ettusais

極幼持色眼線液

首先多謝Cosme今次比我呢個使用嘅機會，一路我都好鍾意ettusais呢個品牌,有用開佢哋嘅眼線筆去畫眼線，都好持久！ 今次抽到04色今次極幼極持色眼線液有呢個記憶筆尖，因為增加咗筆尖嘅穩定性畫起上嚟係非常順滑，亦都好容易可以畫到好幼嘅眼線，完全唔會開叉，雖然比平時用開嘅眼線筆重咗啲，因為有佢嘅金屬穩定器喺支筆嘅後面，但係我覺得第一次用嘅時候都冇問題，可以畫到一條好完整嘅眼線，所以新手都應該完全冇問題。 左邊係今次嘅主角，右邊兩支係極幼柔滑眼線筆 之前嘅眼線筆都已經好出名，可惜扭唔返入去，但今次眼線液就冇呢個問題。因為筆尖好幼同好穩定，所以我就可以好穩定咁畫咗條又幼又細嘅眼線，都可以好明顯見到出色顯色度好高. 咁啱呢幾日試嘅時候我都去咗旅行喺台灣，佢嘅天氣係比香港更加熱，所以更加可以測試到佢嘅防暈染、防汗、防淚、防皮脂嘅反應。 呢個係8個鐘後既眼線，雖然眼尾喺我唔知情嘅情況下俾我捽甩咗，但係都見到眼入面嘅線都仲喺度，所以我覺得佢其實都可以抵到皮脂、汗同埋濕氣，可能淨係去補返個尾就ok. 呢個係第二日再經歷左7個鐘後，乖乖地唔捽條眼線完好好多！ 總括嚟講大家只

感謝@cosme 抽中試用❤︎ 本身前一日真係想買呢支Ettusais 極幼持色眼線液嚟用😆真心感謝抽中 第一次喺Aeon度接觸 覺得支筆幾好畫 色都好襟睇 好自然 原來係有金屬穩定器喺度 所以收到嘅第二日我都幾放心喺巴士上面試用🤭 今次抽中試用係04號栗子啡 都幾適合個頭有少少布甸 啡中帶黑嘅我用 按指示第一次用前搖晃4-5次後用 出嚟顏色已經都實色喇 筆尖畫上手試時好流暢 算容易控制粗幼 加咗穩定器 真係唔同啲 容易畫出點到即止嘅線條 大力細力都會顯示到喺線條嘅粗幼上 拉長眼尾眼線都係好流暢 顯色度好好 唔會時深時淺 出色好穩定有少少油眼嘅我 呢支眼線筆都好上到色 同埋都幾易handle👍🏻唔會化開咗 隔咗幾個鐘之後眼尾位置有少少甩咗 雖然有甩少少但都比過往嘅眼線筆出色 再次補妝都比過往嘅筆容易handle 唔會深淺不一 再cover全條眼線再畫過 感覺幾好 👍🏻我諗用完我都會繼續買返❤︎❤︎

第一次用呢個牌子嘅眼線筆，感覺好有驚喜！ 眼線筆嘅筆尖係比較幼，而且好順滑又冇開叉，好容易就喺貼近眼睫毛嘅位置畫出自然且細緻嘅眼線。👍我平時喺畫眼尾嘅時候，都試過唔少次因為手震而畫衰咗，但今次用呢支眼線筆完全冇呢個問題，好容易就畫到我想要嘅弧度。 而且佢02摩卡黑隻顏色都幾顯色，但又唔會黑到好突兀。我試呢枝眼線筆嘅時候係屬於比較潮濕同熱嘅天氣，但係條眼線喺冇補妝嘅情況下都可以保持到八個鐘冇甩過👍👍👍💯 多謝Cosme比我試用呢枝咁好嘅產品，我之後一定會再回購！

