防曬底霜 推薦好用產品

Fng好用推薦：Bobbi Brown 蟲草抗氧修護精華底霜 ✨ 🌟 第一印象：養妝合一嘅貴婦級隔離 作為Bobbi Brown嘅皇牌產品，呢支「蟲草隔離」喺美妝界嘅口碑一直好高！🔥 磨砂玻璃瓶身配金屬按壓頭，拎上手已經覺得好高級～💎 官方定價約 HK$490-680 / 40ml（視乎版本），雖然唔算平，但網上唔少用家都話「貴買平用」，因為一支可以用好耐！ ✨ 質地與觸感：絲絨奶油，秒速吸收 一泵出嚟，係柔滑嘅乳液質地，帶有淡淡嘅象牙白色，仲有微微嘅珠光感～推開嘅瞬間，真係好似絲絨奶油咁融化喺皮膚上，延展性極高，一粒黃豆大小就夠搽勻全臉！🤍 最驚喜係佢嘅吸收速度超快，輕輕拍幾下就ok，表面完全唔黏笠，只留下一種水潤飽滿、柔嫩順滑嘅觸感。對於我哋呢啲怕油怕黏嘅混合肌，呢個質地真係一試愛上！ 🔬 成分核心：蟲草精華 x 三重水潤機制 呢支隔離嘅成分配置真係好有誠意！💪 佢嘅核心優勢在於「三重水潤機制」： 1. 即時補水：透明質酸鈉喺接觸肌膚時迅速吸水，令角質層快速飲飽水 2. 長效鎖水：神經酰胺NP構建脂質屏障，防止水分蒸發，實測4小時後兩頰仍保持濕潤感 3. 活性修護：凍乾蟲草提取物可促進表皮細

iliya 好用推薦：#火熱新品 Bobbi Brown新版蟲華抗氧修護精華底霜真係不得了❤️ 一支有齊multiple functions，集提亮、潤色、保濕仲有防曬於一身，SPF25 PA++足夠平日出街日常使用，而全新嘅玫瑰粉色色調修正膚色，有效去黃提亮，改善暗啞倦肌膚色，帶有微微粉嫩珠光嘅光澤感，提升紅潤感，肌膚即時煥然一新，充滿活力，而且兼顧化妝同時抗氧護膚，蘊含冬蟲夏草、植萃醣、紅海藻、甘草根及維他命E成份，扮靚靚都可以錫住啲皮膚，帶有微微嘅玫瑰香味，就keep住成日都有好心情啦，真係唔可以唔推介俾大家！！！💕🙌🏻 #火熱新品

Tung Yi好用推薦： 有時懶得濟會就咁搽有色primer唔搽粉底🤣懶人福音～～～～ 但前提係支primer要做到提亮膚色+修飾毛孔，皮膚抖到氣得嚟最好仲幫到我護下膚，其中一支meet到晒以上要求嘅底霜就係Bobbi Brown嘅蟲草抗氧修護精華底霜～Original色號平時都已經有用開亦好中意。 最近仲出埋Rosy色號，明顯提亮 + 粉嫩感💕 仲要質地舒服，唔會搞到痴笠笠，讚！而且仲添加咗唔少護膚成分： 1️⃣ 冬蟲夏草 - 從肌底煥活能量，打造健康皮膚 2️⃣ 植萃醣 - 加強保濕鎖水 3️⃣ 紅藻+甘草根 + 沙棘 + 竹草提取物 - 紓緩敏感泛紅 4️⃣ 維他命E - 抗氧、抵禦外間污染 除咗單用當然都可以妝前使用🤣幫皮膚做好保濕打底，令後續粉底更貼服持久～

chewyfruit好用推薦：呢個新出嘅蟲草隔離真係離譜過粉底液萬倍！！！ #火熱新品 Bobbi Brown呢次係咩黑科技嚟㗎？個冷白粉調色啱啱好，塊面啲血色不知不覺升咗幾級，暗沉同黃氣直接消失晒，連鼻翼泛紅都壓到實一實！對住塊鏡睇，成個感覺就係：『我啲皮膚本身係咁靚㗎～』 搽上臉嗰下仲癲，滑到好似絲綢咁，一撻落去就同塊面融合，完全冇嗰啲撻唔勻嘅斑駁尷尬！我塊面乾到似沙漠，轉季仲要脫皮，點知一搽佢即刻滋潤到飛起，之後再上粉底零卡粉！果然加咗蟲草精華，敏感肌都安心用。 最正係朝早趕返工，搽完連防曬都慳返——SPF20 PA++，日常返工出街夠晒用，唔使再疊防曬搞到搓泥！早啲出呢隻色嘛！今次真係比佢嗰種自然透光感食到應一應！！

