CANMAKE TOKYO

金屬刷頭睫毛膏

要畫上一個完美我眼妝，睫毛膏都係好重要既一環刷到靚靚既太陽花睫毛會令成個眼妝望落去更有神 睫毛膏最怕就係一次過攞個量太多導致會有曱甴腳既情況出現，我見到哩款金屬刷睫毛膏真係忍唔住要買返黎試下個效果 有黑色同黑灰色選擇，夾完眼睫毛之後上睫毛膏係睫毛底定一陣再向上搽就會好輕易得到太陽花既睫毛，即使疊加第二、第三層都唔會有曱甴腳嘅情況出現 至於搽幾多層都好取決於你想要咩妝容，如果係平時返工想淡妝搽一層就足夠，如果想妝容完整度高d就可以搽第二、三層 重點佢係防水、防汗唔易暈染

感謝cosme 俾我做Canmake 今個秋季既新品試用！ 今次我試用咗Canmake既金屬刷睫毛膏。 呢次係我第一次使用金屬刷既睫毛膏，結果令我十分驚喜！與之前的纖維毛刷相比，這款完全冇結塊既問題。 係上妝前，我的眼睫毛有點凌亂，而這款睫毛膏輕輕一刷，獨特的輕刷頭設計有效幫我整理睫毛，每條睫毛分明而且自然地翹起，效果好出色。它更是有潤黑效果，讓眼睛看起來更加有神。 持久度方面都非常優秀，出門六小時後依然無脫妝現象，而且都冇暈妝既情況，睫毛依然保持翹曲，並有效防水防油。 呢款睫毛膏的設計小巧，非常方便攜帶，隨時可以補妝，性價比相當高！

感謝抽中我試用Canmake耀目優雅八色眼影盤（啞光系列）、Canmake金屬刷睫毛膏和Canmake高效保濕妝前底霜。想這裡向大家分享一下這3款產品。 我抽中的耀目優雅八色眼影盤（啞光系列）色號是M01。眼影的質地順滑容易上色，緊貼皮膚、而且顯色度非常高。這眼影盤是啞光色，偏向楓葉棕色系，有紅調和黃調的米棕色（8種顏色)。眼影持久度很高，不脫妝，很久沒用過一盒眼影是一整天不需要補妝的。 這次用的金屬刷睫毛膏是新色(3號)，是較柔和的灰黑色睫毛膏。質地不易結塊，防水、防皮脂狀態對我來說一般（可能是我的眼皮偏油性)。刷頭的設計方便使用，能刷到我最短、最幼小的睫毛。睫毛膏持久度高，能做到不暈染、不脫妝，而且能保持鬈翹。 我用的高效保濕妝前底霜是2號淡粉紅色，是一種能增添血色感的粉紅色（最適合我這種臉上蒼白的人)。底霜的質地輕盈不油膩，能修飾暗啞或不均的膚色，塗上臉之後，臉上的肌膚明顯變得有光澤。底箱更能令上妝前的肌膚變得較水潤，能令後續妝容更貼服。 希望我以上的分享能夠幫到跟我皮膚狀態一樣的人。^^

如果你唔追求束感睫毛，呢支係超抵嘅一支睫毛液！價錢超平，如果喺日本入手大概30蚊only～學生妹必入！ 睫毛液本體黑色半透明狀，冇纖維。金屬梳頭間距好細，可以掃到每條睫毛，都唔擔心會掂到其他位置，不過束感效果真係麻麻，冇辦法將睫毛黏成束妝。 有配合睫毛打底膏用，出街一日大概6-7個鐘就開始少少塌，個人可以接受。唔會暈到變熊貓眼，落妝時要花少少功夫（暖水卸得唔太乾淨，一定要用卸妝油！） —————— ♪ 持久度：★ ★ ★ ★ ☆ ♪ 束感效果：★ ☆ ☆ ☆ ☆ ♪ 性價比：★ ★ ★ ★ ★ ♪ 使用難度：★ ☆ ☆ ☆ ☆ —————— #火熱新品

金屬刷頭更容易刷出根根分明的效果，不易一舊舊，是纖長型的睫毛膏，隨便一刷也能快速完全眼妝，價格便宜性價比高

這款睫毛膏是我的最愛！金屬刷頭冇甘易hi到上下眼皮，膏體輕盈舒適，完全冇厚重感，持久度亦都一流！

首先多謝@cosme 選中我試用，跟住要說聲對不起，遲交試用文，因為試用品寄到時人不在港。　試用後趕快分享使用心得。我收到的是3號色 sweet black。比一般黑色淡又來得自然，沒有增長或濃密效果。十分適合現時流行的偽素顏妝容。呢支個「掃」係金屬頭。所以每次取出的量唔會好多。需要疊加上去才漸漸見到顏色。大概要加到第三層才開始顯色。顏色持久耐用，防水（少雨）。塗抹時我會Zig Zag咁左右移動刷頭令眼睫毛更上色,在第三層時會將睫毛輕輕向上推，型造自然卷曲的效果（不用睫毛夾）。乾透後基本上可以keep足一日。 皮脂對佢亦沒有太大影響、夜晚回家也沒有化或者溶掉嘅蹟象。 呢支絕對係新手的好幫手、價錢又實惠，十分推介。

