韓國防曬 推薦好用產品

Wuxx好用推薦：早排去完韓國旅行係olive young入手左唔少美妝， 其中一樣就係依個白樺樹防曬。 如果要我簡單介紹，我會形容佢為存在感零防曬。 擠出黎係凝乳狀，唔泛白，無咩特別香味， 保濕度都足夠，輕盈不黏膩，易推開同吸收， 上臉成膜後唔會同底妝打交， 雖然話係零存在感防曬， 但佢係有好好做以防曬功能， 同時唔會令你察覺到佢嘅存在～ 唯一扣分位係無防水， 夏天易流汗嘅朋友可能要注意需要經常補搽防曬。 另外我仲入手左佢嘅防曬棒， 方便日中出街補防曬。 雖然係硬膏條狀， 但搽上手都有感受到有保濕效果， 唔會因為形態改變影響產品本質。 目前使用感良好，之後都應該會再入手～

Elaine好用推薦：好好用，完全唔笠，又唔會同其他化妝品有reaction 質地好容易推開而且唔會泛白 大推！！！！！

Izeliv好用推薦：尚未流行調色就擁有的老員工, 質地較厚, 需要時間推開，調色效果好，有遮蓋毛孔的效果, 令後續粉底可以選相對輕薄的。唯獨防曬係數不夠高。

Kitty 好用推薦：Laneige紫色隔離霜，從舊包裝用到新包裝，差唔多用咗近十年啦～舊版質地比較厚身，新版就係乳液質地，對於乾性皮膚來講，滋潤度已經夠晒。我本身皮膚係混合偏乾，秋冬好多產品上妝會乾燥起皮屑，呢支真係一生極力推薦！👍 呢款隔離自帶防曬值，紫外線唔強嘅時候，搽完直接出街完全冇問題。夏天就要加多層防曬。我算係黃二白，平日出街防曬加Laneige紫隔離，再撲層碎粉，已經好足夠。唔知揀邊款調色隔離霜嘅姐妹們，可以試吓呢支～

Yty好用推薦：韓國olive young購入嘅孖裝套裝，價錢實惠，防曬成分溫和，不含香精，酒精同色素，非常適合敏感、泛紅及痘痘肌皮膚，水凝乳質地，非常容易推開同埋清爽，防曬入邊有積雪草、魚腥草萃取精華，可以幫助鎮靜 而且佢係標明物理性防曬，但係完全冇物理性防曬嘅感覺，就好似搽緊一個好清爽舒服快吸收嘅乳液，日常出街用非常足夠，如果咁啱皮膚敏感緊或者生痘痘我就一定會連續用佢幾日，首先唔會令到豆豆再發炎加重，如果面珠敏感紅嘅話，有時用其他品牌喺敏感緊嘅情況下，都會有dd刺激同埋起乾皮仔，但係用呢一款因為實在太溫和，所以同保乳乳液嘅感覺一樣，如果平時都會間唔中突然起敏感或者生痘痘嘅女仔可以買定一支備用，性價比極高，值得推薦的

Hazel好用推薦：前排皮膚敏感所以買黎試吓，雖然有啲乾亦都有泛白情況，但冇令我泛紅或者敏感，而且防曬系數高，尼個夏天都會繼續用佢°

noputa00好用推薦：cell fusion c嘅防曬，佢屬於物理防曬，當初係因為佢個功能適合做完laser後用，咁啱果段時間做緊laser，就買嚟試下，非常好用！ 我係混合偏乾皮膚，日日都會搽防曬，我比較鍾意無顏色嘅防曬，呢款防曬完全做到我要求：無顏色、易推、夠潤、唔會同粉底打交起擦膠粒，唔會敏感，我已經用完2支，都覺得非常好用

lingbb好用推薦：- 韓國醫美品牌 ， 用過之後返唔到轉頭嘅防曬 - 呢款防曬都主打防曬護膚2合1 ，含水解膠原、六胜肽和抗氧化複合物等成分 防止由紫外線引起的皮膚老化問題，促進肌膚再生提升彈性 ，性質溫和，敏感肌可使用 - 防曬有SPF 50+ PA+++，非常足夠日常使用 - 我覺得最鐘意係上面過程貼質地，質地乳白色乳液狀，非常creamy柔滑，網上教係用輕拍方式打在臉上，無需揉搓，有效幫助皮膚吸收，有淡淡防曬既味但可接受。 - 喜歡佢質感輕，上臉後皮膚無負擔唔焗。 -上面後覺得塊面滑身咗，有輕微提亮膚色唔係灰白，往後上妝都無起屑 - 試過用完之後直表上妝皮膚都有乾，保濕打底要做好，最好用埋保濕primer

