ettusais

激長濃密捲翹睫毛液

ettuis 激長濃密捲竅睫毛液 呢支個刷頭好特別，係雙面梳齒設計。一面係密齒，另一面係疏啲嘅Z字型鋸齒。 我一開始用唔慣，蘸得太多，結果刷完變咗「曱甴腳」——又結塊又厚重。後尾學精咗，喺樽口颳走多餘膏體先上，效果即刻唔同晒。 正確用法：先用密齒嗰面由根部向上梳，將睫毛拉長；再用鋸齒嗰面左右Z字向上刷，營造一束束嘅「Idol級」束感。出嚟嘅效果係自然纖長＋濃密，捲翹度好高。 捲翹持久度：潮濕天都頂得住 香港呢啲又濕又焗嘅天氣，最怕睫毛液「塌樓」。呢支有雙重持久睫毛精油配方，防水防汗防皮脂。我試過全日冇補妝，冇下垂冇溶化成熊貓眼，捲度依然喺度。 易卸程度：呢樣真係加分 好多防水睫毛液要「捽餐死」先落得到，眼周皮膚好傷。ettusais 呢支用眼唇卸妝液濕敷一陣，輕輕抹兩三次就乾淨晒，唔使狂捽。 總結：好用，但要掌握技巧 一支睫毛液搞掂纖長、濃密、捲翹，仲要持久防暈＋易卸，開架價錢嚟講CP值好高。唯一缺點係刷頭設計要花時間適應，新手容易失手。 如果妳係追求自然纖長、唔想睫毛太重下垂嘅人，呢支好值得試。但如果你想要「假眼睫毛級」嘅濃密效果，可能要疊多層或者揀其他款。 同場加

ettusais 激長濃密捲翹睫毛液用後感 感謝@Cosme邀請試用！ 刷頭設計： 官方叫呢個做「哥斯拉梳頭」，其實即係兩邊有梳齒、中間有坑紋嘅微彎刷頭。用落又真係幾貼合睫毛根部，尤其係眼頭同眼尾啲短毛，都算刷得到。不過要講「完美貼合每根睫毛」就誇張咗啲，始終每個人眼型唔同，我眼型偏圓，眼尾都要特登擰個角度先刷得好。刷頭大小適中，唔會太大搞到成眼都係，亦唔會太細要刷好耐。沾取方面，第一次攞出嚟真係有少少多膏，要喺樽口刮兩下先得，如果唔係好易結塊。用耐咗掌握到份量就冇問題。 妝感妝效： 根根分明呢點，我覺得合格嘅。佢唔會一舊舊黐埋，但如果你本身睫毛好密，刷兩層以上都會有少少糾結。不沾眼就真係做到，我油眼用咗成日，下眼瞼都冇沾到黑色。蟑螂腳？初初用唔識刮膏嗰陣試過，眼尾有兩三條黐埋一齊，似足隻腳。但掌握到技巧之後，就冇再出現。總體嚟講，妝感算乾淨自然。 濃密纖長度： 纖長效果比濃密效果明顯。我本身睫毛短，刷完真係見到長咗一截，而且係自然嗰種長，唔會似假睫毛。濃密方面，係「均勻咁多咗少少」，唔係爆炸頭嗰種濃密。想要好誇張嘅戲劇效果，呢支未必滿足到你。但日常返工返學，呢種自然放大雙眼嘅效

謝謝cosme & ettusais試用 刷起上嚟會比較貼合到唔同長度嘅睫毛；刷頭size我覺得適中唔算大到會成日碰到眼皮邊緣。至於會唔會沾取過多或者結塊——如果你取得太多咁刷，就會比較易厚同埋後尾出現啲細細結塊；但你改成薄薄咁刷多幾層就會順好多。 效果方面我覺得濃密同捲翹係有感嘅，第一眼已經見到啲睫毛變得黑同精神，想自然就一層左右，想更誇張就疊兩到三 （圖中我用左1層咋)；至於根根分明、不沾眼唔糾結大致做得到。 持久度日常用應該夠用，但防油防暈染就要睇你眼皮係咪易出油，今次我帶去出差用，去左好熱嘅地方 - 印尼同越南，過左14個鐘後都仲keep到無甩 至於卸除，溫水通常可以卸到上眼嗰部分，就會覺得溫水唔係咁清乾淨，最好都係配合卸妝產品會乾淨d謝謝@cosme 同ettusais試用～ 刷起上嚟會比較貼合到唔同長度嘅睫毛；刷頭size我覺得適中唔算大到會成日碰到眼皮邊緣。至於會唔會沾取過多或者結塊——如果你取得太多咁刷，就會比較易厚同埋後尾出現啲細細結塊；但你改成薄薄咁刷多幾層就會順好多。 效果方面我覺得濃密同捲翹係有感嘅，第一眼已經見到啲睫毛變得黑同精神，想自然就一層左右，想更誇張就

