ELIXIR

補濕抗氧妝前防曬底霜 SP50+ PA++++

💧 質地 乳液型，延展性好，推開時有水潤感。雖然唔係極清爽，但唔焗，油肌用落去唔會即刻泛油。 💰 價錢 中價位，大約HK$250–$300。以防曬力＋護膚成分嚟講，性價比算高，定位係「日常護膚兼防曬」。 ☀️ 防曬效果 SPF50+ PA++++，夏天戶外足夠。化學防曬為主，唔易起白印，防曬膜穩定。大量出汗或游水要補搽。 🕒 持久度 大約6–8小時防護力。頭幾個鐘清爽，之後有自然油光但唔溶妝。控油力中等，唔堵塞毛孔。 👩‍🦱 油性肌膚用後感 一開始推開好舒服，唔焗唔黏。坐冷氣房唔乾，出街行一陣都冇溶妝。到咗中午，T字位有少少油光，但係自然光澤，唔係出油。妝容穩定，底妝仲貼服。用落去有安全感，唔會令皮膚爆紅或者起粒粒。 🌤️ 總結 呢支防曬對油性肌嚟講係「穩定＋護膚感」嘅選擇。唔係最清爽，但勝在唔焗、唔乾、唔溶妝。夏天日常用非常合適。

唧出嚟質地係白色乳液狀，但一推開水潤到好似搽緊精華咁，完全冇一般防曬嗰種戟住皮膚嘅膜感。吸收得好快，塊面即時有種飲飽水嘅光澤感，但又唔會笠黐黐，夏天用都唔覺焗促。最抵讚係佢唔會搓泥，後續上粉底都好貼服，慳番搽妝前打底嘅步驟，朝頭早趕時間出門簡直係救星。 跟住要讚下佢嘅潤色效果，唔係死白嗰種，而係天然嘅透光感，好似皮膚本身識發光咁，素顏單搽佢再加一層碎粉已經可以出街，暗沉嘅面色即時被提亮。有佢喺度，我連隔離霜都慳返。 呢支防曬霜將護膚、防曬同美肌三者合一，性價比極高。不過要提提大油皮或夏天易出汗溶妝嘅朋友，最好撲少少碎粉定妝，咁就完美晒！

就黎過年啦！係拜年既時候通常都會去好多地方同埋要長時間持妝，所以我覺得用妝前令到底妝更加細緻同持久都好重要 哩款補濕抗氧妝前防曬底霜就好合適，適逢今年新年天氣會比較凍，由其乾肌既sis對於保濕既需求就會比較高 有透明質酸水膜精華、維他命B8複合物水芥萃精華BG等成分具有深層保濕、修復肌膚細胞提升彈性同肌膚既緊密度最重要係鞏固鎖水屏障咁肌膚先可以鎖到水份 妝前使用仲可以令後續底妝更加細緻、清爽唔泛油，即使持妝時間長都唔怕會變花面貓

Shiseido Elixir Daily UV Protector 補濕抗氧妝前防曬底霜 SPF50 PA++++ $230 / 35mL 功效：護膚+持妝+防曬 補濕抗氧妝前防曬底霜的用家很多時都是OL， 因為Elixir有很多方便省時的產品， 為忙碌的都市OL爭取多一點休息時間。 補濕抗氧妝前防曬底霜是多合一的防曬， SPF50 PA++++是日本最高級別防曬保護， 即使戶外活動也可使用， 亦具護膚功能，以保濕、抗氧化及抗衰老成分為主，也可以作妝前底霜，令妝容更持久。 質地是清爽的乳液狀，甫一推開已被肌膚吸收， 完全沒有厚重感不泛白，非常的輕盈透氣， 用起來舒服快捷方便，真不愧為OL常用護膚品牌。 含保濕成分: 傳明酸, 環己六醇, 可溶性膠原, 矽靈, 丁二醇, 甘油, PEG/PPG-14/7 二甲醚, 乙基玻尿酸鈉 及 酵母萃取 抗衰老成分: 傳明酸, 豆瓣菜萃取, 紅茶萃取, 甘油, 乙基玻尿酸鈉, 酵母萃取 及 刺梨果萃取 美白/淡斑成分: 傳明酸 抗氧化成分: 豆瓣菜萃取, 紅茶萃取, 二丁基羥基甲苯, 檸檬酸鈉, 乙基玻尿酸鈉, 酵母萃取 及

超級大推！！ 喺日本機場免稅店買， 返香港由天氣凍用到依家夏天， 超級好用！本身混合性偏油。 佢個質地好輕，搽落去好快吸收 完全唔黏笠，本身搽防曬就要搽一定嘅份量先有效 就算厚搽都唔會覺得好厚重！ very good!! 搽上面亦唔會泛白 基本上冇色亦冇乜香味。 會持續用落去！

Elixir防曬有3款，呢款算係最基礎版，佢有保濕同抗氧化功效，白色乳液狀質地搽上面幾清爽，推開唔會泛白，淡淡白味，感覺幾舒服。

推開無泛白，完全無痴痴笠嘅感覺。 可以直接照埋底霜用，好方便。