日本眼影 推薦好用產品

布吶吶好用推薦：今次同大家分享我嘅新寵——日本Excel四色眼影盤SR04！✨ 真係要講句：呢盤簡直係我嘅「本命眼影」！作為每日返工必備嘅裸色系，佢嘅溫柔感真係驚艷到我啊～每個顏色都靚到「絕絕子」，點搽都唔會出錯！ 我前排成日見到人推，忍唔住手即刻入手🤭 用落真心覺得太方便！粉質細滑到呢～連手指都可以輕鬆暈染開，趕時間嘅朝早真係救星！懶人同新手必備！ 整體色系：暖調裸米色系，帶極細微嘅粉調，偏向「日常氣質型」 1. 左上角（A）： 啞光米白色 · 近乎膚色嘅淺米白，主要用作打底均勻眼皮色，或者提亮眉骨。粉質非常薄透。 2. 右上角（B）： 緞光淺膚棕色 · 帶極細微珠光嘅暖調淺棕，係全盤最常用嘅「主色」。上眼自然加深輪廓，有微微光澤感。 3. 左下角（C）： 微閃深棕色 · 帶少少金閃嘅暖深棕，適合暈染眼尾或當眼線色。閃片極細，唔會誇張。 4. 右下角（D）： 細緻香檳珠光色 · 低調嘅香檳金閃片，濕潤感強。點綴眼皮中央或眼頭，增加立體感。 粉質特點： 1. 絲滑軟糯似「牛油」 · 摸上去係一種 濕潤又綿密 嘅觸感，完全唔飛粉。日系開架中少見嘅高級粉質。 2. 顯色度恰到好處 · 屬於 中度顯色

Fng好用推薦：日本開架王者Excel 4格眼影一直係OL同學生黨最愛，號稱「平價版Lunasol」，主打「零技巧都能畫出日系透明感眼妝」！我買咗SR06，暖調玫瑰棕，熱賣色。 我上妝無打底直接上，手指+附送海綿棒 。 💟優點: 粉質軟糯似專櫃，摸上手似「濕粉」咁順滑，完全唔飛粉。日系清透光澤，最淺格嘅珠光超細緻，唔會閃到盲，偽素顏心機妝首選！ 冷氣房8小時冇積線，出街2小時微微溶妝但冇變熊貓眼。趕時間用手指亂抹都均勻，深色格畫眼線仲唔甩色，懶人恩物～ ❌ 缺點:顯色度偏自然，想要歐美cut crease效果會唔夠力，要重複疊擦3-4層先明顯。 深色格較乾，最深色格粉質冇其他3格咁軟，乾肌用可能少少卡雙眼皮摺。 🌞 香港夏天適用度 - 混合肌：直接上妝已夠用，持久度合格！ - 油眼皮：一定要打底，否則半日後漸消失 📢 總結 Excel 4格眼影絕對係「開架價錢，專櫃質感」！尤其適合香港夏天追求快速+自然妝效嘅女生。雖然油眼皮要打底，但整體性價比超高，難怪長期霸佔cosme排行榜！ 開架中無敵手！真係平靚正～ #日系眼影

Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

jhope0725好用推薦：Canmake 嘅眼影買過好多次，不過當中都係最喜歡呢款好似梳乎厘質地嘅眼影系列！ 最欣賞係佢嘅產品質地。我覺得佢同眼影膏非常接近，又似眼影霜咁，摸落好滑好幼好易推，帶輕柔感、同時用少少已經非常顯色！有點兒出乎意料，開架品牌可以做到咁高質素嘅效果，甚至可以媲美尊貴嘅眼影霜呢！  而且由於佢嘅質地似膏狀，同眼睛嘅貼合都好高，唔會好容易飛粉，搞到成個妝容花晒。另外由於皮膚有體溫，好容易將眼影融為一體，唔需要用眼影掃來回掃都可以好柔和！淨用手指都blend到，去旅行就最方便~帶少d工具都ok 圖中使用嘅係02號色號~ 呢盒眼影嘅持久度亦都非常唔錯，相信都係由於產品質地透薄，唔需要用好多層都已經顯色，所以冇咁容易出現眼影粉堆積嘅情況。化完妝後五至6小時都可以維持到妝容效果不變。 一盒配色齊全，有齊光影、主色調同陰影顏色，深淺顏色配搭相當明顯。眼底臥蠶、眼眉加深輪廓都做到晒。 尤其是係眼尾嘅陰影顏色，我特別喜歡，因為小麥色肌膚就係要透過眼尾加深顏色，拉遠眼嘅距離同埋突顯眼部輪廓！心水造型容易Get ！ 不過盒中冇附帶鏡子，如果要帶出街補妝嘅朋友就要留意了~