Jasmine L好用推薦：ELIXIR亮白淨斑妝前防曬底霜質地水潤輕盈，推開易均勻，吸收快唔黏膩，特別適合混合偏油肌日間使用。防曬力強，日常同戶外都夠用，帶有自然柔光效果，主要令皮膚透亮少少同柔和毛孔感。 亮白淨斑功能唔算太大效果，控油力中等，T字位半日至大半日會有少少油光，但比一般厚身防曬好得多，唔易焗住毛孔。而且敏感肌用落都溫和安心。 整體作為妝前防曬底霜，後續粉底貼服度OK，妝效自然唔厚重。主要係用得舒服同唔會引起皮膚問題，性價比高，值得試。

Jenjen好用推薦：防曬之餘仲有調色功效，質地清爽不黏稠，用落唔會太乾，又有提亮功效，不錯~

Jan好用推薦：SPF50+/PA++++的高防曬，能高效抵御UVA和UVB紫外線，有效預防日曬導致的色斑、雀斑生成。除此之外，還可阻擋空氣中的微顆粒等污染物。 妝效自然 這款CC霜具有柔焦效果，既能自然遮蓋色斑、膚色不均等問題，又能隱藏毛孔，打造岀 通透的裸妝質感，不會有厚重假面感。 上臉後能提亮膚色，讓肌膚呈現出由內而外的水潤光澤，輕鬆營浩素顏美感。 這款CC霜具有柔焦效果，既能自然遮蓋色斑、膚色不均等問題，又能隱藏毛孔，打造出通透的裸妝質感，不會有厚重假面感。

Tobimak好用推薦：佢質地非常水潤，推開好容易，唔會有厚重感。上面之後膚色即刻望落均勻同自然提亮，好似自帶光澤咁。最重要係一整日都保持清爽，完全冇出現氧化暗沉嘅問題，妝感穩定又貼服。 防曬同時做到護膚效果，真係一支多功能嘅好物。用完皮膚感覺好舒服，仲有微微光澤感，令氣色睇落更精神。已經列入必定回購清單🩷 #火熱新品

chewyfruit好用推薦：【真心不呃Like】ELIXIR 櫻花色妝前防曬底霜用後感 🌸 黃皮素人實測 老實講，當初買呢支都係比個「櫻花」兩個字跣咗入坑，加上夏天又就嚟到，諗住搵支夠防曬又唔想成面油光嘅底霜。用咗兩個禮拜，同大家拆解下係咪真係咁神。 📦 質地：流質但唔水，似足保濕乳液 唧出嚟係淡淡粉紅色，好香好清幽嘅花味（唔係人工嗰種）。一推開好驚喜，好滑身，完全冇防曬嗰種「kick粉」嘅感覺。佢介乎於lotion同gel之間，夏天用零負擔。 🌸 重點：櫻花調色效果係點？ 我本身面黃帶暗啞，佢呢個粉紅色上到塊面 唔係死白，而係好似由入面透出嚟嗰種 自然粉嫩感。均勻膚色一流，鼻翼兩邊泛紅都修飾到七八成。如果你唔鍾意厚粉，單搽佢再加碎粉已經可以出街，直頭有種「天生好氣色」嘅偽素顏感覺。 ☀️ 防曬力：SPF50+ PA++++ 好有安全感 香港呢排又曬又焗，呢個度數啱啱好。最緊要係 唔焗痘！我搽足全日，下午鼻頭先開始出少少油，但唔會話溶到一撻撻，反而變咗光澤肌嗰種靚油，印一印就還原。 💧 保濕 vs 控油：平衡得幾好 佢有護膚成份，乾肌用夠保濕；我混合肌T字位就建議用控油碎粉定一定妝。唯一小缺點係如果爆瘡時

