開架眉粉 推薦好用產品

MoonMoon好用推薦：Kate 眉粉 EX-04 真實測評｜開架彩妝都有專櫃級立體感？ 講到開架彩妝嘅眉部產品，Kate 呢盒眉粉真係稱得上「長青樹」。但 EX-04 呢個色號——偏灰棕調，專門為深髮色亞洲人設計——到底係咪真係咁神？我用咗三個月，同你逐格拆解。 先講包裝同設計 細細盒附送雙頭眉掃，一邊係斜角硬毛掃（適合勾勒線條），另一邊係圓頭軟毛掃（適合填色同暈染）。以開架彩妝嚟講，呢個配套算係大方，唔使另外買掃，放入化妝袋又唔阻掟。 顏色方面，EX-04 係「唔會出事」嘅安全牌 佢有三格：淺色、中間色、深色，仲有一格鼻影粉。中間色係帶灰調嘅棕，唔會偏紅（好多眉粉嘅死穴），深色夠深但又唔會「蠟筆小新」，淺色可以用嚟暈染眉頭。我最鍾意佢個鼻影粉——唔係死灰，係帶少少暖調嘅灰，掃落山根即刻有自然陰影，慳返買鼻影嘅錢。 粉質同持久度，先讚後彈 粉質算幼細，但未到「滑捋捋」嗰種程度，用掃上嘅時候有輕微飛粉，不過以呢個價錢嚟講可接受。持久度方面，朝早八點畫完，到下午兩三點會有少少褪色，但唔會「斷開」或者「結塊」，只係均勻咁變淡。如果係大汗人或者夏天用，建議加多層眉毛定型液，否則行完街返嚟可能會得返七成。

Fng好用推薦：KATE 立體造型眉彩餅 用後感 ——開架眉粉界嘅「長青樹」，一盒搞掂眉、鼻影、眼線 ✨ 我本身眉毛比較疏落，成日覺得畫眉好難控制。呢盒KATE三色眉粉（約HK$64-76 / 2.2g）被譽為日系開架「殿堂級」眉粉 🎨 色號點揀？EX-4 vs EX-5 · EX-4 亮棕系：適合淺棕、亞麻、金黃色等淺色髮系，色調偏灰，適合打造成熟穩重感 · EX-5 深棕系：適合黑色、深棕、自然棕等深色髮系，色調偏暖棕，打造自然溫柔風 · EX-6 紅棕系：適合紅棕、玫瑰棕等暖調髮色 💡 溫馨提示：我本身係深棕髮色，用EX-5好自然。如果唔肯定，建議去試吓色先～ ✨ 粉質與妝效：細緻貼膚，新手恩物 · 粉體細緻，唔太飛粉，掃上眉毛好服貼 · 三色深淺設計，可以自由溝色，配合唔同髮色同妝感 · 顯色度適中，新手都唔怕一下手重變蠟筆小新 · 畫起來賊絲滑，完全不結塊，打造自然媽生絨霧眉 ⏱️ 持妝力：防水防汗，香港潮濕天氣都頂得住 · 防水防汗技術，有用家分享搭巴士流超多汗，返到屋企眉毛仲喺度 · 實測朝早畫完，到夜晚都keep到，唔會變「半截眉」 · 持妝力強、不易脫色，適合混合肌同

jhope0725好用推薦：淨係睇我用到hit pan都知佢係我生涯最愛嘅眉粉！ 佢粉質幼細，夠顯色之餘又易blend 如果眉毛相對濃密，只係個別需要加強修飾，我覺得呢盒產品係不二之選，即使新手都適合用 而且持久度高，唔怕半日已經甩色 除左粉質靚，枝掃嘅掃頭相當細，用來畫眼尾尖位係一流，而且用好耐都唔會開叉，質素相當好！ 從來未試過有產品附送嘅工具掃可以用到咁長時間呢！一盒已經做到晒日常美眉效果，而且每盒可以用到幾個月，個人覺得性價比比起眉筆更高

takemyokane好用推薦：說到日系彩妝應該無人不曉這盒 Kate 的殿堂級三色眉粉。粉盒內附小鏡以及一支雙頭眉掃，方便隨身攜帶補妝。色號為最熱門的 EX-5，含深中淺三色漸變咖啡色調。粉體細緻，不太飛粉，個人習慣深啡和淺啡混合使用，最淺的米色用在眉下，用附屬的斜角掃已經可以做到不錯的效果。一盒眉粉一般都可以用到幾年，性價比超高。