今次試下用ettusais嘅眼線，呢個嘅賣點係入邊有金屬穩定器，所以解決手抖嘅困擾，可以更加輕易畫出對稱眼線 首先可以見到筆尖都幾幼，所以畫眼線嚟講都可以比較輕易畫到理想嘅眼線 顏色就感覺偏自然，係黑色入邊再帶少少棕色 畫上去之後線條都感覺幾流暢，可以好簡單就畫到 而持妝方面表現都幾出色，我返工之前畫嘅眼線，九個鐘之後收工啦都完全冇暈妝，呢個效果非常之驚喜～因為我係油眼、平時畫眼線多多少少都會搞到好似煙燻妝咁，眼角尾黑曬，但呢個眼線居然都keep得好好。（持妝9小時後） 但係略嫌不足嘅位置就係出水唔夠多，導致我畫內眼線嗰陣比較困難，要再反覆多上幾次先上到。 其次就係筆毛偏硬身少少，同平時較軟嘅眼線唔一樣，所以用力嘅方式都要唔一樣，對我嚟講都需要時間適應翻～ 整體嚟講我認為呢個眼線筆無論乾皮定油皮其實都好適用，加上非常防水同防暈染！ 但新手嚟講可能使用時會感到少少困難，要再謹慎啲，因為筆毛偏硬同出水量唔大，加上好防水，畫錯咗都冇得用棉花棒可以即刻修改返，所以畫錯咗就係畫錯咗啦～但係筆身本身自帶穩定器嘅設計都比較有效預防手抖嘅👍🏻

感謝@cosme 抽中試用Ettusais 極幼持色眼線液！ 基本資料： 色號02係深啡色，官方叫「深棕」。筆頭係極幼毛筆狀，聲稱得0.1mm，畫眼尾、內眼線都得。 筆頭設計： 個筆頭真係好幼，彈性夠，唔會一篤就分叉。畫內眼線嗰陣，因為夠幼，好容易就攝到睫毛根部，唔會拮眼。畫眼尾勾線都算順滑，可以一筆過拉出利落線條。不過要小心，如果手上太多膏，第一筆可能會一舊舊，要喺樽口刮一刮先用。整體嚟講，呢個筆頭對新手同老手都友善，但新手可能要練多少少先掌握到力度。 顯色度： 02號深棕唔算好實色，偏向自然柔和。畫一層係淡淡哋嘅啡，要畫兩層先夠明顯。好處係唔會一筆就太深好難補救，適合鍾意自然妝感嘅人。但如果你想要一眼就見到條眼線，呢隻色可能爭少少。 妝感： 啡色眼線最大好處係溫柔，唔會似黑色咁惡。畫完對眼會柔和啲，適合日常返工返學。佢做到「偽素顏」效果，人哋會覺得你對眼精神咗，但未必睇得出你畫咗眼線。眼尾可以勾到好幼好利落，想低調啲仲可以暈開做眼影。 持久度： 官方話持色，我實測油眼加香港夏天，朝早八點畫，下晝三四點眼尾有少少淡，但冇暈染到變熊貓眼。內眼線就冇甩，呢點要讚。防水防油算合格，

Ettusais 眼線液用後感：順滑但係「雙面刃」 · 筆頭係「海綿芯」而唔係「毛筆頭」：呢個係最大分別！佢似幼身 Marker 筆頭，有一定硬度，新手畫外眼線超好控制，唔會分叉，而且出水量好均勻。但壞處係筆頭偏粗，大概 0.8mm，如果想畫極幼嘅眼尾拉尖效果，佢做唔到 Kate 嗰種 0.03mm 嘅精緻感。 · 顏色係「柔和黑」：佢嘅 03唔係極黑，係帶少少自然嘅灰黑色，望落冇咁銳利，好適合返工返學偽素顏。但如果你鍾意韓妝嗰種「顯眼深邃」嘅感覺，呢支會唔夠滿足。 · 防水防油表現（香港實測）：老實講，比 Kate 弱。行街半日，眼尾會有少少化開嘅跡象（尤其係油眼人）。不過佢有個優點：暈開係「漸變淡」而唔係「起粒粒」，即係唔會變熊貓眼，只係條線會變得冇咁實色，望落似自然淡妝。 · 最大優點：卸妝極速！佢係溫水可卸配方，沖涼時用暖水捽兩吓就甩晒，唔使特登用眼唇卸妝液，對成日捽眼嘅人嚟講好方便。 · 持久度問題：因為佢溫水可卸，所以唔防油汗。夏天如果要去戶外，呢支一定頂唔順。但如果你係乾眼／辦公室冷氣環境，佢就啱啱好。 💡 用後貼士：用完記得筆頭向下存放，如果發現出墨斷斷續續，