Ettusais 新出嘅激長卷翹太陽花效果睫毛液🌻 剩係得一隻黑色，佢係齒梳睫毛梳，給本身 眼睫毛不太短的女孩子👧🏻依款睫毛液係比較多方面都顧及到，亦可以做到超長濃密、斤斤分明效果。 梳形設計下眼睫毛用得比較方便，而且睫毛液濕潤到適中，掃上下眼睫毛唔會周圍甩，全日持久度好，不會熊貓眼。持久得來最方便嘅係佢可以用暖水就可以卸到眼睫毛，沖涼可以直接落妝。 #火熱新品

好開心可以試用Ettusais嘅產品，多謝@cosme同Ettusais 試用期間膚質：混合偏乾 試用期間天氣：天氣偏炎熱同潮濕 今次收到眼線液同新出嘅激長濃密捲翹睫毛液同眼部專用提亮調色霜，打做blink blink雙眼 通常平時用眼線膏，比起眼線液，用膏易畫好多。呢支眼線液筆身內置金屬粒，提升穩定性，畫起黎手真系穩定左，眼線畫得流暢同順左。出水量穩定而且均勻，可以輕鬆畫到俐落嘅眼尾線條。 眼線液乾得好快，乾左之後抹極都唔甩，個人覺得眼線新手要多練習，唔好趕時間用，畫錯左要卸妝咁就oh my god。系依家天氣偏炎熱同潮濕嘅環境下都keep到超過8個鐘，令人十分驚喜! 新出嘅呢支激長濃密捲翹睫毛液，一睇個名就好想試！再加上特別嘅2種梳頭設計，可以做到太陽花效果。試用後覺得呢支睫毛液系偏自然嘅，睫毛濃密同長左，捲翹持久度good。不過膏體系偏濕嘅，要注意用量。第一次用攞左太多膏體，搞到變左蟑螂腿，之後自己攞到合適份量，效果自然好多。另外如果用溫水卸，睫毛膏會變左一舊舊，好似清唔晒，我覺得用番眼唇卸妝好d 最後要試嘅系眼部專用提亮調色霜，都系第一次聽到有眼部專用提亮嘅調色霜，

多年ettusais睫毛膏+眼線筆忠實用家抽中試用勁開心，多謝@Cosme！ 今次新品個刷頭好特別好輕鬆一刷就刷到每條睫毛，所以好輕鬆做到太陽花睫毛效果。 果然眼睛係靈魂之窗，比佢新品個效果驚豔到，增長效果好好好明顯！ 至從鐘意左束感睫毛因為要搽好多層，平時好易卸到變熊貓眼，ettusais3D束感個支都唔易卸QAQ 但呢支超輕鬆就卸到完全冇殘留。 之前覺得3D束感個支好方便，但呢支都輕鬆做到我鐘意既束感睫毛，以後要轉買呢支！ 依然地Long Lasting 係室外行左一日街仲要來回搭左2次船又焗又濕完全冇問題！

最近試用咗ettusais呢支激長濃密捲翹睫毛液，真係好驚喜！刷頭係首創嘅哥斯拉梳頭，個名好搞笑😆，佢嘅梳距啱啱好，由根部輕輕向上一梳，每根睫毛都包到實實，完全唔會結塊，亦唔會掃到眼皮，刷頭尺寸啱啱好，好易上手！ 睫毛即刻變長變濃密，仲有自然束感，好精神。根根分明，睇落好乾淨，捲翹度超強！香港咁濕熱，最怕睫毛塌，但佢真係好掂，防水防汗防皮脂，用足成日都唔會下垂或暈染，捲度仍然夠企身。 最正係卸妝好方便，用溫水輕輕抹兩下就乾淨晒，完全唔傷睫毛。開架價錢嚟講CP值超高，一支搞掂纖長、濃密、捲翹，真係日常必備！