royu3好用推薦：包裝基本上與 Kate 三色眉粉沒有大分別，均是黑色小巧的有鏡盒子，配有迷你雙頭刷，除用於眉毛外、它還可用於修容、鼻影。 一粉三用，又可隨身攜帶，非常方便。Visee 這款特別之處，在於它的用色，共5色。 除基本的啡色，還有偏紅、偏紫色調，能滿足不同的髮色需要。我買的是BR-2。A：勾勒眉形輪廓 B：填補眉毛空隙 C：用於眉頭、鼻影 左邊是鼻影掃、右邊是尖頭眉掃的使用效果。粉質很細緻，而且單擦也是有足夠的顯色度，能畫成較淡色、自然的眉。（☝🏻本來眉毛量少的人還是需要先用眉筆畫好眉的輪廓喔） 這對新手來說也是不易出錯的好選擇！手殘也OK👍🏻除Kate以外，又多一個CP值高的好選擇！ #大人感妝容

monlihk好用推薦：這是修眉姐姐介紹的。初初和眉筆一起用。現在只用眉粉嘅非常顯色發覺開架眉粉裏面只有他和Kate是最好的。 上次去日本已經再入定貨。

Anne好用推薦：之前用開眉筆，今次第一次用眉粉 見到有特價，所以買咗呢盒Canmake 05號色眉粉嚟試吓🙆🏻‍♀️ 佢後面有教先用中間嘅淺啡色將條眉打底，再用上面深啡色畫出眉尾嘅部份，眉粉冇眉筆咁實色所以我覺得都比較自然，同埋個眉粉掃都幾容易用。 但係因為啱啱先開始用，想好似之前眉筆咁實色啲嘅話都要啲時間拿捏手法，亦都有啲容易因為撥頭髮等等動作整到脫妝容🥹可能係我未慣用 不過之前用完出街，我個friend見到我條眉都問我係咪去漂嘅，佢話都幾好幾自然☺️我先答佢話係用咗眉粉，個吓覺得幾開心佢留意到我條眉唔同咗，淺色得嚟好自然～

oy 好用推薦：如果你係化妝新手或者追求自然感，Canmake 呢盒眉粉絕對係開架界CP值好高嘅選手 佢一盒有三隻色，粉質好細滑，唔會話一畫上去就結塊或者太深色變小新眉 最正係佢淺色嗰格，除咗用嚟暈染眉頭，仲可以做鼻影真係，顏色係好自然嘅陰影色，唔會偏紅或者顯污糟 雖然佢送嗰支掃有啲細支，軟硬度一般，但好方便補妝。輕輕填補眉毛，然後用最淺色掃鼻影，成個妝感就會好柔和、霧面 持久度方面，如果係油肌可能需要補妝，但一般出街玩全日都仲keep得唔錯，加上佢價錢好抵，對新手絕對係CP 值爆燈～ 顯色度：⭐️⭐️⭐️ 自然度：⭐️⭐️⭐️⭐️⭐️ 持久度：⭐️⭐️⭐️ 價錢：⭐️⭐️⭐️⭐️⭐️ 推薦度：⭐️⭐️⭐️⭐️⭐️新手必備

Kura好用推薦：顏色自然，適合日常妝容，性價比高，帶出街方便，自帶刷頭，雖然有少少飛粉，顏色都算出色 @cosme #夏天 #保濕 #護膚

Lilyscl好用推薦：啲色都幾自然，唔太識畫眉，用佢跟住眉形掃一掃色已經ok,好方便

glo0_0好用推薦：我呢款係舊版眉粉，因為非常好用所以當時一次過買左3盒，到現在都未用完。眉粉非常自然，新手都合用，唔到掃到好似小虎眉，三種漸變色可以配合唔同髮色。斜角眉掃好易上手，記得要定時清潔先唔會結到一舊舊式者kick 住kick住。

Hazel好用推薦：粉質一般，飛粉易甩，唔可以維持太耐又要補，感覺好唔衞生，秋冬小出油情況用比較好。

chymiaaa好用推薦：性價比高嘅產品！💖 這盤顏色選擇多樣，完全可以依自己的喜好調配，非常方便！✨ 質地柔和，上色容易，唔會太重，非常適合打造自然的眉妝。而且價格也很實惠，係一款值得推薦的眉粉，特別適合想要嘗試不同色調的朋友！

bibubibu好用推薦：買了br2嘅顏色 顏色自然 可以配合一般常見啡色頭髮 粉質幼細 容易上色 而且附送嘅掃都好好用 好容易就畫到想要嘅眉型 盒內附有鏡同掃 拎出街化妝都方便 唔易脫妝 出汗會甩少少 但唔嚴重 而且好抵用