Jcxjessie好用推薦：用左Pony effect 已經好耐喇🥰 我就有用埋佢個base，然後先上cushion 佢嘅補濕做得好好，夏天用唔會覺得笠，冬天用又唔會乾，而且個妝最長我試過hold倒18hrs以上 遮瑕效果都好好，眼袋果啲位拍多幾下就遮得住

Fng好用推薦：各方面表現平均，上妝後奶油肌妝效， 貼面， 遮瑕度中上， 持妝都有六小時 ，之後會溶。

Heychauchau 好用推薦：打破一般防曬很油很黏膩的感覺，用起來很清爽，而且防曬系數很足夠，戶外活動後沒有曬黑/曬傷。

natanatalie好用推薦：以專門店的防曬來說不是十分出眾，質地不算很清爽也沒有太大的滋潤感覺，不過不失。

Kitty 好用推薦：呢隻防曬棒方便度真係100分💯 擰一擰就用到，完全唔使掂到手，出街補防曬零難度。放喺手袋細細支，隨時隨地拎出嚟搽面搽頸搽手臂都得，唔使搵洗手間洗手，超方便！ 質地清爽唔黏笠✨膏體上面後完全透明，一啲都唔油膩，帶少少半啞光效果，就算補搽多層都唔會厚重。最正係搽完塊面唔會有嗰種黐立立嘅感覺，夏天用真係一流👍 妝前用唔會斑駁，唔會影響後續上底妝。不過因為上臉太無感，有時會唔記得搽咗未，唔小心搽多幾層😅 同埋如果底妝厚少少，補搽時鼻翼位有機會輕微搓泥。 整體嚟講，呢支防曬棒方便、清爽、唔黏膩，絕對係夏天必備☀️🏖️

Desse好用推薦：#火熱新品 夏天到☀️又係戶外活動嘅好時間！ 今年多左好多防曬新產品.. 我買咗好多😛 又嚟介紹吓另一款～ AHC極致防禦四效防曬棒 SPF50+ PA++++ AHC都係韓國品牌中性價比比較高嘅一款.. 官方話防曬棒嘅賣點有： 1.保濕水潤 - 在肌膚表層形成保濕鎖水膜，防止皮膚因曬後缺水，維持肌膚24小時保濕水潤 2. 高效防曬 - SPF50+ / PA ++++ 全面抵禦肌膚曬黑、曬老 3. 專為戶外運動而設 - 強效耐摩擦及防沙，遇水、流汗皆不易脫落 4. AIR零重力防曬黑科技 - 在肌膚表層形成緊密防護層，長時間抵禦環境四大刺激-紫外線(UVA、UVB)、紅外線、空氣髒污，達到全方位防護，適合長時間陽光曝曬或戶外運動 5.羽量級輕薄質地 - 完美貼合皮膚表層，零負擔不黏立" 🧏🏻‍♀️🧏🏻‍♀️實試結果⋯ ⭐️#保濕 度唔錯 24小時保濕水潤有點誇張😅.. 正常返工6-8小時係okay的.. 番工日日坐喺冷氣房都無覺得抽乾皮膚水份 個妝全日都無起乾紋 ⭐️防曬度夠晒高 只要唔係勁勁勁曬.. 呢個度數非常夠用. 我去遊船河玩咗一日.. 無曬紅曬黑💪🏻

Sophia好用推薦：Beauty of Joseon呢款經典防曬霜的整體使用感真係好唔錯，係回購之選💖 ☀️ 防曬效果：每日返工/戶外時間使用都很安心，防曬系數達 SPF50+ PA++++。 🌿 質地：水潤乳霜狀，延展力佳，推開後能很快貼合皮膚；不會像厚重防曬那樣要慢慢推開或泛白。 💧保濕度：保水感明顯，上面後皮膚睇起來更透亮，乾燥或泛紅的情況相對減少；即使在冷氣環境，乾紋也較不明顯。 ✨ 整體評價：使用後皮膚滋潤，讓妝前底妝更服貼，偏乾皮膚或於乾燥天氣都好合適。