感謝@cosme給予試用ettusais激長濃密捲翹睫毛液的機會。整體來說，這款睫毛液的「哥斯拉梳頭」設計很特別，梳齒高度與間距的設計，我覺得是優點：刷得出分離感、貼合度不錯，刷頭大小也滿好控制；只要刮乾淨避免沾太多、不要在半乾時一直狂刷，就能降低結塊和蟑螂腳。妝感屬於自然偏明顯，持久與防暈中等偏好，卸妝時只用溫水比較難卸乾淨，還是建議補用眼唇卸妝液更好。個人認真這種睫毛液適合約會和拍照，因為它刷出來根根分明的視覺很加分，比起超厚重濃睫毛，它更像「有整理過」的乾淨感。

多謝 @cosme 邀請，這款「激長濃密捲翹睫毛液」效果見仁見智。優點在於纖長效果明顯且自然，防水防油度極佳，能持久維持捲翹，且用溫水就能輕鬆卸除。 然而，其「哥斯拉梳頭」設計相當考驗技巧，刷頭較難貼合且容易沾取過多產品，一不小心就會出現「蟑螂腳」，需要另外用睫毛梳梳開才能達到根根分明。整體妝效一般，雖然確實能拉長，但未能完美打造出理想中的漫畫級太陽花眼妝。這款產品較適合手巧、熟練睫毛彩妝的人使用，新手則不太建議嘗試。

首先要多謝 @cosme 提供試用品 💕 今次試用 ettusais 激長濃密捲翹睫毛液，試完之後整體感覺幾滿意，尤其係佢嘅纖長同捲翹效果幾有驚喜！ 👀 刷頭設計 佢嘅「哥斯拉梳頭」設計幾特別，刷頭大小啱啱好，可以幾貼近睫毛根部，就連眼頭、眼尾啲比較短嘅睫毛都照顧到。每次沾取嘅份量都幾容易控制，唔會一下子太多，只要慢慢由根部向上梳，基本上都唔太容易結塊。 ✨ 妝感 最鍾意係刷完之後睫毛做到根根分明，唔會全部黐埋一嚿，亦冇好明顯嘅「曱甴腳」情況。想效果突出啲可以再疊加多一層，睫毛依然保持到清晰分明，眼妝望落幾乾淨。 🌸 濃密＋纖長度 纖長效果係我覺得最明顯嘅地方！刷完之後睫毛即刻有存在感好多，同時亦增加到濃密感。效果唔會誇張到好假，反而係自然咁放大雙眼，日常返工用都完全冇問題。 ☀️ 持久度 捲翹度都幾持久，過咗一段時間睫毛都冇咁容易塌落嚟，而且防暈染表現唔錯。對於平時眼皮比較容易出油，又驚睫毛液搞到下眼變「熊貓眼」嘅人嚟講，呢點幾加分！ 🚿 卸除方面 卸妝亦比想像中方便，用溫水配合平時嘅卸妝程序已經可以輕鬆卸走，唔需要係咁捽眼，呢點我都幾鍾意。 🌻 整體感受 我覺

ettusais 激長濃密捲翹睫毛液 用後感 多謝@Cosme邀請試用！ 講真，我本身係油眼加短直睫毛，用過好多隻睫毛液，一係就唔夠翹，一係就下晝已經塌晒，仲要變熊貓眼。但呢支 ettusais 激長濃密捲翹睫毛液，真係有驚喜。 第一印象： 個掃頭係微彎嘅，好容易就刷到近睫毛根部，唔會拮眼。膏體唔算濕，一刷上去已經感覺到有嘢「痴」住啲睫毛，但唔會一舊舊。 效果： · 激長：真係做到纖長效果，我本身睫毛唔長，刷兩層已經明顯見到長咗，而且係自然嗰種，唔會似蜘蛛腳。 · 濃密：唔算超級濃密，但夠均勻，唔會結塊。如果想再濃啲，可以等第一層乾少少再刷第二層。 · 捲翹：呢個真係要讚。我冇用睫毛夾，就咁刷上去，個翹度都可以維持到成日。下晝三四點照鏡，都仲係翹嘅，冇塌到變直線。 · 防油防汗：我油眼嚟講，呢支算好勁。試過喺街行咗成日，流晒汗，都冇暈染，下眼瞼乾淨。不過溫水卸妝嗰陣，要敷耐少少先捽得甩，唔算好易卸，但都接受到。 缺點： · 如果本身睫毛好軟好易塌，單靠佢可能都係爭少少，建議加個打底。 · 刷頭雖然好用，但初初用要小心啲，唔好一次過攞太多膏，如果唔係都會有少少蒼蠅腳。