Noel好用推薦：個人大愛眉粉產品，因為妝感相對自然，而且出錯也容易補救✔ 這枝 Fasio 眉粉筆是 @cosme心得的禮物，色號 #BR301 淡啡色，由於現放棄了染髮，這個色號在眉毛上，有點太啡，但個人不太 care 👌 眉粉筆的絨毛 applicator 係圓頭，能沾取很多 product 👍刷到眉毛上感覺很自然，掃頭不會覺得拮面。眉粉顯色度高，不易甩色，非常持久，大讚❗防汗防潮的效果也不錯，帶妝大半天也ok，不會變無眉娘🙌 唯一希望它的掃做成小斜角，像唇彩的掃，會更容易描繪眉尾部份~

mandy好用推薦： Fasio Tip Trick Powder Eyebrow 精確眉粉筆 $88 作為防水型眉粉筆，精確眉粉筆有兩大優點，持久度非常好及色系有驚喜。精確眉粉筆防水防油，可全日都不用補眉妝。色系雖只有3色，當中BR300是非常自然的深啡色，比一般開架眉筆的顏色更深色，深啡到黑髮都很適合使用，而且跟髮色接近，非常實用又好睇。 價位方面性價比高，是可以輕鬆入手的價格。 精確眉粉筆使用前後都要用眉掃梳理眉毛，令眉毛更整齊自然。描繪眉型也不會有難度，按眉型輕輕掃上便可，易於控制。精確眉粉筆比較適合眉毛多的人士，光用眉粉筆及眉掃已可完成眉妝。像我這種眉尾有點弱又不夠眉毛的人，就需要在用完精確眉粉筆後，再用精細的眉筆補好毛量不足的眉尾。其實也不會很複雜就是補多幾筆而已。 基本上Fasio精確眉粉筆跟我的眉毛很合得來，馬上將這個眉粉筆放入我的可回購清單之上。

綺羅香好用推薦：係日本機場臨走時衝刺買嘅，太耐無用眉筆唔係咁上手，所以都係想用返眉粉，機場嘅松本清唔多選擇，就是但買咗cezanne P3灰色，襯返自然黑髮色，我本身有支幾好用嘅眉掃，就無用附帶掃，眉粉壓得夠實，唔會飛粉，好顯色，疊加會深色啲，唔防水，用清水洗一洗就甩，易大汗嘅最好搽埋眉毛雨衣或者用其他有防水功能嘅

Viannie好用推薦：超級抵用的眉粉，本身眉形算完整，反而覺得眉筆好難入手唔知點用好，所以一開始畫眉妝就已經係用眉粉，主要填補眉毛間的空間，唯一弱點就係必須要自行配眉掃，附帶的工具使用困難

shadow影子好用推薦：我可以先用未瞓刻劃出眉型，再用微粒輕輕掃在眉毛上，簡單用又容易做型！鍾意眉粉好顯色，心啡色效果自然。

choichoi好用推薦：不易脫落，持久度優，因此卸除方面用油妝產品比較好；濃淡度要小心控制否則容易變「阿梅」

Fng好用推薦：三格顏色唔同tone (紫色綠色啡色)，就算頭髮轉顏色，眉毛亦可以配合 ，顏色夠清透，易上色， 持久度極好。

choichoi好用推薦：能夠打造柔美的雙眉, 容易駕馭 ; 可以自行調色亦令眉色更有層次及能夠配合不同髮色

KDing好用推薦：佢既眉粉同另一開架牌子好似 兩隻都係眉粉當鼻影用都得 基本上好難用得曬

LPM好用推薦： 自然易畫 啡tone 做得好靚唔會偏紅 持久度良好 基本上唔飛粉附帶個枝掃幾好用

WSY好用推薦：細細盒攞出街好方便，有兩隻顏色，可以配合到唔同嘅需要。不過都幾容易甩妝

Bec好用推薦：我多年來都是用眉筆的，因為使用方便又快捷。今次轉用了canmake 的這款眉粉，感覺比我想像中好！此款眉粉一盒有兩色，配合使用可以令眉妝更立體，而且頗持久，不太容易脫色。

killkew.b好用推薦：呢個眉粉可以話係Kate最出名既產品之一！ 本身對佢感覺麻麻地， 因為我覺得用眉筆畫眉會比較出色同容易控制， 但我發現用佢黎做自然既下眼線同下眼影效果幾好， 感覺好自然！ 有時想加強下大眼效果，用佢黎係下眼線位加少少陰影， 唔會覺得好突兀，望落似係自然天生效果咁！ 不過個盒都係容易爛，每次爛左都好唔開心🫣

