ettuis 激長濃密捲竅睫毛液 呢支個刷頭好特別，係雙面梳齒設計。一面係密齒，另一面係疏啲嘅Z字型鋸齒。 我一開始用唔慣，蘸得太多，結果刷完變咗「曱甴腳」——又結塊又厚重。後尾學精咗，喺樽口颳走多餘膏體先上，效果即刻唔同晒。 正確用法：先用密齒嗰面由根部向上梳，將睫毛拉長；再用鋸齒嗰面左右Z字向上刷，營造一束束嘅「Idol級」束感。出嚟嘅效果係自然纖長＋濃密，捲翹度好高。 捲翹持久度：潮濕天都頂得住 香港呢啲又濕又焗嘅天氣，最怕睫毛液「塌樓」。呢支有雙重持久睫毛精油配方，防水防汗防皮脂。我試過全日冇補妝，冇下垂冇溶化成熊貓眼，捲度依然喺度。 易卸程度：呢樣真係加分 好多防水睫毛液要「捽餐死」先落得到，眼周皮膚好傷。ettusais 呢支用眼唇卸妝液濕敷一陣，輕輕抹兩三次就乾淨晒，唔使狂捽。 總結：好用，但要掌握技巧 一支睫毛液搞掂纖長、濃密、捲翹，仲要持久防暈＋易卸，開架價錢嚟講CP值好高。唯一缺點係刷頭設計要花時間適應，新手容易失手。 如果妳係追求自然纖長、唔想睫毛太重下垂嘅人，呢支好值得試。但如果你想要「假眼睫毛級」嘅濃密效果，可能要疊多層或者揀其他款。 同場加
看全文>>