Emily Leung好用推薦：被低估了的canmake舒芙蕾四色眼影盘 感覺canmake的五色眼影盤一直很火，四色舒芙蕾就無人人問津，其實這盤的實力完全是被低估了！ 日系眼影我覺得最絕的地方就是即便是全珠光色也能做到不顯腫，以及一如既往的粉質絲滑好暈染。 這盤上眼真的有點驚艷的感覺，首先是配色，真的超級實用不雞肋，尤其是我還很愛略帶一點紫色調的眼影。 這盤最值得我拿出來說的是粉質，如果不看包裝我可能會以為我在用大牌，取粉的感覺和上眼的妝效真的太像了。說它是大牌眼影粉質平替我覺得完全ok！

mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調

Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！

Emily Leung好用推薦：Addiction 單色眼影 #004SP ｜ 必入嘅「神仙閃片」！閃得好高級，一搽對眼即刻有靈魂。 顏色： · 係隻 「香檳金色」，即係好靚嘅淺金色。 · 唔係大塊膠片閃，係超密超細嘅 「碎鑽閃」，光一照好似濕濕哋，好立體！ 不同用法： 1. 眼中提亮：搽少少喺眼皮中間，成個妝即刻貴價晒。 2. 眼頭／臥蠶：點落眼頭同臥蠶，對眼即刻大咗又精靈。 3. 單搽：求其搽一層都好靚，好似對眼自己識發光。 優點： · 粉夠幼，唔會飛到成塊面都係。 · 百搭，襯咩眼影色都得。 如果你只想買一隻貴價閃片色，呢隻 #004SP 絕對唔會買錯，一用就會明點解咁多人讚！

Fng好用推薦：喺官方網站買咗兩隻色，一隻暖色調，偏橙色，另一隻 冷色調，偏紫色。兩粒眼影都好順滑好貼服，冇飛粉情況，同埋係細細的閃，好細緻， 用手指上妝 持久度特別好。

Emily Leung好用推薦：Excel Sr03真是神一樣的眼影盤 怎麼做到盤面看起來寡淡無聊但是塗在眼睛上這麼有神采的… 不得不承認日系做這種珠光濕潤感真的有一套。整盤都是珠光色，妙就妙在，它的珠光細到類似於緞光粉質又足夠軟糯。所以成功避開了大珠光會造成的腫脹感，兩塊深色還能幫忙自然消一下腫。 配色是日系盤一貫堅持的清淡，妝感看起來清透溫柔，很顯眼睛神采。整盤是中性大地色，不暖不冷，勝在不挑人，單眼皮雙眼皮都能用！ sr03 就是為通勤而生的盤子！主打不出錯+不費事 對於新手來說不用動腦研究配色，不需要厲害的手法 甚至不用刷子，手指 or 自帶的海綿棒都能搞定！

auntiemuscle好用推薦：大推excel呢盒眼影 呢盒cx05(推出之前一路私心想買cx04因為鐘意綠色）同埋之前做左color test我係岩autumn啞我就試下呢個tone晚眼影😀 雖然佢價格比其他開架高少少 但絕對性價比高 眼影粉好滑 唔飛粉 想透薄啲就用掃上 想實啲顯色啲就用掃疊/印上去 同埋好多日系都透明感重 響我呢啲「小麥肌？」就唔係好顯色同埋冇妝感 佢左上第一格都唔會顯腫（當然唔好搽到上眼窩） 反而覺得有啲元氣 鐘意佢右上同左下格閃 有啲偏光 chrome 啡色果格佢係啞色有少少光 做眼線我嫌佢唔夠色 但疊眼線上面做過度色就好靚岩岩好 個啡係少少偏藕色 同埋！keep到全日冇溶！

