D-UP 用家評價

真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post

作為一款主打自然放大效果的假睫毛，205款確實做到「偽素眼延伸」既感覺。毛質柔軟、纖維細緻，長度由眼頭至眼尾漸長，戴上後眼型會自然放大而不會太誇張，特別適合日常妝或上班妝使用。根部係透明梗，整體佩戴非常輕盈透明感，幾乎無存在感，對初學者十分友善。 但亦因為佢太輕太自然，對某啲人嚟講放大效果略嫌不足，如果你係鍾意「睫毛一定要有存在感」果類人，205 會略嫌無感。再者，透明梗雖然貼合度高，但重複使用次數有限，用多幾次之後膠梗容易變形，貼合度下降，甚至變得難上膠。 耐戴度方面，用正確膠水可以維持一整日無問題，但如遇流眼水／大出油會稍有浮邊情況，建議外出長時間佩戴時備一支睫毛膠。卸除時好容易，唔會拉扯真睫毛。 總括來說，205 適合追求低調精緻感的人，但唔算全能，想要誇張效果或者高重用性要考慮其他系列。 ✅ 適合眼型：中等眼型／雙眼皮／日常妝容 ⚠️ 不適合：誇張眼妝／內雙或睫毛稀疏 ⭐️自然度：★★★★★ ⭐️舒適度：★★★★☆ ⭐️放大感：★★★☆☆ ⭐️重用度：★★☆☆☆ ⭐️回購意願：★★★☆☆

大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！

呢排用緊 dup silky liquid eyeliner，係日本買嘅，又幾好用！易畫、持妝、唔易溶，但嫌佢黑色唔夠黑🥲 🤍 易畫度：4.5/5 筆頭彈性適中，畫出嚟線條流暢又精准，一筆過已經可以勾到sharp眼尾，手殘黨都易掌控！ 🤍 持妝度：4.5/5 防水防油能力唔錯～試過熱天出街幾個鐘都冇溶妝，眼尾位依然keep到利落，抵讚！ 🤍 顯色度：3/5 唯一缺點係黑色唔夠實淨～畫出嚟偏灰黑，想要濃黑效果可能要疊加多一兩層，對於鍾意銳利乾淨眼線嘅人可能覺得唔夠 🤍 持久表現：4/5 整體嚟講帶妝一日都冇暈開，卸妝時用眼唇卸妝液敷一敷就可以卸乾淨，唔會殘留～ 總結： 如果你追求自然系眼線同持久唔溶妝，dup呢支絕對係穩陣之選！但如果你想要濃黑、存在感強嘅眼線，就可能要考慮其他品牌啦～會回購，但會繼續試其他黑色更實淨嘅款式！

久違了～很久沒有玩假眼睫毛啦， 最近在家找到N年前買入的Minnie Mouse假眼睫毛，於是又再挑戰一下黏假眼睫毛。 要黏假眼睫毛當然不能缺少神隊友，就是D-UP的假眼睫毛膠水，真的十分好用，確實超強力。有了D-UP EYELASHES FIXER EX，黏假眼睫毛變得容易很多，十分推薦！

每次化妝【眼線】係唔可以缺少嘅一部分🥰 上次去日本旅行都購入咗幾款眼線筆， 其中我比較鐘意呢枝D-UP Silky Liquid Eyeliner，筆尖超幼細只有0.1 毫米 ，容易控制👍能夠輕鬆繪畫完美線條🥰顯色之餘又快乾 今次我用嘅顏色係gray cashmere， 用起嚟比黑色更柔和😍最重要防水、防汗‼️一整天都唔會化開或溶妝❣️

D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

由有記憶以嚟都係一邊眼雙眼皮一邊眼單眼皮，仲要係好厚重嘅單眼皮，黐咗膠紙、膠水廿年都未變雙眼皮⋯ 幾年前見日本美妝系Instagrammer介紹呢枝膠水，買嚟試完就好似發現新大陸，原來膠水有分黏貼式同皮膜式！效果好到用咗幾年都不斷回購。 ＊黏貼式就係將眼皮黐住，形成雙眼皮效果。搽嘅位置就要距離睫毛遠少少。 ＊皮膜式就係膠水乾咗就會有塊少少硬嘅膜去撐出雙眼皮。搽嘅位置就會比較接近睫毛。 呢隻膠水要喺完成眼妝後同夾睫毛之前用，如果夾咗睫毛就好容易搽到睫毛，就會黐住一嚿。 膠水未乾之前係白色，完全乾透就會變透明，好似做手工嘅白膠漿。雖然有少少令面，但唔需要擔心影響妝感。解決呢個令面問題，有兩個方法： ①用令面眼影。 ②乾透之後用眼影掃上面少少殘留嘅粉掃落去，可以減低令面問題。 無咁令面真係睇唔出有膠水痕跡，效果比其他黏貼式膠水同膠紙自然好多。 如果當日眼皮真係好重，單搽一層未必夠力撐出雙眼皮。呢個時候就要搽兩層，但要等第一層乾咗再搽第二層。搽兩層薄比搽一層厚嘅效果好好多。可以參考呢張相。 每一日眼嘅狀態都有少少唔同，要黐到完全對稱其實真係好難😩不過少少唔對稱嘅雙眼皮都好過一邊雙眼皮一邊單

超好用 畫出嚟好滑好順 顏色顯色度啱啱好 自然又好睇 非常容易畫上手 唔易畫錯 推介！

自從一年前開始痴假眼睫毛，呢枝Dup的眼睫毛膠水，真係唯一不斷回購的產品！呢款膠水粘合力強，持久度勁高，用左咁耐冇試過甩眼睫毛。 Dup的眼睫毛膠水有透明和黑色兩種選擇。透明膠水適合想要低調自然效果的人，而黑色膠水則能夠和眼線完美融合，增加眼妝的深邃感。兩隻都好用，適合不同場合的需求。 最重要的是，一支膠水可以用好耐，cp值勁高。 總結：超推薦！

性價比高的眼線筆❤️ 我會覺得中規中矩，各方面都表現得幾好，但無比較突出嘅記憶點！ 價錢算平，顏色亦好顯包，操作容易，好易就畫到一條實線，適合新手勾畫眼線。而且持久度不錯，用左一日只係甩左少少。應該會回購。

已回購n支 以前用過kissme/dolly wink/仲有各種各樣牌子 全部都覺得唔好用 1 day tattoo用過一排 但用過dup就返唔到轉頭🥺💕 筆頭幼細易操控 墨水量穩定 有佢號稱嘅絲滑感 眼出油/流眼水都唔會甩(除非你特登捽啦😑) 從來冇出現過甩到一粒粒嘅情況 持妝10hr都同啱啱完妝冇乜分別 畫上眼線/下睫毛都得~ 唯一唔係問題嘅問題就係 唔知點解好快用曬🤣🤣 明明唔多化妝 但都幾個月-半年就用曬一支

我手上嘅顏色係Apricot brown，比深啡色更自然。 筆頭夠尖，唔硬，易畫到幼眼線。

顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

Dup性價比十分之高，兩支我都係喺日本買，不過發現香港松本稱都幾快手，我一番香港都已經見到了。而且色系比較特別，緊貼住日本嘅潮流，所以出啲顏色都比較容易日常用到，又唔需要擔心花太多錢買一啲特別色。持久度都十分之高，尤其或眼尾優勢位置都非常之理想。