好開心可以試用Ettusais嘅產品，多謝@cosme同Ettusais 試用期間膚質：混合偏乾 試用期間天氣：天氣偏炎熱同潮濕 今次收到眼線液同新出嘅激長濃密捲翹睫毛液同眼部專用提亮調色霜，打做blink blink雙眼 通常平時用眼線膏，比起眼線液，用膏易畫好多。呢支眼線液筆身內置金屬粒，提升穩定性，畫起黎手真系穩定左，眼線畫得流暢同順左。出水量穩定而且均勻，可以輕鬆畫到俐落嘅眼尾線條。 眼線液乾得好快，乾左之後抹極都唔甩，個人覺得眼線新手要多練習，唔好趕時間用，畫錯左要卸妝咁就oh my god。系依家天氣偏炎熱同潮濕嘅環境下都keep到超過8個鐘，令人十分驚喜! 新出嘅呢支激長濃密捲翹睫毛液，一睇個名就好想試！再加上特別嘅2種梳頭設計，可以做到太陽花效果。試用後覺得呢支睫毛液系偏自然嘅，睫毛濃密同長左，捲翹持久度good。不過膏體系偏濕嘅，要注意用量。第一次用攞左太多膏體，搞到變左蟑螂腿，之後自己攞到合適份量，效果自然好多。另外如果用溫水卸，睫毛膏會變左一舊舊，好似清唔晒，我覺得用番眼唇卸妝好d 最後要試嘅系眼部專用提亮調色霜，都系第一次聽到有眼部專用提亮嘅調色霜，

收到來自@cosme的邀請，使用ettusais 極幼持色眼線液🧡 產品的色號是02，一個非常適用於日常任何妝容的咖啡色🤎這是我第一次接觸ettusais 品牌的眼線，感到超有驚喜，因為眼線筆的筆尖及眼線液非常容易拿捏，基本上手殘都能夠可以無技巧地使用🙈 另外防水功效亦都係一讚，單純用水是不能夠卸掉，非常適合香港潮濕季節使用🧡 而且這隻咖啡色調色恰到好處，充滿無害感，但又能夠提起眼部精神🧡(沖水後完好無缺）🧡🧡

首先 感謝今次嘅試用活動邀請 令我呢個油眼+手震人士有驚喜！ 枝筆設有金屬穩定器、同時係記憶筆尖 主打一個防手震 而我正正就係手震嘅手殘黨🙈十分適合 即時上妝效果：上妝7小時後：由於本人係油眼 就算用大牌嘅眼線筆都會好容易出現甩眼線嘅情況 但係竟然有一次出街7個鐘返屋企可以見到一條完整嘅眼線！（平時中間會斷開 雖然今次都係有少少甩色 但睇落都仲係好完整）同時都係第一次畫出咁對稱嘅效果😭‼️呢個絕對係就算用完都會堅定入手嘅product 整體效果： 線條流暢：🌟🌟🌟🌟/5 解決手震問題：🌟🌟🌟🌟🌟/5 不脫妝：🌟🌟🌟🌟/5

今次抽中cosme ettusais極幻持色眼線筆既試用～ 呢支超幼嘅持色眼線液真係好正～佢個記憶筆尖設計超貼心嘅，令到個筆尖穩定性up up，畫起上嚟順滑到飛起！而且可以畫到超～幼嘅眼線，完全zero開叉問題💯 雖然話比起平時用開嘅眼線筆重咗少少啦，因為後面有個金屬穩定器嘛，但係第一次用都完全hold得住！可以一氣呵成畫出條超完美嘅眼線～所以姊妹們如果係新手都唔洗驚，呢支真係super friendly嘅！ 多謝Cosme嘅使用品～

好開心收到試用品，之前一直都用開 ettusais 既彩妝，知到有新品即刻申請試用，又好好彩咁中咗，好開心！ 自己對眼偏乾，但好易山油，所以好多時都會化開變熊貓眼，咁又等我試吓係點！ 輕輕畫，條線好幼，加上有個金屬穩定器，令我晝既時候隻手更加穩定，唔會手震同出哂界！ 我呢啲手殘人，都可以輕鬆咁晝到條線，有吓我晝高咗，用手一抺又抺到，嗰吓我有少少驚會唔會好易甩呢….. 如是者我喺出完一日街返到屋企，竟然無甩，仲好靚！嘩！勁驚喜！簡單係恩物！great!

呢個牌子出嘅眼妝product真係要試真係要買。本身都已經買過好幾次ettusais 嘅眼線膠筆同睫毛膏。呢支眼線筆真好正，防水防汗，唔會化完妝過咗幾粒鐘之後散埋一舊，顏色出得超順滑，超顯色，用尖尖畫都唔會話好淺色又或者冇色。返咗成日工夜晚返到去都仲keep到。由朝頭早10點去到夜晚12點返到屋企，冇甩過色冇暈染冇脫妝，完全keep到。如果覺得本身條眼線畫得好粗，用指甲輕輕一滑就即刻變到又尖又長。 由朝頭早10點去到夜晚12點返到屋企，冇甩過色冇暈染冇脫妝，完全keep到。