Fng好用推薦：Elixir 防曬妝前霜 春夏・熟齡混合偏乾肌 🌸✨ 我係熟齡混合偏乾肌，春夏最怕防曬又立又焗，搞到塊面黐笠笠。見到Elixir呢支櫻花色妝前防曬（約HK$255 / 35g，SPF50+ PA++++）好多人推，用咗一個月，分享真實感受～ 🧴 質地：輕薄易推，有少少滋潤感 · 淡粉色乳霜狀，唔會流動，但延展性極好，一推就開 · 上面後有輕微滋潤感，但唔立唔焗，春夏用都舒服 · 成膜速度算快，唔會黐頭髮 · 有淡淡嘅爽身粉香味，幾舒服 🌸 透明感實測 · 即時提升透明感：一搽上去，塊面即刻「亮咗一階」，唔係死白，係自然粉嫩光澤，望落有透明感 · 均勻膚色：可以遮蓋局部暗沉，望落塊面好乾淨、有「透光好皮膚」嘅感覺 · 膚色冇咁蠟黃：如果妳有面黃困擾，呢支可以幫手調整，令皮膚更顯透明 · ⚠️ 白皙肌限定：有評測話「本身皮膚好白淨先啱」，如果膚色偏深，搽完可能會太白唔自然 🌸 熟齡混合偏乾肌用後感 · 滋潤度夠：偏乾肌用唔會乾，仲可以即時撫平乾紋/細紋，上妝貼服好多 · 唔打架：試過配多款粉底/cushion，都冇起擦膠碎 · 懶人恩物：趕時間就咁搽佢直接出街，唔上粉底都見得人

Yeonjung好用推薦：嘩！呢支杏桃色底霜係咪偷咗打燈佬返屋企？用後感：成塊面飽滿晒！ 喂，我真係要同大家懺悔！我以前成日覺得「妝前底霜啫，是但啦」，求其搽防曬就算。點知前排路過專櫃，試咗呢支 ELIXIR 杏桃色，一試……中咗！即刻乖乖磅水！ 首先講下我塊面嘅狀況： 我呢啲殘廢打工仔，朝早趕時間，最憎層層疊咁搽嘢。好彩呢支嘢集合咗 防曬（SPF50+ PA++++）+ 提亮 + 保濕 三大功能，真係懶人恩物！而且我面頰偏乾，T字位又少少黃，啱晒呢支杏桃色嚟執一執。 質地：輕過棉花糖，滑過豆腐花！ 唧出嚟係好柔和嘅杏桃色，帶有非常非常幼細嘅珠光（唔係閃粉嗰隻，係好似皮膚入面透出嚟嗰種光）。一推開……咦？好似融咗入皮膚咁！質地好水潤，但又唔會油淋淋，感覺似搽緊保濕精華多過防曬。 最正係佢有 膠原蛋白成份，搽完嗰下，塊面即刻脹卜卜，好似啱啱敷完面膜咁軟腍腍。之前我鼻翼兩邊成日暗沉，搽完佢即刻 自然提亮咗成個色階，唔係死白嗰隻，而係粉粉嫩嫩嘅好氣色，直頭好似瞓足10個鐘咁（騙人的，我明明只瞓咗5個鐘）。 上粉底嗰下先係戲肉！ 平時我上粉底，冬天成日卡粉卡到喊。但用完呢支打底，粉底係 「跣」 住去，貼到呢

Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品

格仔餅公主好用推薦：有潤色既功效不過佢唔係走透薄路線係有少少粉感個一種，如果平時化開妝想偷懶有埋防曬佢都係差唔哂既選擇

natanatalie好用推薦：以這個價錢來說無可挑剔，質地算是比較清爽，不會黏笠容易推開，而且有微微的提亮功效。

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

Mo Wong好用推薦：Excel係日本開架品牌，成日聽人地讚佢D產品好用，今次用呢款防曬底霜真係好高質，我見佢話潤澤驚佢會笠，點知佢質地幾水又易推，搽上面完全唔笠，乾肌用都無問題，而且佢係四合一，我懶時只用佢之後簡單上cushion粉底就出門，佢幾保濕，只係佢完全無任向遮瑕作用同提亮效果偏弱。

msthea好用推薦：試咗Excel嘅日間防曬潤澤面霜佢質地比較杰身，搽上面會有少少覺得油膩感覺 過一陣吸收咗會覺得好啲 我個人比較懶，用咗佢就冇再用調色霜 加上呢排天氣乾燥，我用咗佢又真係冇卡粉情況 比較乾燥嘅天氣之下，我覺得皮膚乾燥嘅人都值得一試 但春夏天就應該唔係好啱了

Fng好用推薦：SOFINA Primavista 持久控油防曬調色底霜用後感（春夏・熟齡混合偏乾肌） ☀️ 我係熟齡混合偏乾肌，香港又濕又熱嘅天氣下，底妝最怕溶到一撻撻。見SOFINA呢支第3代妝前乳（約HK$240 / 25ml）主打控油防汗同修飾毛孔，就買咗Beige色嚟試～ · 質地水潤輕透：偏水潤嘅霧感型，上臉順滑好推，延展性高，唔會厚重或泛白。用完有自然柔焦霧面感，清爽零黏膩。 · Beige色自然提亮：帶粉嘅裸膚色，可以均勻膚色、提亮暗沉，妝感透亮乾淨。自然融和唔假白，偽素顏必備👍🏻。 · 超強控油防汗：控油真係超班，喺悶熱潮濕環境下全日唔泛油光。我有時單搽再壓蜜粉就出門，清爽一整天😙。 · 溫和保濕唔乾燥：第三代升級後加入玻尿酸同洋甘菊精華，就算喺冷氣房待一整日，面頰都唔會感到乾燥繃緊。 · 修飾毛孔粗大：可以有效撫平毛孔凹凸位，對於一般毛孔已經好夠用（如果毛孔極粗大就要疊加其他產品）。 · 防曬力足：SPF50 PA+++，日常出門防紫外線好夠用。不過記住用前要搖勻！👈 · 升級版改善致痘：網上話新一代採用咗「不易致粉刺配方」，比起舊版出粉刺嘅風險低咗好多，痘痘肌都可以試下。 💬

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

maylam好用推薦：會員試用裝 我覺得幾好用 有少少似Chanel(?)嗰個cc cream 不過呢個輕薄d 有少少遮瑕度and閃粉 但係搽完之後隻手唔會污糟 顯得塊面幾乾淨

Sarah好用推薦：這款新出的產品好好用，覺得幾潤澤，面色好咗好多，敏感肌都用得。

Fng好用推薦：MAC Lightful C+ 光透防曬底霜，呢支帶防曬嘅提亮底霜，聲稱能打造光透妝感。 質地與即時妝效：👍👍👍 (光澤感強) 佢係帶微微珠光嘅淡粉色乳液，質地水潤，好易推開。上臉後確實能即時提亮膚色，中和黃氣，帶來一種通透嘅光澤感，皮膚睇落更飽滿同精神。後續上粉底亦更貼服。 保濕與黏膩度：🤔 (秋天轉季剛剛好) 對混合偏乾肌來說，佢嘅滋潤度喺夏天明顯過高了，秋天就okay。完成後皮膚有種黏膩感，彷彿一層油膜冚住，在夏日濕熱天氣下令人不太舒適。這種膚感亦令後續底妝的舒適度大打折扣，相反地， 秋冬天氣濕度低，就剛剛好。 持久度與控油力：❌ (夏天不達標) 由於本身質地潤澤，在香港悶熱環境下，T位出油速度明顯加快，妝容融化速度比使用一般控油妝前更快，不到中午就已泛油光，毛孔亦更顯眼🫩🥴。追求持久啞緻妝效的話，它並非夏日首選。 總結： 一支更適合✅️乾燥季節使用的提亮型妝前乳。其光澤感和保濕力在秋冬會是優點💡，但放在香港夏天，對混合肌來說就變成了過度潤澤的負擔，嚴重影響妝容持久度。除非你是極乾性肌膚，或只需短時間在冷氣環境下活動，否則不建議在盛夏全臉使用。 #轉季

