BareMinerals 好用推薦產品

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

SUM好用推薦：因為以前@cosme 送過一款白色蓋的礦物淨肌抗痘粉底俾我，我竟然中意到用曬，後黎想去專門店回購嘅時候先知原來已經停左產，冇得再賣，之後店完即刻推薦我買呢款試下，呢款同樣上臉有啞光效果，不過遮瑕度就冇咁高。 買完返去用發覺都幾好用，一上面即有磨皮均勻膚色效果，睇落個人都精神d😍！上到面好薄，如果有需要可以先用遮瑕膏再上粉底，用嘅時候記得配合圓頭Kabuki刷，先將粉底打圈，等粉底沾係刷上面，再用打圈方法上面，咁樣個妝感就會好靚😆，當係偽素顏一流！🥰

Jasmine Yuen好用推薦：呢款款礦物柔亮胭脂的質地非常細膩，容易上妝而且自然。我慢慢少份量掃上面唔會一撻撻。 我自然膚色，呢個Pink me up顏色自然，有白裡透紅的感覺。持久度ok，能夠keep返工8個鐘唔使補。 BareMinerals 主打礦物天然成份，適合敏感肌膚使用，因為它不含有害的化學物質，而且不會引起任何刺激或過敏反應❤️ 配合佢既牌子粉底十分match~

KDing好用推薦：色號係pink me up 的確如名咁好粉紅 上面幾顯色 而且會有青春害羞感 如想自然D就取粉要少D

Jasmine Yuen好用推薦：呢款Primer Gel性格比高，用少少薄搽1層已經可以填毛孔，而且會成塊面好滑，仲能夠令我的粉底更加服貼。 佢係無顏色，所以就咁用唔會遮到任何瑕疵／改善膚色

LenaC好用推薦：bareMinerals既妝前底霜特別適合混合性肌膚 成份含天然礦物二氧化矽同非洲樹皮萃取 有效吸走T字位既多餘油脂 修飾毛孔 令妝容更持久清爽 同時蘊含保濕成分 幫助肌膚達至水油平衡 佢既質地係輕盈透明乳霜 塗抹時會瞬間化成粉狀質地 好似喺肌膚加上一層薄紗 輕鬆塑造自然啞緻妝效

bibubibu好用推薦：色號係panko同notorious panko係一個有少少棗紅色調嘅顏色 佢適合化咗妝嘅時候使用 會令人望落非常之有精神 notorious 就係一個比較自然嘅粉紅色 冇化妝都啱用 好似天生有靚唇色咁 呢款唇膏質地滋潤 唔顯唇紋 即使冬天用都唔使用潤唇膏打底 不過就比較快甩 而且有陣雲呢拿嘅香味 可能有人會唔鍾意 但整體表現出色 專櫃唇膏來講性價比高 可惜香港已經冇哂bare minerals專櫃

KDing好用推薦：算滑 但係個延展力唔算強 所以上嘴要來回塗抹先上得曬個嘴 顏色都靚

Jasmine Yuen好用推薦： BareMinerals完美素肌化妝掃是配合粉狀粉底設計的化妝掃。它具有創新的中間凹槽設計，方便精確地控制遮瑕度。這款刷子的刷毛柔軟且密集，能夠輕鬆地將粉底推開，打造無瑕的妝容。 使用方法：配合BareMinerals 粉底，先將少少粉倒在粉底盒的圓蓋，用掃打圓沾上粉，在面上打圓上粉，需要遮瑕地方再薄薄掃上一層就可以了。

KDing好用推薦：個掃取粉唔會過多 上到面上個妝感都算輕薄 唔會太有面具感 同埋用黎定妝都可以用

Jasmine Yuen好用推薦：1️⃣賣點係不含香料，成份天然，非常適合敏感肌膚使用，孕婦都🆗️ 2️⃣定妝效果：粉很幼細，不易脫妝。(但夏天控油我覺得Innisfree控油定妝粉比較好) 3️⃣自然妝感：適合偽素顏。

Kpl6be6好用推薦：之前因爲成日化妝又要戴口罩而狂出粒粒～所以入手咗呢款唔致痘痘嘅天然定妝粉～感覺透薄又修飾到皮膚～最重要真係冇焗住毛孔而再出新暗瘡～

natanatalie好用推薦：質地不算特別清爽，油肌可考慮秋冬使用。 用了一段時間，感覺不特別明顯，性價比不算高。

LenaC好用推薦：呢款係屬於純素系列 從植物中提取植物類既天然維他命A醇 唔會刺激皮膚誘發泛紅 同時有效撫平細紋且同埋補水 令膚質顯得更光滑 襯夜間皮膚進行自我修復既時間再加把勁❤️ 會考慮買正貨

KDing好用推薦：隻定妝噴霧我唔係太鐘意 因為佢噴出既水霧唔夠細 好似漿住係塊面

mandy好用推薦：不含酒精、色素 及 香料。 適合所有肌膚使用, 包括敏感肌。 DEW MIST SHIMMERING SETTING SPRAY 噴霧可以噴灑得很均勻, 而且除了含保濕成分, 亦具有其他對肌膚有益的成分如抗氧化成分 及 均勻膚色成分。 使用感很清新, 保濕力強, 而且可即時令肌膚保濕及帶自然光澤 有一枝在手, 可隨時隨地為肌膚保濕及定妝。 品質如此優秀, 價位也就比其他噴霧稍貴。 如果想隨時隨地使用噴霧保濕及護膚, 推介使用BareMinerals DEW MIST SHIMMERING SETTING SPRAY。 含保濕成分: 丁二醇, 甘油, 兵豆果萃取, 辛乙二醇, 乳酸鈉, PCA 鈉 及 雙丙甘醇 抗氧化成分: 紅茶培養物, 西瓜果萃取, 兵豆果萃取, 榆繡線菊萃取, 黃細心根萃取 及 檸檬酸鈉 肌膚修復成分: 甘油 鎖水成分: 甘油 及 PCA 鈉 鎮靜消炎: 榆繡線菊萃取 及 黃細心根萃取 均勻膚色成分: 黃細心根萃取

KDing好用推薦：定妝粉算幼細 定妝效果算唔錯 會有霧面效果 但會有少少乾 夏天用會岩D 但開口倒出既量好易失手

Circlecyy20好用推薦：Bare mineral 的碎粉試在手上沒有粉感，比起其他碎粉上在皮膚會顯妝感不一樣，我通常上在眼底遮瑕後發眉毛打底，因為眼底易卡紋，但這款碎粉幼細，沒有這個問題，眉毛則是以防皮膚出油。

Jane1111好用推薦：本人對定妝粉沒有太大要求，只需要乾爽不會痴笠笠唔敏感便可😆本人有時中意搽下有色防曬就出街，如果唔用埋定妝粉我覺得好笠，所以我會配合埋呢隻粉餅用，用咗又真係好似乾爽d~加埋無生粒粒 我就keep住用了😆

Pinky好用推薦：成份溫和，孕婦及敏感皮膚都可以用 用化妝掃都幾易取粉，粉質唔係壓得好實嗰種 掃上面冇咩顏色，可以薄薄地定妝 粉質唔係特別幼，原裝粉卜好薄，完全用唔到咁濟，唔會回購