多謝@cosme提供試用，好開心可以試用ettusais既產品！ 以前一直都有用開ettusais既睫毛液，一直都覺得好好用，今次呢款激長濃密捲翹睫毛液刷頭輕輕一掃已經做到纖長同捲翹效果，睫毛根根分明係炎熱天氣都唔易塌。但第一次用要注意份量，唔小心用太多會搽到變曱甴腳。 眼部專用提亮調色霜質地好貼服又唔厚重，輕推已經可以均勻膚色，即刻淡化黑眼圈，之後再上眼影都更顯色。珠光色用來畫臥蠶效果自然。 極幼持色眼線液筆頭超幼細，就算手殘都可以畫到好靚既眼線，平時我用好多眼線液去到下晝就會溶，呢款全日都keep住唔會溶。

非常感謝@cosme & ettusais抽中我試用「激長濃密捲翹睫毛液」😍😍 想不到ettusais 呢款款睫毛液帶來意外驚喜！以前有用過ettusais的睫毛打底膏，對佢地嘅睫毛產品有好印象！今次呢款睫毛膏液嘅刷頭幼細能抓住每根睫毛，由根部提起，重複塗刷都冇出現結塊。濃密與纖長效果平衡得恰好，視覺上像開了柔和眼線。最驚豔嘅係捲翹持久力，出街八個鐘依舊翹挺，沒暈染成熊貓眼。眼唇卸妝液輕輕一抹就可卸呢點對懶人極度友好，不傷睫毛。若追求根根分明的自然放大效果，這支性價比極高，已成為日常妝容必備。

多謝cosme抽中試用。 試用品： 1)Mascara 2)眼影底膏 3）眼線筆 1）Mascara 掃頭外表設計有趣。未用之前expect效果係唔會曱甴腳唔會打結，根根分明因為好似mj嗰隻梳頭咁樣都係做到呢個效果。 第一次試用膏體太多所以效果太明顯唔自然🤣,但果然個設計雖然係上得太多product但都唔會 曱甴腳。之後再試用出黎效果係自然纖長。冇溶冇甩而我係混合皮膚。 2）眼影底膏 膏體 濕潤易上，也唔會令眼影cakey.用左佢都一樣有積線問題，但係的確有減低左。另外先用佢打底再上眼影，眼影顏色會更加出同明顯。佢底膏有色，都可以輕微tune倒眼皮的沉澱同顏色。 3）眼線筆 以前有用過佢既眼線，覺得色太淺，導致眼睛放大效果一般般。今次呢個色偏啡黑，係心目中理想的眼線筆色。畫內眼線都唔會化開同溶，加上佢掃頭做得好幼，好易就畫倒條好自然的眼線。佢妝效出黎都係走自然風。

再次感謝@cosme 抽中可以試用ettusais 3款眼部彩妝產品，第三款是激長濃密捲翹睫毛液！ ❣️外觀：啞色金屬外殼很精緻，而家輕盈！非常適合放化妝袋帶出街用 ❣️ 「哥斯拉梳頭」：仿哥斯拉背鰭設計的膠梳狀，掃上睫毛後不會結塊，不會沾到眼瞼，而且睫毛根根分明，有增長效果 ❣️持久度：妝後6小時仍然Keep到沒脫妝！持妝效果驚人，可能是底霜作用加乘，下眼瞼也沒沾到黑色，終於唔駛做熊貓！ ❣️卸妝難易度：平時防水防油的睫毛液要花上6、7張化妝棉加棉花棒先卸得乾淨，呢款暖水可卸除！ 用眼部卸妝液亦很左右各抹2-3次就完全乾淨！ 比起不少專櫃品牌更好用，呢款睫毛液都係我再度回購心水之選