Jayla好用推薦：以Base嚟講佢嘅防曬系數好高，有SPF 50 PA+++。 質地係偏厚身，不過用粉底掃上好容易推開。淡淡嘅粉紅色上臉之後係完全冇妝感，但會有少少提亮效果，好似氣息好咗咁。但如果明顯瑕疵嘅話都係需要用遮瑕膏遮返。由於佢比較滋潤，我一般只會喺秋冬天使用。

Kitty 好用推薦：唧出嚟質地係白色乳液狀，但一推開水潤到好似搽緊精華咁，完全冇一般防曬嗰種戟住皮膚嘅膜感。吸收得好快，塊面即時有種飲飽水嘅光澤感，但又唔會笠黐黐，夏天用都唔覺焗促。最抵讚係佢唔會搓泥，後續上粉底都好貼服，慳番搽妝前打底嘅步驟，朝頭早趕時間出門簡直係救星。 跟住要讚下佢嘅潤色效果，唔係死白嗰種，而係天然嘅透光感，好似皮膚本身識發光咁，素顏單搽佢再加一層碎粉已經可以出街，暗沉嘅面色即時被提亮。有佢喺度，我連隔離霜都慳返。 呢支防曬霜將護膚、防曬同美肌三者合一，性價比極高。不過要提提大油皮或夏天易出汗溶妝嘅朋友，最好撲少少碎粉定妝，咁就完美晒！

Fish Tse好用推薦：就黎過年啦！係拜年既時候通常都會去好多地方同埋要長時間持妝，所以我覺得用妝前令到底妝更加細緻同持久都好重要 哩款補濕抗氧妝前防曬底霜就好合適，適逢今年新年天氣會比較凍，由其乾肌既sis對於保濕既需求就會比較高 有透明質酸水膜精華、維他命B8複合物水芥萃精華BG等成分具有深層保濕、修復肌膚細胞提升彈性同肌膚既緊密度最重要係鞏固鎖水屏障咁肌膚先可以鎖到水份 妝前使用仲可以令後續底妝更加細緻、清爽唔泛油，即使持妝時間長都唔怕會變花面貓

Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！

糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！

Silvia好用推薦：雖然係SPF50++++,始終係化妝品，但我唔會完全當係防曬用，OL室內日子用。所以唔知佢防曬係咪真係掂！但佢均勻膚色，防水防油防氧化都好好。單用膚色提亮唔少，可以偽素顏出街。加粉底，底妝好貼好靚，可以keep到7-8小時。但佢唔似其他妝前咁爽身，行cream狀路線，有d痴痴地，我哩d混白偏乾幾中意，油肌未必中意

Conw好用推薦：集防曬 提亮 均勻肌色於一身，去短旅行要慳手提行李重量的話，帶一支就夠。 50度防曬，去東南亞都唔驚。 雖然質地偏杰但延展性好好，珍珠大少可以全臉使用。 有一定遮蓋力，有珍珠粒粒折射光線，均勻膚色綽綽有餘，配上遮瑕膏和有色碎粉，真的可以省下粉底步驟 有滋潤度，成膜後有光澤，在皮膚附著力不錯，乾燥清爽的天氣使用可以保持6小時以上 25g細細支牙膏裝，放在行李不佔位置和重量 #出國必備彩妝

Kmggigi好用推薦：Sofina Primavista 持久控油底霜 — 清爽控油界嘅神級好物，夏天必備！🔥 質地: 呢款底霜質地清爽，推開好滑好易 blend， 完全唔會有厚重感。 調色效果都幾好，色調接近膚色， 用完個底色會靚啲、均勻啲， 好似皮膚自然變咗好狀態。 效果: 佢最強嘅地方就係控油！ 有效減少出油、令底妝持久服貼一日。 混合肌、油肌、或者天氣熱到出汗嘅夏天， 都用得好舒服，唔會有溶妝既視感。 防曬係 bonus！一支搞掂兩樣嘢🤣 防曬指數高，可以直接當埋日常防曬使用， 真係一舉兩得。 懶人或者忙碌上班族會超鍾意， 少一步妝都即刻快咗好多。🤩 總結：輕盈、控油、調色、防曬，一支搞掂所有底妝前準備 Sofina Primavista 呢支真係夏天底妝救星，想底妝穩陣又唔出油嘅一定要試！✨