lingbb好用推薦：- beige beige01係經典通勤大地色，無論包裝定內涵都非常精緻。閃亮鏡面包裝非常有質感，眼影質地很細緻，上起來都相當服貼，持妝度去到夜晚都係完整 - 屬走低調溫暖的氣質路線 - 左上米金色嘅珠光可同膚色融合，滲出好靚嘅光澤度，唔會飛粉 - 右上溫暖米金色＆左下暖駝色都屬淡低調眼影，冇明顯的亮片卻帶有細緻低調的珠光光澤感 - 右下眼線色係溫暖咖啡金色，深色裡帶有比較明顯金色亮粉 - 呢種淡雅的米色還是較適合偏白膚色嘅人，有氣質感，一般場合都相當實用，出錯率低！推薦！

Rachel Hui好用推薦：Lunasol 4色眼影EX03使用感非常好，顯色度高，一抹上色，粉質細膩柔滑，貼服度佳，不易卡紋。閃粉特別明顯，在燈光下尤其亮眼，適合打造華麗妝效，十分推薦！

Kura好用推薦：人生必買嘅開價品牌眼影，呢款單色眼影帶去旅行最啱，閃粉唔會好誇張，顯色飽和度高，搽上眼非常靚，同埋完全唔會飛粉，價錢非常吸引，係非常值得一試嘅開價眼影 #夏天 @cosme #開價眼影

rabbit_red好用推薦：一直很喜歡閃閃的眼影，這款是象牙白色，我喜歡用來當base來提亮整個眼窩，然後再疊加其他顏色的眼影，它不會很白，但有提亮作用，性價比高，包裝也很夢幻精美呢，特別喜歡當中的月亮標誌！

KDing好用推薦：岩岩一開始上妝個妝效好靚 閃令令 但係過多幾個鐘之後 d閃粉就好快甩曬

Blueblueblue好用推薦：好多地方都有設開架櫃，十分容易買到。 閃粉幾大粒，跌到眼肚到都有。

Emily Leung好用推薦： ～Ettusais艾杜紗雙色眼影02～浪漫氛圍感粉棕色 超級漂亮的粉棕色眼影，兩個顏色就可以畫一個完整的眼妝！ 顏色淡淡的，不會顯髒，新手也不怕下手重了！ 粉質很軟糯，不飛粉，是那種絲絨質地，很好暈染，也非常完美地體現了日系眼影融膚度高的特點！ 左邊珠光色，帶閃顏色軟軟糯糯，有點濕濕的感覺 👉🏻用來打底 右邊稍微硬一點，但是絲絨感也很棒，不會飛粉 👉🏻上下眼尾慢慢暈染開 簡單易畫、都不用刷子，手指頭就搞定了。真是適合我等又懶又手殘的人。 真的太喜歡啦～總之就是買不了吃虧買不了上當！哈哈哈～

Suki好用推薦：Ettusais 深邃雙色眼影 4 號色本來對佢簡約嘅設計同柔和嘅色調抱住好大期望，用嚟化日系妝容，但用落之後真係有啲失望，特別係粉質同顏色表現，都冇達到預期。 首先，佢嘅粉質實在太易碎，輕輕用刷或者手指取粉時，粉末就成堆飛出嚟，唔單止令眼影盒入面變得好污糟，仲會掉喺手上或者化妝枱度，清理起上嚟幾麻煩。如果唔小心用力過大，仲會令成個眼影盤睇落殘破不堪，對於鍾意乾淨整潔包裝嘅人嚟講，真係扣分。 至於顏色方面，4 號色嘅配色偏暗，雖然想打造深邃眼妝，但實際上顯色度一般，喺眼皮上效果唔夠鮮明，仲有啲偏灰，化完之後睇落好似污糟咁，完全冇提亮或者修飾眼神嘅效果。即使試過疊加幾次，都未能解決呢個問題，反而越疊越覺得厚重，好難操作。

