ELIXIR

膠原亮白淨斑妝前防曬底霜 SPF50+ PA++++

ELIXIR 彈潤多效美肌乳 SP+ (Brightening Day Care Revolution) ✨ 質地： 呢支美肌乳嘅質地幾輕盈，係偏水潤嘅乳液狀，流動性幾高。搽上臉嗰陣好容易推開，唔會覺得黏笠或者厚重，吸收得算快，稍微會有少少油膜感留喺皮膚表面。 效果： 我欣賞佢將乳液、防曬同埋 Base 三合一，朝早返工趕時間真係方便好多，洗完臉搽完 toner 之後直接搽呢支就搞掂。佢嘅保濕力幾好，上咗臉之後皮膚會有一種自然嘅光澤感，唔會顯得死白，對於改善暗沉係有少少幫助。作為防曬，佢有 SPF50+ PA++++，防曬度數都好高好夠做。搽完之後再上後續粉底液，個妝會幾貼服，冇乜出現擦膠碎嘅問題。 對於我呢種混油肌嚟講，呢支產品算係毀譽參半。 佢保濕度做得幾好，唔會令到我啲暗瘡位置覺得負擔好重。用咗一段時間，暗瘡印位置都冇因為曬太陽而變深。雖然佢話係美白清爽版，但對於混油偏油嘅我嚟講，控油力始終爭啲。另外，佢冇乜遮瑕功能，對於我面上比較深嘅暗瘡印，係起唔到修飾作用，一定要額外加遮瑕膏或者揀遮瑕力強啲嘅粉底。 總結： 佢係一支稱職嘅日間防曬乳液，適合追求效率、皮膚唔係極油嘅朋友

Elixir依枝妝前底霜喺日本好出名，喺日本Cosme排行榜時常出現，我買嘅係銀管美白款色，原來呢支係新版本嚟。 因為我係乾性皮膚，夏天黎講先茶保濕之後用Elixir，皮膚滋潤度先足夠。本身佢有保濕度，較清爽不黏笠。 銀管整體來說會更適合混合肌膚使用。除了保濕之外，上臉服貼易推開、不粘膩都不會泛白。角質被滋潤、毛孔被弱化，皮膚變得好澎潤感！依枝Elixir好方便，乳霜、底霜、防曬三合一，新版本更添加咗20%美容成份🩷雖然提亮效果一般，冇遮瑕度，但我鍾意佢有美白效果，日間都可以抑制黑色素。日常我淨係查返輕拍碎粉就出街。 我非常鐘意佢嘅方便，下次會試粉紅色管，真係值得一試既產品🩷 #火熱新品

睇我幅相就知道我已經成支用晒啦、 真心超級好用、 本身皮膚比較黃黑 但係搽上呢支tone up beige 都絕對沒有泛白、 上面後均勻膚色 帶少少提亮感覺、 而吸收又唔會油粒粒、 我只係再用碎粉輕輕拍上T字位、 就能keep到全日、 一定會回購

Elixir 防曬底霜不嬲都好出名，有SPF50+ PA++++日本最高防曬度，一樣都係防曬、底霜、乳液三合一。我用過銀管同金管，最喜歡銀管，質地係三管之中最清爽，唔黏膩，適當保濕。搽上去完全唔會覺得厚重，唔會有防曬霜嘅油感，亦都冇泛白。 銀管仲添加咗淡斑美白成份，感覺更加全面。手上呢支係新版本，但我未用過舊版本比較唔到。而且可以作為有護膚作用嘅底霜，對皮膚更友好。我用銀管主要係想簡單保濕及提亮，提亮效果效果一般，但整體嚟講都唔錯。

我係混合乾肌，去旅行嘅時候見到日本cosme store狂介紹，於是買一支嚟試吓！發覺幾容易推開，好快就均勻上面，顏色亦都好透白，有提亮嘅作用，而且唔會黐立立，之後再上粉底都輕易處理，值得推薦大家使用

質地清爽不黏膩，上臉自然提亮、修飾暗沉。後續上妝非常服貼，且溫和不刺激，用後肌膚透亮有光澤。

質地很輕薄，容易推開，不油膩、不搓泥，塗抹後感覺像普通乳液，不會出現明顯白膜，也不易起屑，帶提亮效果。