Hchan好用推薦：#火熱新品 最近發現各大開架彩妝品牌都推出粉紅色、紫色及綠色調的眉妝產品，像眼影般有別於以往的啡色，為了搭配我剛染的粉棕色的頭髮就買了粉紅色那款來試試，盒子如往常的包裝般可愛，它分別有粉膚色、粉紅色及深啡色三色，另附有雙頭小刷子，盒子背後亦有使用教學圖方便新手。粉壓得頗實，真的不是眼影😂 初用時會不習慣，圓刷那邊挺好用，但斜角刷那邊覺得太細及硬，上色時要仔細描繪，否則眉中至眉尾的粉紅色至深啡色的過渡會不夠自然，顏色比想像中顯色，粉膚色那塊可以作鼻影用，粉紅色及深啡色那塊則可以按自己喜好分配顏色比例，挺有新意的。我使用時有搭配粉棕色的眉液，所以持久度還不錯沒有脫妝，如果想玩玩新色，不妨買來試試，只是刷子還是用大眉刷比內附的會更好用，以及手要夠巧，否則顏色有機會畫得不夠均勻。

格仔餅公主好用推薦：#火熱新品 最近日本興既眉妝唔再係啡色，而係又粉又紫，當初聽到我O哂嘴，點知見識過實物原來都幾易接受仲唔會好似啡色咁一畫就好深攪到個人好惡咁，canmake係一眾粉紫系眉既產品相對平，質素都幾好tim

mandy好用推薦：Jill Stuart Nuance Brow Palette #02 Rose Pink Shade $234 @sephora  Nuance眉妝盤在日本是熱賣到斷市要等待補貨的hot item， 而且榮獲日雜2021年下半年最佳美妝大賞的眉妝產品第一名。 #02色是少有的粉色系眉妝盤， 左面的淺膚色用來在眉頭到鼻樑打造鼻影， 中間粉色用來描繪眉頭至眉峰， 而右面的啡色則是為眉峰至眉尾上色。 大家可會覺得眉妝只能是啡色系，是最理所當然的眉毛顏色。 粉色系眉妝盤其實容許大家在眉妝玩色同時可釋出溫柔的氛圍。 #02色雖為粉色系，其實顯色自然，不會誇張，也不易失手。 在啡色系眉毛中加入粉色，會比平日顯得更溫柔隨和， 展現出女性獨有的柔美魅力，約會一定要試試。打造鼻影也令鼻子 很自然地顯高，五觀更立體深邃。建議如果跟我一樣眉尾毛量不足， 可先用最接近眉色的眉筆先補上眉毛，再用眉粉混染眉毛。 持久度很好，一整天也不用補眉妝。 外盒設計跟隨Jill Stuart一貫夢幻公主風的設計， 盒面是鏡子，內附的眉妝工具可以摺疊，也可以伸展， 設計充滿巧思又方便使

jas2468f好用推薦：高性價比之選，顯色度高，上妝持久，顏色個人覺得有點不太好用， 比較不適合新手

killkew.b好用推薦：價錢實惠，方便購買！ 細細盒，容易收藏！ 不過粉質略嫌粗糙，會出現飛粉情況😣

仙地好用推薦：我用的是自然啡，包裝是粉紅色的，我以前有買其他牌子的仿繡眉筆，但不是很快變色，就是色太深，不自然，也有一次試過買回來好快就乾晒冇得用。 這Avance我之前用過睫毛液，很好用，估不到佢會出可維持3天的仿繡眉筆，驚喜！ 我是冇眉人，由高中開始就畫眉，但一般眉筆都有弱點，就是易脱色和不防水，尤其去游泳時，一定打回原形變回冇眉人🤭 這款是兩用款式，有液態眉筆和眉粉，眉筆可先晚上睡前畫好，早上洗完面眉還是好好的沒有脱色！我就用眉粉修飾眉頭，顯得自然和立體感。即使夏天好熱出汗出油或游泳，也保持到眉型，我真係用了超過50種其他牌子的眉筆，係這款最滿意。 回家卸妝時只要小心避開眉部，之後洗臉也只是小小脱色，我每晚都先畫好眉去睡覺，第二天早上也慳了一點時間化妝😅

choichoi好用推薦：來自日本的AVANCE在香港好像沒什麼人討論但其實質素很不錯，這支眉筆筆頭繪畫順暢、速乾，，持久度及防水度高，不易掉色

Verna好用推薦：這產品一盒有齊眉粉和眉妝底霜，還附有圓頭和斜角眉掃，真的很方便 先用底霜打底，可以令眉妝更貼服和持久 眉粉的粉質很幼細，很顯色，顏色很自然 這是雙色眉粉，所以可以根據自己的髮色和喜愛而調出不同深淺度的眉色