Emily Leung好用推薦：Visee眼影｜輕柔奢華，打造去重感混血大眼 可以一次上手的OR-4珊瑚橘色， 輕柔的粉質，雖然是暖調但不腫眼皮， 中間打底色視覺擴張下垂變窄的雙眼皮， 亮片很輕，疊加後很有意思， 在社交距離下看是星星點點的心機閃， 粉質留色持久不氧化， 提升元氣+自帶好感的眼妝就選這盤。

Kura好用推薦：好溫柔嘅眼影顏色，粉質非常細膩，搽上眼可以非常完美修飾我嘅眼型嘅缺點，顯色度高，令到整體嘅妝感都非常立體，非常靚，同埋包裝外型細細盒方便帶去旅行，係新品眼影嘅必選單品 @cosme #眼影 #新品 #眼影 #新品

YYeman好用推薦：令你用到鐵皮嘅平價好用眼影Visee😍 之前睇cosme大賞推薦，買咗Visee嘅蕾絲眼影盤，真係好用到爆。之後每次去日本、台灣、香港都會去藥妝店掃Visee，又平又正！而家Visee開咗旗艦店，我仲入埋Visee羽毛四色眼影BE-1，一樣係cosme大賞推薦，一樣咁好使～ Visee嘅眼影粉質都幾幼細，唔會飛粉，好易上妝，呢盤都唔例外，而且跟埋眼影棒，帶出街補妝都好方便。另外，Visee嘅眼影都會加透明質酸呢類美容成分，所以用落會覺得好貼服，持久度都唔錯。 呢4隻色配搭都好實用，最淺色可以大範圍打底，淺啡色就用嚟暈染，大地色可以用嚟調整眼形，例如眼距闊嘅人可以將深色擺前面（前移畫法）；相反眼距窄嘅人就將深色擺後面。最深嘅啡色可以用嚟畫眼線，咁樣畫出嚟嘅眼線會自然啲，好適合日常返工用。

LorraineTsung好用推薦：羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

Kmggigi好用推薦：Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

Verna好用推薦：我很喜歡bling bling的小物和美妝品，所以當我見到這款眼影液時，立即😍😍😍 急不及待要試試 這款眼影液用法很簡單，只需點在想highlight的地方，我通常會點在眼瞼中間，然後掃均勻就可以，但我總覺得我用手指稍為印開少少的效果比較好😝 所以操作上真的很容易，就算是新手也容易上手 這款眼影液有閃粉，也有閃片，我覺得它閃爍的程度剛剛好，也很美，是屬於不經意的閃，而且當它乾了就不容易掉甩 #火熱新品

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Cherrie好用推薦：集打底、眼影、眼線一身 唔使三分鐘就化到一個眼妝 非常方便易用 已經用咗好多年

iliya 好用推薦：一盒有齊底霜、眼影、眼線，而且塊鏡好大塊，非常方便攜帶出街補妝！

Fng好用推薦：身為混合偏乾肌嘅人，夏天化妝最怕眼影積線、溶妝或者顯乾紋。最近試咗Decorté嘅慕絲眼影（色號#25M），呢隻帶微微珠光嘅玫瑰棕調，號稱質地輕盈、貼服度高， 所以買嚟試下！ 質地 & 上眼感受 慕絲質地：一摸係軟滑嘅cream狀，但推開後會變粉狀，好得意！手指或掃都上到，不過建議用手指按壓更貼服。 - 延展性：幾順滑，但乾得算快，要快手暈染。 - 滋潤度：對我嘅偏乾眼皮嚟講，冇卡紋，亦唔會令眼周繃緊，但建議打底前做好保濕（尤其冷氣房長待）。 持久度 x 香港夏天 抗汗度：朝早化完出街，中午行到出油出汗，眼影冇明顯溶，但珠光位會減淡少少。 積線問題：冇用primer嘅情況下，6小時後眼摺位有輕微積線，但唔明顯，用primer應該更好。 色調 & 妝效 #25M 色號：低調嘅玫瑰棕，帶細緻金閃，日光下好氣質，Office lady或日常都啱用。 顯色度：屬自然系，一層偏透薄，疊兩層先顯色，適合鍾意偽素顏或淡妝嘅人。 ✅ 優點 - 質地輕薄，混合肌夏天用無負擔 - 珠光細膩，顯高級感 - 方便攜帶，手指上妝快靚正 ❌ 缺點 - 大油

