CANMAKE TOKYO

完美幻變眼影

賣點：附小鏡、附眉粉眉掃、有教學圖示新手友好、粉質細緻 首先要力讚吓呢盒眼影嘅配置先： 附小鏡：出街想補妝唔需要擔心唔記得帶小鏡，眼影盒入面已經有了。 附眉粉眉掃：其中一隻眼色係眉妝用，附上嘅小掃一邊係眼影掃，另一邊係眉掃，眼妝同眉妝可以一盒搞掂，非常貼心！ 有教學圖示：新手使用唔需要擔心唔知邊隻色搽喺咩位置，眼影盒背面有教學圖示，一睇就明，絕對新手友好！ 入手呢盒08色號，啡紅色調，佢係霧面眼影、零閃粉。粉質以開架品牌嚟講算幾細緻，冇飛粉問題，上妝非常貼服。配色容易carry日常使用絕對冇問題，右上格偏粉紅嘅主調帶日系感覺，絕對係化妝袋入面必備嘅一盒百搭眼影！

Canmake完美幻變眼影真心係平靚正之選！🤎 一盒有齊5隻色，由淺到深嘅同色系啡調，點襯都唔會出事，絕對係我嘅無限回購第一名！👑 化妝新手最怕嘅配色問題，Canmake直頭喺盒背印埋教學，跟住搽就搞掂，真係手殘都識化！😭 而且佢配色係大地色系唔會太浮誇，無論返工、返學定約會都得。趕時間用手指捽兩捽已經化到個自然妝！除咗眼影，仲可以當眉粉同眼線用，成個妝容色調超和諧，帶一盒出街就搞掂晒！ 粉質幼滑顯色度啱啱好。粉質好幼細貼服，顯色度中等，新手唔怕一下變熊貓眼，慢慢疊加到滿意為止。呢款幾乎全霧面設計，冇bling bling閃粉，對內雙或腫眼皮超友好，搽完對眼即刻立體晒！ 呢盤性價比極高，價錢親民，細細盒又方便補妝，持久度唔錯，大夏天8個鐘都冇問題。真心誠意推薦俾所有想搵盤唔洗用腦、點襯都靚嘅眼影嘅朋友，Canmake完美幻變眼影絕對唔會令你失望！🥰

之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調

講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！

CANMAKE完美幻變眼影質地細滑輕薄，幻變珠光同啞光色澤自然豐富，容易疊加又顯色，日常眼妝可打造唔同感覺。 持久度佳，唔易脫妝或卡紋，無刺激無粉塵飛，快速上妝都柔和有層次，性價比超高！

新手時期一定會入手嘅東西😂又平又好用 啲色好百搭，咩場合都用到，唔會閃，日常返工用都好適合 而且顯色度唔係太高，要疊加幾次先會明顯😗唔怕畫錯放膽啲都得🤣我自己好鍾意

又要讚頌吓CANMAKE呢個開架品牌！前一排品牌做40週年慶典優惠，呢款眼影買一送一，除開＄46就有一盒，真係平到唔知講咩好！ 但平唔代表質素唔好，相反，呢款眼影真係大推！基本上每個色號嘅配色都非常容易襯，都幾肯定隻隻色都可以用到見底……XD 呢盒係08色號，有兩格係偏粉/啡紅色調，帶少少甜美感。眼影背面已經好貼心有晒圖解教學，邊隻色，用手指或者掃上眼嘅邊個位置，化妝新手都極容易掌握。 呢款眼影係霧面質感，冇出現飛粉情況，非常貼服，而眼妝都可以keep到大半日，就算需要補妝都唔驚，呢盒眼影入面有一面小鏡，極方便補妝用。另一個detail位就係佢會幫你襯埋眉妝嘅顏色，令整個眼妝保持一致、和諧感。其中一格可以作為眉粉，附送嘅掃，一邊係眼影海綿掃，另一邊就用嚟上眉粉嘅，真係非常貼心。 ＄46一盒嘅眼影，有咁多仔細位值得讚，喺我嘅美妝list入面，絕對值得拎到開架眼影產品嘅第一位！