感謝 @cosme 給予試用 ettusais「極幼柔滑眼線筆 02」的機會！使用約兩星期後，覺得這支眼線筆的質地和妝效都幾適合日常使用，尤其喜歡它柔滑易畫的質感。 筆芯質地很柔滑，上眼時不需要很用力就可以順著眼型描繪，觸感舒服，不會有明顯拉扯眼皮的感覺。筆芯軟硬度適中，容易控制，畫眼線時可以比較流暢地帶過眼皮。 精細度方面，筆芯夠幼，可以描繪睫毛根部和眼尾位置，線條粗幼亦容易控制。即使平時不是很擅長畫眼線，都可以逐少逐少加深，修飾眼型之餘又不容易一下子畫得太粗。 02色的顯色度很不錯，顏色自然但有足夠存在感，畫上眼後可以自然地融入整體眼妝，同時令眼睛輪廓更加突出。相比很實色的黑色眼線，妝感會柔和一些，日常使用特別方便。 持久度方面，帶妝數小時後眼線仍然維持得不錯，防水防汗表現亦令人滿意，日常活動後沒有明顯暈染或脫落。對於需要長時間帶妝的日子也很方便。 我覺得這支最適合返工、日常出街、約會或者淡妝時使用。最喜歡它的地方就是筆芯柔滑，而且很容易控制，畫出來的眼線不會太生硬，可以輕鬆打造自然、柔和又有神的眼妝。整體使用感很滿意，是一支我會願意繼續使用的日常眼線筆。

試咗ettusais呢支極幼持色眼線液一段時間，整體算幾好用。 筆尖真係好幼，畫出嚟線條幾俐落，唔易開叉。支筆有金屬穩定器，握住感覺穩啲，手震都冇之前咁嚴重，新手都相對易控制。顯色度唔錯，一劃就有色，妝感自然，唔會太實。 持久方面都幾掂，香港濕熱天氣都頂得住大半日，油眼皮都唔會即刻暈開。 不過有啲小問題就係出墨量有時偏少，畫內眼線要反覆幾次先夠色；筆尖偏硬少少，用慣軟毛嘅要適應一陣。另外因為好防水，畫錯就唔係好易即刻改，要小心啲。 總括嚟講係中上水準，適合想要幼線同持妝嘅日常用，性價比都ok，但同其他眼線產品分別唔算大，手殘黨可以考慮入手😌

感謝@cosme給予試用ettusais 極幼持色眼線液的機會。我覺得這支眼線液最大的優勢就是記憶筆尖的順滑度。筆尖滑過眼皮時不會有「卡一下」或「拖泥帶水」的感覺，初次使用也能很快進入狀態。線條整體是連貫、乾淨和幼細的，不容易出現因為筆尖回彈造成的開叉問題。只要在上眼皮做輕輕拉平、不要太用力搓揉，通常能維持一條線的流暢度。試用產品是2號色，顯色表現屬於濃黑/飽滿型，通常不太容易暈到上眼皮或下眼線區，適合日常上課上班。

Ettusais 極幼持色眼線液（色號02） 使用心得 多謝@Cosme邀請試用呢款眼線液筆！ 流暢度 筆尖算幾順滑，唔會一落筆就「卡住」或者拖到眼皮。畫嗰陣線條都保持到流暢，唔易開叉，連續畫幾筆都仲算均勻。不過如果眼周有碎粉或眼影打底太厚，筆尖會無咁順，建議畫之前輕輕印走多餘粉塵。 手感穩定度 金屬穩定器設計真係有幫助，筆身重心低咗，落筆時無咁易手震。初次使用都算容易掌握，因為筆尖極幼，唔需要好大力壓，輕輕拖就已經出色。對新手嚟講，畫內眼線或眼尾拉線都算友善，但都要少少時間適應個「太細」嘅筆尖。 精細度 筆尖好幼，可以畫到好細緻嘅線條，尤其適合畫內眼線、眼尾小勾、或者補睫毛空隙。想畫自然偽素顏眼線，呢支好啱；但如果想一筆過畫粗眼線，就要來回疊加，會無咁快。 顯色度 02號顯色度算飽滿濃郁，一畫已經好上色，唔需要反覆描好多次。顏色出嚟實淨，唔會灰灰白白，對深瞳或想眼神利落嘅人嚟講夠用。 持久度 帶妝數小時後，眼線大致保持到，唔算好易暈染。香港天氣濕熱，如果眼皮偏油，眼尾可能有少少淡，但通常唔會變熊貓眼。防摩擦表現唔錯，揉眼後會有輕微脫落，但整體算持妝。 使用情境 最適合日常

