膠原蛋白 推薦好用產品

Flora好用推薦：呢款精華算係我用咁多精華產品中覺得最好用嘅！ 易推！快吸收！ 好啱初熟肌用～ 減淡幼紋、提升緊緻度效都幾顯著～ 會回購！ 另外呢個brand嘅洗頭水都好好用，大推！

Jasmine Yuen好用推薦：POME 海洋納米5秒祛皺眼膜 （最平試過萬寧YUU會員$392再送$50萬寧卷) -跟左官方建議：頭14日每日敷，之後每星期2次作maintenance - 良好的保濕效果，令眼部皮膚更加光滑和柔軟。👍🏻 - 眼部細紋和皺紋顯著減少，眼部周圍的皮膚更加緊緻和有彈性。 - Clean beauty可持續性，選用秉承可持續性理念的供應商及原材料，堅持不浪費的原則。😉ESG係大趨勢

Barbie pink好用推薦：已經回購第六瓶了，從上年日本一出用到現在，明顯地，蘋果肌提升左，最開心嘅表情紋淺咗，配合 Elixir Wrinkle cream 一齊使用，完全糸100 分perfect match😊，未用過嘅真係要快啲試吓。效果超出預期。

SYJU好用推薦：一個月前在銅鑼灣做了hifu後行過松本清由專櫃小姐介紹入手了，我每晚睡前都揸及跟盒內指示圖去按摩，很喜歡它的味道很舒服，由於這V面霜是比較潤的所以很容易推，用了一個月感覺真的緊緻了, 但唔知效果維持幾耐我會再觀察

Noel好用推薦：隨著年齡增長，皮膚的膠原蛋白增生能力減弱，更會追不上流失速度，因此建議女性都試試囗服的膠原蛋白補充品。個人試過歐美款式的，比較多會有腥味；日本品牌飲的和沖的，也試過好幾種。感覺這款 Milcolla 膠原蛋白粉最適合我。 Milcolla 膠原蛋白粉呈米白色，帶點奶粉味道，不帶腥味，算是幾好聞的👌個人喜歡將膠原蛋白粉加入咖啡，會令咖啡多了分奶香味，又沒有怪怪的👍由於 Milcolla 膠原蛋白粉很幼細，能夠很快溶於水，亦少會出現結塊一舊舊❗ 目前飲了三盒，感覺皮膚水份增加，尤其在早上上妝時最能感受到分別。除了服用 Milcolla 膠原蛋白粉外，我亦會多敷面膜配合，令皮膚效果更佳。飲用這種膠原蛋白粉期間，我也沒有爆暗瘡，which is GREAT 👍 雖然沒有“飲了變得容光煥發“的效果，但是個人試過停飲一星期作比較，皮膚真的變得暗沉一點，鼻子更有少量甩皮😅 所以亦可印證這個 Milcolla 膠原蛋白粉對我幾有效呢💗

Fng好用推薦：suntory 膠原蛋白粉試咗一包，感覺良好，佢冇難飲嘅腥味，令人容易接受，同埋 即溶喺水，冇發現黐埋一舊舊， 最怕嗰啲要大費週章才能搞溶曬 先至飲落肚。

dorislau好用推薦：質地係啫喱狀，易被肌膚所吸收。 用後沒有痴笠笠，感覺舒服，夠補濕，尤其適合依加天氣使用。

Josephine Ng好用推薦：PDRN 精華，塗抹後皮膚更有光澤 對修護毛孔很有幫助 比一般的精華更加杰身

Meme166好用推薦：萬寧特價百零蚊， 查喺眼部周圍滋潤唔怕太笠， 仲可以查全面， 唔肉赤。我多數查完眼周圍，會查埋嘴角。

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

natanatalie好用推薦：貴婦級的面霜🤤 呢個品牌嘅護膚品我每次用都覺得功效幾好，性價比唔錯，今次試左呢款品牌中算比較貴嘅淡斑面霜！🙆🏻‍♀️ 面霜質地唔算特別清爽，有一定滋潤度，但我油肌步向初衰老嘅肌膚嚟講，都算ok，尤其開冷氣用佢就覺得好正！🥰 推開會感覺到滋潤感覺，肌膚會𣊬間變很好柔軟好軟熟，改善粗糙感嘅效果好強！用左一排，除左覺得肌膚細緻左，面上嘅痘印都有少少減淡，效果好滿意！❤️