Yty好用推薦：Beauty of Joseon朝鮮美人有機米糠益生菌水潤防曬霜係韓國olive young買架，防曬指數SPF50+ PA++++日常用好足夠啦，質地好水潤，感覺似好滋潤嘅透明乳液，唔會影響之後化妝，不過香港天氣比較潮濕同埋開始悶熱，所以油性皮膚建議一層碎粉效果更靚，如果乾性皮膚就咁單用就可以啦，有少少水光肌嘅效果，不過因為透明所以係冇任何嘅修飾作用，但之後再配搭隔離霜或者粉底液就夠晒精神了

Sophia好用推薦：Beauty of josen水感清爽保濕防曬霜用落真係水感得來好清爽～搽上面即刻吸收，冇原版咁黏膩，但補水依舊強勁。我做完日常護膚後直接搽一層，即時有返個保濕感，而且呢款防曬真係輕薄路線，一d都唔覺得厚重☀️✨ 💠質地：水感清透，流動性高 💠觸感：吸收快，皮膚即刻水潤💧 💠效果：防曬度高又唔泛白，底妝上得更貼服👍 💠持續：keep到成日唔太乾，補搽亦易推開 整體感覺：韓國嘅防曬質感真係做得愈來愈好，清爽、保濕、高cp值，係一款夏天都用得好舒服嘅防曬🥰 #火熱新品

Kelly Wong好用推薦：《防曬篇》 行cosme 旗艦店時，大家最留意一定係各化妝護膚品既排名榜。我亦唔例外，偶然之間見到呢隻寫晒韓文嘅防曬，即刻心思思買返黎試下。 Beauty of Joseon Relief Sun: Rice +B5 SPF50+ PA++++ 主打「清爽水潤、防曬同時護膚」的概念。 防曬力高但質地又輕盈水潤，延展性佳，推開後透明不泛白，又唔會黐立立，適合日常使用，但如果戶外長時間曝曬或流汗就需要補搽。 藍色呢款仲加入B5💧，提供保濕避免乾燥，配方溫和，無酒精、無香料，減少刺激，追求「平民價+純防曬＋保濕護膚」係一個不錯選擇～ 

Connor好用推薦：防曬棒我都係第一次接觸，無色無味同埋唔粘笠，膚感幾好，加上防曬系數夠曬户外使用，整體上功能基本滿分💯 優點係細細件可以放落手袋到，隨時補都得；好似塗顏色咁用，咁就每吋肌膚都有防曬，好明顯缺點就係好浪費時間，仲有佢淨返小小嗰陣係扭唔出嚟用。 希望佢改善設計方便使用，不然唔考慮回購住。

iliya 好用推薦：乳液狀嘅質地都算清爽，就算夏天用嘅話都唔會好黐立立，還有美白嘅效果。

葉子🍃好用推薦：白色cream狀，推開有涼感，味道有啲似膠味，搽上臉控油未算強，半日已泛油，多數羅黎搽身，搽完有殘留感但仍算清爽，户外同水上活動皆可用，防曬力不錯，遇水仍有防護作用，呢款仲係海洋友善防曬

KK好用推薦：質地輕薄、延展快，成膜後不易黏膩。防曬感受持久，日常通勤補擦也方便；整體膚感偏清爽，適合想要不厚重且穩定隔離的人使用。

JuneL好用推薦：防曬霜質地呈cream 狀，推開時會感絲滑感及帶少許白，令肌膚塗上後會有少許修飾效果及令膚色睇落變得自然透亮，偏少許滋潤，所以肌膚會帶有光澤感，我比較會在皮膚乾或秋冬天時才會用它。

shadow影子好用推薦：通常秋冬天我會比較用呢一隻防曬，因為佢滋潤到我嘅皮膚，用完之後，就算有美白都唔會覺得乾。

Clovercc好用推薦：帶有粉紅提亮調色功效的妝前底霜，質地輕薄水潤，很容易就能推開，可以提亮均勻膚色之餘，還會帶有點光澤感，令皮膚看上去有水光感。試過接住上妝都可以很貼，不會與粉底液打架。因為它防曬很高，有SPF50+ PA+++ ，有時不化妝，也會當防曬單用，有提亮效果，面色都會精神點！唯一壞處，是我眼睛比較敏感，如果塗得太接近眼周，我眼睛會覺得澀澀的，要避開使用。其餘都超好的～🍀