首先多謝 @cosme , 這款「極幼持色眼線液」的使用體驗非常驚豔！最讓人喜歡的是它的極佳上手度，金屬穩定器的設計能有效改善手抖，即便是初學者也能輕鬆掌握，穩定畫出俐落細緻的完美眼妝。 它的記憶筆尖極其順滑，線條流暢不開叉，搭配飽滿濃郁的顯色度，能精準勾勒出精緻眼線。持久度同樣令人滿意，帶妝數小時依然完好無損，完全沒有暈染或脫落的現象。整體而言，這是一款好用、實用且表現全能的眼線液，非常適合在任何場合與日常情境中使用！

首先要多謝 @cosme 提供試用品 💕 今次試用 ettusais 極幼持色眼線液，整體用落幾順手，尤其鍾意佢筆尖夠幼，畫出嚟嘅眼線乾淨俐落，對平時鍾意自然精緻眼妝嘅人幾啱用！ ✍🏻 流暢度 個記憶筆尖畫上眼幾順滑，出水算均勻，畫嘅時候唔會成日斷斷續續。由眼頭畫到眼尾都幾流暢，而且筆尖唔容易開叉，畫眼尾嘅時候特別好控制。 👀 手感穩定度 佢嘅金屬穩定器設計幾有驚喜，拎上手有一定穩定感，畫眼線時冇咁容易手震。就算本身唔係好擅長畫眼線，第一次用都唔會覺得太難控制，慢慢沿住睫毛根部畫已經可以畫得幾整齊。 ✨ 精細度 極幼筆尖係我幾鍾意嘅一點！可以畫到好幼、好細緻嘅線條，填補睫毛根部位置都幾方便。眼尾想拉出幼細線條都做到，唔會一落筆就畫到好粗，對新手嚟講都幾友善。 🖤 顯色度 顯色度都唔錯，輕輕畫已經有足夠色澤，唔需要來回補好多次。畫出嚟線條清晰，又唔會因為太實色而令眼妝睇落好惡，自然妝同完整眼妝都容易配搭。 ☀️ 持久度 帶妝幾個鐘之後，眼線整體都保持得幾完整，冇好明顯暈開或者甩色。對我嚟講，日常返工或者出街基本上都夠用，唔使成日擔心眼尾暈到黑晒。 💼 使用場合 我覺

ettusais眼線液筆，開架彩妝入面嘅驚喜之作。 筆頭極細，得0.1mm，畫內眼線同填睫毛空隙都精準到位，唔會畫到一撻撻。 最鍾意佢嘅防水防油力，香港潮濕天氣全日都冇暈染，到夜晚只係眼尾少少褪，持久度對得住價錢。 筆身輕巧，手感好就手，新手都易控制，畫出嚟嘅線條流暢，一筆過就均勻上色，唔會中斷。 我通常畫完等幾秒就乾透，唔會印上眼蓋。卸妝用專用卸眼液就乾淨，唔會捽到眼皮紅。 總括嚟講，性價比高，係日日化妝必備嘅眼妝好幫手，回購咗好幾次喇！😊

日本小資女品牌ettusais 定位比起Canmake會高一線，我諗大概係Midea嘅價位附近。 自己嘅眼皮狀況 🙂‍↕️屬於偏油嘅眼皮，就算用咗kissme嗰隻眼線液，啲墨水都會有染暈嘅情況，會搞到下眼位、我慚嘅位置黑鼆鼆，好污糟咁🥹 ⭐️榮獲@cosme 2025年新秀獎⭐️ 我諗佢最實至名歸嘅一點就係佢嘅持妝度；就算我呢一種油眼，都冇花到，keep住一開始畫嘅狀態成日。 佢乾嘅速度都好快，基本上一完，就已經fix咗喺度，唔需要刻意等幾耐幾耐嘅時間，去比產品變乾。呢一點對於朝早趕出門口嚟講，係有加分位🫶🏾 ettusais long lasting eyeliner 02號色 不過由於係眼線液，佢做出嚟嘅顏色線條好實色，如果係追求依家嗰種好自然嘅眼線，呢個產品就做唔到，會係好明顯人工刻畫上去嘅一條眼線😹 品牌的使用小提示⭐️ ⭐️喺使用產品之前要Chok 佢四五次，應該係等佢入邊嘅襪可以出到去嗰筆頭度用 ⭐️如果見到係冇乜顏色嘅時候，有機會係因為筆頭黐咗污糟嘢，所以可以用紙巾抹一抹，確定係真係冇色先好拋呀