A&R好用推薦：Sofina Primavista持久控油粉底霜好啱夏天或者容易出油嘅肌膚用。 質地輕盈易推，搽上面好快融合，好似多咗一陣保護膜，唔會覺得厚重。最大特色係控油效果好明顯，上妝之後面仔保持清爽，T字位都冇咁快出油，妝感可以持久一整日。 朝早上妝，去到下午都仲keep到自然妝效，唔會溶妝或者甩粉。 遮瑕力都ok，令膚色均勻，仲有保濕成分，唔會因為控油而令皮膚乾燥。

貓餅好用推薦：幾好用的防曬，唔笠，唔泛白，唔提亮，係香料，敏感肌可用，略嫌防曬系數只得30不夠高，不過只要唔笠嘅我都覺得好用

黯然仙人掌好用推薦：孕婦同兒童friendly ge 物理防曬，揸完會白咗少少，一d 都唔痴笠，但有少少少少防曬焗焗地ge feel,不過都無引起痘痘。 敏感肌可以入，但如果追求完全清爽無feel ge 防曬就要揀化學防曬la

Hamiii好用推薦：要睇天氣用 夏天易出油 都算唔錯既 控油效果唔錯 做到一整天不泛油 但就有點乾 非要用佢 就上前噴一噴定妝 上後又噴一噴定妝 加強小小水份會好少少

Hazel好用推薦：其實佢唔差，價錢亦都好平，但係相對起S字頭嘅妝前乳液佢比較遜色，但亦未至於太差，不過二揀一，我會選S。

Connie Kwan好用推薦：我偶然會因某些防曬焗住皮膚而發熱泛紅。但clinique 這支就未試過，質地是啫喱，塗後感覺清爽水潤，不粘笠。雖然有顏色，但並推開後就會變透明。所以我做運動的日子會用這支防曬。

susanchiu9好用推薦：水凝霜嘅感覺，搽上臉保濕之餘而唔立，乾跟後續嘅底妝產品唔會打架， 皮膚keep住成日都唔會覺得乾。 #夏季必備保養

Fng好用推薦：用咗Elixir金管隔離妝前乳大半個月，感覺良好，我係熟齡混合偏乾肌（T位微出油，兩頰偏乾），香港夏天長期處於又焗又濕嘅環境，妝前乳要夠保濕但唔可以黐笠、防曬要高但唔可以厚重，仲要唔顯毛孔！ 💖 優點： ➡️保濕+光澤感超讚 朝早洗完面，兩頰有時會繃緊，直接搽呢支金管即刻有層水膜感，唔會扯乾或起屑。 相比其他控油型妝前（如Sofina），佢唔會令乾紋更顯眼，反而有少少澎潤效果，適合熟齡肌怕粉底龜裂嘅問題。 ➡️自然提亮，偽素肌神器 質地推開後有微微珠光，唔會誇張似油光，而係皮膚自帶嘅光澤感，尤其適合暗沉嘅熟齡肌，即時提亮膚色，後續上粉底更貼。 潤色效果近乎零，但能修正膚色不均，😍單用+碎粉已經可以偽裝好氣色。 ➡️防曬力足，懶人恩物 SPF50+ PA++++，慳返防曬步驟，香港夏天紫外線超毒，試過戶外短時間活動都冇曬黑。 ⚠️ 缺點 1. 不控油 30°C+濕度高嘅日子，3-4小時後T位會少少溶妝，尤其鼻翼， 如果全日戶外活動（如行山），建議改用更清爽嘅產品，金管較適合室內冷氣環境。 2. 質地少少黏，油肌慎入 佢嘅「乳液狀」質地推開順滑，但成膜後仍

Haha Kim好用推薦：之前朋友推薦我使用嘅妝前打底，保濕加防曬。對上一次朋友去日本旅行嘅時候拜託朋友幫手買一支，超級好用！