格仔餅公主好用推薦：質地好薄唔會笠，好有韓國水光肌嘅感覺，上面之後有滋潤感覺，之後嘅粉底容易上咗仲唔會咁易浮，呢排夏天用落感覺非常好，用完之後絕對會回購

whTsoi好用推薦：之前看到很多youtuber都推薦它 說是安全的物理性防曬 成分對海洋也很友善諸如此類的 然後我就好奇在官網買下來 結果還真讓我十分驚艷 它的質地看似是黏稠的霜狀 但實際上擦上去非常容易推開 擦完皮膚也非常清爽 物理性防曬肯定會呈現的泛白我覺得也很自然（本人拍攝技巧太爛 可能看不太出差異 請見諒） 這是我用過最滿意的防曬霜沒有之一 絕對會回購

JuneL好用推薦：這款抗皺防曬霜比起品牌其它系列的質地更輕盈清爽，而且透薄，使用時不用搖勻，就可直接使用，用後一D 都唔黏笠 還帶好微的冰涼感，令肌膚不會感太熱 #火熱新品

格仔餅公主好用推薦：少少涼浸浸嘅感覺好啱夏天用，因為佢個質地都清透好薄下，搽落面唔會覺得罨住好辛苦，防曬度數高平時用或者做運動用都okay

Calvin好用推薦：不愧係以水潤質感聞名嘅防曬霜，唔單止具備SPF50+ / PA++++嘅超高防曬系數，而且質地好似乳液咁順滑，擦上面延展性非常好，而且非常快成膜。另外，呢隻防曬完全唔洗擔心會出現夏天「流白湯」、肌膚緊繃等問題，亦唔會有色差問題出現。入面嘅玻尿酸成分仲可以保濕，日常出行用呢隻完全夠曬👍👍

Akassoo好用推薦：呢排夏天勁熱勁曬🌞☀️、作為混乾肌嘅我，T字部位出油出到不得了。 而INNISFREE呢支控油防曬主打塑造霧光肌感防油光，同埋可以作妝前底霜達至提亮和防曬效果，佢有SPF50+ PA++++、有埋控油同提亮膚色功效，所以我妝前搽完保養品之後就係用呢一支做埋防曬同底霜（妝前打底），一次過搞掂。個人都幾鍾意呢支控油防曬，搽完之後冇黏笠，而且T字部位真係做到控油效果，不過係有啲厚重。

維他他好用推薦：用過呢一隻嘅黃色舊版 Innisfree呢支防曬tone up幾自然，會提亮，但又唔會死白，不過就比較笠，用完係要用粉去令塊面乾爽返or用紙巾印一印防曬，否則塊面會比較反光，一出街會易痴塵，但overall其實除左笠以外，都幾好用同幾抵用。

Nicole 好用推薦：超清爽水感質地，噴霧細緻均勻，一噴上臉就快速吸收，完全不會黏膩或泛油光，特別適合香港悶熱的天氣，防水抗汗能力強，即使流汗或輕微碰水也不容易脫落。 使用上非常方便，可以隨時補噴不沾手，妝後使用也不會破壞底妝。不過容量只有55ml，如果頻繁補的話會消耗很快。整體來說，高防曬係數（SPF50+ PA++++）和清爽膚感讓我非常滿意，是戶外活動或日常通勤的好幫手，會持續回購！ #火熱新品

natanatalie好用推薦：價錢太貴的防曬 挺欣賞這款防曬的調色功效，有均勻膚色的效果，皮膚狀態好時，只用他便可以了。 但是有點厚重，不小心用多了一點的話會焗到生粒粒，價錢亦不是很便宜，不一定會購買。

Bear好用推薦：媽媽送的防曬～剛剛開始化妝的時候因為唔識選擇粉底，所以喜歡用防曬打底，然後直接上粉餅。這個防曬有提亮功效，感覺整個人氣色很好很精神，很有質感！重點係唔會堵塞毛孔（但要小心皮膚色差，記得塗上脖子，試過只塗上臉的時候被朋友看到明顯妝感）

琳波小仙女好用推薦：以前總覺得防曬棒都是智商稅，然後被啪啪打臉了。 這支的優點： - SPF50+ PA+++ 雙重阻隔紫外線,紅外線 - 上臉快速，5秒完成 - 重量輕巧、膏體的質地很適合出街補擦 - 怕熱星人十分喜歡上臉時的涼感！ 扣半分： - 官方沒有指明，但應該不是物理防曬 - 如後續要上妝，記得要給予足夠時間成膜，不然會同底妝打架出碎碎 在我沒日沒夜的遊說aka恐嚇「陽光如何如何加速膠原蛋白流失，皮膚老化blah blah blah… 」大王現在每次出街跑步前都會乖乖擦這支（買了一支專屬他的），嗯嗯訓練有數！( • ̀ω•́ )