開架修容 推薦好用產品

Yty好用推薦：Too Cool For School 三色修容陰影粉 (1.5 號色 - 新版) 上次去韓國玩特登入手咗呢盒新版！其實舊版我之前都有用過，新舊版用落去效果其實差唔多，主要係包裝設計變咗呢～ 用後感： 1.5 號色調得剛剛好，介乎喺黃調同灰調之間，非常適合亞洲人膚色！上臉完全唔會發黃或者顯髒，新手用嚟掃鼻影、輪廓線都超級自然，零技巧都不怕出錯 一盒有齊三個由淺至深嘅顏色，我通常淺色畫鼻影、中間加深色修下巴同顴骨，掃出嚟嘅陰影感效果立體流暢 粉質依然維持一貫嘅綿密水準，上臉好易掃開暈染，同底妝融合得好好，輕鬆打造自然輪廓！ #開架彩妝

Tszki好用推薦：TOO COOL FOR SCHOOL 藝術課堂三色修容粉 9.5G #NO.1 一個立體修容盒，包含三種色調，可以完美無瑕、提亮和修容臉部。  ⭐️ 由超輕的顏料製成，輕鬆融合，增強膚色，讓你擁有完美、自然的膚色。  ⭐️ 專為亞洲膚色而設計的三色暖黃色調修容盤 ⭐️ 輕鬆自然地塑造深邃陰影輪廓，而且仲有高光，妝容看起來天生美麗 ⭐️ 多功能使用，可修容、深化眼窩、塑造鼻影、修飾髮際線、打造鎖骨陰影

Fng好用推薦：CANMAKE 水潤高光膏 01 vs 04 ——月光寶石 vs 藍色托帕石 ✨ Canmake呢個水潤高光膏系列（Munyutto Highlighter）全系列一共有4色，價錢親民（約HK$58 / 3.8g）。以下同你詳細拆解01同04嘅分別： 🪞 01 月光寶石 (Moonlight Gem) 色調：帶光澤嘅米白色，混合咗銀色、米色同金色珠光 妝效：低調心機款，珍珠光澤細膩，冇大粒閃片。光澤「從皮膚底層透出來」咁自然，打造「偽素顏」同日系透明感 適合膚色：中性 (neutral) 或暖調 (warm tone) 膚色，百搭皇牌色號 適用場景：日常返工、返學，追求自然水光感 💎 04 藍色托帕石 (Blue Topaz) 色調：半透明感嘅藍色 妝效：冷調藍寶石色，顯白又高級，打造「清透自然」嘅冷色調透明感 適合膚色：冷調 (cool tone) 膚色，尤其適合白皙肌膚 適用場景：想提升妝容質感、襯冷色調眼妝/衫 ✨ 相同優點（兩款都有） · 質地：水潤軟糯嘅慕絲質地，緊貼肌膚 · 持久度：防水、防汗、防油、耐揉擦 · 養膚成分：蘊含7種美容保濕成分 · 用法：手指

Tszki好用推薦：canmake光影膏 03 這款產品的質地非常特別，摸起來軟糯有彈性，猶如慕斯或麻糬一般。塗抹在肌膚上時感覺水潤絲滑，能輕易推開並緊貼肌膚。顏色是偏珍珠粉色，打T字位、臉頰、下巴、眼角位置，很自然的光澤，我很喜歡這個珍珠粉色，是熱門缺貨的顏色！

莓莓好用推薦：CANMAKE 修容粉 05 嘅真實用後感 1. 顏色（最大賣點） 呢隻色係帶灰調嘅黃棕色，一啲都唔紅唔橙。上到面係亞洲人天生嘅陰影色，好似真係骨頭凹落去咁自然。 畫鼻影尤其出色，唔會兩條黑柱直落，係「咦你個鼻好似高咗」嗰種效果。但如果你係小麥膚色，呢盒會唔多顯色，可以跳過。 2. 粉質： 粉壓得幾實，少少飛粉可接受。跟機支掃係驚喜——一邊係暈染掃，一邊係海綿頭，去旅行帶佢就搞掂，唔使另外帶掃。 不過顯色度偏弱，一定要少量多次，因為灰調一旦落重手，塊面會變髒，好似無化妝咁成日捽面。 3. 隱藏用法： · 眼影打底：掃勻成個眼窩，即時消腫，雙眼變深邃。 · 髮際線修補：填吓額角同分界位，自然到無人發覺。 · 臥蠶陰影：畫臥蠶下面條線，比用眼影更柔和，唔會變「黑眼圈」。 4. 注意位 · 如果你追求歐美式「打陰影打到塊面細一半」，呢盒唔啱你，佢係行日系透明感。 · 每次一定要拍走多餘粉先上臉，否則第一下就中招，尤其鼻樑兩側，一撻灰色好難救。 · 海綿頭適合畫精細線條（例如鼻影），掃頭適合大範圍暈染（例如面頰），千祈唔好用錯，否則變一撻撻。 5. 最終建議 如果你

