二寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！

ririlily好用推薦：已回購n支 以前用過kissme/dolly wink/仲有各種各樣牌子 全部都覺得唔好用 1 day tattoo用過一排 但用過dup就返唔到轉頭🥺💕 筆頭幼細易操控 墨水量穩定 有佢號稱嘅絲滑感 眼出油/流眼水都唔會甩(除非你特登捽啦😑) 從來冇出現過甩到一粒粒嘅情況 持妝10hr都同啱啱完妝冇乜分別 畫上眼線/下睫毛都得~ 唯一唔係問題嘅問題就係 唔知點解好快用曬🤣🤣 明明唔多化妝 但都幾個月-半年就用曬一支

JOYCE好用推薦：由有記憶以嚟都係一邊眼雙眼皮一邊眼單眼皮，仲要係好厚重嘅單眼皮，黐咗膠紙、膠水廿年都未變雙眼皮⋯ 幾年前見日本美妝系Instagrammer介紹呢枝膠水，買嚟試完就好似發現新大陸，原來膠水有分黏貼式同皮膜式！效果好到用咗幾年都不斷回購。 ＊黏貼式就係將眼皮黐住，形成雙眼皮效果。搽嘅位置就要距離睫毛遠少少。 ＊皮膜式就係膠水乾咗就會有塊少少硬嘅膜去撐出雙眼皮。搽嘅位置就會比較接近睫毛。 呢隻膠水要喺完成眼妝後同夾睫毛之前用，如果夾咗睫毛就好容易搽到睫毛，就會黐住一嚿。 膠水未乾之前係白色，完全乾透就會變透明，好似做手工嘅白膠漿。雖然有少少令面，但唔需要擔心影響妝感。解決呢個令面問題，有兩個方法： ①用令面眼影。 ②乾透之後用眼影掃上面少少殘留嘅粉掃落去，可以減低令面問題。 無咁令面真係睇唔出有膠水痕跡，效果比其他黏貼式膠水同膠紙自然好多。 如果當日眼皮真係好重，單搽一層未必夠力撐出雙眼皮。呢個時候就要搽兩層，但要等第一層乾咗再搽第二層。搽兩層薄比搽一層厚嘅效果好好多。可以參考呢張相。 每一日眼嘅狀態都有少少唔同，要黐到完全對稱其實真係好難😩不過少少唔對稱嘅雙眼皮都好過一邊雙眼皮一邊單

940727.0好用推薦：之前試過好多吾同品牌嘅雙眼皮膠水，好多都吾夠痴力。最近試咗依個牌子非常好用，好快乾而且keep到一日，如果想keep得耐啲可以配合埋雙眼皮膠紙. 效果更好。

chasiutung好用推薦：D-up 超強力假眼睫毛膠水 我已經使用很多年了 非常好用 黏力極強而且防水防汗防油脂一整天假眼睫毛都黏得很牢固用卸妝水輕輕敷一陣就能輕鬆卸下 超細掃頭容易控制 它塗出來是藍色的 乾透是透明的不會有任何痕跡 而且很快乾 D-up 超強力假眼睫毛膠水使用的是醫療級黏劑不致敏也沒有令眼皮受到負擔 非常推薦俾愛黐假眼睫毛又成日會甩頭甩尾嘅朋友 價錢合理 性價比高👍👍

Kaying Yeung好用推薦：🌟回購無數次 超易上手嘅無敵膠水 呢隻膠水已經回購過無數次 · 超防水防汗：曾經使用過嘅特別場景：沙灘🏖️Camping⛺️野餐🥪船p🚢 而且我係有游水架！ . 易卸：用眼唇卸妝敷一陣輕鬆卸到 · 透明度高：膠水乾咗會變透明 但用太多會睇得出有少少透白咁 正常使用係隱形 · 快乾：等十幾秒就可以痴上眼 ·容易上手：由新手開始就係用呢隻膠水 都試過其他3-4隻 但係呢隻真係最正 亦都係容易上手嘅類型！

mush好用推薦：雙面雙眼皮貼 黏性高 防油防水 只不過 所有雙眼皮貼都會有 黏鬆眼皮 嘅問題 雙面嘅更加要注意呢個問題 橄欖型眼皮貼 適合大部分眼型 容易操作 great for advanced

killkew.b好用推薦：應該算係最好用既雙眼皮貼～ 黏力強勁，不過屬於雙面雙眼皮貼， 比較適合眼皮浮腫人仕使用，眼皮薄會比較難貼， 因為冇咁多皮膚可以雙面貼起撐成雙眼皮。 同埋新手會有少少難用，用前需要練習🤗 通常我貼完會係頭尾兩個位置上面搽少少雙眼皮膠水， 等佢黏力多少少，避免眼皮出油造成脫落👍

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

Karry好用推薦： 🔹C 形刷頭： 弧度緊貼眼形，能配合向上塗睫毛膏動作，有助提升鬈翹度🆙 🔹快速乾透： 形狀記憶蠟能瞬間定型上翹，塑造完美弧度，有即時放大明眸效果👁👁 🔹最強耐水性* ： 24 小時持久防水、防汗、防皮脂，保持睫毛鬈翹，不脫妝 🔹蘊含10 種美睫成份：維他命 B5、 水解絲蛋白、人參精華、牡丹精華等 強效加強睫毛韌性⬆️ 幫助修補受損睫毛 保濕成分有滋潤睫毛作用 令睫毛變得更健康 我最欣賞即使睫毛膏擁有超強持久度 卸妝時只要配以卸妝液即可卸去 方便快捷

choichoi好用推薦：能畫出根根分明且濃密的睫毛，沒有什麼特殊味道，是其中一款不斷回購的睫毛膏

JuneL好用推薦：雙面貼貼時要有點技巧，唔係好易貼錯位，而令雙眼皮唔明顯，初初貼上去都貼昝好穩固的，但眼油的話，好易鬆脫，所以我寧願貼單貼眼皮膠好d 及易用d 。

蝦米好用推薦：開頭岩岩貼上去會貼到好行 但時間長左可能眼出油 開始冇力 仲要見到張貼紙

choichoi好用推薦：質材比較粗硬，加上有一定「厚度」，不太舒適

MaikoAoki好用推薦：因為需要化 1940 年代妝容而買這款大眼假睫毛。 怎麼說呢⋯⋯或許該說是我買錯了。它的確有大眼效果，但看起來不大自然，尤其沒有當年荷里活女星那種奢華感。我應該買纖長而幼細的假睫毛才對。 所以不會回購。

kana好用推薦：易畫好順，但持久度不太好會溶

蝦米好用推薦：好順好易畫 啡色深色度中等 夜晚一睇成條上內眼線甩咗落下眼線 有d可怕

JuneL好用推薦：單面貼，帶肉色，貼係眼皮都貼得好穩固，如單貼在貼皮上，一眨眼就會好明顯見到，所以我會化咗眼影後才貼上，咁樣就唔會咁明顯見到眼皮貼

Pinky好用推薦：單面，聲稱隱形，但其實一眨眼就好明顯 正常社交距離肉眼可見既程度