Kpl6be6好用推薦：淡淡嘅清香非常討好～質感輕盈～搽上後有滋潤感卻唔油膩🥰🥰有效潤澤肌膚～令皮膚立馬柔嫩度🆙🆙🆙會回購嘅一款！

A&R好用推薦：首先面膜質地好舒服，好大塊，完整地覆蓋整個面，剪裁亦都唔錯，眼部嘴部唔會太細，又唔會太大。精華好多，有少少水狀，冇香味，敷上面皮膚好吸收，剩低嘅精華搽喺頸部手臂，都好快吸收，唔會好黏笠。敷完30分鐘皮膚亮白了一啲。整體感覺有驚喜，價錢唔貴，可以長期使用。

lingbb好用推薦：- 主打終極對抗光老化，刺激膠原自生，啟動8大護膚功效，全方位抗氧活肌！ - 極貴嘅精華，暫時未用哂，質地唔黏笠，上面非常易吸收，感覺皮膚毛孔更細緻，使用效果同其他精華相比更加睇到皮膚細緻度。 - 希望用哂成枝可由內到外對抗老化問題，散發年輕透亮肌感！

Chloeincosme好用推薦：呢排用緊 Physiogel逆齡緊緻精華，入面含有Collajet Complex™彈滑嫩肌膠原複合物，結合S-PDRN、NMN同3重胜肽膠原蛋白，用左排真係感受到肌膚嘭彈咗～ 🤍 緊緻提升：4/5 連續用兩星期，下顎線條明顯提升咗，睇落個輪廓精神咗好多，冇咁浮腫！當然唔會好似做完醫美咁keep到一排，但有肉眼改善都真係勁！ 🤍 淡紋效果：4.5/5 額頭同嘴角嘅細紋有明顯淡化，尤其眼周位置冇再因為乾而卡粉，上妝更貼服～ 🤍 光澤度：4.5/5 用完第二朝起身塊面零舍有光澤，唔會暗沉，個膚色均勻咗好多～ 🤍 溫和度：4/5 配方純淨，冇添加防腐劑同礦物油，敏感肌用都完全冇泛紅或刺激～（有好淡既香味） 總結： Physiogel呢支逆齡精華比想像好用，一支做到膠原再生同屏障修護～會考慮回購！

Hoiyi好用推薦：#冬季護膚 很易推開，轉季恩物，搽上面和頸不會有油油的感覺，第朝起床皮膚有種滋潤感覺，完全不覺得冬天帶來的乾燥感

A&R好用推薦：Physiogel膠原淡紋再生逆齡面霜，抗老熟齡肌使用。質地有些少硬身，有些少似雪花霜，容易推開同吸收。夏天使用時有少少黏感，但吸收後唔會笠，適合天氣乾燥及冷氣房使用。 有少少香味，有做過皮膚測試，所以敏感肌都適合使用。 用咗一段時間抬頭紋同頸紋有輕微改善，膚質變得更飽滿有彈性。

Mo Wong好用推薦：呢款重點抗皺霜幾好用，我平時大多數眼霜都會出油脂粒，我用呢款搽眼四周都無事，佢搽上去完全唔油但有滋潤度，冬天用佢當眼霜都ok，我仲會用佢搽眉心同法令位，會買同keep住用，期待佢撫平皺紋效果。 #火熱新品

natanatalie好用推薦： 開始有紋的小資女生必買🙆🏻‍♀️ 近年多左留意呢個品牌，覺得效果幾明顯，價錢唔算特別貴，而且好適合初老女生！😝 呢支抗皺精華霜質地唔算稠，唔厚重，比較容易推開，而且推開之後會好有光澤，保濕同滋潤嘅效果唔錯。❤️ 我會早晚用喺眼底，眼尾同虎紋位置，用大概一粒黃豆嘅份量就足夠，推開之後一陣就會吸收曬。再化妝都唔會起擦膠碎。覺得幾surprised嘅係用完嘅位置會有少少pump起嘅感覺，所以我會回購。😎 #火熱新品

robinsbk好用推薦：用完會有一種好安心嘅感覺💆🏽‍♀️就好似為肌膚打好個底 facilitate後續skincare吸收咁 可以保濕之外仲可以穩定膚況 敏感肌friendly！