Kura好用推薦：土灰色嘅陰影嘅修容效果真係好靚，雖然顏色有d暗沉，但搽上臉非常靚，我鍾意用黎修飾臉部輪廓真係非常自然，同埋令到塊臉變細勁多，係即刻變瘦同埋就算掃多咗都唔會覺得好奇怪，我會有個打陰影嘅技巧tips就係下巴位可以打圈上就算大範圍打都非常自然，令到我塊大臉更加細同埋精緻，妝容立體感非常突出 @cosme #陰影 #修容

Karman28好用推薦：Canmake 既鼻影粉，細細盒，仲配埋雙頭掃，一邊係大d，可以用黎打陰影位，另一邊係細少少既掃，方便準確地上光澤的部份。 呢盒鼻影粉好岩新手用，係比較低調既提亮，而深色既係偏向灰色的陰影粉，好容易畫到自然既鼻影，唔會覺得太濃。

Hazel Ching好用推薦：灰粉色做鼻影啱啱好適合皮膚白嘅女仔，同埋插頭形狀啱啱好畫出嚟好自然！

Bendict好用推薦：這款修容盤 CP值非常高 我用的是03號色 也算顯色 男生建議用03號色 比韓國嘅修容盤好用 但唯一缺點就係香港好難搵得到買🫠

Ice好用推薦：價錢很是實惠，一盒修容有三隻色可以隨意做深淺色修容。佢都唔算好飛粉。出咗成日街好好啲顏色仲喺度。都推介俾新手或學生。

Carmen好用推薦：修容粉顏色啱啱好，唔會太深唔會太啡，好快就用到見底，啲粉都好易推開 

popocarcar好用推薦：白色閃粉高光效果唔突出。 陰影顏色自然。 如果盒有鏡會更佳。

Kpl6be6好用推薦：旅行時因爲行李位有限無帶備齊全化妝品(笑)～所以喺日本藥妝店就入手咗呢支價格極抵(幾百円咋❗❗)嘅修容棒！佢嘅顏色好自然～用落質地順滑易推！個人使用小心得係💁🏻‍♀️直接搽喺腮位～再用手指/掃輕輕推開～已經可以有小臉效果～非常易上手～不過如果要用嚟修鼻影位置～就建議用手指上～避免直接將粗身棒狀膏體塗上～以免唔fit位😉😉

Nicole 好用推薦：色號是01 膏體順滑無顆粒，顯色和持久度也不錯，效果自然，用海綿撲暈染很方便。 因為膏體比較粗，個人覺得不太適合來畫鼻影。

Suki好用推薦：買咗01號色，上面感覺好黃好污糟，粉感都唔係話特別細緻，有少少難推開，冇咩透明感，所以買咗擺喺度冇乜用，如果想買嘅話可再諗吓

Water好用推薦：呢款產品有齊highlight & contour，又平，性價比之選！我係01色號，最basic全matte色，contour都有唔同深淺，新手都唔易出錯。個掃都幾好用，掃鼻影啱啱好！ 佢唔算超級顯色，好處係唔會上到一撻撻，同溶妝都唔會明顯，但需要少量多次咁上。

Haidy好用推薦： 修容最緊要夠大碗!!!!本人化妝用得比較多修容，要狠狠的修🤣這個快用了6個月了還沒有用完🤣顏色足夠，不會塗了像沒有塗一樣哈哈💖

agnessstang好用推薦：🇰🇷Olive Young買嘅set裝 送咗支掃 超級靚嘅透明水波紋包裝 我用嘅色號係02 Soft Cool 帶點灰調嘅啡色 適合皮膚比較白嘅女仔👧🏻 健康膚色嘅女仔可以用01 Soft Warm 深至淺漸變色嘅修容 粉質細緻 淺色嗰邊可以用嚟做鼻影 深色嗰邊可以用喺顴骨位 下顎線可以用掃混刷 妝感自然 Wakemake嘅products都係vegan㗎🥬

Fng好用推薦：中性色調， 唔會編紅 ，妝容算自然，小巧便攜，適合日常妝容，持久度一般， 勝在價錢大眾化。

jaye好用推薦：冷調啡色帶灰既陰影，我多數都用黎做鼻影，有試過用附帶既掃上，不過多數都係直接用指腹印，妝效都唔錯，貼服自然，反而白色光影較少用，顏色太白。份量兩隻顏色掉轉會更岩我心意，不過依然係抵用之選！

mysecretgarden好用推薦：用咗呢款 Cezanne 三色眉粉一段時間，最想讚嘅一定係佢附送嘅個支雙頭眉刷。Cezanne 呢支做得幾有誠意。特別係個邊斜角掃，毛質軟硬適中，抓粉力啱啱好，用嚟畫眉尾好順手。同好多人推嘅 Kate 眉粉相比，Kate 附送嘅刷對我嚟講有啲太軟，畫眉尾個陣好難控制得準。相反，Cezanne 呢個斜角掃就順手好多，可以直接勾勒出好乾淨嘅眉尾線條。 至於粉質方面，佢壓得幾實，唔點飛粉，而且好容易上色。輕輕一沾就已經夠顯色，唔使執條眉執好耐，畫出嚟嘅效果好自然、有柔霧感。三隻色嘅深淺過渡亦都做得幾實用，最淺色用嚟畫鼻影都唔會顯髒。 最後就係大家最關心嘅持久度，佢真係唔容易甩。平時夏天出汗或者出油，好多眉粉到下晝眉尾就會無咗一截，但呢款 Cezanne 基本上可以維持到大半日，抗汗能力比想像中好。以呢個價錢嚟講，有埋咁好用嘅刷同咁持久嘅質素，性價比真係好高，好推薦大家試下。

