MAYBELLINE

立體塑型眉粉

高性價比之選，顯色度高，上妝持久，顏色個人覺得有點不太好用， 比較不適合新手

價錢實惠，方便購買！ 細細盒，容易收藏！ 不過粉質略嫌粗糙，會出現飛粉情況😣

唔推介，特別係新手，唔顯色之餘，跌粉情況係非常之咁嚴重，3種色都同一情況。

飛粉到哭，粉質可以說是粗糙，而且持久度非常遜色所以還沒用畢就冷宮了

質地實，呢一款都可以話係好易上色，唔難做到想要嘅效果，持久度都唔錯。

多色tone 可以襯到唔同既hair colour 打鼻影好好用！ 基本上唔飛粉 用眉蠟個格打底會提升持久度！ 附帶個枝掃好易勾勒清晰既眉形 用完即回購！

眉蠟眉粉都易上色，唔易失手，用完眉蠟勾完眉形再慢慢填補返啲空位，最後再用眉粉定型，就算夏天出汗都唔會點甩色，揀嘅色號係灰黑色，畫完都唔會成個蠟筆小新咁，缺點係色號選擇少，同埋畫唔到細緻嘅眉尾，我一般返工趕時間求其畫又唔駛點補妝就會揀依盒，用咗勁耐依家先見少少底，如果拍拖想畫得靚啲會配合埋眉筆描繪眉尾

Cp價好高！眉蠟眉粉都好上色，兩者配搭一齊用好持久，顏色都好自然唔會蠟筆小新咁👍🏻仲要用到好耐✨ 相信Mabelline 係唔少新手會揀嘅牌子，但係呢盒眉盤就需要多啲技巧，佢盒裡面嘅掃畫出黎做唔到好精細嘅線條，建議用自己嘅眉掃 唔理支掃產品嘅部份好用，啲顏色好自然，上眉唔會一撻撻，最淺色用嚟做鼻影超適合！

用咗呢盒眉粉好多年，佢嘅質地比較實，容易上色，搽上後亦好容易掃開，顏色可以維持一整日不脫色。附送眉掃形狀非常容易塑造眉形，十分易用，而且一盒可以用到好耐。推介！

呢個大愛，深色淺色頭髮都得，一盒深至淺都有，做到立體效果，出面三十幾度都唔溶，推介