Beanbean好用推薦：25歲以上就開始有用抗初老護膚品 佢效果好似精華 但質地又唔焗 好親膚嘅感覺 有時皮膚狀態好 想偷懶 都唔使用cream就足夠 我直接用手輕拍上面 效果就係令皮膚狀態穩定返 同埋有返彈性

Suki好用推薦：這款化妝水質地輕盈水潤，特別適合偏油性及混合性肌膚。使用後能迅速滲透肌膚，保濕效果優秀，讓肌膚呈現彈潤感，同時不會感到黏膩。添加膠原蛋白促進成分，有助於改善肌膚彈性與光澤。

Suidan好用推薦：#火熱新品 我中意呢支精華滋潤得黎唔黏膩，有小小香味，可以接受。 我一次用一泵已經夠，用左佢大約一個月，覺得法令紋冇之前咁深，好期待繼續用落去既效果。 佢價錢合理，所以都會巧慮回購。

Fng好用推薦：肌研 修護睡眠水光燈面膜｜混合偏乾肌嘅熬夜發光術✨ ✨使用感與效果 半透明凝凍質地，推開化水超輕盈！敷過夜完全唔黏枕頭，朝早起身成塊面嘭嘭亮，暗沉同乾紋即時隱形～最驚喜係調節水油平衡，T位冇泛油光，兩頰卻保持水潤！連續用3晚，膚色明顯均勻咗，上粉底再冇起屑危機～ ✨同價位比較 VSLaneige睡美人水庫膜：Laneige較潤但清爽度輸畀肌研 VS Innisfree綠茶睡眠面膜：綠茶控油更強但保濕力不足 VS Origins一飲而盡面膜：Origins滋潤度更高但夏天用較黏 ✨混合肌雷區 ▸一定要薄塗（珍珠粒大小就夠） ▸ T位可以再薄啲或避開 ▸ 極潮濕悶熱夜建議敷30分鐘後沖洗 ▸ 油痘肌每週最多用2次 ✨使用攻略 1️⃣基礎保養後取一粒黃豆份量全臉推開 2️⃣ 重點乾燥位可重複疊加 3️⃣ 朝早用化妝水抹走多餘膜感再上妝 ✨隱藏技巧 ▸厚敷15分鐘可當急速補水膜 ▸ 混合啞光粉底可自製光感底妝 ▸ 放雪櫃後使用即時降溫3度 總結：$300有找嘅「通宵發電機」💡 做到清爽與修護並存，香港夏天熬夜必備！回購率95%！ #火熱新品

Kitty 好用推薦：本身我係混合肌，T字位出油，兩邊面頰有時會乾到繃緊，所以揀面霜都好小心。呢支嘢吹到好勁，話用到咩白鑽松露成分同胜肽科技，咁我就試咗個幾禮拜，同大家講下真．用後感！ ✨包裝同質地 面霜個瓶身係紅色，睇落幾高貴，唔會話好浮誇。一打開個蓋，就見到佢係清爽凝露霜質地，推開嗰陣又唔會話好黏膩，反而有種好潤嘅感覺。 💆‍♀️使用感受 搽上面嗰陣，第一感覺係好滑！，吸收得幾快，唔會黐立立或者留低一層油光。我通常夜晚瞓覺前用，第二朝起身摸塊面都仲係軟熟嘅，冇平時咁乾。最驚喜係佢唔會引致出粒粒或者敏感（我皮膚幾易泛紅），反而覺得毛孔睇落細緻咗少少！ 🌟效果點樣？ 用咗大概十日左右，最大改善係緊緻度！本身我下巴同頸位有少少鬆，而家睇落好似冇咁垮，尤其是朝早起身個輪廓明顯咗～至於淡紋效果，我眼尾嗰幾條細紋就未話完全消失，但感覺冇咁深刻，可能要用多排先見到明顯分別。 👍優點同缺點 ✔️ 優點：保濕夠長效、唔黏膩、緊緻效果幾明顯、香味清淡唔刺鼻 ❌ 缺點：如果大油皮膚夏天用可能覺得太潤。 總括來講，呢款面霜我覺得適合乾性至混合肌嘅人用，尤其係開始有抗老需求嘅輕熟女。效果對得住個價錢，而且唔會太厚重，