Fion好用推薦：雖然本身都鍾意Decorte呢個品牌但eyes product 真係第一次買，呢粒mousse eye shadow有驚喜！！ 我買22M係拎嚟當eyeshadow base用，唔難blend而且有消腫效果(視乎個人膚色)，已經決定會去買多幾粒！😁 同時要讚一讚佢支lip coat，真係keep到色之餘仲有輕微光澤效果，好建議配合matte lipstick一齊用👍🏻

poonpoon好用推薦：購自cosme既日本開架眼影盤💕 Fujiko 淡彩眼影盤 01色 😉設計：奶粉色盒子，好可愛。入面配一支迷李掃，細細盒好方便 🤗質地：粉質好細好軟糯，粉質唔會好乾身，亦都唔會飛粉。日系眼影盤最方便就係粉質可以直接用手指掃，黏度啱啱好，幾秒鐘時間已經可以完成眼影妝容👍🏻 😊用後感：每一隻色都可以用到，而且2隻隻色配搭已經可以做唔同嘅深淺，eg偏酒紅、偏橙嘅眼妝。完全係都可以一盒眼影做到，就連畫埋下眼影都冇問題，唔會過分深色。同時顏色冇偏差，掃上眼窩完全就係盒上面嘅顏色。我圖片中嘅顏色淨係掃咗一層，就已經做到好實色。 😛總結：性價比高。沒廢色既開架日本牌子眼影盤，一盒眼影盤係可以用到鐵皮，值得入手！ 我冇用過盒入邊配嘅掃，反而用棉頭或者用手指已經上得好實色，雖然係開架牌子，但係粉質確實好，不會飛粉，更勝canmake! 🫢tips:建議可先上一層眼底膏再上粉狀眼影，成個妝容可以持妝。

Emily Leung好用推薦：呢盒日系眼影，色號02 配色溫柔，好有春日感覺。 粉質有啲鬆，輕輕咁有少少飛粉。 個顏色配搭好有日本雜誌feel，薄薄上一層真係有日雜嗰種氛圍。黃黃地、粉粉哋，簡單得嚟幾舒服。 如果想整啲層次感都可以，就要落手重少少，疊多幾層，效果就會有啲韓系感覺。 成盒眼影都係偏清淡，春夏時候幾好易襯。

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

maylam好用推薦：限定眼影盤101號 冬響 之前喺日本揾咗好耐先買到 係比較成熟冷艷嘅偏紫色調 日系眼影中比較少呢種色系 眼影盤連埋highlighter 顏色配搭得好靚 但其實我覺得有少少難carry 不過收藏角度都好值得入手

Viff好用推薦：好靚的眼影，好顯色，但係又有透明感。 雲石嘅highlight亦可以用喺胭脂上面，實用性很高。

L好用推薦：喺松本清買，$80，顏色百搭，粉質順滑，持久到尚算唔錯，顏色清透自然，可以買來練下手。

Sccan好用推薦：日本眼影盤大多係珠光同閃粉，內雙眼皮嘅我就真係唔太岩用，Visée 新推出嘅4色柔霧眼影，5個色號都偏冷帶灰感的色調，我揀左PK-4，粉得黎又偏冷酷，有齊打底色米色、灰啡色，主打色紫啡、棗紅色，可以用廣告推介嘅「Z」咁mix黎搽，整體顏色非常配合秋冬，可甜可咸又有深邃感的個性眼妝 色號：PK-4 Dusty Pink 柔和煙燻粉 效果：透明感十足，色彩柔和不浮誇，日常通勤都合適，持久度正常 質地：粉質細滑，易推，不卡粉不飛粉 缺點：色調偏冷帶灰感，不適合黃皮；保持透明感所以顯色度不高，想深色啲要重手啲 #平價彩妝