全新春夏彩妝🌻閃耀登場‼️‼️ 謝謝@at_cosmehk 邀請試用ETTUSAIS眼部彩妝三部曲😍😍Be有幸可以試吓化今季最HIT嘅🌼激長太陽花睫毛x柔和色調x俐落眼線🌼妝容～輕鬆打造精緻亮麗大眼👀 . ettusais✨激長濃密捲翹睫毛液✨ 其首創*「哥斯拉梳頭」採用仿哥斯拉背鰭設計～配合精密計算嘅最佳梳距～而且刷頭大小剛剛好🤩只需簡單由睫毛根部向上梳～即可完美包覆睫毛而不沾眼、不結塊🤩輕鬆營造根根分明嘅束感濃密睫毛效果🫶🏻🫶🏻另外Be最鍾意其突破性「防‧卸並重」專利技術～強力定型防水(喺香港咁濕熱嘅天氣下出完成日街～都真係無暈染無塌😱😱)～同時卻以溫水即可輕鬆卸除💦(勁方便！！)

這支睫毛膏真的完美詮釋了什麼叫「空氣感濃密」！它的刷頭設計非常精巧，刷毛的間隙能精準捕捉到每一根細小的睫毛，就算是眼頭或下睫毛這種魔王等級的位置，也能輕鬆照顧到，完全不會沾染到眼皮。 質地方面，我覺得它偏向乾濕適中，刷上去後乾得很快，不會有重重的負擔感。 最讓我驚艷的是它的定型持久力。我最怕睫毛刷完沒多久就塌陷，但這款能讓睫毛維持整天的挺拔感。妝效並非那種厚重的假睫毛感，而是很自然地讓睫毛變得纖長且有存在感，根根分明完全不結塊（蟑螂腳掰掰！）。 外觀設計簡約有質感，磨砂的手感拿起來非常舒服。如果你追求的是一種「天生睫毛就這麼長」的自然濃密效果，這支絕對是化妝包裡的必備神物。

感謝@cosme提供試用，收到眼部專用提亮調色霜，眼線液同睫毛液 Ettusais最出名應該系睫毛底膏，對收到嘅呢支睫毛液好有期待，所以它就系我首先試用嘅產品。 呢支睫毛液號稱「哥斯拉梳頭」，好特別的名字，好易令人記得。產品號稱採用最佳梳距及特殊圓頭設計，完美包覆每根睫毛，均匀塗上睫毛液、不結塊，零技巧打造星級化妝師太陽花妝效，重溫水可卸除。 用落都真系做到太陽花效果，要先用闊d個邊掃左睫毛先，再用密d個邊再掃走多餘睫毛液。因為我眼部出油唔系話好多，捲曲持久度都可以keep到8個鐘以上。 至於卸妝方面，用暖水系可以卸到睫毛液，唔使再用卸妝水，真系好啱懶人🤗

ettusais 的這三款產品不錯，感謝提供試用。首先是「激長濃密捲翹睫毛液」，它的濃密效果非常出色，而且完全防水，即使經過八小時，睫毛依然能保持捲翹不塌，持久力滿分。接著是「眼部專用提亮調色霜」，雖然顯色度不高，但這反而讓它成為日常眼妝的好幫手，可以當作自然眼影使用，為眼部增添一抹清透感。不過，如果想用來畫臥蠶，效果可能就沒那麼理想了。最後是「極幼持色眼線液」，筆觸幼滑流暢，非常容易控制，即使是新手也能輕鬆勾勒出精緻眼線，而且同樣具備防水功能，整天下來都不怕暈染。整體而言，這套產品讓我的眼妝更持久自然，十分推薦！

第一次用咁特別嘅梳頭，用之前完全想像唔到佢搽出黎係咩效果😂但用完之後比想像中好，做到而家好流行嘅束感妝效👍梳頭唔會太大上眼算幾輕鬆，不過因為睫毛膏質地偏向水身，所以拎出嚟嘅份量都會偏多要慢慢整理，佢唔會乾得太快會有時間梳返整齊，唔會有結塊曱甴腳🫶另外一邊嘅正常梳頭都可以做到好根根分明嘅效果，一支睫毛膏可以做到兩種妝效幾好 同埋有樣嘢幾好就係，用完電熱睫毛器唔會溶走晒所有睫毛膏，可以保持住個濃密度 用咗八個鐘都冇化開，只有好少量嘅碎塊甩左好易處理，而家落妝容易溫水可卸，唔使特登用眼唇卸妝液