Desse好用推薦：OLAY 胜肽專研緊緻輕潤乳霜 (紅金面霜) 紅到不行嘅紅金面霜.. 又點可能唔入手💓 官方介紹嘅焦點成分有： ⭐️ OLAY專研專櫃級成分Peptide胜肽 重磅升級的Signal Peptide訊號肽組合，突破性激活3大抗老蛋白，令法令紋減淡、蘋果肌更豐盈、下顎線更清晰。 ⭐️一次補齊3大抗老蛋白: 膠原蛋白..彈性蛋白..肌底膜蛋白 打造彈嫩緊緻年輕肌膚，功效超越單一膠原方案 👩🏻我大約用咗1樽半 💡有效減淡細紋 用咗1星期..眼尾細紋有明顯減淡.. 木偶紋亦開始有改善 3星期左右.. 木偶紋有明顯淡咗 💡 提升jawline 喱一個係2星期左右會開始見到效果.. 頸部都會firm咗..會有緊緻嘅感覺 💡 面霜好吸收 面霜質地絲滑.. 好快可以俾皮膚吸收到 🪻🪻🪻 留心位 🪻面霜質地偏厚 秋冬用一流.. 春夏會易出油.. 我喱半樽都要等秋冬再用 🧏🏻‍♀️ 🧏🏻‍♀️🧏🏻‍♀️ 開架牌子嘅價錢有專櫃級既體驗，無咩理由唔入手❤️

Kitty 好用推薦：話說前排成日熬夜，塊面開始有啲墜墜哋嘅感覺，睇落冇咁精神，於是拎出上次Clarins sales送嘅呢支Extra-Firming面霜sample來用。一打開樽蓋就聞到陣好舒服嘅植物清香，唔會太濃，好放鬆～ 質地係creamy但唔黐笠，推開之後好快吸收，有滋潤感，但唔會留低一層油光。對我呢個T位油、面頰乾嘅人嚟講，呢個平衡度做得幾好！ ✨ 上臉感受： 搽上面嗰陣感覺好柔滑，皮膚摸落去軟熟咗～最驚喜係後續上妝唔會同底妝打交，唔會搓泥或者搞到粉底一撻撻！之前用過其他抗老面霜，好多時太潤會令妝容溶得快，但呢支完全冇呢個問題。 ✨ 效果分享： - 緊緻度：用咗大概一星期，覺得塊面嘅線條冇之前咁模糊，尤其係下巴同頸位，感覺托得幾好。 - 飽滿感：皮膚睇落冇咁攰，尤其係朝早起身，冇之前咁浮腫同暗沉。 - 保濕力：秋冬用都夠力，唔會繃緊，但如果你係極乾肌，可能夜晚要加多層精華。 ✅ 優點： - 清爽得嚟有足夠滋潤，混合肌真命天女！ - 香味高級，用嗰陣有種護膚儀式感。 - 真係有即時緊緻同平滑效果，急救一流。 ⚠️ 注意位： - 如果你追求極速V面，可能要靠美容儀配合，呢

Chloeincosme好用推薦：CLARINS 呢枝「彈簧霜」係Cosme 好高分！簡介話佢用左嶄新科研 [COLLAGEN]³膠原三重煥活科技：三步重塑膠原—增生、優化、鞏固。 今次買左枝細枝裝試下，每晚用完精華就搽佢。質地好滋潤！上臉有一層薄薄既保護層，但唔會太油笠笠，好滋潤保濕，係冷氣房成晚，佢都夠滋潤令皮膚唔會被抽乾晒水份！ 用左一個星期feel到皺紋淡左（尤其係臉部表情紋），但比較深既紋例如魚尾紋就未見效果（但係深信用耐啲應該OK ！）。蘋果肌睇落飽滿左，好驚喜既係收毛孔都有功效！！！以淨係用左一個星期黎講效果已經好滿意！適合中熟齡肌既大家！♥️ 總結： 保濕： 🌟🌟🌟🌟+0.5 抗皺：🌟🌟🌟🌟🌟 油潤：🌟🌟🌟🌟 緊致：🌟🌟🌟🌟🌟 收毛孔：🌟🌟🌟🌟+0.5 會回購大枝裝，希望可以淡化表情紋🥹 #面霜