lingbb好用推薦：- 顏色同kaye盒三色好似， 最咗最淺色用黎打自然鼻影，中間同最右果間畫眉，顯色度冇kate咁出色 - 我會拎出街因為細盒方便連埋掃 - 掃質素唔好，有點吉同埋唔整齊，要經常洗

Fng好用推薦：六格修容入面，有2格適合暖tone皮膚作面頰陰影使用，持久度last大半天，開架品牌算不錯了。

chasiutung好用推薦：左上顏色適合畫臥蠶 顴骨光影 上面中間可以做眼影打底色 右上顏色用黎打陰影(左上右下混合顏色比較適合我) 左下可以用嚟遮淚溝光 鼻梁 用作啞光高光使用 下面中間 係灰棕色 畫鼻影比較自然 右下可以用黎打陰影(左上右下混合顏色比較適合我) 都可以當眼影盤使用 但不太顯示 適合用嚟化淡妝 粉質一般 會有飛粉 顯色度一般 但一盒多用嘅修容盤 真係幾吾錯 👍

Desse好用推薦： Canmake 鼻影粉 Nose Shadow Powder 喱一款..個人覺得shadow part算做得還好.. 唔太上色..適合我喱款手殘黨好得閒嘅時候慢慢畫靚佢.. Highlight part唔夠令身.. 只係好簡單嘅奶白色.. 我直接拎咗嚟做eye shadow打底😥 🪻🪻 佢本身有少少飛粉.. 可以做得更好💪🏻

rachelnoni好用推薦： 買canmake由片福袋時附有的鼻影粉，本身無想過買。用過3次後發現光影輕掃一下已做到光澤感，但又不會過閃，非常好。陰影粉對我來說較深色，要好小心慢慢掃。用完有自然的立體效果

applepie好用推薦：喺IG video睇到產品介紹，一盒有齊三款深淺度嘅修容粉，好似好簡單易用，所以就買黎試吓。 啲粉幾幼細，上面顏色唔會好深，想加強效果就要掃多幾次，所以好適合新手使用，唔洗擔心會太重手👌 修容粉仲附送一枝掃，掃毛好滑，唔刮面，性價比幾高，推薦俾新手使用～ #火熱新品

maylam好用推薦：我好鐘意嘅修容！ 顏色自然唔會太深/淺 唔會搞到塊面一撻撻咁 色號都好啱我 我已經用到hit pan 會回購！

iliya 好用推薦：明亮修容組嘅顏包偏淡，提亮效果唔明顯，要掃多幾層疊加效果🫠🫠🫠

Angie好用推薦：細細盒有埋掃幾方便，可惜粉質唔夠細緻，做唔到精緻妝感，日常粗用😆

Circlecyy20好用推薦：多色修容 可以因應面上各位置面使用不同的深淺色 不怕無色用不到

格仔餅公主好用推薦：做到自然陰影同埋提亮，有三種顏色，可以打亮肌膚，深咖啡色可以畫陰影，塊臉立體啲，質地唔係好滑但好在可以搽到暈巡

TsuenMa好用推薦：Judydoll 開架品牌 4色修容盤，一次過滿足晒你提亮、加深輪廓嘅願望✨ 揀左01號粉紅盒：兩個提亮色+兩個陰影色 一深一淺嘅陰影色；深色嘅可以做面部輪廓，重手啲都冇所謂；淺色嘅可以用嚟做鼻影、面頰蘋果肌底下嘅陰影，用淺色上的話容錯率會比較高，但當然都唔好一次就落得太重手啦🙈 啡色嘅色調偏中性，唔會偏紅，亦都唔會太灰，唔錯！ 個人認為提亮個兩隻色比較難用，啞面色會略嫌有啲太泛白、唔太自然；而有珠光閃粉嘅嗰一格，更加唔適合我呢種皮膚毛孔凹凸不平嘅人使用，會更加顯得毛孔粗大。 所以其實最滿意係佢嘅修容顏色；但係為咗唔好嘥咗另外嗰兩隻色，都會用啞面色去提亮淚溝位置；而帶珠光閃粉嘅就着量取少許放喺眼珠中間做眼影嘅提亮。 另一個加分點係佢個盒自帶鏡，增加一點高級感，使用度上亦都方便左。 雖然一盒做齊晒兩樣功能真係好方便，但係效果就唔係太合乎理想，會嘗試物色其他產品做代替。（都用到啡色陰影嗰格見到鐵皮lu😆）