日系眼影大部份都是珠光帶閃粉，少見啞色眼影，但其實在國民開架品牌 Canmake 就已經找得到！眼影盒細小輕巧，內附雙頭眼影棉棒，一邊用作上眼影，另一邊上眉粉。05 號色由五種由淺至深的棕色組成，粉質觸感細滑，顯色度適中，適合新手慢慢疊加或日常妝容。 眼影盒背部已經列明基本用法，由上排左起： A：用手指上打底部份 B：用眼影棒上整體眼影 C：用眼影棒增加漸層效果 D：用斜邊掃畫眉 E：用眼影棒的頂端把深色少量疊加在重點部份 一盒就可以畫完眼影和眉毛，很方便之餘亦可以確保整體妝容色系一致。雖然是平價開架品牌，但做好基本妝打底基本上不會有結塊或卡在眼褶線的問題，一天下來依然能維持七八成，不會融合成眼底污漬。對於追求性價比高及快速完成日常百搭眼妝，非常值得無限回購。

作為混合肌嘅我，CANMAKE呢盒眼影真係平靚正之選！啲大地色調超百搭，朝早趕返工用手指捽兩捽就化到個自然妝。 最鍾意左上角嗰格霧面打底色，消腫效果一流，即刻令對眼冇咁浮腫。左下角磚紅色加深眼尾又唔會太誇張，落班去街飲嘢都夠用。粉質算幼細，壓得實唔會飛粉 雖然顯色度中等，但反而適合化妝新手，唔怕失手變熊貓眼。以咁嘅價錢嚟講，呢盒開架眼妝性價比真係好高

今次係05色號，大地色系，一搽很顯色，無色差，無閃粉既眼影，日常很常用到，Canmake 既眼影都好輕身同有刷具，好方便旅行出門

我用嘅係08 隻色好靚 仲好多用途 可以畫臥蠶同畫眉 佢細細盒仲可以帶出街補妝 不過佢個化妝掃就麻麻哋 建議用自己嘅掃

一盒就有曬5隻色，D色好易carry！我用既係03號，新手都好岩用唔驚中伏。顯色度ok，而且價錢平，性價比好高💕

完美幻變眼影 #05 由舊版用到新版，呢盒canmake眼影一直都有留係我嘅化妝袋～ 05色相對比較穩陣嘅大地色，5隻色霧面色都可以輕鬆配搭。睇返盒後面嘅小教學，呢一盒5色眼影其實係包括埋眉粉同眼線，懶人/新手超級friendly 👌🏻👌🏻👌🏻 新版入面嘅眼影棒亦都有改良，一邊係海綿頭而另一邊就改良變咗斜角掃，

多謝@cosme！canmake既眼影價錢好平，眼影無閃粉適合淡妝用，內附一支細眼影掃方便出街旅行用，眼影後面說明有教可以點用，方便新手。

整體顏色都是很好看的配搭，個人喜歡08 09號色的那盒，適合淡妝時使用，因為真的不是很顯色。對於平時喜歡較濃妝的人來說不是很適合，顯色度實在太低了。

粉質唔錯，顏色偏橘，深色部分可加深眼線，非常上色而且持妝唔錯，但係唔小心太重手容易顯腫。適合日常妝，上色快捷方便。

粉質好細緻綿密，唔太飛粉，05顯色度偏高，好啱黃皮/健康膚色， 可以令到眼妝好出。

眼影細細盒好方便帶出街，而且好細心入邊仲有塊小鏡仔同埋一支掃，出嚟嘅顏色唔會超顯色，但都夠日常用，08好靚，仲可以用嚟畫眉同埋淚袋

呢盒Canmake眼影係5號色，入面啲色全部都好實用。佢仲附送一個迷你眼影掃，打開盒眼影之後有好細塊鏡仔，好適合拎出街補妝用。

眼影膠盒包裝方便旅行攜帶， 05 warm tone啡色，顏色組合由淺色highlight去到深色畫眼線也 適用 ，持妝大概七至八小時 ，妝感偏自然透薄。