多謝@cosme 抽中我試用Canmake秋季彩妝新品🍂🧡 試用產品：金屬刷睫毛膏 Canmake呢款金屬刷睫毛膏前係聽完朋友介紹已經想買支，點知去勁多地方都冇晒貨TT今次趁Canmake試用終於可以試吓🥹 收到嘅係秋季新出嘅03色號灰黑色，比黑色更加自然，刷完會似天生嘅眼睫毛🩶呢款睫毛膏好特別刷頭係金屬刷，比起普通刷頭更加容易控制，新手都可以放膽試用！而且用完之後眼睫毛根根分明，望落唔太誇張，好適合日常使用！防水防汗效果都唔錯，實測睇戲喊完都冇甩妝，keep到啱啱上妝嘅送鬈翹度😂🙈 用完會繼續回購😚

這款睫毛膏是現在很流行，在大多數藥妝店也售罄。因此多謝@cosme 俾機會我試用canmake的產品😍😍今次試用嘅係： Canmake金屬刷睫毛膏 03 Sweet Black打開見到刷頭細小容易使用。睫毛膏刷頭細緻易上手，使用後睫毛不易結塊，用後自然。在户外一整天有輕微脱妝，但防水和防汗也ok，稍微能保持鬈翹。價錢合理，推薦給化妝新手🔆🔆🔆

金屬刷睫毛膏 - 02(啡色) * 外觀小巧，方便攜帶 * 刷頭的梳好細 * 塗後無結塊 * 自然 睫毛膏我最怕就係搽完變一舊舊仲要搵睫毛刷刷返順，但呢枝Canmake嘅金屬刷睫毛膏真係冇結塊，好方便，一搽上去係好自然咁微翹👍🏻另外因為佢刷頭好細，搽上去好易handle，而且啲細細嘅眉毛都能夠搽得到，絕對係新手恩物😝 圖入面係塗2次嘅效果，顯色得黎唔會好刻意。顏色自然，就算平日返工都唔怕太誇張。不過有一點要留意，如果好似我咁本身睫毛、眉毛、頭髮比較黑，可以揀黑色，因為呢隻啡色會偏淡偏柔和🤭 同埋成枝睫毛膏好迷你，好可愛，而家成日都帶埋出街補妝勁方便😆

之前買咗好幾支 canmake 嘅睫毛液，真係好好用，見出新款金屬刷頭，就買咗啡色嚟試，睫毛液管身比以往出嘅短身咗，更加的骰，金屬刷頭非常幼身，可以好精確掃到睫毛根部，輕鬆掃埋下眼睫毛，同埋我發現金屬刷頭好處係一次唔會沾上太多睫毛液，避免重複搽睫毛時結塊，至於上色方面，唔知係咪本身睫毛太黑，其實唔係好見到睫毛有啡色 #火熱新品

呢支金屬刷頭油性睫毛膏主打係可以營造到一束束睫毛嘅效果，呢個效果暫時唔太覺，可能純粹個人化眼妝技術唔好😛 但係佢超細直徑嘅刷頭，可以好輕鬆咁掃到內眼角同外眼角嘅睫毛，呢樣真係超好，比較適合單眼皮或者內雙眼皮嘅朋友，大讚呀呢個點！ 捲翹都ok ge, 防水防汗，冇暈染，整體效果唔錯 但唔會做到濃密同纖長 haha #火熱新品

*03灰黑色* 少見嘅金屬頭睫毛膏，刷頭偏幼細，可以精準咁搽上睫毛，非常適合新手使用，唔會論盡。 搽出嚟唔會結塊，有根根分明嘅效果，如果想追求自然感覺可以搽一至兩層，不過如果你係追求濃密纖長，就未必太適合，因為佢冇纖維係入面 注意捲曉度唔算高，要夾好先搽 帶妝8小時，有經微甩，不過唔會整到污糟，掃一掃就冇。 細細支，方便攜帶，適合日常使用

產品由@cosme抽中得取，P2 before & P3 after，呢個睫毛膏刷頭非常細，唔會揩到眼皮眼底係幾好，佢本身係冇任何纖維，使用之後眼睫毛係有變到一束束同有少許纖長效果，但如果你係追求濃密型嘅話就唔使考慮，夏天使用未見有任何用溶嘅情況。

呢款睫毛液細細支，攜帶出街用10分方便, 佢刷頭可以好平均咁掃每一根睫毛，效果根根分明纖長自然，而且佢嘅防水功效都唔錯，返工成日都冇溶妝，啱晒最近落雨潮濕嘅香港天氣用