碎。建議留在家中使用，減少帶出街為妙😅 Cezanne 產品價格親民，絕對值得入手試試啊❗

Noel好用推薦：因為對黑龍堂 BB Cream 充滿了愛，於是購入了品牌的毛孔隱形防曬粉餅💕 定妝粉餅小小一塊，粉盒上蓋係白色，滿是浮雕小花，十分別緻；而底蓋是粉紅色的，並配有小粉撲。小粉撲厚度適中，用料不馬虎，挺有誠意❗不過，內容物只有 6g~ 個人購入的色號同為 #02自然色，顏色係自然膚色帶小小黃調，適合我的皮膚~ 定妝粉質感細滑，手指摸一圈，感覺粉餅壓得很實，而且粉末在手指頭上不顯指紋👍但個人喜歡用化妝掃上防曬粉餅，因此，一般粉餅掃較難 fit 這個小 pan😅 粉餅掃到面上，能有效遮蓋毛孔，做到毛孔隱形不易見，超神奇❣ 遮瑕力也很不錯！更重要既，係不會有粉感 / 重妝甲👍 妝感偏向啞緻，有陶瓷肌效果❗帶妝一整天，能夠感覺到強大的控油能力，沒有明顯出油引致脫妝，T字位完好😂 另外，粉餅防曬系數亦很不錯，達到 SPF 50+ PA++++，作為最外層的防曬工序，我很安心💖 加上產品含有植物胺基酸，我想，應該很保濕吧⁉️ 如果粉餅能夠做大一點，應該會更 user friendly~